راولپنڈی: پاک فوج کے شعبہ تعلقات عامہ (آئی ایس پی آر) کے مطابق وزیراعظم عمران خان نے نیشنل سائنس اینڈ ٹیکنالوجی پارک کا افتتاح کر دیا۔
آئی ایس پی آر کے مطابق نسٹ یونیورسٹی پہنچنے پر آرمی چیف جنرل قمر جاوید باجوہ نے وزیراعظم عمران خان کا استقبال کیا، وزیراعظم نے یونیورسٹی کے ریسرچ اینڈ ڈویلپمنٹ سنٹر کا دورہ کیا۔
پاک فوج کے شعبہ تعلقات عامہ کے مطابق ریسرچ اینڈ ڈویلپمنٹ سینٹر ترکی اور چین کی جانب سے بنایا گیا ہے ، تقریب میں وفاقی وزراء، دوستانہ ممالک کے سفراء سمیت دیگر نے شرکت کی۔
اسلام آباد: صوبائی دارالحکومت میں میٹرواورنج ٹرین پروجیکٹ کو پہلی مرتبہ بجلی سے چلانے کا آغاز آج سے کیا جا رہا ہے یہ ٹرانسپورٹ کے شعبے کا مہنگا ترین اور میگا پرو جیکٹ ہےموجودہ حکومت نے اس ٹرین کو بجلی سے چلانے کا فیصلہ کیا ہے اس ٹرین کو فراہم کی جانے والی بجلی کا سارا بوجھ سرکاری خزانہ اٹھائے گا
یاد رہے کہ اس سے قبل بھی 16 مئی 2018 کو سابق وزیر اعلیٰ شہباز شریف نے بھی ٹیسٹ رن کیا تھا جو اسلام پارک سٹیشن سے لکشمی چوک تک کیا گیا تھا مگر وہ ٹیسٹ رن ڈیزل پر چلنے والے لوکو موٹو انجن کے ذریعے کیا گیا تھا
اب تک کی اطلاعات کے مطابق میٹرو ٹرین کو چلانے کے لئے ٹریک پر پاور ہاؤسز بنائے گئے ہیں۔ یو آئی ٹی سٹیشن اور ملتان روڈ سٹیشن کے پاور ہاؤسز کو 54، 54 میگاواٹ بجلی فراہم کی جائے گی۔ اس طرح میٹرو اورنج ٹرین کو چلانے کے لیے مجموعی طور پر ماس ٹرانزٹ اتھارٹی کی جانب سے لیسکو سے 108 میگا واٹ بجلی کی ڈیمانڈ کی گئی تھی جو لیسکو کی جانب سے پوری کر دی گئی ہے۔
لیسکو کی جانب سے اورنج لائن ٹریک کو بلا تعطل بجلی کی فراہمی کے لئے ہر پاور سٹیشن پر 132 کے وی کے چار سرکٹ سے بجلی فراہم کی جائے گی جس سے ٹرین کو چوبیس گھنٹے بجلی میسر ہوگی۔ تاہم 108 میگاواٹ بجلی کے استعمال سے سرکاری خزانے کو خاصا بوجھ برداشت کرنا پڑے گا۔
اعدادوشمار کے مطابق اورنج ٹرین اپنے منظور شدہ لوڈ کے مطابق بجلی استعمال کرتی ہے تو سالانہ 13 ارب 30 کروڑ جبکہ ماہانہ ایک ارب دس کروڑ روپے بل کی مد میں ادا کرنا ہونگے۔ اورنج لائن ٹرین کو لیسکو کی جانب سے کمرشل ریٹ لگایا جائے گا جو 13 روپے فی یونٹ ہو گا۔ ماہر برقیات کے مطابق اورنج ٹرین کے استعمال میں آنے والی 108 میگا واٹ بجلی لیسکو کے 1 لاکھ 50 ہزار سے زائد صارفین کے برابر ہے۔ چیف ایگزیکٹو لیسکو مجاہد پرویز چٹھہ کا کہنا ہے کہ لیسکو کے پاس بجلی کی کوئی کمی نہیں ٹرین کو 108 میگا واٹ تک بجلی دینے سے بھی عوام کو دی جانے والی بجلی پر کوئی فرق نہیں پڑے گا۔
کراچی: چائنا نے ایک ایسی الیکٹرک بائیک تیارکی ہے جو بنا پیٹرول کے چلےگی اسےخاص طورپہ خواتین کے لئے تیارکیا گیا ہے
اس کیے اندر بیٹری انسٹال کی گئی ہے اس کی رفتار تقریباً 40 کلو میٹرہے اگر اس کی بیٹری کو مزید اپ ڈیڈ کیا جائے تو یہ رفتاتقریباً 80کلو میٹر تک جا سکتی ہےاور اس کی بیٹری تقریباً 42 کلو میٹر تک چلتی ہےخواتین کے لیے اس کو مزید آرام دہ بنانے کے لئے اس کے ہینڈل کو اپنی مرضی سے ٖفکس کیا جا سکتا ہے
خواتین کو سب ساے زیادہ پریشانی گیئر بدلنے میں ہوتی ہے تو اس موٹر سائیکل میں گیئر سسٹم ختم کردیا گیا ہے اس میں نہ پیٹرول کا خرچہ ہوگا نہ اس کی ٹیوننگ کا مسئلہ ہوگااسکو بس چارج کرنا ہے اور چلانا ہے اس میں خواتین کو بیلنس رکھنے میں بھی کوئی پریشانی نہیں ہوگی
اس کی بیٹری عام طور پہ 3 سے4گھنٹے کے اندر چارج ہو جائیگی اس کی بیٹری بھی کوئی زیادہ بجلی نہیں لے گی اس کے اندر ایک سے زیادہ سیٹ بھی لگائی جا سکتی ہے اس کےلوڈپہ کوئی اثر نہیں پڑے گا خواتین اس کو مزید اپ گریڈ بھی کر سکتی ہیں اپنی مرضی کے حساب ساے مثلاً اس میں پیچھے باسکٹ بھی لگائی جا سکتی ہے جس میں سامان وغیرہ رکھا جا سکتا ہےاس کی سیٹ میں بیک پشت بھی لگا کے آرام کے ساتھ یہ بائیک چلائی جا سکتی ہے
اس کی قیمت ایک لاکھ پینتیس ہزار پاکستانی روپے ہے یہ بالکل زیرومیٹر ہےاور بانڈ نیو ہے یہ تین مختلف رنگوں میں مارکیٹ میں دستیاب ہے ایک پنک ایک بلیک اور ایک آسٹریلین جھنڈےکارنگ میں یہ بائیک مارکیٹ میں دستیاب ہے
کراچی: ایک اور سمندری طوفان کی موجودگی کے باعث کراچی سمیت سندھ اور بلوچستان کے ماہی گیروں کے لیے ہدایات جاری کر دی گئیں۔
تفصیلات کے مطابق جوائنٹ میری ٹائم انفارمیشن کو آرڈینیشن سینٹر نے کہا ہے کہ کراچی کے جنوب میں صلالہ کے پاس ٹراپیکل سائیکلون سسٹم موجود ہے، سمندر میں موجود طوفان کی ہوا کی رفتار 50 ناٹیکل میل ہے۔میری ٹائم انفارمیشن کا کہنا ہے کہ طوفان سے کراچی، سندھ اور بلوچستان کے ساحلی علاقوں کو خطرہ نہیں ہے، تاہم سندھ اور بلوچستان کے ماہی گیر آئندہ ہفتے سمندر میں احتیاطی تدابیر اختیار کریں، اور گہرے سمندر میں جانے سے گریز کریں۔دوسری طرف کہا گیا ہے کہ سمندر میں ہوا کے کم دباؤ کے باعث کراچی میں بارش کے امکانات موجود ہیں، کراچی والے ہوشیار ہو جائیں، موسمیات کی پیش گوئی ہے کہ 11 دسمبر سے بارشیں شروع ہو سکتی ہیں۔
محکمہ موسمیات کو کہنا ہے کہ کل سے کراچی میں بارش کا امکان ہے، 11 دسمبر کو مغربی سسٹم کراچی میں داخل ہو رہا ہے، کراچی میں بارشوں کے بعد شدید سردی پڑنے کا امکان ہے، پیش گوئی کے مطابق 13 دسمبر سے کراچی میں سخت سردی پڑے گی۔
موسمیات کے مطابق کراچی میں آج موسم خشک اور مطلع جزوی ابر آلود رہے گا، علی الصبح شہر کا درجہ حرارت 14 ڈگری سینٹی گریڈ ریکارڈ کیا گیا، زیادہ سے زیادہ درجہ حرارت 26 سے 28 ڈگری سینٹی گریڈ رہنے کا امکان ہے۔
کراچی : محکمہ داخلہ سندھ نے نجی ٹی وی اینکر مرید عباس قتل کیس کی سماعت جیل میں کرنے کا نوٹیفیکیشن جاری کر دیا ۔محکمہ داخلہ نے یہ نوٹیفکیشن ایڈیشنل ڈسٹرکٹ اینڈ سیشن جج کی عدالت میں پیش کردیا ہے۔
محکمہ داخلہ سندھ نے اپنے جاری کردہ نوٹیفیکیشن میں کہا ہے کہ یہ کیس انتہائی ہائ پروفائل ہے اس لئیے اس کو جیل میں چلایا جائے کیونکہ ملزمان عاطف زمان اور عادل زمان کو عدالت میں پیش کرنے کے دوران کوئی بھی نا خوشگوار واقعہ رونما ہو سکتا ہے اس لئے ملزم عاطف زمان اور عادل زمان کے خلاف کیس عدالت میں چلایا جائےمگرتاحال یہ وضاحت نہیں کی گئی کہ جیل میں کس عدالت میں یہ کیس چلایا جائیگا
مانیٹرنگ ڈیسک: پلاسٹک کے عتاب کی ایک اور خوف ناک خبر سامنے آئی ہے جس میں دو انتہائی دور افتادہ جزیروں پر پلاسٹک کے جمع ہونے والے پہاڑ سے کم سے کم پانچ لاکھ ہرمٹ کیکڑوں کے مرنے کی تصدیق ہوئی ہے۔
اس واقعے سے ثابت ہوا ہے کہ انسانی آبادی کا پلاسٹک سمندر کی لہروں سے ایسے دوردراز جزیروں اور ساحلوں تک پہنچ رہا ہے جہاں صرف آبی جان داروں کا راج ہے اور یوں جاندار شدید متاثر ہورہے ہیں۔
تسمانیہ انسٹی ٹیوٹ سےوابستہ جینفر لیورس اور ان کے ساتھیوں نے سب سے پہلے ان جزیروں کو 2017ء میں دیکھا تھا اور وہاں کے ساحل پلاسٹک سے اٹے پڑے تھے لیکن اب دوبارہ انہوں نے پلاسٹک کے ڈبوں، بوتلوں اور کچرے کو دیکھا تو اندر جگہ جگہ مردہ کیکڑے پھنسے ہوئے تھے اور مرچکے تھے۔
سائنس دانوں کا اندازہ ہے کہ اس کوڑے سے کم سے کم پانچ لاکھ کیکڑے ہلاک ہوئے ہیں جو ایک خاص نسل سے تعلق کی بنا پر ہرمٹ کریب کہلاتے ہیں۔ اس سے قبل ہم کچھووں کے نتھنوں میں پلاسٹک نلکیاں، وھیل کے پیٹ میں پلاسٹک کے تھیلے اور متروکہ جالوں میں پھنسی سمندری مخلوق کو مرتا دیکھ چکے ہیں۔
مانیٹرنگ ڈیسک: دنیا میں ایسے موبائل صارفین موجود ہیں جنہیں 31 دسمبر کے بعد واٹس ایپ استعمال کرنے کی سہولت حاصل نہیں ہوگی۔
اس وقت دنیا میں کروڑوں کی تعداد میں موبائل صارفین واٹس ایپ استعمال کر رہے ہیں جس میں ہر گزرتے لمحے کے ساتھ اضافہ ہوتا جارہا ہے۔
تاہم ایسے صارفین جو ونڈوز فون چلانے کے شوقین ہیں وہ خبردار ہوجائیں کیونکہ اب ان کے موبائل فون پر یہ ایپ کام نہیں کرے گی۔
غیر ملکی ویب سائٹ کی رپورٹ کے مطابق اس وقت مائیکروسافٹ اسٹور پر یہ ایپ موجود ہے تاہم 31 دسمبر کے بعد یہ یہاں موجود نہیں ہوگی۔
اس حوالے سے واٹس ایپ نے ونڈوز فون صارفین کو ایک میسج ارسال کیا ہے جس میں انہیں متنبہ کیا گیا کہ آپ 31 دسمبر کے اپنے موبائل فون کو استعمال نہیں کر پائیں گے، جبکہ واٹس ایپ رواں برس یکم جولائی سے مائیکرو سافٹ اسٹور پر موجود بھی نہیں ہے۔
علاوہ ازیں آنے والے چند ماہ کے دوران واٹس ایپ کچھ اینڈرائڈ اور آئی فون پر بھی کام کرنا بند کردے گا۔
یارکشائر: اسلام فوبیا میں مبتلا مشتعل برطانوی جوڑے نے سلور ڈیل کے نزدیک مسافر بس میں مسلم طالبات کو پہلے ہراساں کیا اور پھر ایک باحجاب طالبہ کو بہیمانہ تشدد کا نشانہ بھی بنایا۔
بین الاقوامی خبر رساں ادارے کے مطابق سوشل میڈیا پر 40 سالہ برطانوی خاتون اور ان کے شوہر کی جانب سے 14 سالہ باحجاب مسلم طالبہ کو دھکے دیکر زمین پر گرا کر تشدد کی ویڈیو وائرل ہوئی جس پر یارکشائر پولیس نے
شمالی برطانیہ کے شہر شیفیلڈ میں پیش آنے والے اس واقعے کی ویڈیو میں ایک بس کے اندر برطانوی جوڑے کو اسکول کی باحجاب مسلم طالبات پر چیختے ہوئے دیکھا جا سکتا ہے، برطانوی جوڑے نے اسلام اور مسلمانوں کیخلاف نازیبا استعمال کی اور حجاب کو برا بھلا کہا۔
سلور ڈیل اسکول انتظامیہ نے مسلم طالبات کو ہراساں اور تشدد کا نشانہ بنانے کے واقعے کی مذمت کرتے ہوئے کہا ہے کہ ہم اپنی طالبات کے ساتھ کھڑے ہیں اور ان کے اہل خانہ سے افسوس کا اظہار کرتے ہوئے ہر قسم کی مدد کو تیار ہیں۔ برطانیہ میں اسلام فوبیا حملوں میں اضافہ دیکھنے میں آیا ہے
کارروائی کرتے ہوئے برطانوی جوڑے کو حراست میں لے لیا ہے۔
کراچی: جامعہ کراچی نے بی اے پرائیوٹ سال اول ،دوئم اور سال اول ودوئم باہم سالانہ امتحانات برائے 2018 ءکی مارکس شیٹیں جاری کردی،
طلبہ اپنی مارکس شیٹ جامعہ کراچی کے سلورجوبلی گیٹ پر واقع کاﺅنٹر سے حاصل کرسکتے ہیں۔
جامعہ کراچی کے ناظم امتحانات پروفیسر ڈاکٹر محمد ارشداعظمی کے مطابق بی اے پرائیوٹ سال اول،دوئم اور سال اول ودوئم باہم سالانہ امتحانات برائے 2018 ءکی مارکس شیٹیں طلبہ کی جانب سے دیئے گئے پتوں پر ارسال کردی گئیں ہیں۔ایسے طلباوطالبات جنہیں 09 دسمبر 2019 ءتک مارکس شیٹ موصول نہیں ہوئی انہیں ہدایت کی جاتی ہے کہ وہ 10 تا12 دسمبر 2019 ءصبح 9:00 تادوپہر1:00 بجے تک اپنی مارکس شیٹ جامعہ کراچی کے سلورجوبلی گیٹ پر واقع کاﺅنٹر نمبر 01 سے حاصل کرلیں۔
مارکس شیٹ کے حصول کے لئے اصل ایڈمٹ کا رڈ ، رجسٹریشن کارڈ یاقومی شناختی کارڈہمراہ لانا ضروری ہے۔واضح رہے کہ 12 دسمبر 2019 ءکے بعد کوئی عذر قابل قبول نہیں ہوگا۔