کراچی: سندھ میں آٹے کا بڑا بحران آنے والا ہے، علی زیدی کی پیش گوئی وفاقی وزیر بحری امورعلی زیدی نے کہا ہے کہ سندھ میں آٹے کا بڑا بحران آنے والا ہے، سندھ حکومت کی غلط پالیسیوں اور کرپٹ پریکٹس سے فلورملز بےلگام ہیں۔
یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔ وفاقی وزیر نے صوبے کے عوام کیلئے خطرے کی گھنٹی بجاتے ہوئے کہا کہ سندھ حکومت کی ناقص پالیسیوں اور بد انتظامی کی وجہ سے کراچی میں آئندہ ہفتے آٹے کا شدید بحران پیدا ہوگا۔
انہوں نے کہا کہ سندھ حکومت کی بدانتظامی سب کے سامنے ہے، صوبائی حکومت کی غلط پالیسیوں کی وجہ سے فلورملز پر قابو نہیں پایا گیا۔
واضح رہے کہ دودھ اور چینی کے بعد چند ماہ سے کراچی میں آٹے کی قیمتیں بھی آسمان سے باتیں کر رہی ہیں لیکن صوبائی حکومت مہنگائی کنٹرول کرنے میں یکسر ناکام دکھائی دے رہی ہے۔آٹے کا بحران، فلور ملز اور آٹا چکیوں کو سرکاری گندم کے کوٹے کی فراہمی
صوبائی حکومت کے وزراء آٹے کی قیمتوں میں کمی کا زبانی کلامی دعویٰ تو کرتے ہیں تاہم عملی طور پر آٹے کی قیمتوں میں کمی نظر نہیں آ رہی،ایسے میں علی زیدی کے ٹویٹ نے اہلیان کراچی کی پریشانیوں میں مزید اضافہ کر دیا ہے۔
لاہور:قومی ٹی ٹوئنٹی ٹیم کے کپتان بابر اعظم کراچی کنگز میں عماد وسیم کے نائب ہوں گے۔
پی ایس ایل ڈرافٹ کے موقع پر فرنچائز کے مالک سلمان اقبال نے ہیڈ کوچ ڈین جونز کے ہمراہ گفتگو کرتے ہوئے بتایا کہ عماد وسیم بہترین قائد ہیں، وہی ٹیم کے کپتان اور بابر اعظم نائب ہوں گے، ہم پوری کوشش کریں گے کہ متوازن اسکواڈ میدان میں اتاریں، وسیم اکرم نے کہا کہ ضروری نہیں کہ قومی ٹیم کا کپتان کراچی کنگز کا بھی کپتان ہو۔
فیصل آباد: فیصل آباد کی میڈیکل یونیورسٹی کی طالبہ ڈاکٹر فائزہ نے کانووکیشن میں 25 میڈلز حاصل کیے جن میں گولڈ، سلور اور برونز میڈل شامل ہیں۔
100 سے زائد طلبا اور طالبات کو مختلف ایئرز میں نمایاں پوزیشنز سمیٹنے پر گولڈ، سلور اور برونز میڈلز سے نوازا گیا، بی ڈی ایس کی طالبہ ڈاکٹر فائزہ نے مختلف پروگرامز میں نمایاں نمبر حاصل کیے اور 16 میڈلز اپنے نام کیے جب کہ 9 میڈلز مختلف مضامین میں سب سے نمایاں پوزیشن پر حاصل کئے
لاہور: چیف سلیکٹر مصباح الحق نے سری لنکا کے خلاف ٹیسٹ سریز کے لیے ٹیسٹ ٹیم کا اعلان کردیا۔
لاہور میں پریس کانفرنس کرتے ہوئے قومی ٹیم کے ہیڈ کوچ اور چیف سلیکٹر مصباح الحق نے کہا کہ ہم نے سری لنکا کے خلاف سیریز کے لیے ٹیم میں بہت زیادہ تبدیلیاں نہیں کی ہیں بلکہ ہم انہیں لڑکوں کو موقع دینا چاہتے ہیں اور ٹیم میں صرف 2 تبدیلیاں کی گئی ہیں۔
چیف سلیکٹر کے اعلان کردہ ٹیم میں اظہرعلی کو کپتان برقرار رکھا گیا ہے جب کہ دیگر کھلاڑیوں میں عابد علی، اسدشفیق، بابراعظم، فواد عالم، حارث سہیل، امام الحق، عمران خان (سینئر)، کاشف بھٹی، محمد عباس، محمد رضوان، نسیم شاہ، شاہین شاہ آفریدی، شان مسعود، یاسر شاہ، عثمان شنواری شامل ہیں۔
کراچی: شہیدذوالفقار علی بھٹو انسٹیوٹیوٹ آف سائنس اینڈ ٹیکنالوجی کراچی کی 16 ویں کانووکیشن کا انعقاد 8دسمبر کو ہوگا ۔
تقسیم اسناد کی تقریب کراچی ایکسپو سینٹر میں منعقد کی جائے گی، تقریب کے مہمان خصوصی سینٹ آ ف پاکستان کے ڈپٹی چیئر مین سلیم مانڈی والا ہونگے۔
تقریب میں 1163 طلبا کوڈگری دی جائےگی جس میں 7 پی ایچ ڈی کےطلبا شامل ہیں تمغوں میں 11 سونے اور 15 چاندی کے تمغے شامل ہیں۔