ایمز ٹی وی (کراچی) ایڈیشنل آئی جی غلام قادر تھیبو کہتے ہیں کہ کراچی پولیس محدود وسائل میں اپنا کام کر رہی ہے۔انکا کہنا ہے کہ  پولیس شہر سے دہشتگردوں کا صفایا کر رہی ہے جس کے نتیجے میں پولیس کے حوصلے پست کرنے کی کوشش کی جا رہی ہے۔کراچی آپریشن کو متاثر کرنے کیلئے پولیس اہلکاروں کو ٹارگٹ کیا جا رہا ہے۔واضح رہے کہ کراچی میں رواں سال 137 پولیس اہلکار دہشت گردی کا نشانہ بن چکے ہیں۔ جبکہ سائوتھ ، ایسٹ ،ویسٹ اور سینٹرل میں پولیس پر دستی بم حملوں کا سلسلہ بھی جاری ہے ۔