ایمز ٹی وی (کھیل) کراچی: وزیر اعلی سندھ مراد علی شاہ بھی فٹبال کےفین نکلے، وزیر کھیل مہر بخش کے ساتھ فٹبال کھیلی اور دو گول بھی کر ڈالے۔
سندھ کے نئے سائیں کرکٹ کے بعد فٹبال کے بھی مداح نکلے، سپرفٹ وزیراعلی سندھ سید مراد علی شاہ یوم دفاع کے موقع پر میدان میں اتر آئے اور بلدیہ اسٹیڈیم میں فٹبال کے جوہر دکھائے۔
مُراد علی شاہ کا عوامی انداز، کرکٹ کھیلنے کی ویڈیو سوشل میڈیا پر وائرل
بلدیہ اسٹیڈیم میں جاری فٹبال میچ میں صوبائی وزیر کھیل محمد بخش مہر بھی وزیراعلیٰ سندھ سید مراد علی شاہ کے ہمراہ تھے، دونوں وزیروں نے خوب فٹبال کھیلی اور گول بھی اسکور کیے، وزیر اعلی سندھ نے شاندار مووز بنائے اور دو گول اسکور کیے۔
وزیرکھیل مہر بخش صرف ایک گول کرنے میں کامیاب ہوئے، تاہم دونوں ٹیموں میں مقابلہ دو دو گول سے برابر رہا۔