ایمز ٹی وی (فارن ڈیسک)

 امریکا میں  ورلڈ ٹریڈ سینٹر کی 104 ویں منزل پر کھڑکیوں کی صفائی کے دوران ونڈو واشر کے ٹوٹ جانے سے کئی گھنٹوں تک پھنسے رہنے والے مزدوروں کو بچا لیاگیا۔

 نیو یارک  میں حال ہی میں  کھولے جانے والی تاریخی عمارت ورلڈ ٹریڈ سینٹر کی 104 منزلہ عمارت کے باہر 2 مزدور شیشوں کی صفائی کے کام میں مصروف تھے کہ ان کی ونڈو واشر کی رسی ایک طرف سے ٹوٹ گئی اور ان کا پلیٹ فارم جھولتا ہوا نیچے کی طرف آنے لگا اور عمارت کی 69 ویں منزل پر آکر رک گیا، فوری طور پر ان کے پاس ریڈیو سیٹ سے ریسکیو ٹیم نے  رابطہ کیا اور ان کو بچانے کے لیے کارروائی کا آغاز کردیا، سب سے پہلے عمارت کی چھت سے ایک رسی ان کی طرف پھینکی گئی تاکہ وہ اسے اپنی کمر سے باندھ لیں اور واشر کے گرنے کی صورت میں محفوظ رہیں، اس کے بعد ریسکیو ورکرز عمارت کے اندر سے اس جگہ پہنچ گئے یہاں یہ دونوں ٹوٹے ہوئے ڈش واشر میں جھول رہے  تھے۔ ان کے پلیٹ فارم کے ساتھ موجود شیشے کی کھڑکی کو کاٹنے کا عمل شروع کیا گیا جو بہت صبرآزما ثابت ہوا۔

حکام کا کہنا تھا کہ یہ شیشہ تین لیئر پر مشتمل تھا اسے کاٹنے کے لیے ڈائمنڈ کا الیکٹرک آرا استعمال کیا گیا- 

 حکام کے مطابق نیو یارک میں صرف کھڑکیاں صاف کرنے والے 600 مزدور کام کرتے ہیں

 ایمز ٹی وی (اسلام آباد) وفاقی وزیر اطلاعت پرویز رشید کا کہنا تھا کہ عمران خان کی سیاست صرف شریف خاندان پر جھوٹے الزامات تک ہے،  دن رات انصاف کاڈھونگ رچانے والے اب انصاف ہونے پر کیوں چلارہے ہیں کیا عمران خان قانون سے بالا تر ہیں۔ انہوں نے کہا کہ  عمران خان پہلے غلطی کرتے ہیں پھر معافی مانگتے ہیں جب کہ آج صفائی دینے سے بہتر ہے کہ عمران خان اس وقت اپنے کارکناں کو نہ بھڑکاتے۔وفاقی وزیراطلاعات  کا کہنا تھا کہ نوازشریف عمران خان کا خوف بن گئے  اور خواب میں بھی انہیں ڈراتے ہیں۔ ان کا کہنا تھا کہ  عمران خان نے  اپنے کارکنوں کو پولیس سے چھڑواکر قانون کی دھجیاں بھی اڑائیں ہیں اگر عمران خان میں اتنی جرات تھی تو لندن پولیس سے اپنا بھانجا چھڑالیتے۔

ایمزٹی وی:(کراچی) شہر کے مختلف علاقوں کی سرویلنس اور مانیٹرنگ کے ضمن میں سینٹرل پولیس آفس میں قائم مرکزی کمانڈ اینڈ کنٹرول سینٹر کو مزید تقویت دینے اور اس کے دائرے کو وسعت دینے جیسے امور پر تفصیلی تبادلہ خیال کیا، اس موقع پر باہمی سمجھوتے کی ایک یاداشت پر دستخط کیے گئے جس کے مطابق شہر میں منتخب کردہ 400 نئے مقامات پر 2 ہزار سے زائد سرویلنس کیمرے نصب کیے جائیں گے جبکہ کراچی میں زونل کمانڈ اینڈ کنٹرول سینٹرز بھی قائم کیے جائیں گے جو مرکزی کمانڈ اینڈ کنٹرول سینٹر سی پی او سے براہ راست منسلک ہوں گے۔

ایمز ٹی وی (اسلام آباد) صاف پانی منصوبےپرپیش رفت کاجائزہ لینےکےحوالےسےوزیر اعلیٰ پنجاب کی صدارت میں اعلیٰ سطح کا اجلاس ہوا۔جس میں  چیف ایگزیکٹو آفیسر صاف پانی کمپنی نے اجلاس کومنصوبے کے اہم نکات سے آگاہ کیا۔اس موقع پروزیرِاعلیٰ محمد شہباز شریف کاکہناہےکہ پینے کے صاف پانی کی فراہمی کا منصوبہ انتہائی اہمیت کا حامل ہے۔ان کاکہناتھاکہ پہلے مرحلے میں18اضلاع میں یہ منصوبہ شروع کیا جارہا ہے۔صاف پانی سہولت سینٹرز کے قیام سے روزگار کے نئے مواقع میسر آئیں گے،جہاں مقامی نوجوانوں کو ترجیح دی جائے گی۔۔شہباز شریف کاکہناہےکہ مفادِ عامہ کےاس منصوبے کا تعلق براہِ راست عوام کی صحت سے ہے،منصوبے پر تیز رفتاری کےسا تھ کام کیا جائے گا۔