ایمزٹی وی(انٹرنیشنل)یونان کے ساحل پر ترکی سے آنے والے پناہ گزینوں کی کشتی ڈوبنے سے 22 افراد ہلاک ہوگئے جن میں زیادہ تعداد بچوں کی ہے۔ ذرائع کے مطابق کشتی ڈوبنے کا واقعہ کیلیمنوس جزیرے کے قریب پیش آیا جہاں کشتی ڈوبنے سے 19 افراد ہلاک ہوئے جب کہ روڈز جزیرے کے قریب کشتی ڈوبنے کے دوسرے واقعے میں 3 افراد جان سے ہاتھ دھو بیٹھے۔کشتیاں ڈوبنے کے واقعات کے بعد امدادی ٹیموں نے فوری اپنی کاررائیوں کا آغاز کردیا جس میں 138 کے قریب افراد کو بچالیا۔واضح رہے رواں برس تارکین وطن کی کشتیاں ڈوبنے سے 2300 سے زائد افراد ہلاک ہوچکے ہیں۔
ایمزٹی وی(اسلام آباد)سخت سردی کے موسم کے آغاز سے قبل زلزلہ زدگان کی بحالی کا اعلان کردیا گیا ہے زرائع کے مطابق چیئرمین این ڈی ایم اے میجر جنرل (ر) اصغر نواز کا کہنا تھا کہ متاثرین کو رقم کی ادائیگی کا عمل پیر سے شروع ہوگا جبکہ ریسکیو کا مرحلہ ختم ہوچکا، اب حکام کا مرکز ریلیف آپریشنز کی جانب ہوگا۔اس حوالے سے انکا مزید کہنا تھا کہ متاثرین کو معاوضے کی ادائیگی کا عمل شروع ہوچکا ہے، کے پی کے حکومت نے معاوضہ کی ادائیگی کیلئے دو ارب 83 کروڑ روپے جاری کر دیئے ہیں۔پاکستان نے اب تک زلزلے کے نتیجے میں 272 افراد کی ہلاکت اور 2227 کے زخمی ہونے کی تصدیق کردی ہے۔جبکہ زلزلے سے سب سے زیادہ صوبہ خیبر پختونخوا متاثر ہوا جہاں ابھی سے ہی کئی علاقوں میں درجہ حرارت صفر سے نیچے جانا شروع ہوگیا ہے۔اس حوالے سے ان کا کہنا کہنا تھا کہ زلزلہ زدہ علاقوں میں یکم نومبر سے بارش اور پہاڑوں پر برفباری کا امکان ہے جس سے ناصرف زلزلہ متاثرین کی مشکلات میں اضافہ ہو گا بلکہ امدادی سرگرمیاں بھی متاثر ہو سکتی ہیں۔
ایمزٹی وی(اسلاآباد)اسلامی دنیا کے تھنک ٹینک کی جانب سے رپورٹ پیش کی گئی جس کے مطابق اسلامی ممالک کی ایک بھی یونیورسٹی دنیا کی 100 اعلیٰ ترین جامعات میں شامل نہیں تاہم چند ممالک کی جامعات دنیا کی 400 بہترین جامعات میں شامل ہیں۔اس حوالے سے ان کاکہنا تھا کہ اسلامی دنیا میں سائنسی تحقیق کے مسائل کا گہرائی سے جائزہ لیتے ہوئے جامعات کے منتظمین ، حکومتوں اور متعلقہ وزارتوں کے لیے ہدایات بھی جاری کی گئی ہیں۔ رپورٹ میں کہا گیا ہے کہ کئی ممالک میں سائنسدان وزارتوں اور بیوروکریسی کے سرخ فیتے میں جکڑے ہوئے ہیں جب کہ علمی سوچ آزادی اورمداخلت سے پاک ماحول میں ہی پروان چڑھتی ہے۔ رپورٹ میں یہ انکشاف بھی کیا گیا ہے کہ او آئی سی سے وابستہ 57 اسلامی ممالک میں سے 20 ملکوں نے 90 فیصد سائنسی مقالہ جات (ریسرچ پیپرز) تحریر کیے ہیں، 1996 سے 2005 میں سب سے زیادہ مقالے بالترتیب ترکی، ایران، مصر، سعودی عرب ، ملائیشیا میں تحریر کیے گئے ہیں جب کہ پاکستان اس فہرست میں چھٹے نمبر پر ہے۔ ٹاسک فورس میں بارآور تحقیق کرنے والے اسکالروں کو انعامات دینے، بنیادی نصاب میں تبدیلی اوراساتذہ کی تقرری کو سائنسی بنیادوں پر جانچنے پر بھی زور دیا گیا ہے۔اس حوالے سے وضاحت کرتے ہوئے انکا کہنا تھا کہ اسلامی ممالک میں سائنس و ٹیکنالوجی کی ترویج کےلیے سیاسی عزم کی شدید کمی ہے اور جامعات کو جائز اختیارات اور آزادی ملنی چاہیے تاکہ وہ اختیارات اور دریافتوں کا سفر جاری رکھ سکیں۔ اس کے علاوہ میرٹ، شفافیت، اور معیار کو بلند رکھنے کی ضرورت ہے تاکہ سائنس کے نام پر نیم سائنسی تحقیقی مقالہ جات شائع کرنے سے بچا جاسکے۔
ایمزٹی وی(کراچی)سندھ اور پنجاب میں بلدیاتی انتخابات کے پہلے مرحلے کے لیے پولنگ کا آغاز کردیا گیا ہے۔پولنگ کا عمل صبح ساڑھے 7 بجے شروع ہوا جو کہ بلاتعطل شام ساڑھے 5 بجے تک جاری رہے گی۔تفصیلات کے مطابق بلدیاتی انتخابات کے پہلے مرحلے میں پنجاب کے 12 اضلاع میں 2 کروڑ 85 ہزار سے زائد اور سندھ کے 8 اضلاع میں 46 لاکھ 18 ہزار سے زائد ووٹرز حق رائے دہی استعمال کریں گے الیکشن کمیشن نے پنجاب کے 16 ہزار 266 پولنگ اسٹیشنز میں سے 3 ہزار 551 پولنگ اسٹیشنز کو انتہائی حساس اور 8 ہزار 300 پولنگ اسٹیشنز کو حساس قرار دیا ہے،پولنگ کے لئے تمام تر انتظامات مکمل جب کہ سیکیورٹی کے بھی سخت انتظامات کئے گئے ہیں۔ دونوں صوبوں میں بلدیاتی انتخابات کے پر امن انعقاد کے لئے سیکیوریٹی فورسز کو ہائی الرٹ کردیا گیا ہے، پولیس، رینجرز کے دستے سیکیورٹی کے فرائض انجام دیں گے جب کہ کسی بھی ناخوشگوار واقعے سے نمٹنے کے لئے پاک فوج کو اسٹینڈ بائی رکھا گیاہے۔ دونوں صوبوں کے انتخابی اضلاع میں پولنگ کے روز مقامی تعطیل کا اعلان کیا گیا ہے۔
ایمز ٹی وی(کراچی) حکومتِ ایران نے بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے سربراہ پروفیسر ڈاکٹر محمد اقبال چوہدری کو ایرانی مصطفیٰ پرائز کی چھ رکنی جیوری میں شامل کرلیا ہے، جیوری میں بین الاقوامی شہرت یافتہ سائنسدانوں کو شامل کیا گیا ہے جو پرائز کے لئے کامیاب اُمیدواروں کے نام کا تعین کرینگے۔ آئی سی سی بی ایس جامعہ کراچی کے ایک سینئرآفیشل کے مطابق مصطفیٰ پرائز کی پالیسی ساز کونسل نے پروفیسر اقبال چوہدری کو علم کیمیاء کے شعبے میں ان کی بین الاقوامی شہرت کی بناء پر جیوری کا رکن نامزد کیا گیا ہے، مصطفیٰ پرائزمسلم دنیا (اوآئی سی رکن ممالک) میں سائنس اور ٹیکنالوجی کے شعبے میں نمایاں کارکردگی دکھانے والے سائنسدانوں کو دیا جاتا ہے، اس پرائز کے تحت ہر شعبے میں کامیاب امیداروں کو 5 لاکھ ڈالر سمیت میڈل اور ڈپلومہ بھی دیا جائے گا، مصطفیٰ پرائز کی تقریبِ تقسیمِ اعزازت 25 دسمبر 2015 ء کو منعقد ہوگی۔
ایمز ٹی وی(کراچی) جامعہ کراچی نے داخلہ پالیسی میں تبدیلی کردی ہے جس کے تحت رواں سال داخلوں کے سلسلے میں ہونے والے ہوانے والے ٹیسٹ این ٹی ایس کے بجائے خود لینے کا فیصلہ کیا گیا ہے ۔ جامعہ کراچی کے وائس چانسلر ڈاکٹر قیصر کا کہنا ہے کہ این ٹی ایس کے خلاف لاہور ہائی کورٹ نے فیصلہ دیا تھا جس کے بعد ہائی ایجوکیشن کمیشن نے این ٹی ایس سے ٹیسٹ کرانے کی لازمی شرط ختم کردی ہے لہذا اب داخلہ ٹیسٹ ہم خود کرائیں گے۔ انہوں نے کہا کہ گزشتہ سال 20 سے زائد شعبوں میں این ٹی ایس کے ذریعے داخلہ ٹیسٹ کرایا گیا تھا جس کے مثبت نتائج رہے تاہم ہم ایم فل اور پی ایچ ڈی کے داخلہ ٹیسٹ خود کرا رہے ہیںاور آج تک کسی کو شکایت نہیں ہوئی لہذا جب ہم ایم فل اور پی ایچ ڈی کے داخلہ ٹیسٹ کراسکتے ہیں تو آنرز اور ماسٹرز کے بھی ہم خود لیں گے جس سے یونیورسٹی کو خاصی بچت ہوگی۔ ڈاکٹر قیصر نے بتایا کہ رواں سال 25 سے زائد شعبوں میں داخلہ ٹیسٹ کرانے کا ارادہ ہے جس کی حتمی منظوری اکیڈمک کونسل کے اجلاس میں دی جائے گی۔ انہوں نے کہا کہ ٹیسٹ کے ذریعے ہونے والے تمام داخلہ میرٹ پر ہونگے جس میں کوئی درجہ بندی نہیں ہوگی جو ٹیسٹ پاس کرے گا وہ داخلے کا اہل ہوگا۔
ایمز ٹی وی (مانٹرنگ ڈیسک)این ڈی ایم اے کے مطابق خیبر پختونخوا ءمیں سے زیادہ مکانات سوات میں تباہ ہوئے ہیں پاکستان کے قدرتی آفات سے نمٹنے کے ادارے این ڈی ایم اے کے مطابق گذشتہ پیر کو آنے والے شدید زلزلے کے نتیجے میں ملک بھر میں 25 ہزار سے زائد مکانات کو نقصان پہنچا ہے۔این ڈی ایم اے کے تازہ اعداد وشمار کے مطابق کل 25367 مکانات مکمل یا جزوی طور پر تباہ ہوئے ہیں۔متاثرین اب بھی امداد کے منتظرکب کیا ہواحالیہ زلزلہ اور 2005 کا زلزلہ پیر کو آنے والے7.5 شدت کے اس زلزلے میں ہونے والی ہلاکتوں کی مجموعی تعداد 272 ہے جبکہ 2152 افراد زخمی ہوئے ہیں۔زلزلے سے سب سے زیادہ متاثر ہونے والے صوبے خیبر پختونخواءمیں 15692 مکانات اور 155 سکولوں کو نقصان پہنچا ہے جبکہ صوبے میں ہلاکتوں کی کل تعداد 255 ہے۔ صوبہ خیبر پختونخوا ءمیں 1802 افراد زخمی ہوئے ہیں۔این ڈی ایم اے کے مطابق خیبر پختونخواءمیں سے سے زیادہ مکانات سوات میں تباہ ہوئے ہیں جن کی تعداد 3681 ہے۔سب سے زیادہ ہلاکتیں ضلع شانگلہ میں ہوئیں جہاں 50 افراد ہلاک ہوئے۔چترال سے 32 ہلاکتوں کی تصدیق ہوئی ہے تاہم وہاں کی مقامی انتظامیہ کا کہنا ہے کہ ہلاک ہونے والوں کی تعداد 37 ہے اور متعدد کچی بستیاں مکمل طور پر منہدم ہو چکی ہیں۔قبائلی علاقے فاٹا میں بھی تباہی ہوئی ہے جہاں ہلاکتوں کی تعداد 30 ہوگئی ہے۔ سب سے زیادہ باجوڑ ایجنسی متاثر ہوئی جہاں 23 ہلاکتیں ہوئیں اور 8120 مکانات تباہ ہوئے۔پی ڈی ایم اے کے مطابق کل 155 تعلیمی اداروں کی تباہی کیاطلاعات ہیں۔گلگت بلتستان میں تباہ ہونے والے مکانات کی کل تعداد 413 ہے۔ سب سے زیادہ مکانات غضر میں تباہ ہوئے ہیں جن کی تعداد 250 ہے۔دوسری جانب پنجاب میں بھی زلزلے سے مکانات کو نقصان پہنچا ہے جہاں تباہ ہونے والے مکانات کی کل تعداد 61 ہے جبکہ پانچ افراد ہلاک ہوئے ہیں۔ راولپنڈی میں سب سے زیادہ مکانات کو نقصان پہنچا ہے۔
ایمز ٹی وی (مالا کنڈ )ہولناک زلزلے سے متاثرہ مالاکنڈ ڈویڑن میں اسکول کھول دیا گیا۔تفصیلات کے مطابق مالاکنڈ ڈویڑن میں ہولناک زلزلے کے بعد گورنمنٹ ہائی اسکول کے طالب علموں نے پہلا دن گزارہ، لیکن آج ماحول افسردہ تھا۔طالب علموں کے ہاتھ دعا کے لئے بلند تھے۔ علم سے محبت بچوں کو اسکول تو کھینچ لائی،لیکن طالب علموں نے اپنے ہاتھوں سے ڈیسک سے مٹی اور گرد صاف کی۔اسمبلی میں طالب علموں نے اپنے زخمی دوستوں کے لئے دعا کی۔ ساتویں کلاس کی در و دیوار سلامت تھے، کلاس ٹیچر نے حاضری لی ،لیکن کئی بچے غیر حاضر تھے۔زلزلے نے منظر بدل دیا ، بہت سے دوستوں کے گھر گر گئے درد کے لمحات میں بھی وطن سے محبت کا انوکھا اظہار کیا گیا اور ہر شکایت کو بھلا کربھرپور انداز میں پرعزم ہونے کا اظہا ر کیا گیا۔اسکول کے اساتذہ کا مطالبہ ہے کہ اسکول کی تعمیر جلد سے جلد سے کی جائے۔