ایمز ٹی وی (اسپورٹس) قومی کرکٹ ٹیم کے اسٹار آل راؤنڈر شاہد خان آفریدی نے ون ڈے کیرئیر میں 8 ہزار رنز کا سنگ میل عبور کرلیا۔

نیوزی لینڈ کے شہر نیپئیرکےمکلین پارک میں متحدہ عرب امارات کے خلاف 7 گیندوں میں 21 رنز بنائے، اس کے ساتھ ہی وہ ایک روزہ بین الاقوامی میچز میں 8 ہزار رنز بنانے والے پاکستان کے 4 چوتھے بلے باز بن گئے ہیں۔ بوم بوم آفریدی نے یہ اعزاز 395 میچز میں 6 سنچریوں اور 39 نصف سنچریوں کی مدد سے 23.52 کی اوسط سے بلے بازی کرتے ہوئے حاصل کیا ہے۔ اس کے علاوہ شاہد آفریدی ایک روزہ میچوں میں 400 وکٹوں کا سنگ میل عبور کرنے سے صرف 7 وکٹیں دور ہیں۔

واضح رہے کہ شاہد آفریدی کے علاوہ پاکستان کی جانب سے اب تک صرف انضمام الحق، یوسف اور سعید انور ہی 8 ہزار رنز سے زائد اسکور بناسکے ہیں۔

ایمز ٹی وی (فارن ڈیسک) اسرائیلی وزیراعظم بنیامن نیتن یاہونے خبردار کیا ہے کہ ایران پوری دنیا کو درپیش ایک خطرہ ہے جب کہ امریکی صدر باراک اوباما معاہدہ کر کے ایران کو ایٹمی طاقت بنا دیں گے۔

واشنگٹن میں امریکی کانگریس کے دونوں ایوانوں کے مشترکہ اجلاس سے خطاب کرتے ہوئے اسرائیلی وزیرِاعظم بینجمن نیتن یاہو نے کہا کہ نئی ایرانی حکومت بھی پچھلی حکومتوں کی طرح انتہاپسند ہے جس پر اعتماد نہیں کیا جا سکتا۔ ایران کی جانب سے جوہری ہتھیاروں کے حصول کی کوششیں اسرائیل کی بقا اور سلامتی کیلیے خطرہ ہیں۔ انھوں نے الزام عائد کیا کہ ایران دنیا بھر میں دہشت گردی کے فروغ میں ملوث ہے۔ امریکا ایران کے ساتھ اس کے جوہری پروگرام پر جو معاہدہ کرنے کی کوشش کر رہاہے اس سے ایران کیلیے جوہری ہتھیاروں کا حصول مزید آسان ہو جائے گا۔ مجوزہ معاہدہ ایک خراب معاہدہ ہے جس کانہ کرنا ہی بہتر ہے، ایران اور امریکاکے درمیان جس جوہری معاہدے پر بات چیت ہو رہی ہے وہ اسرائیل کی سلامتی کیلیے خطرہ ہے۔

اسرائیلی وزیراعظم نے کہا کہ ایران فتح، تسلط اور دہشت گردی کی جانب پیش قدمی کر رہا ہے اور ہم سب کو مل کراسے روکنا ہوگا۔ اسرائیلی وزیرِاعظم کا کہنا تھا کہ ایران اور اس کے رہنما نہ صرف اسرائیل اور مشرقِ وسطیٰ بلکہ تمام دنیا کیلیے خطرہ ہیں جن سے نمٹنے کیلیے ضروری ہے کہ عالمی برادری ایران کے جوہری پروگرام کو روکے۔ اس بات پر افسوس ہے کہ بعض لوگ امریکی کانگریس سے ان کے خطاب کو سیاسی رنگ دے رہے ہیں۔