Reporter SS
ایمز ٹی وی (انٹرٹینمنٹ) دیسی گرل نے ایک ٹی وی شو میں بتایا کہ فلموں میں آنے سے پہلے جب وہ ایک پروڈیوسر سے ملیں تو اس نے انکشاف کیا کہ پریانکا میں کچھ بھی صحیح نہیں ہے۔
یہاں تک کہ پریانکا کی ناک کے بارے میں بھی رائے دی کہ یہ ٹھیک نہیں ہے۔
بالی وڈ اداکارہ نے ٹی وی شو میں اپنی ناک کے بارے میں پوچھے گئے سوال کا دو ٹوک جواب دے دیا، ان کا کہنا تھ اکہ پریانکا کی ناک کا مسئلہ نہ بنائیں، ان کی ناک اصلی ہے۔
اس پر میزبان نے یہ سوال بھی کرڈالا کہ کیا پریانکا کی ناک اصلی ہے یا کسی سرجری سے گزری ہے؟ پریانکا نے قہقہوں کے درمیان بتایا کہ ان کی ناک بالکل اصلی ہے۔
ایمز ٹی وی (انٹرٹینمنٹ) بھارتی فلم سازوہدایتکار کرن جوہر نے زبان کھول دی ۔ان کا کہنا ہے کہ پاکستانی فنکاروں کو فلموں میں کام نہ دینے کا بیان ’گن پوائنٹ‘ پر دیا ، اس کے پیچھے مہا راشٹر نونرمان سینا کا ہاتھ تھا۔
کرن جوہر نے کہا کہ فلم "اے دل ہے مشکل" کی ریلیز کے موقع پر ان کا پاکستانی فنکاروں کو فلموں میں کام نہ دینے کا بیان گن پوائنٹ پر ریکارڈ کرایا گیا تھا،،اس کے پیچھے مہاراشٹر نونرمان سینا کا ہاتھ تھا۔
کرن جوہر کا وہ بیان جو انہوں نے اکتوبر دوہزار سولہ کو فلم’ اے دل ہے مشکل‘ کی ریلیز سے پہلے دیا تھا،فلم میں فواد خان کو شامل کرنے پر راج ٹھاکرے کی تنظیم ایم این ایس آپے سے باہر تھی۔ بھارتی ٹی وی کو انٹرویو دیتے ہوئے کرن جوہر بولے ،،ویڈیو دیکھ کر لوگ سمجھے کہ شاید میں مذاق کر رہا ہوں
لیکن حقیقت یہ ہے کہ ویڈیو ریکارڈ کراتے وقت مجھے ایسا لگا جیسے کوئی بندوق میرے سر پر رکھی ہے۔ دوسری جانب مہاراشٹر نونرمان سینا کی ہٹ دھرمی برقرار ہے۔تنظیم کے رہنما ایمے کھوپکر کہتے ہیں کہ ان کی جماعت بھارتی فلمساز پر پاکستانی فنکاروں کو شامل نہ کرنے کادباو برقرار رکھے گی۔اگر کرن جوہر یہ سمجھتے ہیں کہ ان سے گن پوائنٹ پر بیان ریکارڈ کرایا گیا تھا تو وہ اسے دھمکی ہی سمجھیں۔
ایمز ٹی وی(کراچی) پاک بحریہ کے زیر انتظام کثیرالقومی بحری مشق امن 17 کا بین الاقوامی پرچم کشائی کی تقریب کے ساتھ باقاعدہ آغاز ہوگیا ہے، اس موقع پر ایڈمرل عارف اللہ حسینی کمانڈر پاکستان فلیٹ نے مشق امن زندہ باد پاکستان پائندہ باد کا نعرہ بھی لگایا۔
ترجمان پاک بحریہ کی جانب سے جاری بیان کے مطابق کثیر القومی بحری مشق امن 17 کا بین الاقوامی پرچم کشائی کی رنگا رنگ تقریب کے ساتھ آج باقاعدہ طور پر آغاز ہوگیا۔ مشق کی افتتاحی تقریب پاکستان نیوی بینڈ کی روایتی دھنوں کے ساتھ پاکستان نیوی ڈاکیارڈ میں منعقد ہوئی۔ امن17 میں شریک ممالک کے بحری جہازوں کے عملے ، مندوبین، سفراء اور پاکستان نیوی کے افسروں اور جوانوں کی ایک بڑی تعداد نے تقریب میں شرکت کی۔
اس موقع پر خطاب کرتے ہوئے کمانڈر پاکستان فلیٹ نے کہا کہ ہم سب یہاں امن و سلامتی کو یقینی بنانے کے مشترکا مقصدکے تحت جمع ہوئے ہیں تاکہ اس دنیا کو تمام انسانیت کے لیے امن کاگہوارہ بنایا جائے اور ترقی اور خوشحالی کو فروغ دیا جائے۔ ہمارا آئین بھی ہم سے اسی بات کا تقاضہ کرتا ہے۔ ہم سب کو ساتھ لے کر چلنے پر یقین رکھتے ہیں اور ہم سمجھتے ہیں اگر ساری دنیا متحد ہوجائے تو یہ ہم سب کے بہترین مفاد میں ہوگا۔ انہوں نے کہا کہ خطے میں ہونے والے جیو اسٹریٹیجک تغیرات کے باعث پاکستان کو کئی ایک چیلنجز کا سامنا ہے۔تاہم ان تبدیلیوں نے پاکستان کو بہت سے مواقع بھی فراہم کئے ہیںجو نہ صرف پاکستان بلکہ خطے میں ایک محفوظ ماحول کا تقاضا کرتے ہیں ۔
ایڈمرل حسینی نے کہا کہ پاک بحریہ نے بحر ہند کے تحفظ میں ہمیشہ اہم کردار ادا کیا ہے۔ خطے میں کلیدی کردار کا حامل ہونے کی وجہ سے پاکستان کی میری ٹائم فورسز دیگر بحری افواج کے ساتھ مل کرگہرے پانیوں میں منشیات کی تجارت، ہتھیاروں اورانسانی اسمگلنگ، دہشت گردی اور بحری قذاقی کے انسداد میں اہم کردار ادا کر رہی ہیں۔ خطے میں دیر پا امن کے قیام اور ان خطرات سے نمٹنے کے لئے ہمیں مشترکہ کاوشیں کرنے کی ضرورت ہے۔ انہوں نے کہا کہ پاک چین اقتصادی راہداری اور گوادر پورٹ کے مکمل طور پر فعال ہونے کی صورت میں یہ تعاون مزید اہمیت اختیار کرجائے گا۔ یہ اہم منصوبے نہ صرف ملکی اور علاقائی سطح پربلکہ خطے سے باہر بھی خوشحالی لانے کا سبب بنے گا۔
ایڈمرل حسینی نے کہا کہ کثیر القومی مشقیں امن17 خطے میں کام کرنے والی بحری فورسز کی جوابی کاروائی کی صلاحیتوں،حکمت عملی اورطریقہ کار میں بہتری لائیں گی۔ اس مشقوں کامقصد باہمی مفاہمت کا فروغ ہے جو رسمی اور غیر رسمی روابط کی بدولت مزید فروغ پائے گی۔ یہ مشقیں شرکاء کے مابین باہمی اور اشتراکی سیکیورٹی کے تصور کو مزید واضح کریں گی۔ پاکستان اوربالخصوص پاک بحریہ کو ان کاوشوں میں کلیدی کردار ادا کرنے پر فخر ہے۔
کمانڈر پاکستان فلیٹ نے امن مشقوں میں شرکت کرنے والی بحری افواج کو خوش آمدید کہا اور امید ظاہر کی کہ ان کی ایک ساتھ موجودگی سے مشترکہ تعاون اور بھائی چار ہ مزید فروغ پائے گا جس سے تنازعات میں کمی آئے گی اور باہمی اتفاق پید ا ہوگا جس کی بدولت دیرپا امن کے قیام میں مدد ملے گی۔ انہوں نے خطے میں قیام امن کے لئے پاکستان کے عزم کی حمایت پر امن مشقوں میں شریک ممالک کا شکریہ بھی ادا کیا۔
پاکستان نیوی2007 سے ہر دو سال بعد امن مشقیں منعقد کرتی ہے ۔ان مشقوں کا آغاز پاکستان بحریہ کی کاوشوں سے ہوا جن کا مقصد تمام بحری افواج کو ایک پلیٹ فارم پر جمع کرنا تھا۔حالیہ امن مشقیں اس سلسلے کی پانچویں کڑی ہیں۔ان مشقوں کے شرکاءکی تعداد میں مسلسل اضافہ ہو رہا ہے۔اس برس 36 ممالک کے بحری جہاز، ہوائی جہاز، اسپیشل آپریٹنگ فورسز، آبزرور ز اور اسپیکرز ان مشقوں میں شرکت کر رہے ہیں۔ بحری مشقوں کے علاوہ امن مشقوں کا ایک اہم پہلوتین روزہ انٹرنیشنل میری ٹائم کانفرنس بھی ہے جو نیشنل میری ٹائم پالیسی ریسرچ سینٹر کے زیر اہتمام منعقد کی جاتی ہے۔
ایمز ٹی وی(اسپورٹس) جنوبی افریقہ سری لنکا کو وائٹ واش کرنے کے ساتھ ہی آئی سی سی کی ون ڈے رینکنگ میں پہلی پوزیشن پر آگئی ۔
تفصیلات کے مطابق سری لنکا کو 5ایک روزہ میچوں کی سیریز میں وائٹ واش کرنے والی جنوبی افریقہ کی ٹیم کی پوزیشن مزید مضبوط ہو گئی جو رینکنگ میں پہلے نمبر پر آگئی ہے ۔
کپتان اے بی ڈویلیرز نے اپنے بیان میں کہا ہے کہ ”ہم آئی سی سی کی ون ڈے رینکنگ میں پہلے نمبر پر آنے کے بعد بے حد خوش اور پرجوش ہیں “۔ ٹیم میں دو سال پہلے گزرنے والے ورلڈ کپ سے قبل مشکل صورت حال تھی مگر ہم نے ٹیم کو دوبارہ مضبوط کرنے اور ون ڈے کرکٹ میں اچھی کارکردگی کا تسلسل برقرار رکھنے کیلئے سخت محنت کی جس کا پھل ملا ہے “۔
اس سے قبل نومبر 2014ءمیں جنوبی افریقہ کی ٹیم ون ڈے رینکنگ میں پہلی پوزیشن پر تھی جس کے بعد بھارت نے سری لنکا کو 0-5سے وائٹ واش کرنے کے بعد پہلی پوزیشن پر قبضہ کر لیا تھا اور پھر اس کے بعد یہ اعزاز آسٹریلیا نے جنوبی افریقہ کو 1-4سے ہرانے کے بعد حاصل کیا تھا ۔
عراقی وزیراعظم نے ٹرمپ انتظامیہ کی جانب سے جاری حالیہ ایگزیکٹو آرڈر پر تحفظات کا اظہار کرتے ہوئے کہا کہ عراق اور دیگر ممالک پر لگائی گئی پابندی شدت پسندی کے خلاف امریکا کے ساتھ مل کر جنگ لڑنے والے ممالک کو سزا دینے کے مترادف ہے۔ انہوں نے امریکا سے تعاون مضبوط بنانے کی خواہش کا اظہار کیا اور امریکی صدر کو دورہ عراق کی دعوت بھی دی ۔
ایمز ٹی وی(اسپورٹس) پاکستان ٹیسٹ اور پی ایس ایل میں اسلام آباد یونائیٹڈ ٹیم کے کپتان مصباح الحق نے اسپاٹ فکسنگ اسکینڈل میں ملوث کھلاڑیوں کے بارےمیں کہاکہ ایسا کبھی سوچا بھی نہیں جو انہوں نے کردیا۔
نجی ٹی وی چینل کےمطابق مصباح الحق نے کھلاڑیوں کے ملوث ہونے پر حیرانگی کا اظہار کیا۔ ذرائع کے مطابق مصباح الحق اپنے مستقبل کا فیصلہ 5 سے 6 روز میں کریں گے اور مصباح دورہ ویسٹ انڈیز سے متعلق بورڈ کو خود آگاہ کریں گے۔
ایمز ٹی وی(اسپورٹس) پی ایس ایل میں شریک کھلاڑیوں کے مشتبہ افراد سے رابطوں کا انکشاف ہوا ہے ۔ملوث کھلاڑیوں کے خلاف کارروائی کا آغاز پی سی بی نہیں بلکہ آئی سی سی کے انٹرنیشنل انویسٹی گیٹرز نے کیا ۔
ذرائع کے مطابق کئی کھلاڑیوں نےسٹے بازوں کو خراب کارکردگی کا یقین دلایا تھا ۔کچھ کھلاڑیوں نے سٹے بازوں کی پیشکش کو قبول کیا اور کچھ کھلاڑیوں نے سٹے بازوں کی پیشکش سن کر بتایا نہیں جن کھلاڑیوں کو واپس وطن بھیجا گیا انہوں نے سٹے بازوں کی پیشکش کو قبول کیا۔
ذرائع کا یہ بھی کہنا ہے کہ کراچی کنگز کے شاہ زیب حسن کے موبائل فون کا ڈیٹا حاصل کیا گیا۔پی ایس ایل کی افتتاحی تقریب سے پہلے سٹے بازوں کا گروہ کھلاڑیوں کے ہوٹل میں نظر آیا۔پی ایس ایل میں کھلاڑیوں کے خلاف کارروائی آئی سی سی کے گرینڈ آپریشن کا حصہ ہے۔شاہ زیب حسن اورمحمد عرفان کو فیلڈ سے بلا کر پوچھ گچھ کی گئی۔
شرجیل خان اور خالد لطیف گزشتہ روز پاکستان پہنچ چکے ہیں . پاکستان کرکٹ بورڈ نے شرجیل خان اور خالد لطیف کو شوکاز جاری کرکے 7دنوں میں جواب طلب کر لیا گیا۔
اسلام آباد یونائیٹڈ کے محمد عرفان کو آج کسی وقت وطن واپس بھیجے جانے کا امکان ظاہر کیا جا رہا ہے۔ کوئٹہ گلیڈی ایٹرز کےذوالفقار بابر کو بھی وطن واپس بھیجے جانے کا امکان ہے۔