کراچی: سندھ ہائی کورٹ نے کراچی یونیورسٹی کے قائم مقام وائس چانسلر پروفیسر ڈاکٹر خالد عراقی کوعہدےسےہٹانےکاحکم دےدیا

کراچی یونیورسٹی کے پروفیسر احمد قادری کی جانب سے قائم قام وائس چانسلر کو برطرف نہ کرنے پر توہین عدالت کی درخواست پر سماعت کے دوران عدالت نے پروفیسر ڈاکٹر خالد عراقی کو ہٹانے کی ہدایت کی اور ایک ہفتے میں فیصلے پر عمل درآمد نہ ہونے کی صورت میں توہین عدالت کی کارروائی شروع کرنے کا انتباہ دیا۔

عدالت نے 26 جنوری 2022 کے بعد قائمقام کراچی یونیورسٹی کے وائس چانسلر کے تمام فیصلوں کو کالعدم قرار دے دیا۔ توہین عدالت کی درخواست دائر کرنے والے پروفیسراحمدقادری نے بتایاکہ واضح عدالتی احکامات کے باوجود ڈاکٹر خالد عراقی فیصلے کرتے رہے۔

سندھ ہائی کورٹ نے یونیورسٹی کو ہدایت کی کہ وہ 10 سینئر ترین پروفیسرز کے نام وزیراعلیٰ سندھ کو بھیجیں اور سب سے سینئر پروفیسر کو اس عہدے پر تعینات کریں۔سندھ ہائی کورٹ نے کراچی یونیورسٹی کے وائس چانسلر کی تقرری کے لیے سرچ کمیٹی بنانے کا بھی حکم دیا ۔

کراچی: سندھ کے وزیر تعلیم سید سردار علی شاہ کی صدارت محکمہ تعلیم کی اسٹیئرنگ کمیٹی کا اجلاس منعقد ہوا

جس میں سیکریٹری تعلیم غلام اکبر لغاری سیکریٹری کالجز خالد حیدر شاہ سمیت دیگر اسٹیئرنگ کمیٹی ممبران نے شرکت کی.

اجلاس میں نئے تعلیمی سال 2022-23 کی شروعات نئے سال میں نویں، گیارہویں اور بارہویں میں داخلوں اورامتحانات کا شیڈول، اسپورٹس اور غیرنصابی سرگرمیوں کے علاوہ تعطیلات کے بابت ایجنڈاز پر بحث مباحثہ کیا گیا.

اجلاس کے آغاز میں گذشتہ اجلاس کے منٹس کی منظوری کے لیے پیش کئے گئے جس کو متفقہ طور پر منظور کیا گیا. اجلاس میں نیا تعلیمی سال شروع کرنے پر تفصیلی بحث مباحثہ کیا گیا.

چوتھی سے آٹھویں کے امتحانات دو مئی سے ہونگےجبکہ نویں اور  سے ہونگے اور ان کا رزلٹ 17 جولائی کو آئے گا. اس حوالے سے بورڈز چیئرمین نے وزیر تعلیم کو یقین دہانی کروائی کہ دو ماہ میں رزلٹ دیں دینگے. اجلاس میں فیصلہ کیا گیا کہ امتحانی پیپرز میں 40 فیصد MCQs اور 60 فیصد تفصیلی سوالات ہوگیں.

اس موقع پر سیکریٹری تعلیم غلام اکبر لغاری نے کہا کہ ہم بہت جلد تمام بورڈز کو او ایم آر مشینیں فراہم کریں گے اور ان کے استعمال کے بابت تربیتی ورکشاپس بھی منعقد کیے جائیں گے ۔

تمام تعلیمی اداروں میں موسم گرما کی چھٹیاں یکم جون سے 31 جولائی تک ہونگی جبکہ اسی دوراں یکم جولائی میں 31 جولائی تک ہائراسکولوں داخلے میں ہونگے. نئے تعلیمی سال کی کلاسز کا آغاز یکم اگست سے ہوگا فرسٹ ایئر اور سیکنڈ ایئر کے امتحانات 15 جون سے ہونگے اس کے علاوہ سیکریٹری کالجز سید خالد حیدر شاہ نے کہا کہ انٹر بورڈ کے رزلٹ آتے ہی ہم داخلے شروع کردے دیں گے. موسم سرما کی چھٹیاں 22 دسمبر سے 31 دسمبر تک ہونگی.

لاہور : پنجاب پولیس ڈرائیورزاور کانسٹیبل کے لیے بھرتیاں ، ایس این جی ڈی کے مطابق انکی تعلیمی قابلیت کا ٹیسٹ تعلیمی بورڈ میں لینے کا فیصلہ کیا گیاہے۔

اس حوالے سے ایس این جی ڈی سےتجویز بھی طلب کر لی گئی ہے۔تمام بھرتیوں بمعہ لیڈی و میل کانسٹیبل اوردیگر ملازمین کی بھرتی کا ٹیسٹ ان کے ڈیویژن کے مطابق تعلیمی بورڈز لیںگے ایس این جی ڈےنےوزرا کو پابند کیا ہےکہ وہ اپنی تجویز 3روز کے اندر بھجوائیںگے، جواب نہ دینے کی صورت میںتجویزکو بغیر جواب منظور کر لیا جائیگا۔

مہمند: گورنمنٹ ہائر سکینڈری اسکول غلنئ کے15 طلباء میں اومیکرون کی تصدیق ہوئی ہے

جس کے بعد اسکول بند کرنے کا فیصلہ کیا گیا ہے۔

غلنئی پہلا ہائر سکنڈری اسکول ہے جس میں سب سے زیادہ طلبا امیکرون سے متاثر ہوئے ہیں۔

15 طلبا میں اومی کرون کی تصدیق کے بعدضلع کے ڈسٹرکٹ ہیلتھ آفیسررفیق حیات نے اومیکرون سے بچنےکےلئے ضلعی انتظامیہ کو اسکول بند کر نے کا لیٹر جاری کر دیا۔

لاہور: یونیک گروپ آف اسٹیٹیوشنز اور ایوان اقبال کیمپس کے اشتراک سے مادری زبان کے عالمی دن کے حوالے سے تقریب منعقد کی گئی۔

تقریب سے خطاب کرتے ہوئےصوبائی وزیر انسانی حقوق و اقلیتی امور اعجاز عالم آکسٹن کا کہنا ہے کہ یہ بات افسوس ناک ہے کہ پنجابی زبان بولنے والےہی اپنی زبان کا استعمال کرنے سےہچکچاہٹ محسوس کرتے ہیں۔ ان کا مزید کہنا تھا کہ پنجابی زبان کو نصاب میں شامل کرنے کے لیے ہر ممکن کوشش کی جائے گی ۔پنجابی کو سندھی اور پشتو کی طرح نصاب میں شامل کرنے کے لیے اقدامات اٹھائے جائیں گے

چیرمین یونیک گروپ پروفیسرعبدل منان خرم نے کہا کہ پنجابی زبان مٹھاس سے بھرپور ہےاور ہمیں اس کی ترویج کی لیے اقدامات اٹھانا ہوں گے۔

پنجابی زبان کے انقلابی شاعر نےخطاب کرتے ہوئے کہا کہ ہم دنیا کے کسی بھی خطے میں رہیں ہمیں پنجابی کے فروغ کے لیے کوشاں رہنا ہوگا۔

پنجابی رہنما سعیدہ دیپ نے کہا پنجابی زبان کے فروغ کے لیے عوامی نمائندگان خصوصی کردار ادا کریں اورپنجابی کےفروغ کے لیےاپنی اواز یں بلند کریں۔پنجابی ریڈیو براڈ کاسٹر مسعود ملہی نے کہا کہ پنجابی زبان کینیڈا،آسٹریلیااور دیگر ترقی پزیر ممالک میں فروغ پا رہی ہے لیکن ہمارے یہاں کوئی اقدامات نہیں اٹھائے جا رہے۔

اسلام آباد: پی ٹی اے نے ملک بھرمیں انٹرنیٹ سروس متاثر ہونےکاخدشہ ظاہر کردیا۔

ملک بھر میں انٹرنیٹ کی رفتار سست ہونے پر پاکستان ٹیلی کمیونیکشن اتھارٹی کاکہنا ہے کہ ٹرانس ورلڈ سب میرین کیبل سسٹم میں ایک کیبل کٹ گئی ہے جس کے باعث انٹرنیٹ کی رفتار میں کمی ہوسکتی ہے۔

پی ٹی اے کے ترجمان کا کہنا ہے کہ پاکستان کے سمندری ساحلوں سےتقریباً400کلومیٹرکےفاصلےپرکیبل کٹی ہے۔خرابی کی جگہ اور انٹرنیٹ کی بحالی کےلئے  کوششیں کی جارہی ہیں

پی ٹی اے کا مزید کہنا ہے کہ کنسورشیم انٹرنیٹ کی فراہمی کےلئے ایڈہاک بینڈ وڈتھ کابندوبست کیاجارہاہے۔

کراچی: سرسید یونیورسٹی آف انجینئرنگ و ٹیکنالوجی ،کراچی کے مرکزِ مشاورت و رہنمائی کے زیر اہتمام جاب فیئر 2022ء کا انعقاد کیا جارہا ہے

جاب فیئر میں شہر کی مشہور شخصیات اور ممتاز بین الاقوامی ادارے بھی شرکت کریں گے ۔

جاب فیئرکاانعقاد24فروری 2022 صبح 9:00 بجے سے شام 5:00 تک جاری رہے گا۔

کراچی: انسٹیٹیوٹ آف بزنس ایڈمنسٹریشن کراچی کےرجسٹرارنے استعفیٰ دےدیا

ذرائع کے مطابق انسٹیٹیوٹ آف بزنس ایڈمنسٹریشن کے رجسٹرار ڈاکٹر اسد الیاس اینٹی ہراسمنٹ کمیٹی کی رپورٹ پر احتجاج کرتے ہوئے استعفی دیا ہے۔انہوں نے ادارے کے نام اپنی ای میل میں موقف اختیارکیا ہے کہ ماضی کے فیصلے میں مجھے ہی نشانہ بنایا گیا جس کے باعث مستعفی ہونے کا فیصلہ کیا۔ اس ضمن میں ڈائریکٹر آئی بی اے سے رابطے کی کوشش کی گئی تاہم حسب سابق وہ رابطے سے گریز کرتے رہے۔

خیال رہے کہ اس اہم معاملے پر طالب علم جبرئیل کی جانب سے آئی بی اے کے رجسٹرار ڈاکٹراسد الیاس کے خلاف دائرشکایتی درخواست کی تحقیقات کرنے والی اینٹی ہراسمنٹ کمیٹی نے ڈاکٹر اسد الیاس کو دوہفتوں کے لیے عہدے سے معطل کرنے کی سفارش کرکھی ہے تاہم وہ احتجاجاً مستعفی ہوگئے۔

کمیٹی نے اپنی تحقیقات میں یہ بھی سفارش کی ہے کہ اسد الیاس اپنے عمل پر طالب علم سے آئی بی اے کایگزیکیوٹیووڈائریکٹر کی موجودگی میں معافی مانگے۔

یاد رہے کہ آئی بی اے کراچی نے اپنے طالبعلم جبرئیل کو ماضی میں داخلہ منسوخ کرتے ہوئے ادارے سے بے دخل کردیا تھا بعد ازاں جبرئیل نے سوشل میڈیا پر آئی بی اے کی ایک خاتون ملازم کو ہراساں کیے جانے اور انتظامیہ کی جانب سے اس معاملے کا نوٹس نہ لینے پر احتجاج کیا تھا۔

آئی سی سی بی ایس جامعہ کراچی کے تحت’نیچرل پروڈکٹ کیسٹری‘ کے موضوع پر 4 روزہ15ویں بین الاقوامی سمپوزیم کی افتتاحی تقریب سے خطاب کرتے ہوئے شیخ الجامعہ کراچی پروفیسر ڈاکٹر خالد محمود عراقی نے کہا ہے کہ اعلیٰ سرکاری نمائندگان کو سرکاری جامعات اور اعلیٰ تحقیقی اداروں کی معاونت میں کردار ادا کرنا چاہیے نہ کہ کوئی ایسا کام کیا جائے جس سے تعلیمی اداروں کو نقصان پہنچے۔

وزیر اعظم پاکستان کی قائم کردہ ٹاسک فورس برائے سائینس اور ٹیکنالوجی کے چیئرمین پروفیسرڈاکٹر عطا الرحمن، آئی سی سی بی ایس جامعہ کراچی کے سربراہ اور کامسٹیک کے کوارڈینیٹر جنرل پروفیسر ڈاکٹر محمد اقبال چوہدری، حسین ابراہیم جمال فاونڈیشن کے سربراہ عزیز لطیف جمال، ڈاکٹر پنجوانی میموریل ٹرسٹ کی چیئرپرسن محترمہ نادرہ پنجوانی اور پروفیسر ڈاکٹر سید غلام مشرف نے بھی افتتاحی تقریب سے خطاب کیا۔

اس سمپوزیم میں تقریباً20 ممالک کے 60 سائنسدان جبکہ صرف پاکستان سے تقریباً400 محققین شرکت کررہے ہیں۔ تقریب میں کراچی میں انڈونیشیا کے کونسلیٹ جنرل، ترکی کے ڈپلومیٹس اور دیگر ملکی و غیر ملکی اکابرین نے بھی شرکت کی۔

پروفیسرڈاکٹر عطا الرحمن نے ملکی اور غیر ملکی محقیقین کو بین الاقوامی سمپوزیم میں خوش آمدید کہا۔ بین الاقوامی مرکز کے ابتدا ئی ایام کے متعلق انہوں نے بتایا کہ انہوں نے 1977 ء میں ’ کوڈائریکٹر‘ کی حیثیت سے اس ادارے میں شمولیت اختیار کی تھی جو بعد میں ٹیم ورک کے نتیجے میں نیچرل پروڈکٹ کیمسٹری کے شعبے میں دنیا کا معتبر ادارہ بن گیاانہوں نے کہا یہ ادارہ اب یونیسکو سینٹرآف ایکسلنس بھی ہے، ڈبلیو ایچ او کولابوریٹنگ سینٹر بھی ہے اور او آی سی سینٹر آف ایکسلینس بھی ہے۔

پروفیسر اقبال چوہدری نے کہا یہ کانفرنس نیچرل پروڈکٹ کیمسٹری سے متعلق ہے جس کا انسانی زندگی میں کلیدی کردار ہے، انہوں نے کہا گزشتہ چند سال میں بین الاقوامی مرکز جامعہ کراچی نے گرانقدر کامیابیاں حاصل کی ہیں، بین الاقوامی مرکز اعلیٰ تحقیق کے عنوان سے عالمی پہچان رکھتا ہے۔

انہوں نے کہا یہاں بیرونِ ملک سے اسکالر تربیت کے لئے آتے ہیں، یہاں صنعتی تجزیاتی مرکز، سی بی ایس سی آر اور سندھ فرانزک ڈی این اے لیبارٹری کی مدد سے فارما، کیمیائی اور فوڈ انڈسٹریز کو تجزیاتی سہولیات فراہم کی جاتی ہیں۔
۔ انہوں نے کہا سندھ حکومت کی درخواست پر سندھ کی کیمکو بیکٹریل لیبارٹری کو اعلیٰ تجربہ گاہ بنانے میں بھی بین الاقوامی مرکز نے بنیادی کردار ادا کیا ہے۔

عزیز لطیف جمال نے کہا ایچ ای جے انسٹی ٹیوٹ ملک میں سائینس و تحقیق میں صلاحیتوں میں اضافے کے عنوان سے اہم کرادار ادا کر رہا ہے۔ محترمہ نادرہ پنجوانی نے کہا ڈاکٹر پنجوانی سینٹر نے کرونا عالمی وبا کے دوران سندھ میں اہم کردار ادا کیا ہے اس ادارے نے کرونا کی کوالٹی ٹیسٹنگ کی سہولت صوبے کو فراہم کی۔ آخر میں پروفیسر ڈاکٹر سید غلام مشرف نے کلمہئ سپاس پیش کیا۔

کراچی: ملتان سلطانز نےپی ایس ایل 7 میں 9 میچز میں فتح حاصل کر کے نیا ریکارڈ قائم کرلیا۔

پاکستان سپرلیگ کے 29ویں میچ میں ملتان سلطانز نے اسلام آباد یونائیٹڈ کو شکست دے کر لیگ میں نویں فتح حاصل کرنے کا ریکارڈ بنایا جبکہ شکست کے باوجود بھی اسلام آباد یونائیٹڈ نے پلے آف کے لیے کوالیفائی کرلیا۔

ایچ بی ایل پی ایس ایل 7 میں ملتان سلطانز نے اپنے کُل 10 میچز میں سے 9 میں فتح حاصل کی اور اُسے صرف ایک میچ میں لاہور قلندرز سے شکست کا سامنا کرنا پڑا تھا۔