ایمزٹی وی(ایجوکیشن) آزاد وجموں کشمیر یونیورسٹی کے امتحانی مراکز پر دفعہ 144 کے تحت بیرونی داخلے پر پابندی عائد کردی گئی۔ ذرائع کے مطابق ڈسٹرکٹ مجسٹریٹ مظفرآباد نے دفعہ 144 کے تحت آزاد و جموں کشمیر یونیورسٹی کے امتحانی سنٹر یونیورسٹی آڈیٹوریم مظفرآبادسے دوسو گز کے فاصلے تک بیرونی مداخلت پر پابندی عائد کر دی ہے جس کی خلاف ورزی پر فوری کارروائی کی جائے گی۔
ایمزٹی وی(اسلام آباد)آرمی چیف جنرل راحیل شریف سعودی عرب کے دورے پر ہیں اور انہوں نے مکہ مکرمہ میں عمرہ ادا کرنے کی سعادت بھی حاصل کر لی ہے۔ تفصیلات کے مطابق سعودی شاہ سلمان سے ملاقات کے بعد آرمی چیف جنرل راحیل شریف مکہ مکرمہ گئے اور عمرہ ادا کیا۔اس موقع پر آرمی چیف نے پاکستان کی خوشحالی اور ترقی کیلئے دعائیں کیں اطلاعات کے مطابق آرمی چیف آج مدینہ منورہ جائیں گے اور روضہ رسول ﷺ پر حاضری دیں گے۔
ایمزٹی وی(اسپورٹس ڈیسک)پاکستان نے انگلینڈ کو تیسرے ٹیسٹ میں شکست دے کر سیریز اپنے نام کرلی.ٹیسٹ سیریز کے تیسرے میچ کے آخری روز انگلینڈ کی کرکٹ ٹیم 284 رنز کے ہدف کے تعاقب میں 156 رنز بناکر آئوٹ ہوگئی.تفصیلات کے مطابق کھانے کے وقفے کے بعد دوبارہ کھیلنے کے لیے آئی تو اسٹورٹ براڈ 20 رنز بناکر یاسر شاہ کا شکار ہوئے جبکہ کپتان الیسٹر کک 63 رنز بناکر شعیب ملک کی گیند پر سرفراز کے ہاتھوں اسٹمپ ہوگئے، اس وقت انگلینڈ کا اسکور 150 رنز تھا. پہلی اننگز میں فیلڈنگ کے دوران زخمی ہونے والے بین اسٹوکس دوسری اننگز میں بھی بیٹنگ کے لیے آئے اور 12 رنز بناکر یاسر کی گیند پر آئوٹ ہوگئے انھیں بھی سرفراز نے اسٹمپ آئوٹ کیا. اورانگلینڈ کی پوری ٹیم 156 رنز پر ڈھیر ہوگئی.پاکستان نے سیریز دو صفر سے اپنے نام کرکے آئی سی سی کی رینکنگ میں دوسری پوزیشن حاصل کرلی ہے اسے قبل 2006 میں پاکستان نے مختصر عرصے کے لیے یہ پوزیشن حاصل کی تھی.
ایمزٹی وی (آسلام آباد)سپریم کورٹ نے پنجاب اور سندھ میں شیشہ کیفیز کے خلاف کارروائی کا حکم دے دیا ہے۔ذرائع کے مطابق صوبوں سے شیشہ کلچر کے خاتمے کے حوالے سے از خود نوٹس کی سماعت سپریم کورٹ میں چیف جسٹس انور ظہیر جمالی کی سربراہی میں 3 رکنی بنچ نے کی۔ سماعت کے موقع پر اسسٹنٹ ایڈوکیٹ جنرل کا کہنا تھا کہ پنجاب میں شیشہ کیفیز سے متعلق بل اسمبلی میں زیر التواء ہے جس پر چیف جسٹس کا کہنا تھا کہ شیشے سے متعلق بل تو 2014ء سے زیر التواء ہے، کسی سطح پر تسلی بخش اقدامات نہیں کئے جا رہے، کیا اداروں کو جوں کا توں ہی رکھا جائے گا؟ اس حوالے سے چیف جسٹس کا کہنا تھا کہ شیشہ کلچر میں نشہ آور ادویات بھی استعمال بھی کی جاتی ہیں اس لئے ان کے کے خلاف کارروائی ناگزیر ہے، شیشہ کیفیز کے خلاف کارروائی انتظامی معاملہ ہے مگر عدلیہ کو عوامی مفاد میں مداخلت کرنا پڑ رہی ہے۔ ان کا کہنا تھا کہ حکومتی اداروں نے سوچ لیا ہے کہ کارکردگی میں کوئی بہتری نہیں لانی۔ عدالت نے صوبوں سے شیشہ سینٹرز کے خلاف کارروائی کی رپورٹس آئندہ سماعت پر طلب کر لی۔
ایمزٹی وی(کراچی) پاک بھارت تعلقات کے حوالے سے سیمینار میں شرکت کے لئے آنے والے بھارتی وفد کے ارکان نے مزار قائد پر حاضری دی اور پھول چڑھائے۔ وفد کے ارکان سابق وزیر خارجہ مانی شنکر اور سابق سیکرٹری خارجہ سلمان حیدر اور سول سوسائٹی کے ورکر سودھندرا کلکرنی نے مہمانوں کی کتاب میں اپنے تاثرات کا اندراج کیا۔ اس موقع پر میڈیا سے گفتگو میں وفد کے ارکان کا کہنا تھا کہ قائد اعظم ایک عظیم لیڈر تھے۔ بھارتی سول سوسائٹی سے تعلق رکھنے والے سودھندرا کلکرنی کا کہنا تھا کہ قائد اعظم کے نظریہ پر عمل کرتے ہوئے خطے میں پائیدارامن قائم کیا جا سکتا ہے۔ وفد نے مزار کے مختلف حصوں کا دورہ کیا اور مزار کے احاطے میں موجود میوزیم میں خصوصی دلچسپی ظاہر کی
ایمزٹی وی(اسلام آباد)چیئرمین سینیٹ رضاربانی نے اراکین سینیٹ کو ایوان کی کارروائی کے دوران اپنے بحث ومباحثوں کے دوران آمروں کا حوالہ دینے سے روک دیا۔گزشتہ روز جب وزیر مملکت سائرہ افضل تارڑ نے ڈرگ ریگولیٹری اتھارٹی کے حوالے سے بات کرتے ہوئے پرویز مشرف کا حوالہ دیاکہ وہ کہتے ہیں کہ ’ایکشن اسپیک لاؤڈر دین ورڈز‘ تو چیئر مین سینٹ آگ بگولہ ہوگئے اور غصہ کا اظہار کرتے ہوئے کہا کون مشرف؟ آئندہ پارلمینٹ میں اس کا نام نہ سنوں! انہوں نے ساپق صدر پر تنقید کرتے ہوئے کہا کہ 3 نومبر 2007 کو جب کسی آمر نے ملک میں ایمرجنسی لگائی تو پارلیمان نے ملکی تاریخ میں پہلی بار اس کی توثیق نہیں کی، تمام سیاسی جماعتوں، وکلا اور سول سوسائٹی نے طویل جدوجہد کے بعد جمہوریت بحال کروائی۔ بعد ازاں ارکینِ پارلیمنٹ کو تنبیہ کرتے ہوئے ان کا کہناتھا کہ آئندہ کسی بھی رکنِ پارلیمنٹ کو اس بات کی اجازت نہیں دوں گا کہ وہ زیر بحث کسی آمر کاحوالہ دیں۔
ایمزٹی وی(کراچی) پاک بھارت تعلقات کے حوالے سے سیمینار میں شرکت کے لئے آنے والے بھارتی وفد کے ارکان نے مزار قائد پر حاضری دی اور پھول چڑھائے۔ وفد کے ارکان سابق وزیر خارجہ مانی شنکر اور سابق سیکرٹری خارجہ سلمان حیدر اور سول سوسائٹی کے ورکر سودھندرا کلکرنی نے مہمانوں کی کتاب میں اپنے تاثرات کا اندراج کیا۔ اس موقع پر میڈیا سے گفتگو میں وفد کے ارکان کا کہنا تھا کہ قائد اعظم ایک عظیم لیڈر تھے۔ بھارتی سول سوسائٹی سے تعلق رکھنے والے سودھندرا کلکرنی کا کہنا تھا کہ قائد اعظم کے نظریہ پر عمل کرتے ہوئے خطے میں پائیدارامن قائم کیا جا سکتا ہے۔ وفد نے مزار کے مختلف حصوں کا دورہ کیا اور مزار کے احاطے میں موجود میوزیم میں خصوصی دلچسپی ظاہر کی
ایمزٹی وی(اسلام آباد) پاکستان کی دو اہم گیس فراہم کرنے والی کمپنیوں سوئی ناردرن گیس پائپ لائن لمیٹیڈ (ایس این جی پی ایل) اور سوئی سدرن گیس کمپنی لمیٹیڈ (ایس ایس جی سی ایل) نے گھریلو صارفین کے سیکیورٹی ڈپازٹ میں 50 فیصد اضافے کا مطالبہ کردیا ہے۔ذرائع کے مطابق ملک میں بڑھتے ہوئی گیس چوری اور سسٹم لاسسز کے نقصان کو پورا کرنے کے لئے قیمتوں میں اضافہ کیا گیا ہے جس سے دوںوں کمپنیوں کو مجموعی طور پر 9 ارب روپے حاصل ہونگے۔ دونوں کمپنیوں کے اس مطالبے کو تسلیم کرلیا جاتا ہے تو گیس کے 7 کروڑ گھریلو صارفین کو اضافی 1500 روپے ادا کرنے ہوں گے جبکہ موجودہ سیکیورٹی ڈپازٹ کی رقم 3000 روپے ہے۔مزکورہ اضافے سے یہ رقم 4500 رو پے ہو جائے گی اور یہ اضافہ آئندہ کے گیس بلوں میں شامل کردیا جائے گا۔واضح رہے کہ ایس این جی پی ایل کے 4 کروڑ 30 لاکھ گیس صارفین ہیں جبکہ ایس ایس جی سی ایل کے 2 کروڑ 5 لاکھ گیس صارفین ہیں اور اس اضافے سے 75 فیصد گیس کے گھریلوں صارفین متاثر ہوگے۔
ایمزٹی وی(اسلام آباد) الیکشن کمیشن نے وفاقی دار الحکومت میں 30 نومبر کو ہونے والے بلدیاتی انتخابات کے لیے ووٹ ڈالنے کا وقت ساڑھے دس گھنٹے مقرر کر دیا۔ اب پولنگ صبح 7 بجے سے شروع ہو کر کسی وقفہ کے بغیر شام 5:30 بجے تک جاری رہے گی۔ الیکشن کمیشن کا کہنا ہے کہ پولنگ وقت بڑھانے کا فیصلہ ووٹروں کی سہولت کے لئے لیا گیا ہے تا کہ زیادہ سے زیادہ افراد سہولت کے ساتھ ووٹ ڈال سکیں اور ٹرن آئوٹ بھی بہتر ہے۔