لاہور: وزیراعظم کے معاونِ خصوصی عثمان ڈار نے کہاہے کہ پاکستان تحریک انصاف کی جدوجہد سیاسی تھی۔

 

پاکستان تحریک انصاف نے دھرنا سیاسی جدوجہد کے لیے دیا تھا جبکہ اپوزیشن کی تحریک کا کوئی مقصد نہیں ہے۔

 

اُن کا کہنا تھا کہ پاکستان کے عوام جانتے ہیں مولانا صاحب کس وجہ سے بے چینی ہے، انہیں پہلی بار کسی حکومت میں حصہ داری نہیں مل سکی۔

 

عثمان ڈار کا کہنا تھا کہ مولانا تمام ادوارمیں حکومتوں کاحصہ رہےہیں اوراب اُن سے باہر رہنا برداشت نہیں ہورہا۔

 

یاد رہے کہ گزشتہ روز خیبرپختونخواہ کے وزیرسیاحت عاطف خان نے کہا تھا کہ مولانا فضل الرحمان کو اسلام کا نہیں بلکہ اسلام آباد کا درد ہے، وہ 17 سال بعد بے روزگار ہوئے ہیں۔

 

اُن کا کہنا تھا کہ مولانافضل رحمان 17سال بعدبےروزگار ہوئے، اُن کے پاس اب نوکرچاکراورسرکاری دفترنہیں تو وہ تکلیف میں ہیں، فضل الرحمان تھوڑا صبر کریں کیونکہ انہوں نے 30 سال تک اقتدار کے مزے لوٹے ہیں۔

 

یاد رہے کہ جمعیت علماء اسلام ف کے سربراہ نے گزشتہ روز اعلان کیا تھا کہ اُن کی جماعت کے کارکن 27 اکتوبر کو ملک بھر سے اسلام آباد کے لیے مارچ کرنا شروع کریں گے اور آزادی مارچ کے شرکاء ڈی چوک پر مظاہرہ کریں گے۔