جمعرات, 30 مئی 2024


پی ٹی آئی سے جلد مذاکرات کی کوشش کریںگے، احسن اقبال

ایمزٹی وی (سیاسی) وفاقی وزیر منصوبہ بندی احسن اقبال کا کہنا ہے کہ وہ تحریک انصاف سے اپیل کرتے ہیں کہ انتخابی اصلاحات کمیٹی میں نمائندے بھیجے۔ مذاکرات کا سلسلہ وہاں سے شروع ہو گا جہاں سے ٹوٹا تھا۔ وفاقی وزیر منصوبہ بندی احسن اقبال نے لاہور کے مقامی ہوٹل میں میر خلیل الرحمن سوسائٹی کے زیراہتمام منعقدہ انٹرنیشنل سمپوزیم میں شرکت کی۔ اس موقع پر اپنے خطاب میں احسن اقبال کا کہنا تھا کہ موجودہ سیاسی بحران کو مذاکرات سے حل کرنے کی کوشش کررہے ہیں۔ ذاتی مفاد کے لیے ملک کے امن و استحکام کو داؤ پر نہیں لگانا چاہتے۔ احسن اقبال کا کہنا تھا کہ کسی سیاسی جماعت کا رہنما تنہا ملک کو مسائل سے نہیں نکال سکتا۔ ملک کو آگے لیکر جانے کیلئے برداشت کو فروغ دینا ہوگا ۔

پرنٹ یا ایمیل کریں

Leave a comment