Reporter SS
ایمز ٹی وی(تجارت) پاکستان نے ترکی کی گاڑیوں کو ای سی او ممالک تک رسائی دینے کے لیے 5سو روٹ پرمٹ ترک حکومت کے حوالے کر دیے۔ روٹ پرمٹ ملنے کے بعد ترکی کی گاڑیاں پاکستان کے راستے ای سی او ممالک جائیں گی، پاکستان بھرپور سیکیورٹی فراہم کرے گا۔
اس سے قبل وزیراعظم نوازشریف اعلیٰ حکام کے ہمراہ تین روزہ دورے پر ترکی پہنچے ہیں،وفاقی وزراء شاہد خاقان عباسی،خرم دستگیر اور معاون خصوصی طارق فاطمی سمیت دیگر اعلیٰ حکام بھی وزیراعظم کےہمراہ ہیں۔
وزیراعظم اپنے دورے میں ترک قیادت سے دوطرفہ، علاقائی اور عالمی امور پر مشاورت کریں گےجبکہ ترک ہم منصب کے ہمراہ پانچویں اعلیٰ سطح کے اسٹریٹیجک کوآپریشن کونسل کی مشترکہ صدارت کریں گے۔ دورے کےموقع پرمختلف شعبوں میں معاہدوں پربھی دستخط کئے جانے کا امکان ہے۔
ایمز ٹی وی (تعلیم /کراچی) جامعہ کراچی میں تمام تعلیمی، غیر تعلیمی پروگرامز اور اجتماعات ملتوی کردئے گئے ہیں ۔
جامعہ کراچی کےرجسٹرار نبیل زبیری کے جاری کردہ نوٹی فیکشن کے مطابق شہر میں سیکورٹی الرٹ اور دفعہ144 کے نفاز کے باعث یہ فیصلہ کیا گیا ہے۔
دریں اثنا رجسٹرار کے عہدے سے ہٹائے گئے ڈاکٹر معظم نے بدھ کو کیمپس سکریٹری ایڈوائزر کا عہدہ کا چارج نہیں سنبھالا اس اہم اور حساس عہدےپر تعینات ڈاکٹر خالدعراقی منگل کو مستفی ہوگئے تھے۔
ایمز ٹی وی(تعلیم / کراچی ) پاکستان بار کونسل نے بینظیر بھٹو شہید یونیورسٹی لیاری کراچی کےا یل ایل بی 5 سالہ پروگرام کو تسلیم کرنے کا حکم نامہ جاری کر دیا ہے۔ پاکستان بار کونسل کے حکم نامے کے مطابق تین سالہ ایل ایل بی پروگرام کے پاس ہونے والے طلباء کو سی آر بی سی اور سی پی سی کے مضامین میں نیشنل ٹیسٹنگ سروس (NTS)کا امتحان پاس کرنا ہوگا۔
بصورت دیگر 2ہزار روپے فی اسٹوڈنٹس کو پاکستان بار کونسل کے اکائونٹ میں جمع کروانا ہوگا تاکہ ان طلباء کے ناموں کو صوبائی بار کونسل کو سفارش کے ساتھ انرولمنٹ کے لئے بھیجا جا سکے۔ شہید ذوالفقار علی بھٹو لاء کالج کی انتظامیہ نے طلباء کو ہدایت کی ہے کہ وہ جلد از جلد کالج کے ایڈمن آفس سے رابطہ کریں۔
ایمز ٹی وی (تعلیم /جامشورو) مہران یونیورسٹی آف انجنیئرنگ اینڈ ٹیکنالوجی جامشورو کے کوالٹی انہانسمینٹ سیل کی جانب سے زیادہ سے زیادہ تعلیم کو کارآمد بنانے والی نشانیوں کوجاننے کے لئے سافٹ ویئر کے استعمال کے متعلق ایک روزہ سیمینار منعقد ہوا۔
سیمینار سے یونیورسٹی آف انجنیئرنگ اینڈ ٹیکنالوجی پشاور کے پروفیسر اور او بی ای سافٹ ویئر کے ماہر ڈاکٹر سحر نور نے بطور خاص مقرر خطاب کرتے ہوئے کہا کہ آج کے دور میں سافٹ ویئر کے استعمال سے تعلیمی معیار کو بڑھایاجا سکتا ہے۔
ایمزٹی وی(تعلیم / کراچی ) بے نظیر بھٹو شہید یو نیورسٹی لیا ر ی میں ہائرایجوکیشن کمیشن کے اشتراک سے انیسویں آل پاکستان انٹر یونیورسٹی تقریری مقابلوں کا انعقاد کیا گیا۔ تفصیلات کے مطابق بے نظیر بھٹو شہید یونیورسٹی لیاری اور ہائرایجوکیشن کمیشن کے اشتراک سے انیسویں آل پاکستان انٹر یونیورسٹی تقریری مقابلے کے پہلے مرحلے کا انعقاد بے نظیر بھٹو شہید یونیورسٹی لیاری میں میں کیا گیا۔ جس کا مقصد مفکر پاکستان اور شاعر مشرق حضرت علامہ محمد اقبال کی شاعری اور ان کے فلسفے کو اجاگر کرنا تھا۔
اس مقابلے میں یونیورسٹی کے 18طلباء نے شرکت کی جنھوں نے اردو اور انگریزی میں تقاریر پیش کیں جسے حاضرین نے خوب سراہا۔ تقریب کی مہمان خصوصی قائم مقام رجسٹرار فریدہ عظیم لودھی تھیں۔ تین رکنی ججز پر مشتمل جیوری کے فیصلے کے مطابق علامہ اقبال شیلڈ کے لیے اردو میں پہلا کیش انعام مبلغ پانچ ہزار روپے شعبہ تعلیم کی پارس میمن،دوسراانعام مبلغ تین ہزار روپے شعبہ انگلش کی کومل عارف،تیسرا انعام مبلغ دو ہزار روپے شعبہ سی ایس کی صدف انجم نے جبکہ انگریری میں پہلا کیش انعام مبلغ پانچ ہزار روپے شعبہ انگلش کے عمیر رزاق،دوسرا انعام مبلغ تین ہزار شعبہ انگلش کی سارہ کلثوم اور تیسرا انعام مبلغ دو ہزار روپے شعبہ تعلیم کی سکینہ نے حاصل کیا۔ تقریب کی نگرانی کے فرائض اسٹوڈنٹ ویلفئر آفیسر عبدالشکور نے انجام دیئے۔
ایمز ٹی وی ( تعلیم /کراچی) کالج آف فزیشنز اینڈ سرجنز پاکستان (سی پی ایس پی )کا 51واں سالانہ جلسہ تقسیم اسناد بدھ کو کالج میں منعقد ہوا ۔جس میں601طلبا کو ڈگریاں تفویض کی گئیں ۔ تقریب کے مہمان خصوصی رائل کالج آف سرجنز ایڈنبرگ کے صدر پروفیسر مائیکل لیول جانز تھے ۔ اس موقع پر سی پی ایس پی کے صدر پروفیسر ظفراللہ چوہدری اور فیکلٹی کے اراکین بھی موجود تھے ۔
تقریب سے خطاب کرتے ہوئے پروفیسر مائیکل لیول جانز نے طلبا اور ان کے والدین کو مبارکباد پیش کی۔ انہوں نے کہا کہ آج کی تقریب میں شرکت کرنامیرے لئے اعزاز کی بات ہے ۔ انہوں نے طلباکو نصیحت کی کہ مریضوں کی دیکھ بھال توجہ اور پیار سے کریں ۔ انہوں نے کہا کہ آپ بڑے خوش قسمت ہیں کہ آپ نے اعلیٰ تعلیم حاصل کی ۔اپنے ذہنوں کو نئے آئیڈیاز کےلئے کھلا رکھیں کیونکہ علم ہی ترقی کی جانب لے کر جاتا ہے ۔اپنے آپ کو نئی نالج اور ایجادات سے اپ ڈیٹ رکھیں آپ اپنی تقدیر خود بنائیں اور سیکھنے کا عمل جاری رکھیں ۔
انہوں نے کہا کہ کالج آف فزیشنز اینڈ سرجنز پاکستان کا شمار دنیا کے بہترین تعلیم وترتیب دینے والے اداروں میں کیاجاتا ہے اس کالج کی فیلوشپ حاصل کرنا فخر کی بات ہے ۔ سی پی ایس پی کے صدر پروفیسر ظفر اللہ چوہدری نے خطاب کرتے ہوئے کہا کہ ملک میں اعلیٰ تعلیم یافتہ ڈاکٹر پیدا کرنے میں 95فیصد حصہ سی پی ایس پی کاہے ۔ جہاں سے اب تک ہزاروں فیلوز اورممبرزفارغ التحصیل ہوچکے ہیں جو ملک بھر میں مریضوں کی خدمت کے ساتھ تحقیق میں بھی مصروف عمل ہیں ۔
انہوں نے کہا کہ میڈیکل ایجوکیشن اور میڈیکل پریکٹس میں ہمیشہ خصوصی تعلق رہا ہے اعلیٰ تعلیم یافتہ ڈاکٹر ہی مریضوں کے مسائل کو اچھی طرح سمجھ کر ان کا علاج تجویز کر سکتا ہے ۔ اس لئے اعلیٰ تعلیم پر سی پی ایس پی میں خصوصی توجہ دی جاتی ہے ۔ جلسہ میں 473فیلوشپس ،125ممبر شپس اور3فیلو شپس دی گئیں جبکہ 2طلبا کو نمایاں پوزیشن پر طلائی تمغہ بھی دیا گیا۔
ایمز ٹی وی (تعلیم /کراچی)جامعہ کراچی کے ترجمان نے کہا کہ شیخ الجامعہ کی جانب سے جامعہ میں میڈیا کے داخلے اور اساتذہ کی میڈیا سے گفتگو پر کسی بھی قسم کی کوئی پابندی نہیں لگائی گئی ہے۔
جامعہ کراچی میں میڈیاکے داخلے اور اساتذہ کی میڈیا سے گفتگو پرپابندی کے حوالے سے چلنے والی خبریں بے بنیاد اور حقائق کے منافی ہیں۔