ایمز ٹی وی (اسلام آباد) وفاقی کابینہ کا اجلاس وزیر اعظم نواز شریف کی زیرصدارت ہوا ، اجلاس میں مشیر توانائی کی جانب سے پیش کردہ اضافی بجلی بلوں پر عبوری رپورٹ کا جائزہ لیا گیا ۔ رپورٹ سٹیٹ بینک کی آڈٹ کمپنیوں نے الگ الگ تیار کی جس میں بتایا گیا ہے کہ جولائی 2013 اور جولائی 2014ء میں بجلی کی پیداوار، استعمال اور بلز میں فرق تھا ۔ جولائی 2014ء میں میٹر ریڈنگ کیے بغیر بجلی صارفین کو فرضی بل بھی بھجوائے گئے، جولائی 2014ءمیں 4 ارب روپے کے اضافی بلز کا بوجھ صارفین پر ڈالا گیا، رپورٹ میں بتایا گیا تھا کہ بجلی صارفین کے اضافی بلز کو تین اقساط میں ایڈجسٹ کیا جا رہا ہے۔ رپورٹ 10 تقسیم کار کمپنیوں کے ریکارڑ کا جائزہ لے کر تیار کی گئی، ذرائع کے مطابق کابینہ ارکان نے آڈٹ رپورٹ کو ناکافی اور غیر تسلی بخش قرار دیکر مسترد کر دیا، وزیر اعظم نواز شریف نے کہا کہ صارفین کو بھیجے گئے اضافی بلوں کے معاملے کا ازالہ کیا جانا چاہئے، انہوں نے نئی آڈٹ رپورٹ تیار کرنے اور اضافی بلز کے زمہ داران کا تعین کرنے کا بھی حکم دیا ۔ کابینہ وزرت پٹرولیم ، پلانگ اور وزارت ریلوے کی کارکردگی کا جائزہ لے رہی ہے۔

ایمز ٹی وی( نیوز ڈیسک)پاکستان اور آسٹریلیا کے درمیان کھیلے جانے والے ابوظہبی ٹیسٹ میں یونس خان نے 141 رنز بنا رکھے ہیں، جس میں 11 چوکے اور ایک چھکا شامل ہیں، جب کہ مصباح الحق خلافِ معمول نسبتاً تیزی سے کھیلتے ہوئے چھ چوکوں اور ایک چھکے کی مدد سے 55 رنز پر ناٹ آؤٹ ہیں۔واضح رہے کہ آسٹریلیا کے اصل وکٹ کیپر بریڈ ہیڈن ایک کیچ لینے کی کوشش میں زخمی ہو کر میدان سے باہر چلے گئے تھے اور ان کی جگہ ڈیوڈ وارنر کیپنگ کر رہے ہیں۔اس سے قبل میچ کے پہلے دن یونس خان اور اظہر علی نے ایک سست اور کم باؤنس والی وکٹ پر آسٹریلوی بالروں کے حوصلے خوب پست کیے۔ یونس خان سیریز میں مسلسل تیسری سنچری بنا کر آسٹریلوی بولنگ پر پھر برسے جبکہ اظہرعلی نے اپنے کرئیر کی چھٹی سنچری سکور کی۔ یونس خان ٹیسٹ کرکٹ میں مسلسل تین اننگز میں سنچریاں بنانے والے چوتھے پاکستانی بیٹسمین بھی بن گئے۔ ان سے قبل ظہیرعباس، مدثرنذر اور محمد یوسف نے ٹیسٹ کرکٹ میں لگاتار تین اننگز میں سنچریاں بنا رکھی ہیں۔

امیزٹی وی:(کراچی) ایس پی گلشن اقبال عابد قائمخانی بتایا کہ زخمی ہونے والا پولیس افسر بھی گلشن اقبال بلاک 5 میں واقع امام بارگاہ مدینۃ العلم پر سیکیورٹی ڈیوٹی انجام دینے کے بعد تھانے میں اندراج کرانے کے بعد اپنے گھر جا رہا تھا ،دونوں وارداتوں میں ایک ہی گروپ کے ملوث ہونے کا امکان ہے ، پیر آباد کے علاقے قصبہ کالونی سے ملحقہ اسلامیہ کالونی میں گھر کے باہر بیٹھے ہوئے45 سالہ جان محمد کو موٹر سائیکل سوار نامعلوم ملزمان نے فائرنگ کرکے ہلاک کر دیا اور موقع سے فرار ہوگئے ، پولیس واقعہ کو ذاتی رنجش کا شاخسانہ قرار دے رہی ہے۔ گلستان جوہر کے علاقے کامران چورنگی بلاک 4 مغل ہزارہ گوٹھ کے قریب واقع مسجد و امام بارگاہ وحدت المسلمین کے قریب موٹر سائیکل سوار ملزمان کریکر پھینک کر فرار ہوگئے جو زور دار دھماکے سے پھٹ گیا اور اس کی آواز دور تک سنائی دی،کریکر حملے میں کوئی جانی نقصان نہیں ہوا تاہم سڑک کے کنارے قائم سبیل پر بیٹھا ہوا کفایت علی زخمی ہوگیا ۔

واقعے کی اطلاع ملتے ہی ایس پی گلشن اقبال عابد قائمخانی پولیس کی بھاری نفری کے ہمراہ موقع پر پہنچ گئے اور فوری طور پر علاقے کو اپنے گھیرے میں لیکر بم ڈسپوزل اسکواڈ کو طلب کرلیا اس موقع پر امام بارگاہ میں موجود عزاداروں کی بڑی تعداد جمع ہوگئی اور واقعہ پر اپنے شدیدغم و غصے کا اظہارکیا ، ایس ایچ او گلستان جوہر حیات اﷲ نے بتایا کہ جس وقت موٹر سائیکل سوار کریکر پھینک کر فرار ہوئے قریب ہی واقع امام بارگاہ میں مجلس کے بعد دعا کی جا رہی تھی جس میں عزاداروں کی بڑی تعداد موجود تھی ، انھوں نے بتایا کہ دھماکے سے مٹی میں گڑھا پڑ گیا ، ایس پی گلشن اقبالنے بتایا کہ موٹر سائیکل سوار دہشت گردوں کی جانب سے پھینکے جانے والا کریکر دیسی ساختہ تھا اور اس حوالے سے بی ڈی ایس کا عملہ مزید تحقیقات کر رہا ہے جبکہ شبہ ہے کہ مذکورہ واقعہ میں وہی گروہ ملوث ہے جس نے دو روز قبل عائشہ منزل فلائی اوور کے اوپر سے آئی آر سی امام بارگاہ پر دستی بم پھینکا تھا۔

ایمز ٹی وی (اسلام آباد) وزیر اعظم نواز شریف نے پٹرولیم مصنوعات کی قیمتوں میں کمی کی منظوری دے دی ہے ۔ تفصیلات کے مطابق وزیر اعظم نے پٹرول کی قیمت میں 9روپے43پیسے ، مٹی کے تیل میں 8روپے 16 پیسے ، ایچ او بی سی کی قیمت میں 14روپے 68پیسے، ڈیزل کی قیمت میں 6روپے 18پیسے اور ہائی اوکٹین کی قیمت میں 14 روپے 68 پیسے فی لیٹر کمی کی منظوری دے دی ہے۔ وزارت خزانہ کی جانب سے قیمتوں میں کمی کانوٹی فکیشن جاری ہونے کے نئی قیمتوں کا اطلاق آج رات بارہ بجے سے ہو جائے گا ۔