Reporter SS

دہشت گردوں کےخلاف ایف سی اہلکاروں کاقیمیتی جانوں کاںذرانہ

ایمزٹی وی(خیبر پختونخواہ)جنوبی وزیرستان میں بارودی مواد کے دھماکے میں3ایف سی اہلکار شہید ہوگئے۔

آئی ایس پی آر کے مطابق دھماکا گزشتہ رات جنوبی وزیر ستان کے علاقے زرمیان میں سرچ آپریشن کے دوران ہواتھا۔ بارودی سرنگ کے دھماکے سے زخمی ہونے والے 3 ایف سی اہلکار شہید ہوگئے۔

گورنر خیبر پختونخوا اقبال ظفر جھگڑا نے واقعے کی مذمت کرتے ہوئے کہا ہے کہ دہشت گردی کے خلاف جنگ کو منطقی انجام تک پہنچایا جائے گا۔انہوں نے کہا کہ پوری قوم دہشت گردی کے خلاف جنگ میں سیکورٹی فورسز اور قبائلی عوام کی کوششوں کو قدر کی نگاہ سے دیکھتی ہے۔

علاوہ ازیں اورکزئی ایجنسی میں فائرنگ سے جرگہ سے واپس جانے والے دو افراد جاں بحق اور دو زخمی ہوگئے

جعلی ادویات کے کاروبار میں ملوث عناصراورعطائی ڈاکٹروں کی شامت آگئی

ایمزٹی وی(صحت)وزیراعلیٰ بلوچستان نواب ثناء اللہ خان زہری نے جعلی ادویات کے کاروبار میں ملوث عناصراورعطائی ڈاکٹروں کے خلاف جاری کاروائی کو مزید موثر بناتے ہوئے اس کا دائرہ کار وسیع کرنے کی ہدایت کی ہے۔ وزیراعلیٰ بلوچستان کی جانب سے محکمہ صحت کے ساتھ ساتھ ڈویژنل کمشنروں اور ڈپٹی کمشنروں کو جعلی ادویات کے گھناؤنے کاروبار میں ملوث عناصر کے خلاف کریک ڈاؤن کرنے اور انہیں قانون کی گرفت میں لانے کے لیے فعال کردار ادا کرنے کی ہدایت بھی کی ہے۔

وزیراعلیٰ نواب ثناء اللہ خان زہری کا کہنا ہے کہ جعلی ادویات کا کاروبار کرنے والے قوم اور انسانیت کے دشمن ہونے کی بناء پر کسی قسم کی رعایت کے مستحق نہیں ، لہذا انہیں ان کے انجام تک پہنچانے میں کوئی کسر اٹھا رکھی نہیں جائے گی۔ وزیراعلیٰ بلوچستان نے محکمہ صحت اور انتظامیہ کو یہ بھی ہدایت کی ہے کہ ان کاروائیوں کو کامیابی سے ہمکنار کرنے کے لیے خصوصی سیل بھی قائم کئے جائیں تاکہ عوام اس مکروہ کاروبار میں ملوث عناصر کی نشاندہی کر سکیں۔ وزیراعلیٰ نے عوام الناس سے بھی اپیل کی ہے کہ وہ بھی حکومتی اقدامات کو کامیابی سے ہمکنارکرنے کے لیے اپنا کردار ادا کرتے ہوئے باشعور شہری ہونے کا ثبوت دیں۔ وزیراعلیٰ نے متعلقہ اہلکاروں بالخصوص محکمہ صحت میں اس حوالے سے ضلعی سطحی تک تعینات شدہ عملہ جن پر حکومت کروڑوں روپے صرف کرتی ہے اور جن کی بنیادی ذمہ داری ہے کہ وہ اس قسم کے گھناؤنے کاروبار پر نظر رکھیں اور ان کے خلاف کاروائی ان کا بنیادی مینڈیٹ ہے کوسختی سے انتباہ کیا کہ وہ کسی طور بھی ایسے عناصر کی پشت پنائی نہ کریں اور نا ہی کسی قسم کے دباؤ میں آئیں بصورت دیگر ان کیخلاف بھی تادیبی کاروائی عمل میں لائی جائے گی۔ وزیر اعلیٰ نے مزید کہا ہے کہ جعلی ادویات کے خلاف کاروائی کے لیے قانون موجود ہے تاہم ضرورت پڑنے پر اس قانون کو مزید موثر اور سخت بنانے کے لیے قانون سازی بھی کی جائے گی۔

دریں اثناء وزیراعلیٰ بلوچستان نواب ثناء اللہ خان زہری کی خصوصی ہدایت پر ضلعی انتظامیہ نے شہر میں جعلی ادویات، عطائی ڈاکٹروں اور غیررجسٹرڈ میڈیکل اسٹوروں کے خلاف بھرپور کاروائی کی جس میں کوئٹہ شہر کے نواحی علاقوں جن میں مغربی بائی پاس، بھوسہ منڈی، پشتون آباد، غوث آباد، کلی خیزی، نواں کلی کے تقریباً 30سے زائد میڈیکل سٹورز کو سیل کردیا گیا ہے۔اس موقع پر ڈپٹی کمشنر کوئٹہ انجینئر عبدالواحد کاکڑ نے گفتگو کرتے ہوئے کہا کہ گذشتہ دنوں میڈیا میں اس مسئلے پر رپورٹ شائع ہوئی تھی جس کا وزیراعلیٰ بلوچستان نے سختی سے نوٹس لیتے ہوئے متعلقہ اداروں کو اس مسئلے سے نمٹنے کے لئے خصوصی احکامات دیئے جس کے بعد شہر کے تمام علاقوں میں چھاپہ مار ٹیموں نے اسپیشل مجسٹریٹ اور محکمہ صحت کے حکام کے ہمراہ کاروائی کی۔ اس موقع پر انہوں نے بتایا کہ جعلی ادویات کی فروخت میں ملوث افراد کو کسی صورت معاف نہیں کیا جائے گا جبکہ تمام غیررجسٹرڈ میڈیکل اسٹورز، کلینکس، لیبارٹریز کو بھی سیل کیا جارہا ہے۔

مصباح الحق مایوسی کا شکار

ایمزٹی وی(اسپرٹس)پی ای ایس ایل میں اسپاٹ فکسنگ کے بعد اسلام آباد یونائیٹڈ اور ٹیسٹ کرکٹ ٹیم کے کپتان مصباح الحق مایوسی کاشکار ہوگئے۔ اس حوالے سے ان کا کہنا تھا کہ جو کچھ ہوا انتہائی تکلیف دہ اور مایوس کن تھا،پی سی بی اور آئی سی سی کو سخت اقدامات کرنے چاہئیں۔

میڈیا ذرائع کے مطابق پاکستان سپر لیگ (پی ایس ایل)میں اسلام آباد یونائیٹڈ ٹیم کے کھلاڑیوں شرجیل خان اور خالد لطیف کے مبینہ سٹے بازی میں ملوث ہونے کے بعد کپتان مصباح الحق بھی بول پڑے اور کہا کہ پاکستان کرکٹرز کو زیادہ ذمہ داری کا مظاہرہ کرنا ہوگا،

اس تمام عرصے میں جو کچھ بھی ہوا وہ ہمارے لئے انتہائی تکلیف دہ تھا۔ انہوں نے کہا کہ واقعے کے اثرات سے نکل کر آگے بڑھنے کی کوشش کررہے ہیں،ہمیں محتاط ہونا پڑے گا اور کرکٹ پر توجہ دینا ہوگی۔

یاد رہے شرجیل خان اور خالد لطیف کو مبینہ سپاٹ فکسنگ میں ملوث ہونے کی وجہ سے پی سی بی معطل کرچکی ہے اور ان کو دبئی سے پی ایس ایل سے باہر کرکے واپس وطن بھجوادیا گیا تھا۔

سابق صدر نے سیاسی سرگرمیوں میں حصہ لینے کا اعلان کردیا

ایمزٹی وی(اسپورٹس)یوتھ پارلیمنٹ کے وفد نے آل پاکستان مسلم لیگ کے سربراہ پرویز مشرف سے دبئی میں ملاقات کی۔ اس موقع پر سابق صدر کا کہنا تھا ملک میں گڈ گورننس کا بحران اور قومی سطح پر سیاسی قیادت کا فقدان ہے، عوام کو ڈرانے کے بجائے انہیں معاشی اور سیاسی طور پر مضبوط کرن کی ضرورت ہے، نئی سیاسی جماعت بنانے کا کوئی ارادہ نہیں ہے، بنیادی طور پر مہاجر ہوں اور مہاجروں سے دلی ہمدردی ہے، لیکن ایم کیو ایم کی قیادت سنبھالنے کی خبروں میں کوئی صداقت نہیں ہے، جلد پاکستان آکر سیاسی سرگرمیوں میں بھرپر حصہ لوں گا۔

خالد لطیف نے خاموشی توڑ دی

ایمزٹی وی(اسپورٹس)سپاٹ فکسنگ کے اسکینڈل میں ملوث کھلاڑی خالد لطیف نے اپنے آپ کو بے گناہ قراردیدیا ہےمیڈیا ذرائع کے مطابق پی ایس ایل میں اسلام آباد یونائیٹڈ کے کھلاڑی خالد لطیف سے معطلی کے بعد میڈیا نے متعدد سوالات کیے جن کے خالد لطیف نے جوابات نہ دیئے مگر وہ جاتے جاتے یہ کہہ گئے کہ” اللہ گواہ ہے میں نے کچھ نہیں کیا اور میں بے گناہ ہوں“۔

تفصیلات کے مطابق فکسنگ میں ملوث خالد لطیف کو ان کے گھر کے باہر میڈیا کے نمائندوں نے گھیر لیا اور سوالات کی بوچھاڑ کردی جن میں پوچھا گیا کہ کیا وہ کبھی یوسف کو ملے اور جو پیشکش کی گئی وہ انہوں نے قبول کی یا نہیں؟،صحافیوں نے پوچھا کہ کیا آپ یوسف کو پہلے سے جانتے تھے؟جس کا جواب خالد لطیف نے پہلے ’نو کمنٹس،نوکمنٹس ‘میں دیا مگر جب وہ گاڑی میں بیٹھ کر جانے لگے تو اس سے قبل انہوں نے بس یہ کہا ”کہ اللہ اس بات کا گواہ ہے کہ میں نے کبھی کچھ نہیں کیا “اور گاڑی میں بیٹھ کر یہ جا وہ جا۔یاد رہے کہ پاکستان سپر لیگ کے دوسرے ایڈیشن میں خالد لطیف اور شرجیل خان کو مبینہ بکی یوسف سے سٹے بازی کرنے پر پی سی بی کی طرف سے معطل کیا جاچکا ہے۔

طلبہ کے بہتر مستقبل کے لئے انٹریونیورسٹی فار پروموشن آف ایجوکیشن کا قیام عمل

ایمز ٹی وی( تعلیم / کراچی) جامعات سے متعلق امور پر باہمی رابط کو بڑھایا جائے اور سندھ کے طلبہ کے بہتر مستقبل کے لئے انٹریونیورسٹی فار پروموشن آف ایجوکیشن کا قیام عمل میں لایا جائے گا۔ جس میں شرکت کے لئے سندھ یونیورسٹی ،کراچی یونیورسٹی ، مہران یونیورسٹی ، این ۔ ای ۔ ڈی یونیورسٹی ، لیاقت میڈیکل یونیورسٹی جامشورو ، ضیاء الدین یونیورسٹی ، ای۔ بی۔ اےسکھر ،سندھ جناح میڈیکل یونیورسٹی اور شہید ذوالفقار علی بھٹو یونیورسٹی آف لاء کے وائس چانسلرز کا اجلاس سندھ ہائر ایجوکیشن کمیشن کے تعاون سے پیر 13 فروری 2017 کو جامعہ ِ قانون میں منعقد ہوگا۔

اس بات کی منظوری جسٹس(ر) قاضی خالد علی کی زیر صدارت سینڈیکیٹ کے اجلاس میں دی گئی۔اجلاس میں یہ فیصلہ کیا گیا کہ Ph.Dلاء پروگرام خزاں سمیسٹر2017کے پری انٹر ٹیسٹ کا انعقاد HEC کی گائیڈلائن کی روشنی میں یونیورسٹی منعقد کریگی۔ اجلاس میں صحافیوں کی تعلیم و تربیت کے پروگرام کی توثیق دی گئی۔ اجلاس میں اعلیٰ عدلیہ کے سابقہ جج صاحبان کی یونیورسٹی میں پروفیسر کی تقرری کے لئے عمر کی حد 70 سال کرنے کی منظوری دی گئی۔ اجلاس نے بانی وائس چانسلر جسٹس(ر) قاضی خالد علی قانون کی تعلیم و تربیت اور دیگر جامعات کو ساتھ لیکر چلنے اور اُن کی بھی تعلیم و ترقی کے لیے کی جانے والی انتھک محنت اور دن رات کی جدوجہد کو خراجِ تحسین پیش کیا۔

جامعہ کراچی شدید دباؤ کا شکار

ایمز ٹی وی ( تعلیم /کراچی ) جامعہ کراچی نے وفاقی ہائر ایجوکیشن کمیشن کے دباؤ پر وفاق اردو یونیورسٹی کے وائس چانسلر ڈاکٹر سلمان ڈی محمد کے پی ایچ ڈی کے مقالے کا معاملہ سینڈیکیٹ کے ایجنڈے میں شامل کرلیا ہے، سابق وائس چانسلر ڈاکٹر محمد قیصر پر اس حوالے سے شدید دباؤ تھا کئی روز قبل انہیں ہائر ایجوکیشن کمیشن کے ایک اعلیٰ افسر کی طرف سے فون بھی آیا تھا کہ سنڈیکیٹ کا اجلاس جلد بلانے کے لیے نئے وائس چانسلر سے کہا جائے نئے وائس چانسلر ڈاکٹر اجمل کا یہ پہلا سنڈیکیٹ کا اجلاس ہو گا ۔ کیونکہ وہ کبھی ماضی میں سنڈیکیٹ کے رکن نہیں رہے، گزشتہ ہفتے بورڈ آف ایڈوائس اسٹڈیز کے اجلاس میں بھی اُنہوں نے پہلی بار شرکت کی تھی، نئے وائس چانسلر کی زیرصدارت 17؍فروری کو ہونے والے سنڈیکیٹ کے اجلاس میں ڈاکٹر سلمان ڈی محمد کے علمی سرقے کےمعاملے کو سرفہرست رکھا گیا ہے ۔

جس سے جامعہ کراچی پر پڑنے والے شدید دباؤ کا پتہ چلتا ہے، اجلاس میں اسلامک لرنگ کے تین پروفیسرز پر عائد علمی سرقے کا معاملہ بھی زیربحث آئے گا، اجلاس میں سینئر میڈیکل آفیسر ڈاکٹر ندیم الزماں کو اضافی انکریمنٹ دینے پر غور کیا کیا جائے گا۔ اجلاس میں جامعہ کراچی میں کھلنے والے دو بینکوں کی برانچز کے کرائے نامے کا معاملہ بھی زیرغور آئے گا، لیکن پیٹرول پمپ پر بات نہیں ہوگی۔ یاد رہے کہ وسیع رقبے پر قائم پیٹرول پمپ بغیر کسی ٹینڈر کے سفارش پر محض ایک لاکھ روپے کرائے ماہانہ پر دیا گیا ہے.

اجلاس میں محمد اکبر کواسٹنٹ ڈائریکٹر فزیکل ایجوکیشن افسر مقرر کرنے پر غور کیا جائے گا محمد اکبر سمیت درجنوں افراد سابق وائس چانسلر ڈاکٹر پیرزادہ قاسم کے دور میں بغیر اشتہار اور انٹرویو کے بطور افسر بھرتی کرلیے گئے تھے، اجلاس میں دوران ملازمت انتقال کرنے والے ملازمین کے خاندان کی مدد کے لیے فنڈ قائم کرنے پر غور کیا جائے گا۔

قومی یکجہتی اور علاقائی روابط میں نوجوانوں کے کردار پرسیمینار

ایمزٹی وی(تعلیم/ کراچی)جامعہ کراچی میں قومی یکجہتی اور علاقائی روابط میں نوجوانوں کے کردار پرسیمینار کا انعقاد کیا گیا۔ اس موقع پر ایم کیو ایم پاکستان کے سربراہ ڈاکٹر فاروق ستار اور پاک سر زمین کے چیئر مین مصطفٰی کمال شرکا کی توجہ کا مرکز بنے رہے۔ دونوں ایک دوسرے کو دیکھ کر مسکرائے، ہاتھ ملاکریکجہتی کا اظہار بھی کیا۔

سیمینار میں ایم کیو ایم پاکستان کے سربراہ ڈاکٹر فاروق ستار اور پاک سرزمین پارٹی کے چیئرمین اور سابق سٹی ناظم مصطفیٰ کمال ساتھ ساتھ بیٹھے۔مصطفیٰ کمال نے اپنی نشست فاروق ستار کو پیش کرتے ہوئے میڈیا کے فوٹیج بنانے پر تبصرہ کیا کہ کہیں تو گلے مل لوں؟

سیمینار سے خطاب میں سابق سٹی ناظم مصطفیٰ کمال نے کہا کہ انہوں نے کراچی میں تین سو ارب روپے اپنے ہاتھوں سے خرچ کئے۔اگر کوئی میری بات مانتا ہے تو میرا بھائی ہے۔

چیئرمین پاک سرزمین پارٹی نے مزید کہا کہ ملک میں تین کروڑ بچے اسکول نہیں جاتے ، ایک کروڑ بچے ذہنی بیماری میں مبتلا ہیں جبکہ ساڑھے تین لاکھ بچے بھوک سے مررہے ہیں۔ان کا کہنا تھا کہ سی پیک گیم چینجر ہوسکتا ہے۔

سیمینار میں بلوچستان کے وزیر داخلہ سرفرار بگٹی ،وزیر صحت بلوچستان رحمت علی بلوچ اور ڈپٹی اسپیکر راحیلہ درانی نے بھی شرکت کی۔

سیمینار سے خطاب کرتے ہوئے وزیر داخلہ بلوچستان سرفراز بگٹی نے کہا ہے کہ بھارت بلوچستان کو غیر مستحکم کرنے کے لئے افغانستان کی سرزمین استعمال کررہا ہے ۔

ان کا کہناتھاکہ بلوچستان میں جرائم کی شرح کراچی اور فیصل آباد سے کم ہے،یوتھ اور فورسزنے بلوچستان میں امن کا سورج قائم کیا ہے۔

ویزا نہ ملنے پر امریکاکے ساتھ سفارتی تعلقات معطل

ایمزٹی وی(اسلام آباد)چیئرمین سینیٹ رضا ربانی نے ڈپٹی چیئرمین سینیٹ مولانا عبدالغفوری حیدری کو امریکی ویزا کے اجراء میں غیر ضروری تاخیر کا سختی سے نوٹس لیتے ہوئے پاکستانی وفد کا دورۂ امریکا منسوخ کر دیا۔

انہوں نے امریکی حکام کی وضاحت تک سینیٹ کے امریکاکے ساتھ سفارتی تعلقات معطل کر دیے۔اس حوالے سے چیئرمین سینیٹ رضا ربانی کاکہنا ہے کہ جب تک امریکا وضاحت نہیں کرے گا، سینیٹ کا کوئی وفد نیویارک نہیں جائے گا۔

13 سے 14 فروری تک نیویارک میں ہونے والے بین الا پارلیمانی مباحثے میں شرکت کیلئے ڈپٹی چیئرمین سینیٹ مولانا عبدالغفوری حیدری نے 10 فروری کو امریکا جانا تھا۔

گزشتہ ہفتے مولانا غفور حیدری اور سینیٹر صلاح الدین ترمذی نے اسلام آباد میں امریکی سفارت خانے کو ویزا درخواست دی۔

امریکی سفارت خانے نے سینیٹر صلاح االدین ترمذی کا ویزا جاری کر دیا،مگر ڈپٹی چیئرمین کو ویزا دینے میں غیر ضروری تاخیر کی ۔

ڈپٹی چیئرمین سینیٹ کو بر وقت امریکی ویزا جاری نہ ہونے پر چیئرمین سینیٹ رضا ربانی نے سختی سے نوٹس لیا۔

چیئرمین سینیٹ نے ایک بیان میں کہا ہے کہ جب تک امریکی حکام وضاحت نہیں کرتے، سینیٹ کا کوئی وفد امریکا کا دورہ نہیں کرے گا، نہ ہی امریکا سے آئے کسی وفد، کانگریس کے رکن یا سفارت کار کا سینیٹ میں خیر مقدم کیا جائے گا

بینظیربھٹوشہیدیونیورسٹی لیاری کی رنگا رنگ الوداعی تقریب

ایمزٹی وی(تعلیم/کراچی)بینظیر بھٹو شہید یونیورسٹی لیاری کے زیرِ اہتمام فیکلٹی آف مینجمنٹ سائنسزکے فی الفورہونے والے فارغ التحصیل طلبا و طالبا ت کے لئے الوداعی تقریب کا انعقاد کیا

تقریب میں طلبا و طالبات سمیت مختلف شعبہ ہائے زندگی سے تعلق رکھنے والے شخصیات نے بطور مہمانِ خصوصی شرکت کی

تقریب سے خطاب کرتے ہوئے چیف فنائنشل آفیسر بابر سلیم کا کہنا تھا کہ معاشرے میں تبدیلیاں آتی ہیں اور جو کوئی ان تبدیلیوں کو اپنالیتا ہے کامیابی ان کو ملتی ہے۔

جبکہ آدم جی انشورنس کی جنرل مینجر شہلا حسین نےپروقار تقریب میں اپنے جذبات کا اظہار کرتے ہوئے کہا کہ طلبا و طالبات پاکستان کا روشن مستقبل ہیں اور پاکستان کا مستقبل انتہائی روشن ہے

الوداعی تقریب میں طلبہ وطالبات نے تقاریر، ڈرامے، موسیقی ، رقص کا اہتما م کیا اور تقریب کوچار چاند لگادیا۔ پروگرام میں ہونہار طلبا و طالبا ت اور اساتذہ میں شیلڈ بھی تقسیم کی گئی۔

Page 1938 of 2389