ایمز ٹی وی (فیصلاباد) زرعی یونیورسٹی فیصل آباد نے سوشل میڈیا پر تنقید کرنے والے پی ایچ ڈی کے طالبعلم کاشان گیلانی کو یونیورسٹی میں دوبارہ داخلے کی اجازت دیدی ۔ انتظامیہ کا کہنا ہے کہ کاشان نے آئندہ یونیورسٹی قوانین کی خلاف ورزی نہ کرنے کی یقین دہانی کرائی ہے ۔ اس کی بحالی کا نوٹیفکیشن جلد جاری کردیا جائے گا ۔ زرعی یونیورسٹی فیصل آباد کے پی ایچ ڈی کے طالبعلم کاشان گیلانی نے فیس بک پر یونیورسٹی کو درسگاہ کے بجائے رقص گاہ لکھا تو بھونچال آگیا اوراسے آزادی اظہار رائے کی بھاری قیمت چکانا پڑی -زرعی یونیورسٹی فیصل آباد کی انتظامیہ نے کاشان حیدر گیلانی کی جانب سے بیان حلفی جمع کرانے کے بعد اسے دوبارہ یونیورسٹی میں داخلے کی اجازت دی