لاہور: میو اسپتال کی نرس میں کورونا وائرس کی تصدیق ہوگئی ،ترجمان اسپتال کا کہنا ہے کہ نرس آئسولیشن وارڈ میں کام کر رہی تھی۔

 

تفصیلات کے مطابق لاہور کے میو اسپتال کی نرس میں کورونا وائرس کی تصدیق ہوگئی، ترجمان میو اسپتال نے تصدیق کرتے ہوئے کہا کہ نرس میں علامات ظاہرہونے پرنرس کاٹیسٹ کرایاگیا، وہ آئسولیشن وارڈ میں کام کر رہی تھی۔

 

دوسری جانب محکمہ صحت پنجاب نے کہا ہے کہ صوبے میں کرونا وائرس کے مریضوں کی تعداد 658 ہے جبکہ وائرس سے اموات کی تعداد 9 ہو چکی ہے۔

 

ترجمان کے مطابق صوبے میں کرونا وائرس کے 8 مریض صحت یاب ہوئے، تمام کنفرم مریض آئسولیشن وارڈز میں رکھے گئے ہیں، ڈی جی خان میں 207 زائرین، ملتان سے 89 زائرین زیر علاج ہیں، رائیونڈ کوارنٹین میں 27، فیصل آباد کوارنٹین میں 5 کرونا مریض ہیں۔

 

خیال رہے کہ نیشنل کمانڈ اینڈ کنٹرول سینٹر کے مطابق ملک بھر میں کرونا وائرس کے مریضوں کی تعداد بڑھ کر 1865 ہو گئی ہے، جب کہ وائرس سے اموات 25 تک پہنچ گئیں