ایمز ٹی وی(فارن ڈیسک) نیپال میں تباہ کن زلزلے سے ہلاک افراد کی تعدادتین ہزارسات سو ہوگئی،بھارت اوربنگلہ دیش میں بھی زلزلے سے مجموعی طورپرہلاکتوں کی تعداد نوے سے زائد ہوگئی ہے، نیپال میں تباہ کن زلزلے نے قیامت برپا کردی۔متعدد شہراور تاریخی عمارتیں ملبے کا ڈھیربن گئیں،ہزاروں افراد ملبے تلے دب گئے،اسپتال لاشوں اورزخمیوں سے بھرگئے۔ پورے ملک میں ایمرجنسی نافذ ہے۔ سڑکیں، بجلی اورمواصلات کا نظام بھی تباہ ہوگیا۔ جگہ جگہ ملبے کے ڈھیرکے باعث امدادی کارروائیوں میں مشکلات پیش آرہی ہیں

ایمز ٹی وی (صحت) کمر کا درد لوگوں کی اکثریت کا مسئلہ بنتا جارہا ہے اور وہ اس کے علاج کے لیے ہر طریقہ علاج اختیار کرتے ہیں لیکن انہیں اس سے نہ چھٹکارا ملتا ہے اور نہ ہی کوئی اس درد کے اسباب سامنے آتے ہیں تاہم اب سائنسدانوں نے کمر کی درد کی ایک اہم وجہ دریافت کرلی ہے جس میں اس بات کا انکشاف کیا گیا ہے کہ جن لوگوں کی ریڑھ کی ہڈی کی ظاہری ساخت چمپینزی کی ریڑھ کی ہڈی سے مماثلت رکھتی ہے ایسے لوگ کمر کے درد میں زیادہ مبتلا رہتے ہیں کیونکہ ایسی ہڈی میں خاص خلل پایا جاتا ۔۔ 

  اسکاٹ لینڈ، کینیڈا اورآئس لینڈ کے سائنس دانوں کی جانب سے کئی گئی تحقیق کے مطابق کمر کے درد کی وجہ ریڑھ کی ہڈیوں کے درمیان ڈسک کی ساخت میں خلل سے اس کی ظاہری ساخت میں تبدیلی کا ہونا ہے، جس انسان کی ریڑھ کی ہڈی میں ڈسک کی تکلیف ہوتی ہے اس کی ریڑھ کی ہڈی ظاہری ساخت میں چمپنزیز کی ریڑھ کی ہڈی سے مماثلت رکھتی ہے اور ایسےافراد کی ریڑی کی ہڈیوں کی ساخت میں خلل (گیپ) ہوتا ہے جسے ’’شمورلز نوڈ‘‘ کہا جاتا ہے جو ایک چھوٹے ہرنیا کی طرح کا ہوتا ہے تاہم اس خلل کے پیدا ہونے کی کوئی ایک وجہ نہیں لیکن اس کی ایک وجہ کمر پر دباؤ پڑنا ہو سکتی ہے۔

ماہرین کا کہنا ہے کہ ان نتائج سے اس جدید دور میں صحت کے نئے مسائل کی تشخیص اور ان کو حل کرنے میں مدد ملے گی۔۔

ایمز ٹی وی (انٹر ٹینمنٹ)  چین میں ایپل فون حاصل کرنے کے لیے ایک دلچسپ مقابلہ ہوا جس میں شرکا کو صرف ساکت ہوکر بیٹھنے کی ہدایت دی گئی تھی اور اس دوران وہ بولنے سمیت کوئی بھی حرکت نہیں کرسکتے تھے اور اس امتحان پر پورا اترنے والوں کو اپیل فون تحفے میں دیا گیا۔

چینی صوبے شانزی کے شہر تائی یوآن میں منعقد ہونے والے اس مقابلے میں 500 افراد نے حصہ لیا جس میں شرکا کو ہلنے جلنے سمیت مسکرانے تک کی ممانعت تھی،مقابلے کو ’’خواب کی جنگ‘‘ یا بیٹل آف ڈے ڈریمنگ کا نام دیا گیا تھا اس دوران بہت سے شرکا اپنے ساتھ  کھلونے لے کربیٹھے جب کہ مقابلہ منعقد کرنے والوں نے اس میں شریک افراد کےسامنے مضحکہ خیز چہرے بنانے سمیت عجیب و غریب حرکات و سکنات کیں تاکہ مقابلے میں شریک افراد کی توجہ کسی طرح ہٹائی جائے اور انہیں اس امتحان سےباہر کردیا جائے۔

چین میں ہونے والے اس دلچسپ مقابلے کو تائی یوآن یونیورسٹی کی 24 سالہ طالبہ نے جیت لیا جو 2 گھنٹے 20 منٹ تک ایک بت کی طرح بیٹھی رہی۔

دوسری جانب مقابلے کا انعقاد کرنے والے انتظامیہ کا کہنا تھا کہ اس کا مقصد لوگوں کو روز کی مشقت اور بھاگ دوڑ سے فرصت دلا کر کچھ وقت آرام اور سکون مہیا کرنا ہے۔

واضح رہےکہ ایسے انوکھے مقابلوں کا انعقاد سب سے پہلے جنوبی کوریا میں کیا گیا تھا اور ان کا مقصد بھی یہی تھا کہ لوگوں کو شہر کی ہنگامہ خیز زندگی سے دور کرکے کچھ لمحات سکون اور مسرت کے ساتھ گزارنے کا موقع دیا جائے۔۔

ایمز ٹی وی ( ایجوکیشن )جامعہ کراچی کے فیکلٹی آف مینجمنٹ اینڈ ایڈمنسٹریٹوسائنسز کے شعبہ پبلک ایڈمنسٹریشن کے اساتذہ اور ریسرچ اسکالرز کراچی میگاسٹی کو درپیش مسائل کے تزویراتی حل کے لئے جارج میسن یونیورسٹی (امریکہ) کے ساتھ تعاون اور اشتراک سے بڑھتی ہوئی آباد ی میں شہری سہولتوں کی فراہمی کے لئے منصوبہ بندی جو عام سیٹیزن کا استحقاق ہے،اس کی فراہمی کا جائزہ معیاری تعلیم کومہمیز کرنا ایک فعال اور مثبت طرز فکر کی علامت ہے ۔ہمیں جدید دور کے مطابق جارج میسن یونیورسٹی کے تجربے مشاہدے سے استفادہ کرنا چاہیئے ۔ان خیالات کا اظہار گورنرسندھ کے پرنسپل سیکریٹری محمد حسین سید نے شعبہ پبلک ایڈمنسٹریشن کے اساتذہ اور ریسرچ اسکالرز کے خصوصی اجلاس خطاب کرتے ہوئے کیا۔پروفیسر ڈاکٹر مہتاب ایس کریم نے انکشاف کیا کہ گذشتہ سال جون میں ان کی قیادت میں ایک گروپ آف فیکلٹی اسکالرز اینڈ اسٹوڈنٹس نے جارج میسن یونیورسٹی کا مطالعاتی دورہ کیا تھا جس کے حوصلہ افزاءنتائج حاصل ہوئے ہیں۔انہوں نے پروفیسر ڈاکٹر خالد عراقی کی ولولہ انگیز قیادت کی تحسین کرتے ہوئے کہا کہ جارج میسن یونیورسٹی کے پروفیسر جیم ویٹی(Prof. James Witte )اور پروفیسر راجرسٹو(Prof. Roger Stough ) جیسی معتبر علمی شخصیات ڈین فیکلٹی آف مینجمنٹ اینڈ ایڈمنسٹریٹو سائنسزڈاکٹر خالد عراقی کی مثبت طرزفکر اور طلبہ وطالبات کے اشتراک کے لئے کوششوں کو بیحدسراہا۔دونوں جامعات کے شراکتی پروگرام سے ایک دوسرے کے طلبہ وطالبات کو تحقیقی وتدریسی اورعلمی ربط وضبط کو سمجھے کا موقع ملا۔ڈاکٹر خالد عراقی نے شیخ الجامعہ پروفیسر ڈاکٹر محمد قیصر کی خصوصی دلچسپی کے باعث جارج میسن یونیورسٹی سے اشتراک ممکن ہوااور طلبہ وطالبات کے گروپ کی امریکہ میں دوہفتے کے دورے سے طلبہ وطالبات میں انٹریکشن سے بہت کچھ سیکھنے سمجھنے کے مواقع میسر آئے ہیں۔بالخصوص شہری منصوبہ بندی میں صاف پانی کی فراہمی، تعلیم ،صحت ،نقل وحمل ،باربرداری اور نوجوانوں کو ترغیب اور کاروباری افراد کے لئے ساز گار ماحول کے مثبت کے نتائج حاصل ہوسکتے ہیں۔