ایمز ٹی وی (فارن ڈیسک) پاکستان نے سرکاری طور پر امریکی صدر باراک اوباما کے دورہٴ بھارت کو جنوبی ایشیا کے خطے میں استحکام کی سمت میں ایک اہم قدم قرار دیا ہے تاہم تجزیہ کاروں کا خیال ہے کہ اس دورے سے بھارت کو شہ مل سکتی ہے۔

امریکی صدر باراک اوباما کے دورہٴ بھارت پر تبصرہ کرتے ہوئے مشیر امور خارجہ سرتاج عزیز نے کہا کہ یہ دورہ خطے میں کشیدگی کم کرنے میں مدد گار ثابت ہو گا۔ انہوں نے کہا کہ ’جنوبی ایشیا میں کشیدگی کم کرنے کے لیے اوباما صاحب اپنا کردار اداکریں گے‘۔

اسلام آباد میں ایک تقریب میں شرکت کے بعد ذرائع ابلاغ سے گفتگو کرتے ہوئے انہوں نے کہا کہ خطے میں امن پاکستان اور بھارت دونوں کے مفاد میں ہے کیونکہ اس سے دونوں ممالک کی اقتصادی صورتحال بہتر ہو گی۔

ایک سوال کے جواب میں انہوں کہا کہ امریکی وزیر خارجہ کے دورہٴ پاکستان کے موقع پر انہیں ہندوستان سے متعلق اسلام آباد کے تحفظات سے آگا ہ کر دیا گیا تھا:’’سیکرٹری کیری یہاں آئے تھے تو ہم نے انہیں اپنے جو خدشات تھے ہندوستان کی جارحیت سے متعلق، وہ پہنچا دیے تھے۔‘‘

تاہم دفاعی امور کے تجزیہ کار لفٹیننٹ جنرل (ر) طلعت مسعود کا کہنا ہے کہ امریکہ اور بھارت کے درمیان سول جوہری معاہدےپر ہونے والی پیش رفت یقیناً پاکستان کے لیے تشویش کی بات ہے۔اس پیشرفت کے تحت اب امریکی کمپنیاں بھارت کو غیر فوجی جوہری ٹیکنالوجی فراہم کر سکیں گی۔

انہوں نے کہا کہ ’امریکہ اور بھارت کے درمیان ایک مضبوط پارٹنر شپ سامنے آئی ہے تواس کا ایک پہلو یہ بھی ہو سکتا ہے کہ بھارت خصوصاً مودی حکومت نے جو جارحانہ رویہ پاکستان کے بارے اپنا رکھا ہے، اس میں اضافہ ہو کیونکہ بھارت کو اوبامہ کے دورے سے ایک شہ ملے گی‘۔

طلعت مسعود کا کہنا تھا کہ پاکستان نے بھی اس صورتحال کا ادراک کرتے ہوئے اپنے اقدامات کیے ہیں اور آرمی چیف جنرل راحیل شریف کا دورہٴ چین اسی سلسلے کی ایک کڑی ہے۔

ادھر پاکستان کے دورے پر آئے ہوئے بھارت کے زیر انتظام کشمیر کے علیحدگی پسند دھڑے حریت کانفرنس کے رہنما آغا حسن بڈگامی نے امید ظاہر کی کہ امریکی صدر باراک اوباما مسئلہٴ کشمیر کے حل میں اپنا کردار ادا کریں گے۔ پیر کے روز اسلام آباد میں صحافیوں سے گفتگو کرتے ہوئے انہوں نے کہا کہ ’اوباما صاحب بھارت کو کہیں کہ وہ سب سے بڑی جمہوریت ہونے کا دعویٰ کرتی ہے تو کشمیریوں کو ان کا حق خود ارادیت کیوں نہیں دیتی‘۔

 ایمز ٹی وی (کراچی)اداکارہ ماہ نور بلوچ نے کہا ہے کہ میری فلم "میں ہوں شاہد آفریدی" کو میری سوچ سے بھی زیادہ رسپانس ملا۔ پاکستان فلم انڈسٹری کا سنہرا دور لوٹ آیا ہے ۔ میں اپنے آپ کو اس حوالے سے خوش قسمت سمجھتی ہوں کہ پاکستان فلم انڈسٹری کی بحالی میں میرا بھی تھوڑا سا حصہ ہے ۔ان خیالات کا اظہارکرتے ہوے کہا کہ فلم انڈسٹری میں اب معیاری اور اچھی فلمیں بن رہی ہیں ڈرامہ انڈسٹری میں میرے کام کو سہر اہاگیا ۔ایک سوال کے جواب میں انکا کہناتھا کہ فلم میں میرے آئٹم سانگ پر بہت سی متنازعہ خبریں چلیں اس قسم کی خبروں سے پہلے تو میں بہت پریشان ہوئی کیونکہ شوبز انڈسٹری میں اپنا مقام بنانے کے لئے میں نے بہت محنت کی ہے اور اس کو برقرار رکھنا میری اولین ترجیح ہے لیکن پھر میں نے ان خبروں پر دھیان دینا چھوڑ دیا۔ فن کار کو اپنی صلاحیتیں دکھانے کا حق ہوتا ہے ۔ ڈانس کے حوالے سے انکا کہنا تھا کہ اب وہ دور گزر گیا جب کھیتوں میں بھاری بھرکم ہیروئنز چھلانگیں لگا کر ناچ رہی ہوتی تھیں وقت کے ساتھ اب ہماری فلم انڈسٹری میں بھی جدت آئی ہے اسکو تسلیم کرنا پڑے گا۔

ایمز ٹی وی(فارن ڈیسک) ماہرین کے مطابق زہانت کے مقابلے میں بچے کی شخصیت مستقبل کی کامیابیوں میں اہم کردار ادا کر سکتی ہے۔ریسرچ سے منسلک ماہرین کا کہنا ہے کے زہانت قدرت کی عطا کردا ہے مگر تعلیمی میدان میں کامیابیوں کیلئے صرف زہانت نہیں بلکہ اچھی شخصیت بھی بہت اہمیت کی حامل ہے اگر بچے کی شخصیت اچھی ہوگی تو اساتذہ اور طلبہ کے درمیان تعلقات بہتر ہونگے جو تعلیمی میدان میں کامیابی کی ضمانت ہے ۔

ایمز ٹی وی (کراچی)وفاقی جامعہ اردو عبدالحق کیپمس سمسٹر پروگرام کے طلبہ مارکس شیٹ سے محرُم ،تفصیلات کے مطابق سال 2014 سے اب تک سمسٹرز کی مارکس شیٹ جاری نہ ہوسکیں ،طلبہ کا کہنا ہے کہ با ربار مارکس شیٹ کے مطالبہ پر انہیں گلشن کیمپس جانے کا مشورہ دیا جاتا ہے تاہم وہاں بھی کوی سنواءی نہیں ہوتی ،سال 2014 سے اب تک کسی بھی بحی طالب علم کو مارکس شیٹ جاری نہیں ہوسکی.

ایمز ٹی وی ( لاہور) لاہور کے علاقے گرین ٹاون میں چھ سالہ بچے کو جنسی طور پر ہراساں کرنے کے بعد قتل کرنے والا 17 سالہ مرکزی ملزم شعیب پیر کو مبینہ پولیس مقابلے میں ہلاک ہوگیا۔پولیس کے مطابق پیر کو ملزم شعیب کو انسدادِ دہشت گردی کی خصوصی عدالت میں پیشی کے لیے لے جایا جا رہا تھا کہ مسلم ٹاؤن انڈر پاس کے قریب پولیس وین میں ملزم شعیب نے مبینہ طور پرپولیس اہلکار سے رائفل چھین کر فرار ہونے کی کوشش کی، تاہم پولیس کی فائرنگ سے وہ ہلاک ہو گیا۔یاد رہے کہ گزشتہ ماہ 2 جنوری کو گرین ٹاؤن میں واقع ایک مسجد سے چھ سالہ معین کی برہنہ لاش ملی تھی جسے پھندا لگا کر قتل کیا گیا تھا۔ مقتول کی پوسٹ مارٹم رپورٹ میں جنسی ہراسگی ثابت ہونے پر پولیس نے مسجد کے موذن سمیت سات افراد کو حراست میں لے کر تفتیش شروع کی تھی۔اس سے قبل سوشل میڈیا پر گردش کرنے والی ایک ویڈیو میں مسجد کے موذن کو مقامی پولیس کے سامنے اپنے جرم کا اعتراف کرتے ہوئے دکھایا گیا تھا تاہم پولیس یا کیس کی سماعت کرنے والی عدالت کی جانب سے اس کی تصدیق نہیں ہو سکی تھی۔

ایمز ٹی وی (کراچی) جامعہ کراچی کے شعبہ ریاضی کے تحت ہونے والے آئی ٹی پروگرام میں پوسٹ گریجویٹ ڈپلومہ انفارمیشن سسٹم ، ڈپلومہانفارمیشن ٹیکنالوجی ، بزنس

میں ڈپلومہ انفارمیشن اورٹیکنالوجی ٹیلی کمیونیکشن ٹیکنالوجی میں ڈپلومہ بھی شامل ہیں جو ایک سال کی مدت پر مشتمل ہیں۔ سرٹیفکیٹ ڈپلومہ میں چھ ماہ پر مشتمل 9 پروگرام ہیں جن میں گرافک ڈیزائننگ، ویب ڈیلو لپمنٹ ، مارکٹینگ ، مینجمنٹ اینڈ ای کامرس ، ریسورس اینڈ مینجمنٹ انفارمیشن سسٹم ہیمومن ریسورس مینجمنٹ اینڈ لیبرلاء ، لیڈر شپ مینجمنٹ اور اکاؤنٹنگ سوٖٖفٹ وئیر شامل ہیں ۔ اس ہی طرح سول ٹیکنالوجی اسکل انہانسمنٹ سرٹیفکیٹ پروگرام میں بھی چھ ماہ کے تین کورسز ہیں ان کورمز میں کنسٹرکشن مینجمنٹ ، کوانٹیٹی سروئنگ اینڈ کاسٹینگ اور کنکریٹ ٹیکنالوجی شامل ہیں

ایمز ٹی وی ( فارن ڈیسک) کسٹم حکام نے دونوں پروازوں پر بغیر وجہ بتائے چھاپہ مارا اورتلاشی کے بعد مسافروں کو جانے دیا۔ذرائع کے مطابق پی کے 785 اسلام آباد اور پی کے 787 کراچی کی پروازوں کے عملے کی اس وقت مکمل تلاشی لی گئی، جب پروازوں نے لندن میں لینڈ کیا۔ایک گھنٹے پر محیط اس چھاپے کے دوران ایئر کرافٹ کے آلات کی بھی مکمل تلاشی لی گی۔ذرائع کا کہنا ہے کہ کسٹم حکام کسی مخصوص شخص یا چیز کی تلاش میں تھے، تاہم اس حوالے سے تفصیلات فراہم نہیں کی گئیں۔دوسری جانب پی آئی اے ترجمان رانا حنیف نے ڈان سے گفتگو میں اس تلاشی کو 'معمول' کی کارروائی قرار دیا۔رانا حنیف کے مطابق 'یہ چھاپے اب معمول بن گئے ہیں۔ وہ جب چاہتے ہیں ہمارے جہازوں کی تلاشی لے لیتے ہیں حتیٰ کہ مسافروں کو بھی سیکیورٹی چیکس سے گزارا جاتا ہے'برطانوی حکام ہمارے مسافروں کو بھی جہاز سے آف لوڈ کر دیتے ہیں اور جب انھیں کچھ نہیں ملتا تو وہ انھیں دوبارہ جہاز میں سوار ہونے اور جہاز کو روانہ ہونے کی اجازت دے دیتے ہیں'۔رانا حنیف کے مطابق اس طرح کا ایک واقعہ گزشتہ ماہ بھی پیش آیا تھا۔ان کا کہنا تھا کہ 'پی آئی اے نے اس معاملے کو وزارت داخلہ کے ذریعے برطانوی حکام کے سامنے اٹھایا ہے اور ہمارے کنٹری مینیجر نے بھی اس حوالے سے ایک شکایتی خط تحریر کیا ہے کہ جب مسافروں کو ایئرپورٹ پر سیکیورٹی کے مراحل سے گزرا جاتا ہے تو اس کے بعد اس طرح کی تلاشیاں کیوں لی جا رہی ہیں'۔انھوں نے مزید کہا کہ 'ایک قوم کے طور پر ہمیں ذلیل کیا جارہا ہے لیکن ہم ان پر دباؤ نہیں ڈال سکتے، کیونکہ ہمارے ملک میں سیکیورٹی کی صورتحال کسی سے ڈھکی چھپی نہیں'۔کسی زمانے میں ملک کا فخر کہلانے والی پاکستان انٹرنیشنل ایئر لائنز (پی آئی اے) اب ہر کسی کے مذاق کا نشانہ بن گئی ہے اورپی آئی اے کے مخفف کو 'شاید ہی میں پہنچ سکوں' (Perhaps I'll Arrive) سے تعبیر کیا جاتا ہے جبکہ پروازوں کی منسوخی بھی ایئرلائن کا ایک معمول بن چکی ہے۔اس سے قبل پی آئی اے کے ایک پائلٹ کو برطانیہ میں اُس وقت جیل کی ہوا کھانی پڑی جب اس نے مقررہ مقدار سے تین گنا زائد الکوحل لے رکھی تھی، جبکہ ایک اور پائلٹ نے نیو یارک جانے والی فلائٹ اڑانے میں دو گھنٹے تک اس وجہ سے تاخیر کی کیونکہ اس کا سینڈوچ نہیں پہنچا تھا۔یہ اور اس قسم کے بہت سے واقعات ہیں جو پاکستان کی قومی ایئرلائن کے لیے شرمندگی کا باعث بنتے رہتے ہیں۔

 ایمز ٹی وی ( اسلام آباد)  یکم فروری سے پٹرولیم مصنوعات ساڑھے 8 روپے فی لیٹر تک مزید سستی ہونے کا امکان ہے۔ذرائع کے مطابق ہائی اسپیڈ ڈیزل کی قیمت 7 روپے 80 پیسے فی لیٹر جبکہ پٹرول کی قیمت میں 6 روپے 50 پیسے فی لیٹر کمی کا امکان ہے، اسی طرح لائٹ اسپیڈ ڈیزل 8 روپے فی لیٹر سستا ہوگا، مٹی کا تیل 7 روپے 40 پیسے فی لیٹر جبکہ ہائی اوکٹین کی قیمت میں 8 روپے 50 پیسے فی لیٹر کمی ہو سکتی ہے، اس سلسلے میں اوگرا نے سمری تیار کر لی ہے۔واضح رہے کہ عالمی منڈی میں تیل کی مسلسل گرتی ہوئی قیمتوں کے باعث پاکستان میں بھی گزشتہ 4 ماہ سے تیل کی قیمتوں میں کمی دیکھنے میں آ رہی ہے۔

ایمز ٹی وی (تھر پارکر) تھر پارکر کے ڈسٹرکٹ ہیڈ کوارٹر مٹھی کے سول اسپتال میں 7 ماہ کا ساگر مکیش اور اسلام کوٹ میں ڈیڑھ ماہ کا بچہ غذائی قلت کے باعث ذندگی کی بازی ہار گیا۔ رواں ماہ غذائی قلت، غربت اور بنیادی صحت کی سہولیات کی عدم فراہمی کے باعث دم    توڑنے والوں کی تعداد 79 ہوگئی ہے جن میں 76 بچے ہیں۔معصوم بچوں کی اموات میں اضافے کے باوجود صوبائی حکومت اور مقامی انتظامیہ کی بے حسی برقرار ہے اور گندم کی تقسیم کا پانچواں مرحلہ ڈھائی ماہ بعد بھی مکمل نہیں ہوسکا۔

ایمز ٹی وی ( فارن ڈیسک )صدر براک اوباما پہلے امریکی صدر ہیں جنھوں نے بھارت کی یوم جمہوریہ کی تقریب میں شرکت کی ہے۔وہ ان دنوں اپنے تین روزہ دورے پر بھارت میں ہیں جسے دونوں ممالک کے درمیان دوستانہ رشتے کے طور پر دیکھا جا رہا ہے۔اتوار کو دونوں ممالک نے سول جوہری معاہدے کے ضمن میں پیش رفت کی، جس کے تحت اب امریکی کمپنی بھارت کو غیرفوجی جوہری ٹیکنالوجی فراہم کر سکے گی۔بھارتی وزیر اعظم نریندر مودی نے اسے دونوں ممالک کے درمیان تعاون کے نئے سفر سے تعبیر کیا ہے۔پریڈ کا معائنہ کرنے کے بعد صدر براک اوباما حزب اختلاف کانگریس پارٹی کے رہنماؤں سے ملاقات کریں گے۔ اس کے علاوہ ایک تجارتی کانفرنس سے بھی خطاب کریں گے۔واضح رہے کہ 26 جنوری کو بھارت اپنا 66 واں یوم جمہوریہ منا رہا ہے۔ سنہ 1950 میں اسی دن بھارت نے برطانیہ سے آزادی کے تقریبا تین سال بعد نیا آئین اپنایا تھا۔یہ تقریب ہر سال انڈیا گیٹ کے پاس کنگز ایوینو یا راج پتھ پر ہوتی ہے۔اس بار کہرے اور ہلکی بارش کے درمیان یہ تقریب ہوئی جس میں پہلی بار بھارت کی تینوں افواج بری، بحری اور فضائیہ کی خواتین دستوں نے شرکت کی۔