ایمزٹی وی (کھیل) انگلینڈ اور پاکستان کے دوسرے ٹیسٹ میں انگلینڈ نے دوسری اننگز 173 رنز پر ڈکلیئر کردی۔ پاکستان کو جیت کے لیے 565 رنز کا ہدف دیا گیا ہے۔ اننگز ڈیکلیئر ہونے تک انگلینڈ کا ایک کھلاڑی آؤٹ تھا۔

مانچسٹر میں کھیلے جانے والے دوسرے ٹیسٹ میچ کے چوتھے دن انگلینڈ نے 98 رنز 1 کھلاڑی آؤٹ سے اپنی نامکمل اننگ شروع کی تو اسے پہلے میچ میں بھاری برتری حاصل تھی۔

کپتان ایلسٹر کک اور جو روٹ نے پہلی اننگ کی طرح دوسری اننگ میں بھی جارحانہ بلے بازی کا مظاہرہ کیا۔ دونوں کھلاڑیوں نے عمدہ بیٹنگ کی بدولت اپنی نصف سنچریاں اسکور کیں اور اسکور 173 تک پہنچا تو کک نے اننگ ڈکلیئر کرنے کا اعلان کردیا۔ انگلش کپتان نے 76 اور روٹ نے ناقابل شکست 71 رنز بنائے۔

پہلی اننگ کی بھاری برتری کی بدولت انگلینڈ نے پاکستان کو میچ میں فتح کے لیے 565 رنز کا ہدف دیا ہے۔