Reporter SS
ایمزٹی وی(انٹرٹینمنٹ) نامور گلوکارہ حدیقہ کیانی اپنے متعلق میڈیا پر چلنے والی منشیات اسمگلنگ سے متعلق من گھڑت خبروں پر بھڑک اٹھیں جس میں ان کا کہنا تھا کہ بے بنیاد خبروں نے انہیں شدید مایوس کیا۔
برطانوی ویب سائٹ کی جانب سے حدیقہ کیانی سے متعلق منشیات اسمگل کرنے کی خبر شائع کرنے پر گلوکارہ نے شدید مایوسی کا اظہار کرتے ہوئے اپنی ٹوئٹ میں کہا کہ اس مقام پر پہنچنے کے بعد مجھ سے متعلق اس قسم کی من گھڑت اور بے بنیاد خبریں چلانے کا یقین نہیں کرسکتی۔
Photo taken TODAY in Lahore with my mother and son! Cannot believe how this FAKE London news has been spread ? pic.twitter.com/0fgudMePTI
— Hadiqa Kiani (@Hadiqa_Kiani) February 14, 2017
گلوکارہ حدیقہ کیانی نے اپنی والدہ اور بیٹے کے ساتھ ٹوئٹ میں ایک تصویر شیئر کی اور کہا کہ آج میں اپنی والدہ اور بچے کے ساتھ لاہور میں موجود ہوں اور میں یقین نہیں کرسکتی کہ لندن سے جاری ہونے والی جعلی خبر اس طرح پھیلائی جارہی ہے۔
سپریم کورٹ میں ایک بار پھر پاناما کیس کی سماعت کا آغاز ہوگیا ۔ پاناما کیس کی سماعت کے دوران وزیر اعظم کے بچوں کے وکیل سلمان اکرم راجہ نے عدالت کو بتایا کہ یہ ثابت ہے کہ 1999ءمیں فلیٹس وزیرا عظم تو کیا شریف خاندان کی ملکیت بھی نہیں تھے اور 1993ءسے 1996ءکے دوران الثانی خاندان نے یہ فلیٹس خریدے اور جنوری 2006ءمیں الثانی خاندان نے فلیٹ کی بیریئر سرٹیفکیٹ حسین نوا ز کے حوالے کیے تو جسٹس اعجاز افضل نے کہا کہ حسین نواز نے لندن فلیٹس کی ملکیت تسلیم کی ہے اس لیے ملکیت پر کوئی تنازع نہیں مگر یہ بھی وضاحت مانگی جا سکتی ہے کہ یہ فلیٹس بچوں نے کیسے خریدے ۔جسٹس عظمت سعید شیخ نے استفسار کیا کہ اس کا ریکار ڈ کہاں ہے اور کب پیش کرینگے ؟ آپ پہلے دن سے ادھر ادھر کی چھلانگیں لگا رہے ہیں ، دستاویز ہیں تو دکھائیں ۔ایک ناں ایک دن تو شواہد سامنے آنا ہی ہیں ، شواہد ہیں تو پیش کرنے میں کوئی مسئلہ نہیں ہونا چاہئیے۔
سلمان اکرم راجہ نے جواب دیا کہ منروا سروسز فلیٹس کی دیکھ بھال کرتی ہے ، حقائق کے ساتھ جوا نہیں کھیلوں گا، قطری خاندان سے سیٹلمنٹ کے بعد کمپنیوں کے سرٹیفکیٹ ملے توجسٹس آصف سعید کھوسہ نے ریمارکس دیے پہلے بھی کہہ چکے ہیں کہ معاملہ ایمانداری کا ہے ، کیا سیٹلمنٹ حماد بن جاسم سے ہوئی یا الثانی خاندان سے ؟تو وکیل نے جواب دیا کہ سیٹلمنٹ محمد بن جاسم سے ہوئی ، محمد بن جاسم کے بڑے بھائی 1991ءاور والد جاسم 1999ءمیں وفات پا گئے تھے ۔ جسٹس آصف سعید کھوسہ نے استفسار کیا محمد بن جاسم سے کمپنیوں کے سرٹیفکیٹس حسین نواز کو کیسے ملے ؟ قطری خط میں نہیں لکھا کہ سرٹیفکیٹ حسین نواز کو دیے ۔
ایمزٹی وی (اسپورٹس)پاکستان کرکٹ بورڈ کے چیئر مین شہریار خان نے کہا ہے کہ شرجیل خان اور خالد لطیف کو اپنا اپنا بیان دینے کا موقع دیا جا رہا ہے،ان کے بیانات کے بعد ٹربیونل بنانے کا فیصلہ کریں گے ۔ان کا کہنا تھا کہ پی ایس ایل فائنل لاہور میں کرانے کے لیے پر عزم ہیں ،آرمی چیف کے بیان کے بعد انہیں فون کر کے شکریہ ادا کیا ۔
لاہور میں میڈ یا سے گفتگو کرتے ہوئے انہوں نے کہا کہ شرجیل خان اور خالد لطیف کو بیان ریکارڈ کرانے کا موقع دیا جا رہا ہے ،اگر ان کھلاڑیوں نے اعتراف کر کے مکمل بات نہ بتا ئی تو پھر ٹربیونل بنانے کا فیصلہ کریں گے ۔
ان کا کہنا تھا کہ آرمی چیف جنرل قمر جاوید باجوہ نے پی ایس ایل کے فائنل کے حوالے سے فول پروف سیکیورٹی کو یقینی بنانے سے متعلق بیان دے کر زبر دست کام کیا ،اس بیان کے بعد فون کر کے آرمی چیف کا شکریہ ادا کیا۔ان کا کہنا تھا کہ کرپشن سکینڈل میں ملوث کھلاڑیوں کو زیادہ سے زیادہ سزا ہو گی تاکہ آئندہ کوئی ایسی حرکت نہ کر سکے ۔
گول میز کانفرنس ملتوی ہونے سے متعلق سوال پر انہوں نے کہا کہ لاہور دھماکے کے بعد دباﺅ تھا کہ ابھی گول میز کانفرنس ملتوی کردیں ،کچھ دنوں تک اسلام آباد ،لاہور اور کراچی جا کر تمام لوگوں کو راضی کروں گا تاکہ گول میز کانفرنس کا انعقاد کیا جا سکے۔انہوں نے مزید کہا کہ آئی سی سی کے کچھ فارن سیکیورٹی آبزرورز بھی پاکستان آ رہے ہیں ۔
پشاور کے علاقے حیات آباد میں پی ڈی اے کے دفتر کے قریب دھماکا ہوا ۔ میڈیا ذرائع کے مطابق حیات آباد میں پی ڈی اے کے دفتر کے قریب زور دار دھماکا ہوا ہے جس کے بعد امدادی ٹیموں کو جائے حادثہ کی جانب روانہ کر دیا گیا ہے ۔ دھماکے کے بارے میں بتایا گیا ہے کہ انتہائی زور دار تھا جس کی آواز دور دور تک سنی گئی ہے۔
اس سے قبل آج مہمند ایجنسی کے علاقے غلنئی میں پولیٹیکل ہیڈ کوارٹرز کے دروازے پر ایک خود کش حملہ آور نے خود کو دھماکے سے اڑا لیا تھا جس کے نتیجے میں 3 خاصہ دار اہلکاروں سمیت 5 افراد شہید ہوئے ۔
ایمزٹی وی(اسلام آباد)وزیر اعظم نواز شریف سے چیئرمین جوائنٹ چیفس آف اسٹاف جنرل زبیر حیات نے ملاقات کی ہے جس میں اتفاق کیا گیا کہ پاک فوج سویلین اداروں کے ساتھ مل کر دہشت گردی اور انتہا پسندی کے خاتمے کے لیے پر عزم ہے ۔ملاقات میں مسلح افواج کے ترقیاتی پروگرام اور اسٹریٹیجک امور پر بات چیت کی گئی۔
میڈ یا رپورٹس کے مطابق وزیراعظم ہاوس میں نواز شریف اور چیئرمین جوائنٹ چیفس آف اسٹاف جنرل زبیر حیات کے درمیان ہونے والی ملاقات میں اتفاق کیا گیا کہ لاہور میں دہشتگردی کا واقعہ قوم کے دہشتگردی کے خاتمے سے متعلق عزم کو کمزور نہیں کرسکتا۔
اس موقع پر مسلح افواج کے ترقیاتی پروگرام اور اسٹریٹیجک امور بھی زیر بحث آئے۔ ملاقات میں اتفاق کیا گیا کہ ملک کو دہشتگردوں اور انتہا پسندوں سے مکمل طور پر پاک کرنے کے لیے پاک فوج ہمہ وقت تیار ہے، پاک فوج سویلین اداروں کے ساتھ مل کر دہشتگردی اور انتہاپسندی کے خاتمے کے لیے پرعزم ہے۔
ایمزٹی وی(اسپورٹس)پاکستانی ویمن کرکٹ ٹیم کی کپتان ثناء میر نے کہا ہے کہ وہ انگلینڈ میں شیڈول ورلڈ کپ 2017 کے بعد کپتانی سے الگ ہو جائیں گی۔ ورلڈ کپ 2017 کے کوالیفائنگ میچز کے لیے کولمبو میں موجود ثنا میر نے برطانوی نشریاتی ادارے سے گفتگو کرتے ہوئے کہا کہ کپتان کے طور پر ورلڈ کپ میرا آخری ایونٹ ہو گا، انہوں نے کہا کہ پاکستان کی جانب سے ون ڈے انٹرنیشنلز میں 100 وکٹیں حاصل کرنا بہت بڑا اعزاز ہے، مجھے یہ اعزاز حاصل کرنے میں 12 سال لگے کیونکہ شروع میں ہمیں بہت کم میچز ملے تاہم آنے والی لڑکیاں جلد یہ سنگ میل عبور کر لیں گی۔
انہوں نے کہا کہ کولمبو میں پاکستان ٹیم مجموعی طور پر اچھا پرفارم کر رہی ہے، سپر سکسز میں بہتر کارکردگی دکھاتے ہوئے ورلڈ کپ کے لیے کوالیفائی کر لیں گے۔ پی ایس ایل میں اسپاٹ فکسنگ کے حوالے سے ثنا میر نے کہا کہ پی سی بی کی جانب سے ملوث کھلاڑیوں کے خلاف تحقیقات شروع کرنا اچھا اقدام ہے، اس سے کرکٹرز کو اسپاٹ فکسنگ کے نقصانات سے آگاہی ملے گی۔
پی ایس ایل کے حوالے سے انہوں نے کہا کہ کسی ایک ٹیم کو فیورٹ قرار دینا بہت مشکل ہے کیونکہ ہر ٹیم میں اچھے کھلاڑی موجود ہیں، اس مرتبہ ٹیمیں متوازن ہیں، گزشتہ برس کوئٹہ گلیڈی ایٹرز نے اچھا کھیلا، پشاور زلمی بھی ڈیرین سیمی کی کپتانی میں اچھا پرفارم کرنے کی امید ہے۔
ایمزٹی وی(اسپورٹس)مال روڈ پر ہونے والے خودکش حملے کے بعد غیرملکی کھلاڑیوں نے پاکستان سپر لیگ کا فائنل لاہور میں کھیلنے سے انکار کر دیا ہے۔
پی سی بی کے چیئرمین نجم سیٹھی نے کہا ہے کہ پاکستان کے شائقین اور شہری بتائیں کہ کیا وہ غیرملکی پلیئرز کے بغیر فائنل لاہور میں ہوتا دیکھنا چاہتے ہیں یا دبئی میں ہی فائنل کا انعقاد چاہتے ہیں۔
ایک بیان میں نجم سیٹھی نے کہا کہ پیر کو لاہور میں ہونے والے سانحہ کے بعد غیرملکی پلیئرز نے لاہور میں فائنل کھیلنے سے انکار کر دیا ہے، سکیورٹی ایجنسیز نے فول پروف سکیورٹی فراہم کرنے کی یقین دہانی کرواتے ہوئے فیصلہ شائقین پر چھوڑ دیا ہے کہ آیا وہ لاہور میں فائنل کا انعقاد چاہتے ہیں یا نہیں۔
علاوہ ازیں پنجاب کے وزیر قانون رانا ثناء اللہ نے بھی کہا ہے کہ لاہور میں پی ایس ایل فائنل کی میزبانی کیلیے پوری طرح تیار ہیں اور خودکش حملے کے بعد بھی لاہور پلیئرز کیلیے محفوظ ہے۔ پی ایس ایل کی افتتاحی تقریب سے قبل پاکستان کرکٹ بورڈ نے غیرملکی پلیئرز سے میٹنگ کی تھی جس میں انہیں لاہور میں فائنل کے حوالے سے بریفنگ دی گئی تھی لیکن پلیئرز اس وقت بھی لاہور آنے میں ہچکچاہٹ محسوس کر رہے تھے۔ ذرائع کے مطابق غیرملکی پلیئرز نے لاہور میں کھیلنے کو فیڈریشن آف انٹرنیشنل کونسل (فیکا) کی یقین دہانی سے مشروط کر دیا ہے۔
ایمز ٹی وی(صحت) ٹرانسفارمیشن انٹرنیشنل سوسائٹی نے جناح پوسٹ گریجویٹ میڈیکل سینٹر کے ڈپارٹمنٹ آف سائیکاٹری اور بیہیوریل سائینسزکے اشتراک سے اپنی نوعیت کی پہلی ٹرانسفارمیشن ویلنس کلینکس کا افتتاح کر دیا ہے ۔
ٹرانسفارمیشن ویلنس کلینکس کے تحت ذہنی امراض میں مبتلا مریضوں کو ایک چھت کے نیچے سائیکاٹرسٹ ، کلینیکل سائیکالوجسٹ اور ہیپنوتھراپسٹ ایک ہی چھت کے نیچے علاج کی سہولتیں فراہم کریں گے ۔ اس سلسلے میں اسپتال میں ایک تقریب کا انعقا د کیا گیا جس کی مہمان خصوصی جناح اسپتال کی ایگز یکٹیو ڈائریکٹر ڈاکٹر سیمی جمالی تھیں ۔
تقریب سے ٹرانسفارمیشن انٹرنیشنل سوسائٹی کی میڈیکل ڈائریکٹر ڈاکٹر ثوبیہ آفتاب ، پروفیسر ڈاکٹر طارق محمود ، پروفیسر اقبال آفریدی ،سینیٹر عبدالحسیب خان ، ڈاکٹر عمران یوسف محمد ودیگر نے خطاب کیا۔
ایمزٹی وی(اسپورٹس) پاکستان سپر لیگ کے دوسرے ایڈیشن میں دفاعی چیمپئن اسلام آباد یونائیٹڈ اور کوئٹہ گلیڈی ایٹرز میں پہلا ٹاکرا آج شارجہ میں ہو گا۔ پی ایس ایل کے پہلے ایڈیشن کے فائنل میں یونائیٹڈ نے گلیڈی ایٹرز کو ہراتے ہوئے ٹائٹل پر قبضہ جمایا تھا۔
تفصیلات کے مطابق پی ایس ایل کے دوسرے ایڈیشن میں اسلام آباد کی ٹیم ایک میچ میں کامیاب اور ایک میں ناکام رہی ہے، دفاعی چیمپئن نے افتتاحی میچ میں پشاور زلمی کو 7 وکٹ سے ہرایا جب کہ لاہور قلندرز کے ہاتھوں 6 وکٹ سے شکست کا سامنا کرنا پڑا۔
کوئٹہ کی ٹیم نے اپنے دونوں میچز جیت رکھے ہیں، گلیڈی ایٹرز نے لاہور قلندرز کے خلاف 8 رنز سے فتح پائی جب کہ کراچی کنگز کو 7 وکٹ سے ہرایا۔
دوسرے مرحلے میں کل سے شارجہ میں میدان لگے گا، پہلا مقابلہ دفاعی چمپئن اسلام آباد اور کوئٹہ کے درمیان شیڈول ہے۔ اولین ایڈیشن میں اسلام آباد یونائیٹڈ اور کوئٹہ گلیڈی ایٹرز کے درمیان تین مقابلے ہوئے جن میں سے دو میں گلیڈی ایٹرز جب کہ فائنل میں اسلام آباد فاتح رہی تھی۔
ایمز ٹی وی(مانیڑنگ ڈیسک) فیس بک کی جانب سے اسمارٹ ٹی وی کے لیے وڈیو ایپ متعارف کرائی جارہی ہے جس کے ذریعےصارفین فیس بک وڈیوز اسمارٹ ٹی وی پر بھی دیکھ سکیں گے۔
غیر ملکی خبر ایجنسی کے مطابق فیس بک کی جانب سے اسمارٹ ٹی وی صارفین کے لیے یہ نئی ایپلی کیشن ابھی صرف سامسنگ،ایپل اور امیزون فائر کے اسمارٹ ٹی وی کے لیے متعارف کرائی جارہی ہے۔