ایمز ٹی وی (کراچی) جامعہ کراچی کے اسسٹنٹ پروفیسر وحیدالرحمان کو نامعلوم افراد نےفائرنگ کرکے ہلاک کردیا۔ آج صبح  موٹر سائیکل سوار حملہ آور نے فیڈرل بی ایریا بلاک 16 میں واقع دل کے امراض کے ہسپتال کے باہر پروفیسر وحیدالرحمان کی کار پر فائرنگ کرکے انکو شدید ذخمی کردیا تاہم وہ زخموں کی تاب نہ لاتے ہوئے موقع پر ہی جاں بحق ہوگئے.

پروفیسر وحیدالرحمان کے قتل کے واقعے کے بعد جامعہ کراچی کی انتظامیہ نے دو روز کے لیے تدریسی عمل معطل کردیا ہے۔ جبکہ آواز انسٹیٹیوٹ آف میڈیا اینڈ مینجمنٹ سائنسس کی انتظامیہ نے واقعہ پر شدید مذمت کرتے ہوئے کہا کہ پروفیسر وحید الرحمان کا قتل علم کا قتل ہے، اس افسوس ناک واقعہ پر یکم مئی کو ایمز کے زیر اہتمام  کی جانے والی ویلکم پارٹی بھی منسوخ کردی گئی ہے۔

امامیہ اسٹوڈنٹس آرگنائزیشن کی جانب سے بھی پروفیسر وحیدالرحمان کے قتل کی شدید مذمت کی گئی ہے صدر آئی ایس او کراچی ڈویژن محمد عباس کا کہنا ہے کہ قاتلوں کو جلد از جلد گرفتار کیا جائے اور قاتلوں کو قرار واقع سزا دی جائے

ایمز ٹی وی (نیوز ڈیسک)جوڈیشل کمیشن کا اجلاس شروع ہوگیا ہے تحریک انصاف سمیت تین دیگرجماعتوں نے جوڈیشل کمیشن کی جانب سے اٹھائے گئے سوالات کے جوابات جمع کرادئیے۔

تفصیلات کے مطابق آج بروز بدھ مبینہ دھاندلی کے خلاف تحقیقات کے لئے قائم کردہ جوڈیشل کمیشن کےمنعقد ہونے والے اس اجلاس کی صدارت چیف جسٹس سپریم کورٹ جسٹس ناصرالملک کررہے ہیں۔

کمیشن میں پاکستان تحریک انصاف، مسلم لیگ ق، جماعت اسلامی اور مہاجر قومی موومنٹ نے سوالنامے کے جوابات داخل کئے۔

تحریک انصاف کی جانب 74 حلقوں کا ریکارڈ بھی جمع کرایا گیا جس کے ساتھ مبینہ دھاندلی کے خلاف شواہد کی دستاویزات منسلک ہیں۔

تحریک انصاف کی جانب سے سوالنامے کے جواب میں کہا گیا ہے کہ مسلم لیگ ن کے الیکشن سیل نے باقاعدہ دھاندلی کے انتظامات کئے جس میں ریٹرننگ افسران اورالیکشن کمیشن کا عملہ مبینہ طورپرملوث ہیں۔

مسلم لیگ ق کی جانب سے جمع کرائے گئے جواب میں کہا گیا کہ کمیشن کے پاس تحقیقات کا اختیار ہے لہذا دھاندلی کی کمیشن ازخود تحقیق کرائے۔

مہاجرقومی موومنٹ کی جانب سے دائر کردہ جواب میں کہا گیا کہ جن حلقوں سے ان کی جماعت نے انتخاب لڑا وہاں متحدہ قومی موومنٹ دھاندلی میں ملوث تھی۔