ایمزٹی وی(کھیل) کھیلوں کے سب سے بڑے میلے اولمپکس میں شرکت کے لئے پاکستانی دستہ مختلف حصوں میں آج برازیل کے لئے روانہ ہوگا ۔ ریو اولمپکس میں پاکستان کی تاریخ کا سب سے چھوٹا دستہ آج رات برازیل روانہ ہوگا ۔ تیراک حارث بانڈے لندن اور لیانا سوان دبئی سے روانہ ہوگے ۔ جوڈو کے کھلاڑی شاہ حسین جاپان ، جبکہ شوٹر منہال سہیل اور غلام مصطفیٰ کراچی سے اور اتھلیٹس نجمہ پروین اور محبوب علی لاہور سے برازیل کا سفر کریں گے ۔ دستے کے چیف دی مشن بیس بال فیڈریشن کے سربراہ شوکت جاوید ہیں ۔ اولمپکس کا میلہ پانچ اگست سے شروع ہوگا ۔