ایمز ٹی وی(اسلام آباد) پاکستان کے فوجی سربراہ جنرل راحیل شریف آئندہ ماہ امریکہ کا دورہ کرے گے، امریکی ڈیفنس عہدیداروں کے ساتھ کلیدی سکیورٹی مذاکرات کیلئے دورہ کریں گے، جو گزشتہ سال چیف آف آرمی اسٹاف کی حیثیت سے جائزہ لینے کے بعد سے اُن ایسا پہلا سفر ہوگا۔
دفاع کے ذرائع نے کہا کہ جنرل راحیل کے ہفتہ طویل دورہ کا آغاز ممکنہ طور پر وسط نومبر سے ہوگی اور اس سفر کیلئے تیاریاں جاری ہیں۔ انھیں چیرمین جوائنٹ چیفس آف اسٹاف جنرل مارٹن ڈیمپسی نے دعوت دے ہیں۔
ایمز ٹی وی (اسپورٹس) آئی سی سی نے ون ڈے ٹیم اور کھلاڑیوں کی نئی رینکنگ جاری کردی جس کے مطابق 10 بہترین بیٹسمین میں کوئی پاکستانی شامل نہیں جبکہ بولنگ اور بہترین آل راؤنڈرز کی فہرست میں پاکستان کی حکمرانی بر قرار ہے۔ آئی سی سی کی جانب سے جاری کردہ نئی رینکنگ کے مطابق جنوبی افریقی ٹیم نیوزی لینڈ کے خلاف حالیہ سیریز میں کامیابی کے بعد 115 پوائنٹس کے ساتھ پہلی پوزیشن پر پرا جمان ہے اور پروٹیز پانچ سالوں بعد پہلی پوزیشن حاصل کرنے میں کامیاب ہوئی ہے جبکہ آسٹریلیا 114 پوائنٹس کے ساتھ دوسرے، بھارت تیسرے، سری لنکا چوتھے، انگلینڈ پانچویں اور پاکستان کا 98 پوائنٹس کے ساتھ چھٹا نمبر ہے۔ یٹنگ کے شعبے میں کوئی پاکستانی بلے باز 10 بہترین ناموں میں جگہ بنانے میں کامیاب نہ ہوسکا، جنوبی افریقا کے ہی اے بی ڈیویلئرز پہلی اور ہاشم آملہ دوسری پوزیشن پر براجمان ہیں، اسی طرح ویرات کوہلی تیسرے نمبر پر، آسٹریلوی کپتان جارج بیلی چوتھے، کمار سنگاکارا پانچویں، بھارتی کپتان مہندرا سنگھ دھونی چھٹے، دلشان ساتویں، کوائنٹم ڈی کوک آٹھویں ، شیکر دھاون نویں اور روس ٹیلر کا دسواں نمبر ہے۔ بولنگ کے شعبے میں بدستور پاکستان کی ٹاپ پوزیشن ہے اور پابندیوں کے شکار جادوگر اسپنر سعید اجمل کرکٹ گراؤنڈ سے حالیہ دوری کے باوجود 770 پوائنٹس کے ساتھ پہلے نمبر پر ہیں، اسی طرح پابندیوں کی زد میں آنے والے ویسٹ انڈیز کے اسپن بولر سنیل نارائن 753 پوائنٹس کے ساتھ دوسرے، ڈیل اسٹین تیسرے، جیمز اینڈریسن چوتھے، مچل جونسن پانچویں، روندا جدیجا چھٹے، بھونیشور کمار ساتویں، محمد حفیظ آٹھویں، اسٹیون فن نویں اور کلنٹ میکی دسویں نمبر پر پراجمان ہیں۔ تین بہترین آل راؤنڈرز کی فہرست میں بھی پاکستان ٹاپ پر ہے ، محمد حفیظ کا 411 پوائنٹس کے ساتھ پہلا، سری لنکا کے انجیلو میتھیوز کا 387 پوائنٹس کے ساتھ دوسرا اور بنگلادیشن کے شکیب الحسن کا 361 پوائنٹس کے ساتھ تیسرا نمبر ہے۔
ایمز ٹی وی (لاہور) بھارتی فلموں کے غیر مہذب اور فحش گانوں نے پاکستانی نوجوانوں نسل کو تباہ کرنے کے دھانے پر پہنچادیا ،ان بیہودہ بھارتی فلمی گانوں میں سکولوں اور کالجز کے ناپختہ ذہنوں والے نوجوان لڑکے اورلڑکیوں کو گھروں سے والدین کو بتائے بغیر بھگانے کے طریقے اوروالدین سے نا فرمانی کی تعلیم دی جارہی ہے، معروف گلوکارہ صائمہ جہاں،
بھارتی گانوں میں انتہائی غیر مہذب لباس زیب تن کر کے بھارتی ماڈلز نے فحش اور بے شرمی کی انتہا کرتے ہوئے منشیات کا استعمال بھی دکھایا گیاہے ۔
گلوکار ہنی سنگھ کے گانے ”دیسی کلاکار “میں کالج کی لڑکیوں کو گھر سے بھگانے کے غیر مہذب مناظر شامل ہیں جن کو دیکھ کر پاکستان کی نوجوان لڑکیاں متاثر ہوکر ا ن کو اپنانے کی کوشش کرتی ہیں ۔جبکہ پاکستانی اداکار فواد خان اور سونم کپور پر فلمایا گیا گانا ”ماں کا فون آیا “ بھی ایسی سلسلے کی کڑی ہے ،بھارتی گانے ”ابھی تو پارٹی شروع ہوئی ہے “ میں شراب کوکین اور دیگر منشیات کو بھی فلم بند کیا گیا ہے۔ صائمہ جہاں
ان گانوں سے متا ثر ہوکر پاکستانی نوجوان نسل بے راہ روی کا شکار ہو کر تباہی کے دھانے پر پہنچ چکے ہیں جو پوری پاکستانی قوم کیلئے لمحہ فکریہ ہے۔
گلوکارہ صائمہ جہاں نے کہا ہے کہ حکومت وقت کو ان گانوں پر فوری طور پر پابندی عائد کرنی چاہیے اچھا اور خاص میوزک انسان کی فلاح کرتا ہے اس حوالے سے حکومت کو مناسب اقدامات کرتے ہوئے ان کی ریلیزنگ پر فوری طور پر پابندی عائد کردینی چاہیے۔
ایمز ٹی وی (اسلام آباد) آرمی چیف جنرل راحیل شریف کی ہدایت پرقحط زدہ علاقوں میں امدادی کارروائیوں کے لیے پاک فوج کے چار دستے تھرپارکر روانہ کر دیئے گئے ہیں ، نقل مکانی اور راشن کی تقسیم کے لیے دو ہیلی کاپٹر بھی مختص کر دیئے گئے ہیں۔ ڈی جی آئی ایس پی آر میجر جنرل عاصم باجوہ کے مطابق کراچی سے 4 کمپنیاں چھاچھرو، ڈلی اور مٹھی اضلاع بھجوائی گئی ہیں۔ ڈی جی آئی ایس پی آر کے مطابق متاثرہ علاقوں میں 4 میڈیکل ریلیف کیمپ بھی قائم کر دیئے گئے ہیں۔ نقل مکانی اور راشن کی تقسیم کیلئے 2 ہیلی کاپٹر بھی مختص کر دیئے گئے ہیں۔ پاک فوج کے شعبہ تعلقات عامہ( آئی ایس پی آر)کے مطابق صبح سے 900 متاثرہ خاندانوں کو خوراک اور پانی فراہم کیا جا چکا ہے۔
ایمز ٹی وی (کراچی)فلم انڈسٹری کے مستقبل سے کبھی مایوس نہیں ہوا، عارضی طور سے جو تعطل آیا وہ بلاشبہ مشکل وقت تھا لیکن فلم انڈسٹری سے وابستہ وہ لوگ جنھوں نے اس کے لیے بے پناہ قربانیاں دیں ہیں وہ اس کوشش میں مصروف رہے کہ جلد از جلد اس کی بحالی ممکن ہو سکے۔اداکار سعود
سعود نے کہا ٹیلی ویڑن ڈرامہ انڈسٹری کی کامیابی کے بعد اب فلم انڈسٹری میں بھی کامیابی کا سفر شروع ہو چکا ہے' اچھے پروجیکٹ بنیں گے تو فلمیں ضرور کامیاب ہوں گی
' عید پر ریلیز ہونے والی دو پاکستانی فلموں ''آپریشن021'' اور ''نامعلوم افراد '' کی شاندار کامیابی نے ایک نیا جوش اور جذبہ پیدا کر دیا اور فلم انڈسٹری کی رونقین لوٹ آئیں ہمیں ایسے ہی موضوعات پر فلمین بنانی چاہیئں جو عوام کے مزاج اور ان کے معیار کے مطابق ہوں۔
فلم انڈسٹری کا اچھا وقت شروع ہو چکا ہے اس سے ضرور فائدہ اٹھانا چاہیئے معیاری اور اچھی فلمیں ہی عوام کو پاکستانی فلمیں دیکھنے پر مجبور کر دیں گی۔
ایمز ٹی وی (لاہور) پنجاب کے وزیراعلیٰ شہبازشریف نے کہا ہے کہ نئے صوبوں کے معاملے پرپارلیمانی اتفاق رائے حاصل کیا جانا چاہیے۔ انھوں نے کہا کہ دھرنوں سے ہونے والا نقصان نسلیں چکاتی رہیں گی، قوم کو چاہیے کہ وہ دھرنا دینے والوں کو معاف نہ کرے۔
ایمز ٹی وی (فارن ڈیسک) امریکہ میں پیر کو بیماریوں سے تحفظ اور روک تھام کے مرکز کی جانب سے افریقہ کے ایبولا سے متاثرہ ممالک سے لوٹنے والے طبی اہلکاروں اور مسافروں کے لیے نئی ہدایات جاری کی گئیں۔ نئی ہدایات کے تحت افریقہ سے واپس آنے والے ڈاکٹروں اور نرسوں کی 21 دنوں تک ایبولا کی علامات ظاہر ہونے کی میعاد تک سرگرمی کے ساتھ نگرانی کی جائے گی اور انھیں وبائی بیماری کے خوف سے لوگوں سے علیحدہ نہیں رکھا جائے گا۔ اقوامِ متحدہ کے سیکریٹری جنرل بان کی مون نے بھی امریکہ میں افریقہ سے واپس آنے والے صحت کے شعبے میں کام کرنے والے اہلکاروں کو الگ رکھے جانے پر تنقید کی تھی ان کے مطابق: ’جو لوگ متاثرہ علاقوں میں مدد کر رہے ہیں ان پر بغیر کسی سائنسی بنیاد کے ایسی پابندياں نہیں لگائی جانی چاہییں۔‘ امریکہ میں نئے قوانین کا اعلان نیو جرسی میں افریقہ سے واپس آنے والی ایک نرس کو عیلحدہ رکھے جانے پر کی جانے والی شکایت کے بعد کیا گیا ہے۔ نرس كیسي نے الزام عائد کیا تھا کہ افریقہ سے لوٹنے کے بعد ان کے ساتھ ’مجرموں جیسا سلوک رواں رکھا گیا۔‘ مریکہ کی تین ریاستوں نے کہا ہے کہ ایبولا کے مریضوں سے رابطے میں آنے والے تمام لوگوں کو 21 دن نگرانی میں رکھا جائے گا۔
ایمز ٹی وی (کراچی) کراچی کے علاقے نیو کراچی اورگودھرا کے مختلف علاقوں میں پولیس نے آپریشن کے دوران 40 افراد کو حراست میں لے لیا، تفصیلات کے مطابق ایس پی چوہدری اسد نے میڈیا کو بتایا کہ آپریشن عالم پرائیڈ،سیکٹر 5 جی، سیکٹر 11 جی گودھرا اور سیکٹر 5 جے میں کیا گیا جس کے دوران 40 افراد کو حراست میں لے لیا گیا ہے جن سے مزید تفتیش کی جارہی ہے۔ ایس پی چوہدری اسد نے مزیدبتایا کہ زیر حراست افراد میں سے 24 کا تعلق سنی تحریک سے ہے جبکہ 16 کا تعلق متحدہ قومی موومنٹ سے ہے۔ زیر حراست 40 افراد کو 4 مختلف تھانوں کے ایس ایچ اوز کے حوالے کیا گیا تھا جو مزید پوچھ گچھ کررہے ہیں۔ آپریشن رات گئے پاور ہاﺅس چورنگی پر موٹر سائیکل سوار ملزمان کی کلاشنکوف سے پولیس اہلکاروں پر فائرنگ کے بعد کیا گیا ہے، جس کے نتیجے میں اے ایس آئی رحیم بخش جاں بحق ہوا تھا۔ دوسری طرف کراچی کے علاقے سرجانی ٹاﺅن سے ایک درجن سے زائد افراد کی گرفتاری کے خلاف علاقہ مکینوں کا احتجاج جاری ہے۔ تفصیلات کے مطابق شہر قائد کےعلاقے سرجانی ٹاﺅن کےعلاقہ مکین پاور ہاﺅس چورنگی پر شدید احتجاج کررہے ہیں۔ مظاہرین کا کہنا ہے کہ گزشتہ وز پولیس اور رینجرز نے ایک درجن سے زائد بے گناہ افراد کو گرفتارکیا، جبکہ گرفتار شدگان سے متعلق معلومات نہیں دی جارہی۔ مظاہرین میں ایم کیو ایم کے رکن اسمبلی وسیم قریشی بھی شریک ہیں۔ انھوں نے کہا کہ شہر میں جب بھی کوئی واقعہ ہوتا ہے ایم کیو ایم کے کارکنوں کے خلاف کارروائی شروع کردی جاتی ہے۔
ایمز ٹی وی (فارن ڈیسک) شام میں صدر بشار الاسد کی حکومت سے برسر پیکار النصرۃ فرنٹ اور دیگر باغی گروہوں نے حکومت کے زیرِ قبضہ شہر ادلب پر حملہ کر دیا اور مختصر وقت کے لیے متعدد سرکاری عمارتوں پر قابض رہے۔ برطانیہ میں قائم انسانی حقوق کے متعلق شام کی آبزرویٹری (ایس او ایچ آر) کے مطابق ادلب پر پیر کی صبح حملہ کیا گیا۔ باغیوں نے چوکیوں پر حملہ کیا اور تھوڑی دیر کے لیے گورنر کے دفتر اور پولیس ہیڈکوارٹر پر قبضہ کر لیا، لیکن بعد میں انھیں باہر نکال دیا گیا۔ باغیوں نے مبینہ طور پر پہاڑی پر قبضہ کر لیا تھا جس کے بعد شامی فوج نے گن شپ ہیلی کاپٹروں کی مدد سے جوابی حملہ کیا جس میں درجنوں باغیوں اور فوجیوں کی ہلاکت کی خبریں ہیں۔ اگرچہ ادلب صوبے کا زیادہ تر حصہ باغیوں کے قبضے میں ہے تاہم ادلب نامی شہر ابھی تک صدر بشار الاسد کی حکومت کے کنٹرول میں ہے ، سنہ 2012 میں باغیوں کے مختصر کنٹرول کے بعد سے ملک کے شمال مغربی شہر ادلب پر حکومت کا کنٹرول قائم ہے۔ شام میں جاری خانہ جنگی چوتھے سال میں داخل ہو چکی ہے اور اس کے نتیجے میں اب تک دو لاکھ سے زیادہ افراد مارے جا چکے ہیں۔
ایمز ٹی وی (تھر) تھر کےباسیوں کی مشکلات کم نہ ہو سکیں، چھاچھرو اور ڈاھلی ایک سو چودہ ٹیوب ویل ناکارہ ہونے کی وجہ سے پانی کا بحران سنگین ہو گیا۔ ایک طرف خشک سالی اور قحط دوسری جانب بیماری اور پانی کا بحران ،غذائی قلت کے مارے بچے موت کی وادی میں اتر رہے ہیں ۔ دیہی علاقوں سے لائے گئے غذائی قلت سے متاثرہ بچوں کا سول ہسپتال مٹھی کے نیوٹریشن وارڈ میں علاج کیا جا رہا ہے۔ ہسپتال ذرائع کے مطابق سول ہسپتال مٹھی میں غذائی قلت سے بیمار 30 بچے زیر علاج ہیں جن میں سے 2 کی حالت تشویشناک ہونے پر حیدر آباد منتقل کر دیا گیا ہے جبکہ نرسری وارڈ میں زیر علاج مزید دو بچوں کی حالت تشویشناک بتائی جا رہی ہے دوسری طرف جو زندہ ہیں انہیں پانی نہیں مل رہا ۔ چھاچھرو اور ڈاھلی تحصیل میں 114 ٹیوب ویل ناکارہ ہونے کے بعد پانی کا بحران شدت اختیار کر گیا ۔ 75 سے زائد ٹیوب ویلوں کے آلات بھی غائب ہیں۔ چھاچھرو انتظامیہ کو ملنے والی دو کروڑ کی گرانٹ شہر کیلئے 7 سال کے عرصے میں پانی کی فراہمی کا مسلہ حل نہ کر سکی ۔ شہری پانی خرید کر استعمال کرنے پر مجبور ہیں ، حتی کہ نقل مکانی کرنے والے قافلوں کو بھی پانی فراہم نہیں کیا جا رہا۔ رواں ماہ غذائی قلت کے باعث جانی کی بازی ہارنے والے بچوں کی تعدد اٹھائیس تک جا پہنچی ہے۔