ایمز ٹی وی (انٹرنیشنل ڈیسک)فرانسیسی میڈیا کا کہنا ہے کہ مصر میں تباہ ہونے والے روسی مسافر طیارے کے بلیک باکس اور حاصل کردہ معلومات سے پتا چلا ہے کہ طیارہ بم کے باعث زمین پر گرا۔ فرانسیسی خبر رساں ایجنسی "اے ایف پی" کے مطابق حادثے کی تحقیق کرنے والے قریبی ذرائع کا کہنا ہے کہ تفشیش کاروں کے بقول فلائیٹ ڈیٹا ریکارڈر اور کاک پٹ وائس ریکارڈر سے ظاہر ہوتا ہے کہ روسی میٹروجیٹ کے جہاز پر سب کچھ معمول کے مطابق تھا لیکن پھر پرواز کے 24 منٹ بعد باکسز میں سے ایک نے زوردار آواز ریکارڈ کیا جس کی شدت سے ظاہر ہوتا ہے کہ یہ بم دھماکہ تھا یہ مسافر طیارہ شرم الشیخ سے سینٹ پیٹرز برگ جا رہا تھا کہ جزیرہ نما سینا میں گر کر تباہ ہو گیا تھا اور اس پر سوار تمام 224 افراد ہلاک ہو گئے تھے۔

ایمز ٹی وی (انٹرنیشنل ڈیسک)ریحام اور ان کے سابق شوہر ڈاکٹر اعجاز کے درمیان رابطہ ہوا ہے۔ ڈاکٹر اعجاز اپنے تینوں بچوں کے ساتھ ملاقات کیلئے عدالت کا رخ کرنا چاہا رہے تھے۔ ذرائع کا کہنا ہے کہ ریحام ڈاکٹر اعجاز کو کسی بھی قسم کی کارروائی سے روکنا چاہتی ہیں۔ اس حوالے سے قریبی رشتے داروں نے رابطے بحال کرائے۔ واضح رہے تحریک انصاف کے چیئرمین عمران خان نے ریحام سے رواں برس آٹھ جنوری کو شادی کی تھی اور صرف دس ماہ شادی کے بندھن میں رہے اور 31 اکتوبر کو عمران خان نے باہمی اتفاق سے ریحام کو طلاق دے دی تھی۔

ایمزٹی وی (بزنس)وزیر اعلٰی پنجاب اورچائنہ کے سفیرسن ویڈونگ کی قیادت میں پاک چائنہ مونومنٹ کا افتتاح کردیا گیاذرائع کے مطابق بلوچستان اکنامک فورم کے زیر اہتمام منقدہ تقریب سے خطاب کرتے ہوئے چینی سفیر کا کہنا تھا کہ پاکستان اور چین کے درمیان باہمی تجارت 14 ارب ڈالرز سے تجاوز کر گئی ہے۔ دو طرفہ تجارت کو بڑھانے کیلئے دونوں ممالک کے درمیان مختلف شعبوں میں تعاون کا سلسلہ جاری ہے۔ سن ویڈونگ کا کہنا تھا کہ چین کا جی ڈی پی 10 کھرب امریکی ڈالرز سے تجاوز کر گیا ہے۔ چین کی اقتصادی ترقی کا براہ راست اثر پاکستان پر پڑے گا۔ چینی سفیر کا کہنا تھا کہ پاک چین اقتصادی راہداری کا سب سے زیادہ فائدہ بلوچستان کے لوگوں کو ہو گا۔ تقریب سے خطاب کرتے ہوئے بلوچستان اکنامک فورم کے چیئرمین کا کہنا تھا کہ چین پاکستان اقتصادی راہداری کا 32 فیصد انفراسٹکچر بلوچستان میں تعمیر ہو گا جو صوبے میں غربت کی کمی کا باعث بنے گا۔ تقریب سے خطاب کرتے ہوئے دیگر مقررین کا کہنا تھا کہ بلوچستان میں اقتصادی راہداری کی تکمیل سے ترقی کی نئی راہوں کے ساتھ ساتھ روزگار کے نئے مواقع بھی میسر آئیں گے۔

ایمزٹی وی(کراچی) بکری ، بھٹہ اور مرغی کی لاٹری لگ گئی تفصیلات کے مطابق سندھ میں بلدیاتی الیکشن کے تیسرے مرحلہ کے لیے امیدواروں کو انتخابی نشان الاٹ کرنے کا سلسلہ شروع ہو گیا جس میں بکری، بھٹہ ، مرغی بھی انتخابی نشان کا حصہ بن گئے۔ تفصیلات کے مطابق بلدیاتی انتخابات کے تیسرے مرحلے کے لئے انتخابی نشان الاٹ کرنے کا سلسلہ شروع ہو چکا ہے۔ سیاسی جماعتوں کے 174 اور آزاد امیدواروں کیلئے 45 نشانات موجود ہیں۔ آزاد امیدوار کے لئے بکری، بھٹہ ، مرغی کا انتخابی نشان موجود ہے جبکہ آزاد امیدوار انتخابی نشان چوڑیاں بھی لے سکتاہے۔ آزاد امیدوار گھریلو اشیا ءبے بی کاٹ ، سنگھار میز ، چمٹا اور بیلن بھی لے سکتا ہے۔ واضح رہے کہ تیسرے مرحلے کیلئے بلدیاتی انتخابات کا میدان سندھ اور کراچی میں 5دسمبر کو سجے گا۔