ایمزٹی وی (کراچی) متحدہ قومی موومنٹ (ایم کیو ایم) کے ذرائع کے مطابق الطاف حسین کو منی لانڈرنگ کے کریمنل الزامات سے بری کر دیا گیا ہے۔ ذرائع کے مطابق الطاف حسین کو کل پاسپورٹ بھی واپس دے دیا جائے گا۔ الطاف حسین سمیت تمام افراد کو منی لانڈرنگ کیس میں کل پولیس اسٹیشن میں پیشی کی ضرورت نہیں ہے۔ واضح رہے کہ الطاف حسین کو کل پولیس اسٹیشن پیش ہونا تھا۔ دوسری جانب اسکاٹ لینڈ یارڈ کے ذرائع کا کہنا ہے کہ منی لاںڈرنگ کیس سے متعلق تمام شہادتوں کی تحقیقات ہو رہی ہیں۔ کیس کی تحقیقات جاری رہیں گی تاہم یہ تحقیقات کب ختم ہونگی اس بارے ٹائم فریم دینا ممکن نہیں ہے۔