ایمز ٹی وی (انٹرنیشنل): روسی وزارت دفاع کا کہنا ہے کہ شام میں روسی اور امریکی اتحادی فضائیہ کسی بھی ممکنہ حادثے سے بچنے کیلئے مشترکہ مشقیں کررہی ہیں. ماسکو میں پریس بریفنگ کےدوران میں روسی وزارت دفاع کے ترجمان کا کہنا تھا کہ شام میں روسی اور امریکی اتحادی فضائیہ مشترکہ مشقیں کررہی ہیں تاکہ کسی قسم کے ممکنہ حادثے سے بچا جاسکے، مشقوں کے ذریعے اطلاعات کا تبادلہ،کارروائیوں کو منظم کرنے کےساتھ مختلف شعبوں میں تعاون اور روسی و امریکی کنٹرول سینٹرز کےدرمیان موثر رابطہ قائم کرنے کی کوشش کی جارہی ہے۔ انکا کہناتھا کہ شام کے جنوب مغرب میں کارروائی کے دوران اسرائیل اور روسی فضائی صورتحال سے ایک دوسرے کو آگاہ کرتے رہتے ہیں۔

وزارت دفاع کے ترجمان کا کہنا تھا کہ شام میں جاری کارروائیوں میں ابتک جنگجوؤں کے دوہزار چوراسی ٹھکانوں کو نشانہ بنایا ہے.

ایمزٹی وی(اسلام آباد)بینظیر بھٹو قتل کیس میں پرویز مشرف نے امریکی صحافی مارک سیگل کےبیان کوچیلنج کردیا ہے۔ کیس کی سماعت راولپنڈی کی انسداددہشت گردی عدالت میں ہوئی۔ ذرائع کے مطابق سابق صدر پرویز مشرف کے وکیل نےامریکی صحافی کےویڈیو بیان پراعتراضات اٹھاتے ہوئےکہا کہ مارک سیگل نےسات سال بعدبیان ریکارڈ کروایاجو قانون کےمنافی ہے۔درخواست میں یہ بھی کہا گیا ہے کہ مارک سیگل نے فاروق ایچ نائیک کا لکھا ہوا بیان پڑھ کر سنایاہے کیس کی سماعت جسٹس رائے ایوب مارتھ نے کی جبکہ اس موقع پر پرویز مشرف کے وکلاء فیصل چودھری اورفروغ نسیم بھی عدالت میں پیش ہوئے۔وکلاء کےدلائل کے بعد عدالت نے درخواست کے فیصلےتک سماعت ملتوی کردی۔ درخواست کی سماعت گیارہ نومبر کو ہوگی

ایمزٹی وی(لاہور)بولی وڈ اسٹار نصیر الدین شاہ نومبر کے تیسرے ہفتے پاکستان آئیں گے نصیر الدین شاہ فیض فاونڈیشن کے دعوت پر آرہے ہیں جہاں وہ اپنی ٹیم کے ساتھ ڈرامہ پیش کرنے کے علاوہ کالجوں اور یونیورسٹیوں میں لیکچرز بھی دیں گے۔گزشتہ سال وہ اپنی اہلیہ رتنا پھاٹک اور بیٹی حبا شاہ کے ساتھ آئے تھے۔وہ گزشتہ کئی سالوں سے فیض فاونڈیشن کے زیراہتمام اسٹیج ڈرامہ کرنے کے لیے آرہے ہیں اس کے علاوہ انھوں نے دو پاکستانی فلموں ’’خدا کے لیے‘‘ا ور ’’زندہ بھاگ‘‘ میں بھی کام کرچکے ہیں۔

ایمز ٹی وی( انٹرٹینمنٹ) مشہور پاپ سنگر ٹیلر سوفٹ کا 2014ءمیں مقبول ہونے والا گانا ”شیک اٹ آف“ کے بول چوری شدہ ہیں۔ یہ الزام لگایا ہے گلوکارہ جیسی براہم نے جن کے مطابق انکا گانا ”ہیٹرز گونا ہیٹ“ اور ٹیلر سوفٹ کا گانا ”شیک اٹ آف“ کے بول تقریباً ایک جیسے ہیں۔اور اس وجہ سے جیسی براہم نے ٹیلر سوفٹ پر 4کروڑ 20لاکھ ڈالر کا ہرجانہ عائد کیا ہے۔ واضح رہے کہ ٹیلر سوفٹ کا یہ گانا میوزک چارٹ پر سر فہرست رہا اور یو ٹیوب پر اس گانے کو ایک ارب سے زائد دفعہ دیکھا جا چکا ہے۔