ایمزٹی وی(اسپورٹس) بھارتی کرکٹ بورڈ نے کرپشن کا الزام ثابت ہونے پر پاکستانی امپائر اسد رؤف پر 5 برس کی پابندی عائد کردی۔ بھارتی میڈیا کے مطابق بی سی سی آئی کی ڈسپلنری کمیٹی نے پاکستانی امپائر اسد رؤف پر آئی پی ایل کے 2013 کے ایڈیشن کے دوران میچ فکسنگ کا الزام ثابت ہونے پر 5 برس کی پابندی عائد کر دی۔ واضح رہے کہ اسد رؤف پر انڈین پریمیئر لیگ کے دوران بکیز سے مہنگے تحفے لینے اور آئی پی ایل کے 2013 کے ایڈیشن میں میچ فکسنگ اور جوا لگانے کا الزام تھا۔ انٹرنیشنل کرکٹ کونسل نے بھی اسد رؤف کو اپنے ایلیٹ پینل سے علیحدٰہ کردیا تھا۔