ایمزٹی وی(اسلام آباد)ایڈیشنل سیکرٹری الیکشن کمیشن ڈاکٹراختر نذیر کا کہنا ہے کہ آئندہ عام انتخابات کی تیاریاں مکمل کرلی گئی ہیں لیکن الیکشن میں الیکٹرانک مشین استعمال نہیں کریں گے۔کراچی میں الیکشن کمیشن کے تحت منعقدہ میڈیا ورکشاپ سے خطاب کرتے ہوئے ایڈیشنل سیکرٹری الیکشن ڈاکٹراخترنذیر کا کہنا تھا کہ انتخابات 2018 کی تیاریاں مکمل کرلی گئی ہیں، آئندہ عام انتخابات میں الیکٹرانک مشین استعمال نہیں کی جائے گی جب کہ ووٹرز کے لئے 20 کروڑ بیلٹ پیپرز کی ضرورت ہوگی جن کی طباعت کے لئے ورک آرڈر تیار کرلیا گیا ہے، بیلٹ پیپرز کی طباعت سخت سیکیورٹی میں ہوگی۔ ایڈیشنل سیکرٹری نے کہا کہ عام انتخابات کے لئے 85 ہزار 744 پولنگ اسٹیشنز اور 2 لاکھ 68 ہزار 286 پولنگ بوتھ قائم کئے جائیں گے، ریٹرنگ افسر کو الیکشن کی رات 2 بجے تک نتیجہ لازمی دینا ہوگا، اگر کسی حلقے میں خواتین کے ووٹ کا تناسب 10 فیصد سے کم ہوا تو نتیجہ کالعدم قرار دے دیا جائے گا اور متعلقہ پولنگ اسٹیشن یا حلقے میں پولنگ دوبارہ کرائی جائے گی، اور اگر کسی نے خواتین کو حق رائے دہی سے روکنے کی کوشش کی تو اسے 3 سال قید کے ساتھ ایک لاکھ روپے جرمانہ ادا کرنا ہوگا،
نئے قانون کے تحت الیکشن ایکٹ 2017 میں یہ قانون شامل ہے اور الیکشن کمیشن نے اس ایکٹ کو منظور کرلیا ہے۔ ڈاکٹراخترنذیر کا کہنا تھا کہ کسی بھی صوبائی یا قومی اسمبلی کے حلقے میں اگر 2 امیدواروں کے ووٹ برابر ہوگئے تو دونوں امیدوار ڈھائی ڈھائی سال کے لئے رکن اسمبلی ہوں گے، الیکشن ایکٹ 2017 کے تحت دونوں امیدوار باہمی رضامندی سے پہلے یا بعد میں رکن اسمبلی بننے کا تعین کریں گے۔
ایمز ٹی وی (اسلام آباد) سابق وزیر اعظم نواز شریف نے کہا ہے کہ عدلیہ کا دُہرا معیار سامنے آرہا ہے، ان کے فیصلے نہ جانے کب آنے ہیں؟ ہمارے فیصلے تو بہت جلدی آجاتے ہیں۔
احتساب عدالت میں پیشی پر صحافیوں سے غیر رسمی گفتگو میں سابق وزیر اعظم کا کہنا تھا کہ سسیلین مافیا اور گاڈفادر جیسے الفاظ عدالتی فیصلوں میں لکھے گئے،ہمارےلیےکچھ اورمعیارہےاوران کےلیےکچھ اور، رولز آف گیم ایک جیسے ہونے چاہئیں۔ انہوں نے کہا کہ دیکھیں ہم کیسے کیسے دور سےگزررہے ہیں، دھرنوں کا سلسلہ 2014سے جاری ہے، میں خاص طور پر پی ٹی آئی کی بات کررہا ہوں،
حکومت کو چین کے ساتھ کام نہیں کرنے دیا گیا، دھرنوں کے باوجود ملک نے ترقی کی۔
ایمز ٹی وی (لاہور) لاہور میں منتخب نمائندوں سے بات کرتے ہوئے وزیراعلیٰ پنجاب شہباز شریف کا کہنا تھا کہ مسلم لیگ (ن) کی حکومت نے عوام کی محرومیوں کو خوشیوں میں بدلنے کے لئے مخلصانہ اقدامات کئے ہماری ٹھوس پالیسیوں کے باعث ملک ترقی کی شاہراہ پر گامزن ہوچکا ہے اور آج پاکستان پہلے کی نسبت کہیں سے زیادہ محفوظ، پرامن، خوشحال اور روشن ہے۔ شہبازشریف کا کہنا تھا کہ ہماری حکومت نے میگا منصوبوں کو شفافیت کے ساتھ ریکارڈ مدت میں مکمل کیا، ملک کی ترقی کچھ لوگوں سے ہضم نہیں ہورہی، ہمیں دھرنوں اور لاک ڈاؤن کے ذریعے پیچھے دھکیلا گیا۔ ناکام سیاسی عناصر نے ہمیشہ عوام میں مایوسی پھیلانے کی کوشش کی لیکن ہم نے اس تمام صورتحال کے باوجود ترقی کے سفر کو آگے بڑھایا۔ ان کا کہنا تھا کہ حکومت کی کارکردگی عوام کے سامنے ہے اور ہم اسی کارکردگی کے ساتھ 2018 کے انتخابات میں حصہ لیں گے۔
ایمز ٹی وی (سندھ) چیئرمین پیپلز پارٹی بلاول بھٹو زردار ی نے کہا ہے کہ پیپلزپارٹی نے ہرحکومت میں نوجوانوں کوروزگارفراہم کیا ہے، پیپلزپارٹی روایتی سیاسی جماعت نہیں ایک خاندان کی طرح ہے، پاکستان کوترقی پسند ملک بنائیں گے۔ ہالا میں مخدوم امین کی برسی کی تقریب سے خطاب کرتے ہوئے بلاول بھٹو زرداری کا کہنا تھا کہ سندھ حکومت نے عوام کی فلاح لے لیےصوبے میں سو ارب سے زائد کے منصوبے شروع کیے۔ انہوں نے کہا کہ معیاری تعلیم اور صحت کی سہولیات عوام کا بنیادی حق ہے،
ہالاکا میڈیکل کالج ایسے شخص کے نام پر بن رہا ہے جو اپنی ذات میں انجمن تھے،ہالا جیسے چھوٹے شہر میں بننے والا میڈیکل کالج یہاں کے لوگوں کو ان کا حق دے گا
،پاکستان کوترقی پسند ملک بنائیں گے۔ بلاول بھٹو زرداری نےکہاکہ مخدوم جمیل الزماں،آپ اورمیں ایک ہی روایت کےامین ہیں۔ مخدوم صاحب ہم آپ کوکبھی بھول نہیں سکتے۔ انہوں نے مزید کہا کہ سکھر میں کڈنی ٹرانسپلانٹ سینٹر بنایاگیا جہاں سب کا مفت علاج ہوتا ہے۔سول اسپتال کراچی میں ٹراما سینٹرقائم کیاہے۔