ایمزٹی وی(بزنس)فیڈرل بورڈ آف ریونیو (ایف بی آر)نے مالی سال 17-2016 کے وفاقی بجٹ کی تیاری شروع کرنے کا اعلان کر دیا ہے اور اس ضمن میں عوام اور کاروباری برادری سے بجٹ تجاویز طلب کر لی ہیں، ایف بی آر نے اپنے ایک مراسلے میں تمام چیمبر آف کامرس اینڈ انڈسٹری، ٹریڈ اور بزنس انڈسٹری باڈیز، صوبائی تنظیموں ، پاکستان بھر کی ریگولیٹری اتھارٹیز سے کہا ہے کہ وہ بجٹ تجاویز جلد از جلد ایف بی آر کو ارسال کریں تاکہ انہیں بجٹ سازی کے عمل میں شامل کیا جاسکے ۔ اس ضمن میں ایف بی آر نے ایک فارمیٹ بھی جاری کیا ہے جس میں ان سے پوچھا گیا ہے کہ وہ کس ٹیکس قانون کی کس سیکشن میں ترمیم چاہتے ہیں ؟ترمیم کا متن کیا ہوگا ؟اس کی وجہ کیا ہوسکتی ہے َ؟اور اس ٹیکس تجویز کے سبب ایف بی آر کو کتنا ریونیو حاصل ہوسکتا ہے ؟ اس بارے میں مکمل تفصیلات ایف بی آر کو فراہم کریں۔

ایمز ٹی وی (سائنس اینڈ ٹیکنالوجی) جہاز میں بیٹھیں گے لیکن اب بور نہیں ہوں گے،آپ کی بوریت کا انتظام کیا جارہا ہے،اسکائی ڈیک سے! یہ کیا ہے آئیے جانتے ہیں ۔ جہاز میں بیٹھ کر بور ہوں تو، بادلوں کو کھڑکی سے دیکھنا اچھا گلتا ہے،لیکن اگر آپ کو جہاز کی چھت پر بٹھایا جائے تو کیسا لگے گا؟

جی ہاں بس کی چھت پر بیٹھنے کی جگہ ہوتی ہے تو جہاز کیوں پیچھے رہے،بادلوں کے درمیان، جہاز کی چھت پر بیٹھ کر سفر کرنے کی سہولت آرہی ہے، بہت جلد۔۔

ایمزٹی وی(انٹرنیشنل)آسٹریلیا کی وزارت برائے امیگریشن نے کینسر کے شکارجاں بہ لب پاکستانی شہری کی زندگی کی آخری خواہش پوری کردی۔ ذرائع کے مطابق 25 سالہ پاکستانی نوجوان حسن آصف تعلیمی ویزے پرآسٹریلیا گیا تھا جہاں دوران علاج اس میں کینسر کی تشخیص ہوئی جب کہ ڈاکٹروں کا کہنا ہے کہ حسن آصف مزید چند ہفتے سے زیادہ زندہ نہیں رہ سکتا اورجب حسن کے والدین کو اس کی بیماری کاعلم ہوا تو انہوں نے آسٹریلین ویزے کے لئے درخواست دی لیکن انہیں ویزہ دینے سے انکار کردیا گیا۔

دریں اثںاء حسن آصف کی والدہ کو ویزہ جاری نہ کرنے پر پناہ گزینوں کی تنظیم میلبرن سٹی مشن نے امیگریشن وزیرپیٹر ڈٹن سے اپیل کی کہ وہ اس غیرمعمولی حالات میں حسن آصف کو رعایت دیں جبکہ دوسری جانب امیگریشن وزیر نے اس حوالے سے پریس کانفرنس کا اہتمام کیا جس میں کہا گیا کہ اسلام آباد سے حاصل ہونے والی معلومات کی روشنی میں حسن آصف کی والدہ اوربھائی کو ویزہ جاری نہیں کیا جاسکتا تھا تاہم اس میں براہ راست مداخلت کرتے ہوئے اسلام آباد حکام کو کیس کی نوعیت کے بارے میں آگاہ کیا اورمتاثرہ نوجوان کے اہلخانہ کے حوالے سے مزیدمعلومات اکٹھی کرنے کی ہدایت کی گئی اور اب حاصل کردہ معلومات کی روشنی میں حسن آصف کی والدہ اور بھائی کو ویزہ جاری کرنے کا فیصلہ کرلیا گیا ہے۔

ایمز ٹی وی (انٹرٹینمنٹ) روس میں ایک اناڑی شخص نےچوری کیلئے دکان کی چھت میں سورا خ کیا اور پھر خود ہی پھنس گیا ،اس چور کی کارروا ئی پر کہا جاسکتا ہے کہ لو آپ اپنے دام میں صیاد آگیا ۔

روسی ریاست سائبیریا کے نواحی قصبے میں چور نے سوراخ کرکے دکان میں داخل ہونے کی کوشش کی لیکن وہ سوراخ میں پھنس کر رہ گیا ۔ پولیس کے مطابق الارم بجنے پر پولیس موقع پر پہنچ گئی اور چور کو مصیبت سے نجات دلائی اور گرفتار کرکے چور کے خلاف مقدمہ درج کیا اور اسے جیل بھیج دیا ۔روسی پولیس نے اس پورے عمل کی وڈیو بھی جاری کردی ہے۔