ایمزٹی وی(راولپنڈی) آرمی چیف جنرل راحیل شریف نے افغانستان میں امریکی کمانڈر جنرل نکلسن سے کہا ہے کہ پاکستانی ہیلی کاپٹر کے عملے کی بازیابی کے لیے مدد کی جائے۔ پاک فوج کے شعبہ تعلقات عامہ (آئی ایس پی آر) کا کہنا ہےکہ ہیلی کاپٹر کے واقعہ پر آرمی چیف جنرل راحیل شریف نے افغانستان میں امریکی کمانڈر جنرل نکلسن سے ٹیلیفونک رابطہ کیا اور کریو ممبرز کی حوالگی کے لیے کہا جس پر جنرل نکلسن نے تعاون کی مکمل یقین دہانی کرائی ہے۔

ترجمان پاک فوج کے مطابق آرمی چیف جنرل راحیل شریف نے جنرل نکلسن سے کہا کہ پاکستانی ہیلی کاپٹر کے عملے کی بازیابی کے لیے مدد کی جائے جس پر جنرل نکلسن کا بھرپور تعاون کی یقین دہانی کراتے ہوئے کہنا تھا کہ عملے کی بازیابی کے لیے تمام اقدامات کیے جائیں گے۔

ایمزٹی وی(اسلام آباد)ملک بھر میں حج آپریشن کا آغاز ہو گیا ہے جس کے تحت پہلی حج پرواز بے 329 مسافروں کو لے کر حجاز مقدس کے لئے روانہ ہوئی۔

ذرائع کے مطابق وفاقی وزیر مذہبی امور سردار یوسف اور پاکستان میں تعینات ڈپٹی سعودی سفیر ماروان رضوان نے عازمین کو رخصت کیا۔ اس موقع پر وزیر مذہبی امور سردار یوسف کا عازمین سے خطاب کرتے ہوئے کہنا تھا کہ عازمین کی روانگی کے لیے تمام تر انتظامات مکمل کر لئے ہیں، عازمین کو بہترین سہولتات فراہم کرنے کی کوشش کی گئی ہے۔ ان کا کہنا تھا کہ حجاز مقدس جانے والے تمام شہری سعودی عرب میں پاکستان کے سفیر ہیں، اس لئے کوشش کریں کہ پاکستان کی عزت اور حرمت پر کوئی آنچ نہ آئے۔ دوسری جانب سعودی سفیر ماروان رضوان کا کہنا تھا کہ حج کے انتظامات 6 ماہ قبل مکمل کر لئے تھے، مکہ اور مدینہ صرف سعودی شہریوں کے لئے نہیں پوری دنیا کے مسلمانوں کے لئے مقدس جگہ ہے جب کہ ایران کے حجاج ہماری نہیں ان کی حکومت کہ وجہ سے نہیں جا رہے۔

حج فلائٹ آپریشن کے پہلے روز اسلام آباد، لاہور، کراچی، پشاور اور فیصل آباد سے 4 ایئر لائنوں کے ذریعے ایک ہزار 994 عازمین سعودی عرب پہنچیں گے جب کہ حج آپریشن 4 ستمبر تک جاری رہے گا۔

ایمزٹی وی(تعلیم )جامعات کی جعلی ڈگریاں بنا کر فروخت کرنے والے گروہ کے خلاف ایف آئی اے کی کارروائی میں ایک اور کارندہ گرفتارکرلیا۔ ایف آئی اے کارپوریٹ کرائم سرکل کے انسپکٹر اقبال نے اپنی ٹیم کے ہمراہ جامعات کی جعلی ڈگریاں بنا کر فروخت کرنے والوں کے خلاف کارروائیاں تیز کردی ہیں۔ ذرائع کے مطابق ملزم کو پہلے سے گرفتار جامعہ کراچی کے ملازم زین نبی کی نشاندہی پر گرفتار کیا گیا ہے ملزم مرزا یاسین بیگ جعلی ڈگریاں فروخت کرنے والے گروہ کے لئے ڈگریاں خریدنے والوں سے رقم جمع کرنے کا کام کرتا تھا اور یہ رقم زین نبی کو لا کر دیتا تھا جہاں سے رقم گروہ کے دیگر افراد میں تقسیم کی جاتی تھی ۔

۔واضح رہے کہ جامعہ کراچی کے شعبہ امتحانات کے ٹیبولیشن روم میں جامعہ کراچی کے کسی ملازمت کو بھی بغیر اجازت داخلے کی اجازت نہیں ہوتی ہے تاہم زین نبی کو والد کی ریٹائرمنٹ پر شعبہ امتحانات کے ٹیبولیشن روم میں ہی ملازمت مل گئی تھی اس دوران ملزم کا مشکوک سرگرمیوں پر جامعہ کراچی کی انتظامیہ نے شعبہ بین الاقوامی تعلقات تبادلہ کردیا تھا اور اس کے بعد زین نبی کو شعبہ پرائیویٹ منتقل کردیا تھا تاہم ایف آئی اے کی ٹیم نے ملزم کو گرفتار کرلیا ہے ۔

ایمزٹی وی(تعلیم)جامعہ کراچی کی انتظامیہ نے ملازمین کی لیو انکیشمنٹ جاری کر دی جبکہ کلاسز کا بائیکاٹ کر نے والے اساتذہ، انجمن اساتذہ اور غیر تدریسی ملازمین نے آج ایڈمنسٹریشن بلاک کے سامنے جمع ہو نے اور معاملات براہ راست حل کر نے کا اعلان کر دیا ہے۔

واضح رہے کہ جامعہ کراچی کے ملازمین کو تنخواہیں عمومی طورپرہر ماہ کی یکم کو ہی جاری کردی جاتی ہیں لیکن نئے مالی سال کے آغاز کے باعث کچھ وجوہات کی بناء پر فنڈز کی منتقلی میں کچھ تاخیر ہوئی جس کی وجہ سے ملازمین کو دودن کی تاخیر سے تنخواہیں اداکی گئیں۔

جبکہ دوسری جانب یہ تاثر دیا جارہاہے کہ ہائر ایجوکیشن کمیشن کی جانب سے گرانٹ موصول نہ ہونے کی وجہ سے تنخواہوں کی ادائیگی میں تاخیر ہوئی جو درست نہیں۔

ایمزٹی وی(تعلیم) اسلامی جمعیت طلبہ جامعہ کراچی کے زیر اہتمام فیسوں میں اضافے کے خلاف وائس چانسلر کے آفس کا گھیراؤ کیا گیا جس میں طلبہ و طالبات کی بڑی تعداد شریک ہوئی جنہوں نے ہاتھوں میں بینرز اور پلے کارڈ پکڑے ہوئے تھے جس پر فیسوں میں کمی کرنے کے مطالبات درج تھے۔

مظاہرے کی قیادت ناظم اسلامی جمعیت طلبہ جامعہ کراچی حمزہ صدیقی نے کی۔ اس موقع پر اپنے خطاب میں حمزہ صدیقی نے کہاکہ انتظامی کی ہٹ دھرمی اور نا اہلی نے جامعہ کراچی کا دیوالیہ نکال دیا ہے -

ایمزٹی وی(تعلیم) ٹھل کے قریب استاد نے طالب علم کو تشدد کرکے نہرمیں پھینک دیا،بچہ اسپتال میں داخل،تفصیلات کے مطابق ٹھل کے قریب گاؤں محمدحسن سرکی میں ایک دن اسکول نہ آنے پر استاد نے نرسری کے طالبعلم 8سالہ آصف علی جعفری کوبرہنہ کرکے تشدد کیا اور بعدازاں بچے کوایک نہرمیں پھینک دیا

علاقہ مکینوں نے بچے کونہرسے نکال کرکے اسپتال پہنچادیا،اس سلسلے میں طالب علم کے والد غضنفرجعفری نے بتایاکہ ایک دن اسکول نہ جانے پر ٹیچرنے میرے بچے کو تشدد کر کے اسے نہرمیں پھینک دیا،انہوں نے استاد کے خلاف فوری طور پر کارروائی کا مطالبہ کیا

ایمزٹی وی(آزاد کشمیر)چیئرمین پیپلز پارٹی بلاول بھٹو نے آزاد کشمیر میں پارٹی کی تمام تنظیمیں تحلیل کر دیں ۔بلاول بھٹو نے آزاد کشمیر کے الیکشن میں بدترین شکست کے بعد پہلے آزاد کشمیر کے سابق وزیراعظم چوہدری عبدالمجید سے پارٹی صدارت سے استعفیٰ لیا اور اب آزاد کشمیر کی تمام تنظیمیں تحلیل کر دی ہیں جبکہ آزاد کشمیر کی آرگنائزنگ کمیٹی اسی ہفتے قائم کی جائے گی۔

ذرائع کے مطابق بلاول کے اعلان کے بعد صدر پی پی آزاد کشمیر چوہدری عبدالمجید ، سیکرٹری جنرل لطیف اکبر سمیت تمام عہدیدارمعزول ہو گئے ہیں۔ذرائع کا کہنا ہے کہ بلاول بھٹو نے اس سے قبل ناقص کارکردگی پر پارٹی قائدین کی سرزنش بھی کی اور ساری صورتحال سے متعلق رپورٹ طلب کرلی ہے

ذرائع نے بتایا کہ الیکشن سے قبل چوہدری عبدالمجید ،چوہدری ریاض اور ان کی ٹیم نے پارٹی قیادت کو اس بات کی یقین دہانی کرائی تھی کہ پیپلز پارٹی آزاد کشمیر میں آٹھ سے دس سیٹیں حاصل کر لے گی پیپلز پارٹی کے پانچ سالہ دور میں پارٹی کے نظریاتی کارکن شدید مایوسی کا شکار تھے ، مرکزی قیادت نے آزاد کشمیر کے اندر تنظیمی عہدوں سمیت بڑے پیمانے پر تبدیلیاں کرنے کا فیصلہ کر لیا ہے جبکہ پارٹی صدارت کیلئے 3ناموں پر غور شروع کر دیا ہے جس میں چوہدری یاسین ،سردار قمرالزمان اور فیصل راٹھور شامل ہیں۔

ایمزٹی وی(تعلیم)نیشنل یونیورسٹی آف کمپیوٹر اینڈ ایمرجنگ سائنسز کے 44ویں کانو وکیشن کی تقریب یونیورسٹی کیمپس میں منعقد ہوئی ۔

تقریب میں 357گریجویٹس ، ماسٹرز اور پی ایچ ڈی طلبا و طالبات کو ڈگریاں دی گئیں۔ بہترین تین طلبا و طالبات میں میڈل بھی تقسیم کئے گئے ۔تقریب کے مہان خصوصی وفاقی وزیر منصوبہ بندی احسن اقبال تھے۔

اس موقع پر یونیورسٹی کے ڈائر یکٹر ڈاکٹر ارشد علی شاہد، ریکٹر ڈاکٹر عامر محمد ، سیکر ٹری جنرل رانا غلام شاہد اور ڈین ڈاکٹر ایوب علوی بھی موجود تھے

ایمزٹی وی(اسلام آباد) وزیراعظم نواز شریف نے آزاد کشمیر کے صدر کے لئے اقوام متحدہ میں پاکستان کے سابق مستقل مندوب مسعود خان کے نام کی منظوری دے دی ہے۔

ذرائع کے مطابق وزیراعظم نواز شریف نے نو منتخب وزیراعظم آزاد کشمیر راجا فاروق حیدر کی تجویز پر مسعود خان کے بطور صدر نام کی منظوری دے دی ہے،ذرائع کا کہنا ہے کہ مسعود خان بین الاقوامی سفارت کاری کا بہترین تجربہ رکھتے ہیں اوران کے صدر منتخب ہونے سے مقبوضہ کشمیر کا مسئلہ عالمی سطح پر مزید بہترطریقے سے اجاگر ہوسکے گا جب کہ اگست کے دوسرے ہفتے میں آزاد کشمیر کے موجودہ صدر سردار محمد یعقوب خان کی آئینی مدت پوری ہوجائے گی۔

مسعود خان 2005 سے 2008 تک اقوام متحدہ کے جنیوا آفس میں پاکستان کے مستقل مندوب رہے جس کے بعد انھیں اقوام متحدہ نیو یارک آفس میں پاکستان کا مستقل مندوب تعینات کر دیا گیا، اس کے علاوہ مسعود خان چین میں پاکستان کے سفیر رہ چکے ہیں۔

ایمزٹی وی(اسلام آباد)چیف جسٹس انورظہیرجمالی نے ٹرانسپلانٹیشن وسائٹی آف پاکستان کے صدرڈاکٹر ادیب الحسن رضوی کے خط پرملک میں انسانی اعضاکی غیر قانونی پیوندکاری کا ازخودنوٹس لے کر پنجاب حکومت سے جواب طلب کرلیاہے۔

پنجاب حکومت نے عبوری رپورٹ میں کہاہے کہ جن اسپتالوں کے خلاف شکایت آئی ہے ان میں سے ایک رجسٹرڈہے اورایک کا ریکارڈ دستیاب نہیں۔ڈاکٹر ادیب الحسن رضوی نے چیف جسٹس کے نام خط میں السیداسپتال راولپنڈی اور گجرات کے ایک اسپتال کے بارے میں بیرون ملک سے ملنی والی شکایات کاحوالہ دیا تھا اورکہاتھا کہ انسانی اعضاکی غیر قانونی پیوندکاری سے بیرون ملک پاکستان کی بدنامی ہورہی ہے۔

انھوں نے خط کے ساتھ انسانی اعضاکی پیوندکاری میں غریب مریضوں کے تحفظ کے عالمی ڈیکلریشن آف استنبول کسٹوڈین گروپ کے ایگزیکٹو ڈائریکٹر ڈاکٹر فرانسز ڈلمنواور انٹرنیشنل ٹرانسپلانٹیشن سوسائٹی کے سابق صدرجرمی چپ مین کی ای میلزبھی چیف جسٹس کوبھجوائی ہیں۔