ایمز ٹی وی(انٹرٹینمنٹ) بالی ووڈ اداکارہ پریانکا چوپڑا کو امریکن ٹی وی چینل اے بی سی کے ایک ٹاک شو کو ہوسٹ کرنے کی پیشکش ہوئی ہے۔واضح رہے کہ آج کل اسی چینل پر نشر ہونے والے ٹی وی سیریز '' کوانٹیکو''میں اداکارہ پریانکا چوپڑا ایف بی آئی ایجنٹ کا کردار نبھا رہی ہیں جو کہ بہت پسند کیا جا رہا ہے۔اور اسی زبر دست رسپانس کی وجہ سے ڈرامہ کے پروڈیوسر نے اسکی اقساط 13سے بڑھا کر 19کردی ہیں۔اس پیشکش کے بعد پریانکا چوپڑا نے چینل کو جلد ہی اپنے شیڈول میں سے فارغ تاریخیں دینے کا وعدہ کیا ہے۔

ایمز ٹی وی(کراچی )وفاقی اردو یونیورسٹی شعبہ نباتیات کے تحت پروفیسر ڈاکٹر معین الدین احمد کی تحریر کردہ کتاب کی تقریب رونمائی جمعرات کو صبح ساڑھے نو بجے عبدالقدیر سماعت گاہ (آڈیٹوریم )،ایم ایس سی بلاک ،گلشن کیمپس میں ہوگی ۔

ایمز ٹی وی (کراچی ) جناح یونیورسٹی برائے خواتین میں سال 2016 کے ڈگری پروگرامز کے لیے فیکلٹی کامرس اور بزنس ایڈمنسٹریشن ،فیکلٹی کمپیوٹرسائنس ،فیکلٹی آرٹس کے تمام شعبہ جات ،فیکلٹی فارمیسی اور فیکلٹی سائنس کے تمام شعبہ جات میں داخلے جاری ہیں،داخلے حاصل کرنے کی خواہشمند طالبات داخلہ فارم صبح 9 بجے سے شام 5 بجے تک یونیورسٹی کے ایڈمیشن آفس سے حاصل کرسکتی ہیں ،کلاسز کے باقاعدہ آغاز کا اعلان بعد میں کیا جائے گا ۔مزید معلومات یونیورسٹی کی ویب سائٹwww.juw.edu.pk سے حاصل کی جاسکتی ہے۔

ایمز ٹی وی (لاہور) ایل او سی کے سیکٹر میں پاکستان رینجرز اور بھارتی بارڈر سیکورٹی فورس کی فلیگ میٹنگ ہوئی ۔ جس میں پاکستان کی طرف سے ایل او سی اور ورکنگ باﺅنڈری کی خلاف ورزیوں کا معاملہ اٹھایا گیا اور انہیں پچھلے مہینے ڈائریکٹر جنرل سطح پر ہونے والے معاہدے کی خلاف ورزی قرار دیا گیا۔ پاکستان نے بھارت پر واضح کیا ہے کہ ایل او سی اور ورکنگ باﺅنڈری کی خلاف ورزی برداشت نہیں کی جائے گی۔بھارت کی جانب سے ورکنگ باﺅنڈری پر گولہ باری معمول بن گئی ہے جس میں کئی شہری شہید ہوئے ہیں۔