ایمزٹی وی(کھیل) پاکستان جوجسٹو کی ٹیم پہلی ایشیئن بیچ چمپئن شپ میں شرکت کے بعد سری لنکا سے لاہور پہنچ گئی۔ پاکستانی ٹیم نے شاندار پرفارمنس سے ایک گولڈ‘ 7سلور اور 9 براونز میڈل جیتے۔ تفصیلات کے مطابق نجی ایئر لائنز کی پرواز ایم جے ون ایٹ فائیو کے ذریعے پاکستان جوجسٹو کی 11رکنی ٹیم سری لنکا سے لاہور پہنچی۔ ٹیم میں 4خواتین اور 5مرد کھلاڑی شامل تھے۔ پاکستانی ٹیم نے چیمپئن شپ میں عمدہ کارکر دگی دکھاتے ہوئے ایک گولڈ میڈل‘ 7سلور اور 9 براون میڈلز جیتے۔ وطن واپسی پر تمام کھلاڑی پرجوش نظر آئے۔ ایئرپورٹ کے باہر میڈیا سے گفتگو کرتے ہوئے ہیڈکوچ مختیار احمد کا کہنا تھا کہ حکومت فیڈریشن پر دھیان دے تو پاکستانی ٹیم اس سے بھی بہتر کارکردگی دکھا سکتی ہے۔ پہلی ایشیئن بیچ چیمپئن شپ میں 15 ممالک نے شرکت کی۔ قومی ٹیم نے عمدہ کارکردگی کا مظاہرہ کیا۔ اس کھیل پر مزید توجہ دی جائے تو قومی ٹیم ترقی کی منزل طے کرتی رہے

ایمزٹی وی(خیبر پختونخواہ) پشاور میں پولیس نے تباہی کا بڑا منصوبہ ناکام بناکر بارہ کلو وزنی بم برآمد کرلیاتھا۔تفصیلات کے مطابق پشاور میں قانون نافذ کرنے والے اداروں نے دہشت گردوں اور جرائم پیشہ عناصر کے خلاف کارروائیاں مزید تیز کردی ہیں۔

پشاور کے تھانہ فقیرآباد کے علاقہ قاضی کلے میں پولیس نے کامیاب کارروائی کرکے دہشت گردی کی بڑی کارروائی کی منصوبہ بندی کرنے والے دہشت گرد سفیراللہ کو گرفتارکرلیا۔ گرفتار دہشت گرد کا تعلق ہنگو سے ہے جس کے قبضے سے بارہ کلو اور چار کلو گرام کے دو بم، چار دستی بم، دو ڈیٹونیٹر، نائن ایم ایم پستول برآمد کرلیا۔ ایک اور کارروائی میں یکہ توت کے علاقہ میں سرچ آپریشن کے دوران انتہائی مطلوب ٹارگٹ کلر پولیس کے ہتھے چڑھ گیا۔ ٹارگٹ کلر اسماعیل کی گرفتاری پر پانچ لاکھ روپے کا انعام مقرر تھا۔ گرفتارملزم سے اڑھائی کلو وزنی بم، دو دستی بم، ڈیٹونیٹر اور پستول برآمد ہوا۔ پولیس نے ٹارگٹ کلر کے قبضے سے موٹرسائیکل بھی برآمد کی۔

گرفتار ٹارگٹ کلر کو مزید تفتیش کےلئے سی ٹی ڈی کے حوالے کردیا۔ دوسری جانب سی ٹی ڈی نے کارروائی کرکے پشاورمیں مقیم اورکزئی ایجنسی کی خاتون عائشہ بی بی سے بھتہ کرنے والا ملزم بھی گرفتارکرلیا گیا۔ ملزم فضل غفورسکنہ اورکزئی ایجنسی خود کو کالعدم تنظیم کا کارکن ظاہرکرکے خاتون سے بھتہ مانگ رہا تھا۔ سی ٹی ڈی نے بھتہ طلب کرنے کےلئے استعمال ہونے والا موبائل فون اور سم برآمد کرلی

ایمزٹی وی(اسلام آباد) ترک وزیر خارجہ مولود چاوش اوغلو کی مشیرخارجہ سرتاج عزیز سے ملاقات کی.مشیر خارجہ سرتاج عزیز کا کہنا تھا کہ ترکی میں عوام کی جانب سے بغاوت کی کوشش ناکام بنانا جمہوریت کی فتح ہے اور پاکستان ترک عوام اور حکومت کے ساتھ کھڑا ہے.

سرتاج عزیز کا کہنا تھا کہ پاکستان اور ترکی نے دنیا میں سب سے زیادہ مہاجرین کو پناہ دی،افغانستان میں امن سے متعلق ترکی اور پاکستان کے خیالات یکساں ہیں اور دونوں ممالک مل کر دہشت گردی کا مقابلہ کرتے رہیں گے،انہوں نے کہا کہ دونوں ملکوں کو دوستی کو اسٹریٹجک تعلقات میں بدلنا چاہیے.

اس موقع پر ترک وزیر خارجہ مولود چاوش اوغلو نے کہا کہ ترکی میں ناکام بغاوت کے پیچھے فتح اللہ گولن کی دہشت گرد تنظیم ہے،اس تنظیم نے تعلیمی اداروں اور دیگر شکلوں میں اپنا جال پھیلا رکھا ہے.ان کا مزیدکہنا تھا کہ پاکستان کے ساتھ تعلقات کو قدر کی نگاہ سے دیکھتے ہیں کیونکہ پاکستان یہ دوسرا گھر ہے اور یہاں آکر بے انتہا خوشی ہوتی ہے پاکستانی عوام اور حکومت نے بغاوت کچلنے کےلیے ہمارا بھرپور ساتھ دیا.

ترک وزیرخارجہ نے کہا کہ ہر شعبے میں ہمارا ایک دوسرے کے ساتھ تعاون جاری رہے گا جبکہ دونوں ملکوں کے درمیان تجارتی تعلقات فروغ پائیں گے.یاد رہے کہ اس سے قبل ترکی کی جانب سے فتح اللہ گولن کی تنظیم سے متعلقہ اداروں کی بندش کے مطالبے پر پاکستانی دفترِ خارجہ کے ترجمان نفیس ذکریا نے کہا تھا کہ ’ہم ان اسکولوں کے بارے میں فیصلہ کرنے کے لیے ترک حکام سے رابطے میں ہیں.

دفترخارجہ کے ترجمان کا کہنا تھا کہ اس بات پر زیادہ غور ہو رہا ہےکہ ترکی ایسی کوئی تنظیم یا ادارہ تجویز کرے جو ان اسکولوں اور کالجوں کا انتظام سنبھال لے۔

ایمزٹی وی(تعلیم)آزاد کشمیر یو نیورسٹی کے وائس چانسلرپروفیسر ڈاکٹر خواجہ فاروق احمد نے مقبوضہ کشمیر کے طلبا و طالبات کو آزاد کشمیر یو نیورسٹی میں مفت تعلیم اور سکالر شپ کی پیش کش کر دی۔

اس حوالے سے انہوں نے کہاکہ آزاد کشمیر کی تمام جامعات اور تعلیمی اداروں میں اولین حق ہمارے جسم کا حصہ مقبوضہ کشمیر کے بچوں کا ہے ،آزاد کشمیر کی تمام جامعات کے دروازے ان کے لئے کھلے ہیں،جس طرح سے طلبا و طالبات کو بھارت نے خصوصی نشانہ بنایا ہوا ہے اور ان کے مستقبل سے کھیلا جا رہا ہے ہمارا دل یہ مناظر دیکھ کر خون کے آنسو روتا ہے

ایمزٹی وی (اسلام آباد) سارک وزرائے داخلہ کانفرنس آج اسلام آباد میں شروع ہوگی، کانفرنس میں پاکستان، بھارت،بنگلہ دیش ، افغانستان، بھوٹان، نیپال اور سری لنکا کے ورزائے داخلہ شریک ہوں گے۔

تفصیلات کے مطابق پہلےاور دوسرے روز ایڈیشنل سیکرٹریز اور سیکرٹری سطح کےسیشن ہوں گے، وزرائے داخلہ کا اجلاس چار اگست کو ہوگا جبکہ اختتامی سیشن سے وزیراعظم خطاب کریں گے، جس کے ایجنڈے میں دہشتگردی کی روک تھام کا مشترکہ لائحہ عمل اپنانے پر غور کیا جائے گا۔

اسلام آباد میں ہونے والی وزرائے داخلہ کانفرنس میں شرکت کیلئے بھارتی وزیر داخلہ راج ناتھ سنگھ 3 اگست کو پاکستان پہنچیں گے۔واضح رہےہندوستانی وزیر داخلہ راج ناتھ ایک ایسے وقت میں پاکستان آرہے ہیں جب کشمیر میں 22 سالہ حزب المجاہدین کے کمانڈر برہان وانی کی شہادت کے بعد سے حالات کشیدہ ہیں اور جھڑپوں میں 50 سے زائد کشمیری شہید ہوچکے ہیں۔

سارک کے وزرا ئے داخلہ کانفرنس میں دہشت گردی کے خلاف جنگ، منشیات کی اسمگلنگ سے متعلقہ مسائل ، چھوٹے ہتھیاروں اور اس طرح کے دیگر چیلنجزکا مقابلہ کرنے کے لئے مربوط اور ٹھوس کوششیں زیر بحث لائی جائیں گی جبکہ کانفرنس کے ایجنڈے میں دہشتگردی کے خاتمے کیلئے مشترکہ لائحہ عمل اپنانے پر غور کیا جائے گا۔

ایمزٹی وی(تعلیم)وفاقی جامعہ اردو کے رجسٹرارڈاکٹر محمد صارم کے مطابق دفتری اردومراسلت کے حوالے سے دو ماہی دورانیہ کا کورس شروع کیاجارہاہے.

جس میں داخلے کے خواہشمند امیدواروں کیلئے فارم جمع کرانے کی تاریخ یکم سے بڑھاکر10اگست کردی گئی ہے -

ایمزٹی وی (تعلیم)سندھ مدرستہ الاسلام یونیورسٹی کے زیر اہتمام یونیورسٹی میں داخلے برائے موسم خزاں کے لیے یونیورسٹی میں انٹری ٹیسٹ کا انعقاد کیا گیا۔ ایس ایم آئی یو میں ہونے والے داخلہ ٹیسٹ کیلئے 250 نشستوں پر941 امیدواروں نے آن لائن رجسٹریشن کرائی تھی سندھ مدرستہ الاسلام یونیورسٹی کے وائس چانسلر ڈاکٹرمحمد علی شیخ نے انٹری ٹیسٹ کا دورہ کیا۔

اس موقع پرانہوں نے کہاکہ سندھ مدرستہ الاسلام یونیورسٹی ملک کی بہترین جامعات میں سے ایک ہے ۔ جس میں ملک کے طالبعلموں کی ایک بڑی تعدادداخلے حاصل کرنے کی خواہشمند ہے ۔ انہوں نے کہاکہ سندھ مدرستہ الاسلام یونیورسٹی میں میرٹ پرداخلے دیے جاتے ہیں جس پرکوئی سمجھوتہ یاسودے بازی نہیں کی جائے گی۔

ایمزٹی وی(تعلیم)ثانوی تعلیمی بورڈ کراچی کے اعلامیہ کے مطابق سیکنڈری اسکول سرٹیفکیٹ سال دوم(دسویں کلاس) ہومینٹرز (آرٹس گروپ)اور خصوصی طلبہ کے سالانہ امتحانات برائے سال 2016 کے نتیجہ کا اعلان منگل 2اگست کو 2بجے ثانوی تعلیمی بورڈ کے کانفرنس ہال میں کیا جائے گا۔ امتحانات میں اول، دوم اور سوم آنے والے طلبہ و طالبات کو نقد انعامات کے ساتھ عبدالستار ایدھی یادگاری شیلڈ بھی دی جائے گی جبکہ اول آنے والے امیدوار کو 50ہزار روپے کا چیک ، دوم کو 30ہزار اور سوئم آنے والے کو 20ہزار روپے کی رقم کا چیک دیا جائے گا۔

اس تقریب کے مہمان خصوصی عبدالستار ایدھی مرحوم کے صاحبزادے فیصل ایدھی ہوں گے جبکہ تقریب کی صدارت ثانوی تعلیمی بورڈ کے چیئرمین پروفیسر انوار احمد زئی کریں گے ۔ نتائج کو شام پانچ بجے سے ویب سائٹ www.bsek.edu.pk پر بھی دیکھا جا سکے گا۔

ایمزٹی وی(تعلیم) جامعہ کراچی کےڈائریکٹر ایڈمیشن پروفیسر خالد عراقی کے اعلامیہ کے مطابق ایوننگ پروگرام میں ماسٹر اور ڈپلومہ پروگرام(17-2016) کی داخلہ فہرستیں جاری کردی گئی ہیں۔

ایسے طلبہ جن کے نام جاری کردہ داخلہ فہرستوں میںآچکے ہیںوہ اپنی داخلہ فیس 2 اگست تا 9 اگست تک داخلہ کمیٹی کے کممپ آفس نزد یوبی ایل کیمپس برانچ ، پوسٹ آفس سے متعلقہ دستاویزات کی تصدیق کرانے کے بعد دوپہر 3:00 تا شام7:00 بجے تک جامعہ کراچی میں واقع یوبی ایل کیمپس برانچ میں جمع کراسکتے ہیں۔

واضح رہے کہ ایسے طلبا و طالبات جو جاری کردہ داخلہ فہرست سے مطمئن نہیں ہیں۔ وہ 02 اگست تا05 اگست تک 500 روپے کے عوض کلیم فارم یوبی ایل بینک کیمپس برانچ سے حاصل کرسکتے ہیں