ایمزٹی وی(اسلام آباد) اسناد اور ڈگریوں کی معلومات کے لئے علامہ اقبال اوپن یونیورسٹی نےمربوط "آن لائن" نظام متعارف کروا دیا ہے۔اس نظام کے تحت ملک بھر میں یونیورسٹی کے طلبہ اپنی درخواستوں پر کارروائی کے مراحل سے آگاہی حاصل کرسکیں گے۔ اس مقصد کے لئے یونیورسٹی نے نئی ویب سائٹ بھی متعارف کروا دی ہے۔ یونیورسٹی حکام کے مطابق اسناد کے لئے درخواستیں موصول ہوتے ہی یونیورسٹی نے تصدیقی اطلاعات بذریعہ موبائل ایس ایم ایس دینا شروع کردی گئی ہیں، قبل ازیں درخواستوں پر اعتراضات کی اطلاع طلبہ کو بذریعہ خط دیا جاتا تھا جس پر کافی دن ضائع ہوتے تھے۔ اب طلبہ اعتراضات آن لائن چیک کرسکیں گے اور فوری طور پر اعتراضات دور کرسکیں گے۔