کراچی: پروفیسر ڈاکٹر سروش حشمت لودھی مزید چار برس کے لیے این ای ڈی یونیورسٹی کے وائس چانسلرمقرر کردیئے گئے۔

تفصیلات کے مطابق یونی ورسٹیز اینڈ بورڈز حکومتِ سندھ کی جانب سے جاری نوٹیفیکیشن کے تحت پروفیسر ڈاکٹر سروش لودھی کو مزیدچار برس کے لیے وائس چانسلر این ای ڈی یونی ورسٹی مقرر کیا گیا ہے۔

تفصیلات کے مطابقجاری نوٹیفیکیشن کے تحت پروفیسر ڈاکٹر نعمان احمد کو مزیدتین برس کے لیے ڈین فیکلٹی آف آرکیٹکچر اینڈ مینجمنٹ سائنسز مقرر کیا گیا ہے جب کہ پروفسر ڈاکٹر محمد رضا مہدی کو بحیثیت پرنسپل تھر انسٹی ٹیوٹ آف انجینئرنگ، سائنس اینڈ ٹیکنالوجی توسیع دی گئی ہے۔

یاد رہے کہ اس برس جامعہ این ای ڈی اپنے سو برس مکمل کررہی ہے۔

کراچی: نذیر حسین یونیورسٹی کے بورڈ آف گورنرز کا دسواں اجلاس چانسلر انجینیر فرحت خان کی زیر نگرانی میں ہوا-

اجلاس میں وائس چانسلر کراچی یونیورسٹی ڈاکٹرخالد عراقی ، وائس چانسلر این ای ڈی یونیورسٹی ڈاکٹر سروش لودھی، وائس چانسلر نذیر حسین یونیورسٹی ڈاکٹر بلال احمد علوی،رجسٹرار نذیر حسین یونیورسٹی افضال احمد،چیئرمین پاکستان انجینئرنگ کونسل جاوید سلیم قریشی،ڈپٹی سیکرٹری ایجوکیشن سندھ احسان اللہ لغاری ، نمائندہ ہائر ایجوکیشن کمیشن ڈاکٹر اے کیو مغل ، جناب رؤف صدیقی، ڈاکٹر عبدالقادر خانزادہ، ایم پی اے علی خورشیدی، ڈین انجینیرنگ ڈاکٹر فیض اللہ مہر،ڈین فارمیسی ڈاکٹر نگہت راضوی نے اجلاس میں شرکت کی۔

اس اجلاس کا اصل مقصد بجٹ کا متفقہ طور پر منظوری تھا اور اس کے ساتھ ساتھ نئے ڈگری پروگرام کھولنے کی اجازت دی گئی ۔نئے تعلیمی سال میں نئے پروگرامز شروع کررہے ہیں جو انڈسٹری کی ضروریات کے عین مطابق ہونگے۔

اجلاس کے موقع پر اراکین کی طرف سے سالانہ کارکردگی اور منصوبوں کی تعریف کی گئی جس پر چانسلر انجینیر فرحت خان نے تمام بورڈ کے اراکین کا شکریہ ادا کیا۔

کراچی:  پاکستان میڈیکل کمیشن نے نئے میڈیکل اینڈ ڈینٹل کالجز اور جامعات کی توثیق کا عمل ختم کردیا ہے اس حوالے سے پی ایم سی کی سیکرٹری ڈاکٹر شائستہ ذیشان نے پی ایم سی سے توثیق لینے والی میڈیکل اداروں کو باقاعدہ خطوط لکھنا شروع کردیئے ہیں ۔

ؒخط میں کہا گیا ہے کہ اب توثیق سے متعلق تمام معاملات ہائر ایجوکیشن کمیشن دیکھے گی لہٰذا اس حوالے سے کمیشن سے رجوع کیا جائے اسی طرح پی ایم سی نے میڈیکل اداروں میں تدریسی امور انجام دینے والے اساتذہ کے تجربہ سرٹیفکیٹ دینے سے بھی معذوری ظاہر کردی ہے اور حصول کے خواہشمند افراد سے کہا گیا ہے کہ وہ تجرباتی سند کے حصول کے لیے متعلقہ میڈیکل و ڈینٹل کالج، انسٹیٹیوٹ یا یونیورسٹی سے حاصل کریں اگر ادارہ دینے سے منع کردے تو پھر ہائر ایجوکیشن کمیشن سے رجوع کریں یا پھر میڈیکل ٹربیونل میں شکایت درج کرائیں اس کے علاوہ پی ایم سی نے اساتذہ کی ترقی سے متعلق قواعد بھی ہائر ایجوکیشن کمیشن کے مطابق کرنے کرنے کی ہدایت کی ہے اور کہا ہے کہ میڈیکل فیکلٹی کی پروموشن کے لیئے اکیڈمک بورڈ نیا طریقہ کار طے کررہا ہے جسے کونسل سے منظوری کے بعد ہائر ایجوکیشن کمیشن کے زریعے تمام اداروں میں نافذ کیا جائے گا۔

کراچی : جامعہ کراچی اور انٹرنیشنل ترک اکیڈمی کے مابین مفاہمتی یادداشت پردستخط ہوئے۔
جامعہ کراچی اور انٹرنیشنل ترک اکیڈمی کے مابین مفاہمتی یادداشت پرجامعہ کراچی کے وائس چانسلر پروفیسر ڈاکٹر خالد محمود عراقی اور انٹرنیشنل ترک اکیڈمی کے صدر Prof. Dr. DarkhanKydyraliنے دستخط کئے۔

مفاہمتی یادداشت کے مطابق مشترکہ تحقیقی منصوبوں،فیکلٹی اور ریسرچ کے تبادلوں،مشترکہ طور پر بین الاقوامی کانفرنسز کا انعقادکو یقینی بنانے کے ساتھ ساتھ اساتذہ کے تبادلہ کا پروگرام بھی جلدشروع کیاجائے گا۔

انٹرنیشنل ترک اکیڈمی 2010 سے بین الاقوامی تنظیم کی حیثیت سے تعلیم اور تحقیق کے شعبوں میں مضبوط تعاون کے لیے عالمی برادری کے ساتھ مل کرکام کر رہی ہے۔ اس موقع پر ڈائریکٹر بین الاقوامی مرکز برائے کیمیائی وحیاتیاتی علوم(آئی سی سی بی ایس) جامعہ کراچی پروفیسر ڈاکٹر محمداقبال چوہدری ودیگر بھی موجود ہیں۔

کراچی: جامعہ کراچی نےماسٹرزاِن مینجمنٹ اینڈ ملٹری سائنسز،بی ایس میڈیکل ٹیکنالوجی،ایم ایس سی اِن انرجیٹک میٹریلز،ڈاکٹر آف فزیکل تھراپی اور ڈیفیشینسی کورس تعلیمی سیشن 2019-2020 ء کے انرولمنٹ فارم جمع کرانے کی تاریخ کا اعلان کردیا۔

ناظم امتحانات جامعہ کراچی ڈاکٹر سید ظفر حسین کے مطابق انرولمنٹ فارم 15 جنوری2021 ء تک جمع کرائے جاسکتے ہیں۔

تفصیلات کے مطابق ماسٹرز اِن مینجمنٹ اینڈ ملٹری سائنسز کے انرولمنٹ فارم 2500 روپے فیس کے ساتھ،بی ایس میڈیکل ٹیکنالوجی کے انرولمنٹ فارم 17500 روپے فیس کے ساتھ،ایم ایس سی اِن انرجیٹک میٹریلزکے انرولمنٹ فارم 2500 روپے فیس کے ساتھ، ڈاکٹر آف فزیکل تھراپی کے لئے پبلک سیکٹر کے انرولمنٹ فارم 5000 روپے فیس کے ساتھ اورپرائیوٹ سیکٹر کے انرولمنٹ 16500 روپے فیس کے ساتھ جمع کرائے جاسکتے ہیں۔

اسی طرح پبلک سیکٹر کے لئے ڈیفیشنسی کورس کی انرولمنٹ فیس 2500 روپے اور پرائیوٹ سیکٹر کے لئے ڈیفیشنسی کورس کی انرولمنٹ فیس 4000 روپے جمع کرائی جاسکتی ہے،جبکہ 1000 روپے لیٹ فیس کے ساتھ 29 جنوری 2021 ء تک انرولمنٹ فارم جمع کرائے جاسکتے ہیں۔طلبہ مزید معلومات کے لئے اپنے متعلقہ کالجز سے رجوع کریں۔

کراچی : سرسید یونیورسٹی آف انجینئرنگ اینڈ ٹیکنالوجی کے شعبہ میتھمیٹکس نے ورلڈاسپیس ویک کے حوالے سے قومی وبین الاقوامی سمینارز کی ایک سیریز کا انعقاد کیا جس میں ممتاز ریسرچ اسکالرز نے اپنے تحقیقی مقالے شیئر کئے ۔

بین الاقوامی سمینارز کے مقررین میں برطانیہ کی مانچسٹر میٹروپولیٹن یونیورسٹی کے Dr.Olugbenga Ogunmodimu اور ترکی کے Dr. Ümit Deniz Göker شامل تھے جبکہ قومی سیمینارز کے اسکالرز میں پروفیسر وقارحیدربخاری، اسماء ظفر اور پروفیسر ڈاکٹر راشد کمال انصاری شامل تھے ۔

اسپیس ویک پروگراموں کی اختتامی تقریب سے خطاب کرتے ہوئے سرسید یونیورسٹی کے وائس چانسلر پروفیسر ڈاکٹر ولی الدین نے کہا کہ ہمیں خلائی سائنس اور ٹیکنالوجی کی اہمیت اور افادیت کو اجاگر کرنے کی اشدضرورت ہے اور نئی نسل کی تربیت اس انداز سے کی جائے کہ وہ خلائی ٹیکنالوجی سے بھرپور استفادہ کر سکیں اور اس شعبے میں دلچسپی لیں اور انسانی خدمت کے لیے اسے اپنے کیریئر کے طورپر اپنائیں ۔

انھوں نے کہا کہ پہلی مرتبہ سرسید یونیورسٹی نے ایک اہم فورم سے منسلک ہو کر اسپیس ویک پروگراموں کا انعقاد کیا ہے اور اس بات کا جائزہ لینے کو کوشش کی ہے کہ خلائی سائنس انسانی زندگی کے لئے کس قدر اہم ہے اور انسانوں کی کیسے مدد کر سکتی ہے ۔ ہم اسپارکو کے ساتھ مل کر خلائی سائنس سے متعلقہ ایشوز پر کام کرنا اورتحقیق کو آگے بڑھاناچاہتے ہیں ۔

قبل ازیں شعبہ میتھمیٹکس کے سربراہ پروفیسر ڈاکٹر راشد کمال انصاری نے بتایا کہ سرسید یونیورسٹی نے اسپیس ریسرچ پر کیا کام کیا ہے ۔اس موقع پر شعبہ میتھمیٹکس کے سربراہ پروفیسر ڈاکٹر راشد کمال انصاری نے سرسید یونیورسٹی کے وائس چانسلر پروفیسر ڈاکٹر ولی الدین کو روس کی آرٹسٹVictoria Nikulina کی تصویر Saturn کا عکس پیش کیا جسے ان کی اجازت سے سرسیدیونیورسٹی کے زیراہتمام منعقدہ اسپیس ویک پرگراموں میں علامتی نشان کے طور پر استعمال کیا گیا ۔ تقریب کی میزبانی کے فراءض سنیئر لیکچرر انجیلا رحیم نے انجام دئے ۔

کراچی : جامعہ کراچی میں بیچلرزاور ماسٹرز پروگرام میں اوپن میرٹ کی بنیاد پر ہونے والے داخلوں کے لئے فارم جمع کرانے کی آخری تاریخ30 دسمبر ہے۔

انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق بیچلرزاور ماسٹرز (مارننگ پروگرام) میں اوپن میرٹ کی بنیاد پرہونے والے داخلوں کے لئے فارم جمع کرانے کی آخری تاریخ 30 دسمبر2020 ء ہے۔

علاوہ ازیں مخصوص نشستوں (Reserved Seats)پر بھی داخلوں کے لئے فارم 30 دسمبر2020 ء تک جمع کرائے جاسکتے ہیں۔

مخصوص نشستوں میں اسپورٹس،کراچی یونیورسٹی ایمپلائز،معذورافراد(اسپیشل پرسنز)،آرمڈ فورس،وکلا کے بچے،فاٹا،شمالی علاقہ جات وآزاد جموں کشمیر،اندرون سندھ اور بلوچستان کی نشستیں شامل ہیں۔

 مخصوص نشستوں پر داخلوں کے لئے فارم جمع کرانے کی تاریخ کا اعلان

طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے  www.uokadmission.edu.pk  پررابطہ کرسکتے ہیں،جہاں تمام معلومات موجودہیں۔

پنجاب اسکول ایجوکیشن ڈیپارٹمنٹ (ایس ای ڈی) نے سرکاری اساتذہ کی ریٹائرمنٹ کے لئے آن لائن پورٹل متعارف کرادیا ہے

تفصیلات کے مطابق گزشتہ روز وزیر تعلیم ڈاکٹر مراد راس کی زیرِ صدارت لانچنگ تقریب کا انعقاد کیا گیا۔ تقریب سے خطاب کرتے ہوئے وزیر نے کہا کہ نیا اقدام مکمل طور پر شفاف ہوگا اور اس سے محکمہ میں بدعنوانی اور رشوت اور اقربا پروری کے کلچر کا خاتمہ ہوگا۔

انہوں نے کہا کہ آن لائن نظام کی ترقی سے محکمہ کو کچھ خرچ نہیں آیا اور بدقسمتی ہے کہ سابقہ حکومت نے اساتذہ کی سہولت کے لئے کچھ نہیں کیا۔ انہوں نے مزید کہا کہ ایس ای ڈی پنجاب نے پہلے آن لائن ٹرانسفر سہولت کا آغاز کیا تھا اور اب اس ریٹائرمنٹ سہولیات سے صوبے میں اساتذہ کو بہت فائدہ ہوگا۔

انہوں نے کہا کہ آن لائن نظام کی ترقی سے محکمہ کو کچھ خرچ نہیں آیاڈاکٹر مراد نے کہا کہ اس سسٹم کے ذریعہ اسکول اساتذہ کو گھر میں ہی ریٹائرمنٹ کی اطلاعات ملیں گی۔ انہوں نے کہا کہ اس سال محکمہ نے اپنے آن لائن پورٹل کے ذریعہ 50،000 سے زیادہ کی منتقلی کی ہے۔ انہوں نے مزید کہا کہ ایس ای ڈی پنجاب نے صوبے میں نجی اسکولوں کی رجسٹریشن کے لئے ایک آن لائن رجسٹریشن پورٹل بھی متعارف کرایا ہے اور اب تک 30،000 سے زیادہ اسکول آن لائن رجسٹرڈ ہوچکے ہیں۔

انہوں نے کہا کہ بدقسمتی ہے کہ سابقہ حکومت نے اساتذہ کی سہولت کے لئے کچھ نہیں کیا۔ انہوں نے مزید کہا کہ ایس ای ڈی پنجاب نے پہلے آن لائن ٹرانسفر سہولت کا آغاز کیا تھا اور اب اس ریٹائرمنٹ سہولیات سے صوبے میں اساتذہ کو بہت فائدہ ہوگا۔
ڈاکٹر مراد راس نے کہا کہ کویوڈ 19 کے کیسوں میں اضافہ ہونے کے ساتھ ہی اسکولوں کو بند کرنا پڑا۔ انہوں نے مزید کہا لیکن بچے پارکوں اور مالز میں جاتے تھے اور ان کی حفاظت کے ل to اسے روکنے کی ضرورت تھی۔

انہوں نے اس بات کا اعادہ کیا کہ اسکولوں کو دوبارہ کھولنے کا فیصلہ تمام صوبائی وزیر تعلیم کے اجلاس میں کیا جائے گا۔

کراچی : جامعہ کراچی نے بیچلرزاور ماسٹرز پروگرام میں داخلوں کے لئے فارم جمع کرانے کی تاریخ میں توسیع کردی،

جامعہ کراچی نے اوپن میرٹ کی بنیاد پر ہونے والے داخلے اورمخصوص نشستوں (Reserved Seats) کے لئے داخلہ فارم جمع کرانے کی تاریخ میں 30 دسمبر تک توسیع کردی جس کے بعدتک توسیع داخلہ فارم جمع کرانے کی تاریخ میں مزید توسیع نہیں کی جائے گی۔

انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق بیچلرزاور ماسٹرز (مارننگ پروگرام) میں اوپن میرٹ کی بنیاد پرہونے والے داخلوں کے لئے فارم جمع کرانے کی تاریخ میں 30 دسمبر2020 ء تک توسیع کردی گئی ہے۔ خواہشمند طلبہ30 دسمبر2020 ء تک داخلہ فارم آن لائن جمع کراسکتے ہیں

ایسے طلبہ جو پاکستان کے پبلک سیکٹر بورڈ یاجامعات کے مقابلے میں دیئے جانے والے سرٹیفیکٹ / ڈگری کی بنیاد پر داخلے کے خواہشمند ہیں انہیں جامعہ کراچی کی ایکویلینس کمیٹی یا IBCC کی جانب سے جاری کردہ ایکویلینس سرٹیفیکٹ داخلہ فہرست جاری ہونے سے تین دن قبل تک لازمی جمع کرانا ہوگا۔

علاوہ ازیں مخصوص نشستوں (Reserved Seats)پر بھی داخلوں کے لئے فارم 30 دسمبر2020 ء تک جمع کرائے جاسکتے ہیں

طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے ویب سائٹ پر www.uokadmission.edu.pk پررابطہ کرسکتے ہیں

واضح رہے کہ ایسے شعبہ جات جہاں داخلہ ٹیسٹ کا اطلاق ہوتاہے، مخصوص نشستوں پر داخلے کے خواہشمند صرف وہ طلبہ ہی ان شعبہ جات کا انتخاب کرسکتے ہیں جنہوں نے داخلہ ٹیسٹ والے شعبہ جات کا فارم جمع کرایا ہے اور داخلہ ٹیسٹ میں بھی شرکت کی ہے۔ داخلے پالیسی کے مطابق دیئے جائیں گے۔

کراچیـ :  بانی پاکستان قائد اعظم محمد علی جناح کی ایک سو پینتالیسویں یوم پیدائش پر انکی مادر علمی سندھ مدرستہ الاسلام یونیورسٹی میں تقریب وویبینیار منعقد کیا گیا۔

اس موقع پر وائس چانسلر سندھ مدرستہ السلام یونیورسٹی پروفیسر ڈاکٹر مجیب الدین صحرائی میمن نے کہا کہ اس سے بڑی اعزاز کی بات اور کیا ہوسکتی ہے کہ جس ادارے میں ہم کام کررہے ہیں بانی پاکستان اس ادارے کے شاگرد رہ چکے ہیں۔ انہوں نے مزید کہا کہ دنیا میں چندہی شخصیات ہی ایسی ہیں جنہوں نے دنیا کا نقشہ بدلاقائد اعظم محمد علی جناح بھی ان میں سے ایک ہیں۔جب قائد اعظم کا ذکر ہوگا تو سندھ مدرستہ الاسلام کا ذکر ضرور ہوگا۔

ڈاکٹر مجیب الدین صحرائی نے مزید کہا کہ ہم قائد کے رہنما کے اصولوں اور انکی فلاسفی کو فروغ دینے کیلئے پر عزم ہیں
تقریب کے آغازمیں قائداعظم کے ایک سو پینتالیسویں جنم دن کے حوالے سے کیک کاٹا گیا۔ انہوں نے اس پر بات پر زور دیا کہ اساتذہ پر فرض ہے کہ وہ اس ادارے کوقائد اعظم کے نظریات اور اصولوں کو مدنظر رکھتے ہوئے طالبعلموں کو تعلیم کے زیور سے آراستہ کریں۔انہوں نے طالبعلموں کو پیغام دیا کہ وہ تعلیم کے ساتھ ساتھ قائداعظم کے اصول بھی اپنی عملی زندگی میں لاگو کریں۔

اس موقع پر منعقدہ ویبینار سے ڈاکٹر رضا کاظمی،ڈاکٹر شجاع احمد مہیسر،ڈاکٹر ارشد جاوید اور صمد عباس نے بھی خطاب کیا۔ جنہوں نے قائد اعظم کے جہدوجہد پر بات کرتے ہوئے کہا کہ قائد اعظم محمد علی جناح نے نہ صرف برطانوی راج سے جنگ کی بلکہ پاکستان کے قیام کیلئے مسلم نیشنلسٹس سے بھی جنگ کی۔

مقررین کا کہنا تھا کہ ہمیں یہ سوچنا چاہیے کہ آج ہم کیوں پیچھے ہیں کیونکہ ہم نے قائد اعظم کے سبق کو بھلادیا ہے۔ انہوں نے پاکستان میں اقلیتوں کے تحفظ اور انکو برابری کا بھی درس دیا۔

اس کے علاوہ وائس چانسلر پروفیسر ڈاکٹر مجیب الدین صحرائی میمن نے مزار قائد پر حاضری بھی دی۔اس موقع پر ان کے ساتھ مختلف شعبہ جات کے سربراہان بھی موجود تھے۔ کرونا ایس او پیز کے تحت اس مختصر تقریب میں محدود اسٹاف اور اساتذہ کو مدعو کیا گیا۔جبکہ دیگر افراد نے آن لائن شرکت کی۔بابائے قوم کی پیدائش کے موقع پر کیک بھی کاٹاگیا۔