اسلام آباد:وزیر برائے اقتصادی امور حماد اظہر کا کہنا ہے کہ پی ٹی آئی حکومت نے مختلف ممالک و اداروں سے 10 ارب ڈالر سے زائد کا قرضہ لیا۔
پی ٹی آئی حکومت نے اپنے دور اقتدار میں لیے گئے قرضوں کی تفصیلات پیش کردیں، قومی اسمبلی اجلاس کے دوران وقفہ سوالات میں
وزیر برائے اقتصادی امور حماد اظہر نے تفصیلات پیش کرتے ہوئے کہا کہ موجودہ حکومت نے مختلف ممالک و اداروں سے 10 ارب 36 کروڑ 81 لاکھ امریکی ڈالر کا قرضہ لیا، پہلے سال مجموعی سرکاری قرضے میں 9 اعشاریہ 3 کھرب روپے کا اضافہ ہوا جب کہ رواں مالی سال کے دوران بجٹ خسارہ پورا کرنے کے لیے 3 اعشاریہ 7 کھرب روپے کے قرضے لیے گئے۔
حماد اظہر نے کہا کہ کرنسی کی قدر میں کمی کی وجہ سے 2 اعشاریہ 6 کھرب روپے کا قرضہ لینا پڑا، زیادہ نقد بیلنس کی وجہ سے 3 کھرب روپے کے قرضے کا اضافہ ہوا
کراچی: اسپاٹ فکسنگ کیس میں سزا یافتہ کھلاڑی شرجیل خان نے پی ایس ایل میں جلوے دکھانے کی تیاری شروع کر دی۔
قومی ٹیم کے سابق اوپننگ بلے باز شرجیل خان نے کراچی کے یو بی ایل اسٹیڈیم میں پریکٹس شروع کردی، انہوں نے قومی ٹیم کے فاسٹ بولر رومان رئیس کی بولنگ پر پریکٹس کی۔
خیال رہے شرجیل خان اپنی سزا کاٹنے کے بعد اب ری ہیب پروگرام مکمل کر رہے ہیں، پروگرام کے تحت شرجیل خان کا آخری لیکچرآئندہ دو سے تین روزمیں متوقع ہے۔
شرجیل خان کو پی ایس ایل سیزن 2 کے دوران اسپاٹ فکسنگ کے جرم میں 5 سال کی پابندی کی سزا سنائی گئی تھی۔
ساوتھ ایشین گیمزمیں پاکستان نے بیس سال بعد دو سو میٹر ریس میں گولڈ میڈل جیت لیا۔
کراچی: جامعہ کراچی نے ایل ایل بی سال آخر اور بی اے ایل ایل بی (آنرز) سال آخر ضمنی امتحانات برائے 2018 ءکے نتائج کا اعلان کردیا
جامعہ کراچی کے ناظم امتحانات پروفیسر ڈاکٹر محمد ارشد اعظمی کے مطابق ایل ایل بی سال آخر اور بی اے ایل ایل بی (آنرز) سال آخر ضمنی امتحانات برائے 2018 ءکے نتائج کا اعلان کردیا گیا ہے۔نتائج کے مطابق ایل ایل بی سال آخر کے امتحانات میں 363 طلبہ شریک ہوئے،08 طلبہ کو فرسٹ ڈویژن جبکہ 286 طلبہ کو سیکنڈ ڈویژن میں کامیاب قراردیا گیا ۔کامیاب طلبہ کا تناسب 80.99 فیصدرہا۔
بی اے ایل ایل بی (آنرز ) سال آخر کے امتحانات میں 14 طلبہ شریک ہوئے،06 طلبہ کو فرسٹ ڈویژن جبکہ 07 طلبہ کو سیکنڈ ڈویژن میں کامیاب قراردیا گیا ۔کامیاب طلبہ کا تناسب 92.86 فیصدرہا۔
مانیٹرنگ ڈیسک : برطانوی راک میوزک بینڈ کولڈ پلے نے اپنے البم ’ایوری ڈے لائف‘ میں پاکستان کے نامور قوال امجد صابری کو خراج عقیدت پیش کیا ہے۔اپنے ایک انٹرویو کے دوران کولڈ پلے بینڈ کے مرکزی گلوکار کرس مارٹن نے اپنے نئے گانے کے بارے میں بات کرتے ہوئے بتایا کہ اس گانے میں امجد صابری کے معروف صوفیانہ کلام ’جگہ جی لگانے‘ کے کچھ بول شامل کیے گئے ہیں۔
انٹرویو میں گلوکار نے بتایا کہ اس گانے میں میرے ساتھ مزید دو اور گلوکار بھی ہیں، افسوس اس بات کا ہے کہ امجد صابری کو قتل کر دیا گیا تھا، البتہ اب تک یہ بات واضح نہیں ہوپائی کہ کولڈ پلے نے امجد صابری کے اس گانے کو اپنے گانے میں شامل کرنے کے لیے ان کے خاندان سے اجازت لی یا نہیں؟
یاد رہے کہ پاکستان کے معروف قوال امجد صابری کو 22 جون 2016 کو کراچی کے علاقے لیاقت آباد نمبر 10 میں موٹر سائیکل سوار ملزمان نے فائرنگ کرکے قتل کر دیا تھا۔ امجد صابری معروف قوال صابری گھرانے سے تعلق رکھتے تھے۔
اُنہو ں نی 1997میں زرعی یونیورسٹی فیصل آباد سے ما ئکرو بیا لو جی میں پی ایچ ڈی کی ڈگری حاصل کی ۔ اُن کی اعلی خدمات کے اعتراف میں2005 میں صدارتی ایورڈ اعزا ز فضیلت سے بھی نوا زہ گیا جبکہ 2008 میں ڈیوڈ گیفن سکول آف میڈیسن یونیورسٹی آف کیلیفور نیا لو س اینجیلس سے فیلو شپ حا صل کی۔
2013,14 میں ہا ئیر ایجو کیشن کمیشن کی طرف سے بیسٹ ٹیچر کا ایورڈ بھی حا صل کر چکے ہیں۔
پرو فیسر ڈاکٹر مسعود ربا نی ہا ئیر ایجو کیشن کمیشن کے طرف سے منظور شدہ پی ایچ ڈی سپر وا ئز ہیں اور اب تک60 سے زائد پی ایچ ڈی اور ایم فل سکا لرز کو سپر وا ئز بھی کر چکے ہے ۔ پرو فیسر ڈاکٹر مسعود ربا نی سو سے زائد تحقیقی مقا لے اور بہت سی کتا بیں لکھ چکے ہیں ۔ اُ ن کی خصو صی تو جہ با ئیو سیفٹی اور فو ڈ سیفٹی پر مر کوز ہے ۔
مانیٹرنگ ڈیسک : جانوروں کی فلاح و بہبود کی کمیونٹی ایس او ایس کی جانب سے خطرے میں پھنسے جانوروں کے بچاؤ کے لیے موبائل فون ایپلیکیشن کا آغاز کر رہی ہے۔
ایس او ایس کے مطابق پاکستان میں جانوروں کے بچاؤ کے لیے یہ پہلی ریسکیو ایپلیکیشن ہے۔ یہ ایپ خطرے اور مشکل میں مبتلا جانوروں کی صحیح جگہ کا پتہ لگائے گی اور قریبی رضاکاروں کو فوری مدد فراہم کرنے کی ہدایت جاری کرے گی۔
ایس اوایس ایپ کے ڈائریکٹر مصطفیٰ احمد کا کہنا ہے کہ توقع ہے کہ یہ ایپ 23 مارچ 2020 کو کتوں ،بلیوں ،گدھوں اور دیگر مقامی جانوروں کے خلاف تشدد کے خاتمے کے لیے شروع کی جائے گی۔انہوں نے کہا کہ لوگ خطرے میں پھسے جانوروں کا بالکل صحیح پتہ ریسکیو ٹیم کو نہیں بتا پاتے جس کی وجہ سے انہیں ریسکیو کرنے میں تاخیر ہوجاتی ہے۔
مصطفیٰ احمد نے کہا کہ اس ایپلیکیشن کو بنانے کا مقصد امدادی خدمات کومنظم انداز میں عمل میں لانے کو یقینی بنانا ہے، یہ ایپ زخمی جانوروں کی صحیح جگہ کا پتہ لگائے گی۔
اس ایپلیکیشن کو پتہ، قریبی جگہ، رابطہ نمبراورخطرے میں پھسے جانور کی تفصیلات درکار ہوں گی اور اس مقصد کے لیے رضاکاروں کو بھی تربیت دی جارہی ہے جبکہ اس سلسلے میں شناختی کارڈ اور موبائل نمبر پر مبنی تصدیق کا نظام بھی تیار کیا جارہا ہے۔
ایس اوایس ایپ کے ڈائریکٹر مصطفیٰ احمد کا کہنا ہے کہ یہ ایپ ابتدائی طور پر کراچی ،بدین ، بہاولپور ،لاہور اور اسلام آباد میں شروع کی جائے گی اور جلد ہی اسے دوسرے شہروں میں بھی متعارف کرایا جائے گا۔انہوں نے مزید بتایا کہ ہم نے صرف رواں سال میں 1500 سے زائد جانوروں کو بچایا ہے جن میں زیادہ تر زخمی یا زہر آلود تھے۔
روس کے دارلحکومت ماسکو کے ایک میوزیم میں آنے والے سیاحوں کے لیے لاکھوں ڈالرز سے بھری کرسی نمائش کے لیے پیش کر دی گئی ہے۔
منی تھرون ایکس 10'ایک ایسی کرسی ہے جو کہ ڈھائی انچ بلٹ پروف گلاس کی پرت کی مدد سے بنائی گئی ہے۔ یہ منفرد کرسی اندر سے ایک ملین ڈالرز مالیت (پاکستانی 15 کروڑ روپے سے زائد) کے نوٹوں سے بھری ہوئی ہے۔
لاکھوں ڈالرز سے بھری یہ کرسی روسی دارالحکومت کے شمال میں آرٹ میوزیم میں نمائش کے لیے پیش کی گئی ہے۔
اس کرسی کو روسی فنکار الیکسی سرجینکو نے ارب پتی کاروباری شخصیت ایگور رایباکوف کی شراکت سے تیار کیا ہے۔
47 سالہ بلڈنگ میٹریل سیلزمین نے ایک سماجی تقریب کے موقع پر اس کرسی کی نقاب کشائی کی۔
روس کے صنعتی شہر میگنیٹوگورسک سے تعلق رکھنے والے رایباکوف روس کی چھت سازی اور انسولیشن کا مواد اور سسٹم بنانے والی سب سے بڑی صنعت ٹیکنوکول کارپوریشن کے مالک ہیں۔
رایباکوف اپنی دولت کے ذریعے سب کی توجہ مرکوز کرنے کے لیے منفرد کام کرنے کی وجہ سے جانے جاتے ہیں۔اس سے قبل بھی سینٹ پیٹرزبرگ میں گیزپروم ارینا میں بزنس کانفرنس کے دوران انہوں نے حاضرین پر 2 لاکھ ڈالرز نچھاور کیے تھے۔
