ایمزٹی وی (کھیل) پرتگال کا پہلی بار یورو کپ میں شرکت کرنے والی ناتجربہ کار آئس لینڈ کی ٹیم سے مقابلہ ایک ایک گول سے برابر ہو گیا۔ یورو کپ فٹبال میں فیورٹ پرتگال کی ٹیم اپنے پہلے میچ میں متاثر کن کارکردگی نہ دکھا سکی۔ اکتیسویں منٹ میں پرتگال کو مانچسٹر یونائیٹڈ کے سابق کھلاڑی نینی نے برتری دلائی جو کہ ہاف ٹائم تک قائم رہی۔ دوسرے ہاف کے پانچویں منٹ میں آئس لینڈ کے برکیر بیارسن نے گول کر کے مقابلہ برابر کر دیا۔ میچ کے آخری لمحات میں پرتگال نے گول پر تابڑ توڑ حملے کیے لیکن تمام کوششیں ناکام رہیں۔ میچ ڈرا ہونے پر پرتگال نے تین قیمتی پوائنٹس حاصل کرنے کا بہترین موقع گنوا دیا-