ایمز ٹی وی(اسلام آباد) میئر اسلام آبادو چیئرمین سی ڈی اے شیخ انصر عزیز نے کہا ہے کہ سی ڈی اے ہسپتال میں علاج معالجے کی سہولیات کو مزید بہتر بنانے کے ساتھ ساتھ جدید تقاضوں کے مطابق اپ گریڈیشن کی جائیگی۔ وہ گزشتہ روز ایک اجلاس کی صدارت کر رہے تھے جس میں ہسپتال کے ایگزیکٹو ڈائریکٹر جنرل سمیت دیگر افسران موجود تھے۔ اس موقع پر سالانہ رپورٹ پیش کی گئی جس کے مطابق گزشتہ سال مجموعی طور پر 7لاکھ 68ہزار 945مریضوں کو علاج معالجے کی سہولیات فراہم کی گئیں۔