اسلام آباد: پروفیسر ڈاکٹر اکرام علی نے ڈائریکٹر جنرل فیڈرل ڈائریکٹوریٹ آف ایجوکیشن کی ذمہ داری سنبھالی۔

ڈائریکٹر جنرل فیڈرل ڈائریکٹوریٹ آف ایجوکیشن کی زیر صدارت کمیٹی روم میں تمام ڈائریکٹرز کا اجلاس ہوا۔

اجلاس میں انہوں نے تمام اداروں میں تعلیم کے معیار کو بلند کرنے کے لئے اپنے مستقبل کے لائحہ عمل کا تبادلہ خیا ل کیا۔

لاہور : پنجاب یونیورسٹی نے آن لائن تحریری امتحان کے نتائج کا اعلان کر دیا۔ پنجاب یونیورسٹی نے بی اے / بی ایس سی پارٹ ٹوسالانہ 2020 کے آن لائن تحریری امتحان کے نتائج کا اعلان کر دیا  نتائج پنجاب یونیورسٹی کی ویب سائٹ  http://www.pu.edu.pk/  پر دیکھے جاسکتے ہیں جبکہ تحریری روایتی امتحانات کی رول نمبر سلپس بھی جاری کر دی ہیں۔

دوسری طرف آن لائن امتحانات پر طلبہ و طالبات نے عدم اعتماد کا اظہار کردیا ۔سہولیات کی کمی کی وجہ سے پچاس فیصد کے قریب طلبہ و طالبات نے امتحانات میں شرکت نہ کی تھی ۔

کنٹرولر امتحانات محمد رؤف کا کہنا ہے جو طلبا آن لائن امتحانات سے مطمئن نہیں وہ روایتی امتحان میں بغیر فیس شرکت کر سکتے ہیں۔

کراچی: ڈائریکٹر اسکولز سیکنڈری و ہائر سیکنڈری کراچی ریجن محمد صفر کچھار نے این ٹی ایس پاس سینٹرل کمیٹی اور ایکٹیوسٹس کمیٹی کے ممبران سے کہا ہے کہ این ٹی ایس پاس اساتذہ کو سپریم کورٹ کے احکامات کے مطابق بھرتی کی تاریخ سے انکریمنٹ دیئے جائیں گے۔اس حوالے سے سیکریٹری اسکول ایجوکیشن سے اجازت لیکر جلد معاملات کو حل کر لیا جائے گا ۔

اس موقع پر ڈپٹی ڈائریکٹر کاشف اختر بھی موجود تھے ۔ ملاقات میں این ٹی ایس پاس اساتذہ کے مسائل پر تفصیلی گفتگو ہوئی جس میں کراچی کے این ٹی ایس پاس اساتذہ کی تنخواہ کے اسٹیجز، 2015 کے این ٹی ایس پاس اساتذہ کا ترمیمی بل اور اے جی کی جانب سے جاری کردہ لیٹر،کراچی کے تین اضلاع میں خالی اسامیاں ہونے کے باوجود این ٹی ایس پاس اساتذہ کا ڈی پی سی پروموشن نہ ہونا جیسے مسائل شامل تھے ۔

محمد صفر کچھار نے کہا کہ 2015 والے اساتذہ کا بل اسمبلی میں ہے باقی کسی کی تنخواہ نہیں رکے گی ،ڈی پی سی میں کمی کوتاہیاں ہوئی ہیں تو نہیں درست کیا جائے گا اور اساتذہ کو ان کا حق ملے گا ۔

کراچی : اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ حصہ دوم آرٹس ریگولر اور خصوصی امیدواروں کے سالانہ امتحانات برائے 2020ء کی مارک شیٹس تیار ہوگئی ہیں

کالجوں اور ہائر سیکنڈری اسکولوں کے نمائندےپرنسپل کے اتھارٹی لیٹر کے ساتھ بروز پیر 16 نومبر سے بورڈکےمتعلقہ سیکشن سے مارکص شیٹ حاصل کرسکتے ہیں، علاوہ ازیں آرٹس پرائیوٹ اور کامرس پرائیوٹ گروپس کی مارکس شیٹس امیدواروں کی جانب سے دیئے گئے پتوں پر بھیج دی گئی ہیں۔

مانیٹڑنگ ڈیسک: اسمارٹ فون ایپس سوشل میڈیا صارفین کے لیے کسی نعمت سے کم نہیں، نت نئی ایپس جہاں زندگی کو آسان بنا رہی ہیں وہیں کچھ ایپس ایسی بھی ہیں جو فائدے کی آڑ میں صارفین سے رقم بٹورنے کا کام کر رہی ہیں۔

رپورٹ میں کہا گیا ہے کہ گوگل پلے اسٹور پر اس وقت سات ایسی فلیس ویئر ایپس موجود ہیں جو صارفین کو تین دن کی پرکشش آفرز دے کر ہفتہ وار آپ کے اکاؤنٹ سے 30 ڈالر فیس چارج کرتی ہیں۔

اس ایپ کو کچھ اس طرح ڈیزائن کیا گیا ہے کہ صارف کو سبسکرائب کرتے وقت سبسکرپشن چارجز کا پتہ نہیں چل پاتا اور وہ اسے سبسکرائب کرنے کے بعد بھول جاتے ہیں جس کے بعد ایپس ہفتہ وار صارف کے اکاؤنٹ سے براہ راست فیس چارج کرتی رہتی ہیں۔

ڈیجیٹل سیکیورٹی فرم کے مطابق جو صارفین بالخصوص بچے اور نوجوان ان ایپس کو ڈاؤن لوڈ کرنے سے پہلے شرائط نہیں پڑھتے وہ اس دھوکا دہی کا زیادہ شکار ہوتے ہیں۔

سیکیورٹی فرم کی جانب سے ان ایپس کی تفصیلات بھی شیئر کی گئی ہیں اور بتایا گیا ہے کہ ان ایپس کو 10 لاکھ سے زیادہ بار ڈاؤن لوڈ کیا گیا۔ایواسٹ کی جانب سے صارفین سے درخواست کی گئی ہے اگر آپ نے بھی یہ ایپس اپنے اینڈرائیڈ فون میں ڈاؤن لوڈ کر رکھی ہیں تو انہیں ڈیلیٹ کر دیں اور سبسکرپشن ختم کر دیں۔
دھوکا دہی کے ذریعے پیسہ وصول کرنے والی ایپس
اسکن، موڈ، میپس فار مائن کرافٹ پی ای
اسکن فار روبلوکس
لائیو وال پیپر ایچ ڈی اینڈ تھری ڈی بیک گراؤنڈ
ماسٹر کرافٹ فار مائن کرافٹ
ماسٹر فار مائن کرافٹ
بوائز اینڈ گرل اسکن
میپس اسکن اینڈ موڈ فار مائن کرافٹ

مانیٹرنگ ڈیسک : سماجی رابطوں کے مقبول ترین پلیٹ فارم فیس بک نے اپنی میسنجر ایپ پر وینش موڈ متعارف کرا دیا۔جس کے تحت کسی بھی صارف کی جانب سے کی جانے والے چیٹ غائب ہو جائے گی۔

فیس بک کے مطابق اس فیچر کو ان ایبل کرنے کے بعد آپ اگر اپنے دوست کو کوئی پیغام، تصویر یا اسٹیکر بھی بھیجیں گے تو وہ اس شخص کے پڑھنے کے بعد یہ پیغام چیٹ سے غائب ہو جائے گا۔

اس فیچر کے تحت اگر آپ اپنے دوست سے بات کرنے کے بعد اس کی چیٹ بند کرنے کے بعد دوبارہ کھولیں گے تو اس چیٹ کے میسجز خود ہی غائب ہو جائیں گے۔

دوسری جانب اس وینش موڈ کے ذریعے صارفین اگر کسی چیٹ کا اسکرین شاٹ لیں گے تو اُس شخص کو اسکرین شاٹ کا نوٹیفکیش موصول ہو گا۔

فیس بک کا یہ وینش موڈ فی الحال امریکا کے صارفین کے لیے پیش کیا گیا ہے اور کچھ ماہ بعد یہ دنیا بھر کے صارفین کو میسر ہو گا۔

ریاض: قدرتی ماحول کو نقصان پہنچانے اور درخت کاٹنے پر سعودی عرب نےسخت سزاؤں کا اعلان کیا ہے ۔ یہ سزا تین کروڑ سعودی ریال جرمانےاورازیادہ سے زیادہ 10 برس قید کی صورت میں لاگو کی جاسکتی ہے۔

سعودی عرب نےحال ہی میں 2030 سعودی عرب وژن کا منصوبہ بنایا ہے جس کے تحت ملک میں ماحولیاتی پائیدار ترقی کو یقینی بنائے جائے گا۔ پہلا منصوبہ اپریل 2021 تک ختم ہوگا جسے منصوبے کو ’چلو (ملک کو ) سرسبز بنائیں‘ کا نام دیا گیا ہے۔

تاہم سعودی عوامی قانون ساز ادارے نے اپنی ایک ٹویٹ میں کہا ہے
’ درختوں کا کاٹنے، جڑی بوٹیوں، نباتات اور پودوں کو جڑ سے اکھاڑنے، پتوں اور تنوں کو نوچنے، چیرنے اور چھیلنے، انہیں منتقل کرنے اور ان کی مٹی کو ہٹانے،‘ والے مجرموں کو زیادہ سے زیادہ سزا اور جرمانہ عائد کیا جائے گا،‘ سعودی عوامی قانون ساز ادارے نے اپنی ایک ٹویٹ میں کہا۔

اسی طرح سعودی وزیربرائے ماحولیات عبدالرحمان الفضلی نے بھی گزشتہ ہفتے اس منصوبے کی تفصیلات بیان کی تھیں۔ اس سے قبل شاہ محمد سلیمان بھی 2016 میں یہ کہہ چکے ہیں کہ سعودی عرب کو معاش کے لیے تیل کی آمدنی پر اپنا انحصار کم کرنا ہوگا۔

سعودی عرب کے ماحولیاتی منصوبوں میں ری سائیکلنگ، سبزہ اگانے اور صحرازدگی کے خاتمے پر زور دیا گیا ہے۔

جامعہ کراچی نے ایم اے اسلامک اسٹڈیز سال اول اور سال آخر اوورسیز سالانہ امتحانات برائے 2018 ء کے نتائج کا اعلان کردیا۔ ناظم امتحانات جامعہ کراچی ڈاکٹر سید ظفر حسین کے مطابق سال اول کے امتحانات میں 02 طلبہ شریک ہوئے،دونوں طلبہ کو کامیاب قراردیاگیا۔

کامیابی کا تناسب 100.00 فیصدرہا۔سال آخر کے امتحانات میں 03 طلبہ شریک ہوئے اور تینوں طلبہ فرسٹ ڈویژن میں کامیاب قرارپائے۔کامیابی کا تناسب 100.00 فیصدرہا۔

کراچی: ثانوی تعلیمی بورڈ کراچی نے جماعت دہم سائنس و جنرل گروپ ریگولر او رپرائیویٹ کے سالانہ امتحانی فارم سال 2021کے جمع کرانے کا شیڈول جاری کر دیا ہے۔

میٹرک بورڈ کے ناظم امتحانات عبدالرزاق ڈیپرکی ہدایت کے مطابق ایسے طلباء وطالبات جو نہم جماعت 2020، گزشتہ سالوں میں ناکام، امپروومنٹ آف گریڈ، اضافی پرچے یا دیگر بورڈز کے امتحانات2021 میں شریک ہونا چاہتے ہیں وہ بھی امتحانی فارم جمع کرا سکتے ہیں جبکہ گورنمنٹ اسکولوں کو بھی ہدایات کی جاتی ہے کہ وہ امتحانی فارم بغیر کسی فیس کے اسی شیڈول کے مطابق جمع کرا ئیں گے۔

تفصیلات کے مطابق یہ فارم 16نومبر سے15دسمبر تک بغیر لیٹ فیس کے ساتھ وصول کئے جائیں گے جبکہ 16دسمبرسے 31دسمبر2020 تک200 روپے،یکم جنوری 2021سے 15جنوری تک500 روپے،18جنوری سے 29جنوری تک800 روپے،یکم فروری سے12فروری تک 1200 روپے،15فروری سے26فروری تک 1500 روپے، یکم مارچ سے12مارچ تک 1800روپے اور آخری تاریخ گزرنے کے بعد2500 روپے لیٹ فیس کے ساتھ امتحانی فارم جمع کرائے جا سکتے ہیں۔

انہوں نے مزید کہا کہ سائنس وجنرل گروپ ریگولر کے امتحانی فارم بورڈ ہذا کے اکاؤنٹس سیکشن میں جمع ہوں گے، فارم کیساتھ بورڈ سے الحاق شدہ اسکولوں کی رجسٹریشن کی کاپی اور پریکٹیکل سیکشن سے جاری کردہ سوالنامہ کی فوٹو کاپی منسلک کرنا لازمی ہے جبکہ پرائیویٹ طلباء وطالبات کے امتحانی فارم متعلقہ بینکوں میں جمع کئے جائیں گے۔

انہوں نے تمام الحاق شدہ تعلیمی اداروں کے سربراہان سے کہا ہے کہ وہ امتحانی فارم نیشنل بینک،عسکری کمرشل بینک، یونائیٹڈ بینک لمیٹڈ بورڈ آفس بوتھ سے حاصل کر سکتے ہیں جبکہ یہ فارم بورڈ کے امتحانی اسٹور پر بھی دستیاب ہوں گے جو سیکرٹری بورڈ کے نام فارم کی قیمت (مبلغ 100روپے فی فارم) کے پے آرڈر کے ذریعے حاصل کئے جا سکتے ہیں۔ اسکولوں کے سربراہان کو تاکید کی جاتی ہے کہ فارم کو جمع کرانے کیلئے طلباء و طالبات کو انفرادی طور پر بورڈ آفس نہ بھیجیں۔

کراچی: جامعہ کراچی کے شعبہ بائیوکیمسٹری کے زیر اہتمام اور کراچی یونیورسٹی المنائی ایسوسی یشن بالٹی مور امریکہ کے اشتراک سے ذیابیطس کے عالمی دن کی مناسبت سے شعبہ ہذاکے لیکچر ہال میں بعنوان پوسٹر کمپٹیشن بعنوان: ”ذیابیطس: اپنا اور فیملی کا تحفظ“ کے نام سے سیمینار منعقد کیا گیا۔

سیمینا ر سےخطاب کرتے ہوئےجامعہ کراچی کے شعبہ بائیوکیمسٹری کی پروفیسر ڈاکٹر شمیم قریشی نے ذیابیطس سے متعلق آگاہی فراہم کرتے ہوئے کہا کہ دنیا بھر میں 415 ملین سے زائد افراد اس بیماری میں مبتلا ہیں اور یہ تعداد 2030 ء تک 642 ملین تک جاپہنچے گی ۔پاکستان دنیا بھر میں ذیابیطس کے مریضوں کی تعداد کے لحاظ سے چوتھے نمبر پر ہے جو تشویش ناک امر ہے۔ 90 فیصد مریض ٹائپ 2 ذیابیطس کا شکار ہیں

بقائی انسٹی ٹیوٹ آف ڈائی بیٹالوجی اینڈ انڈوکرائنالوجی کے ڈاکٹر محمد ظفر عباسی نے کہا کہ انسولین کے ذریعے ہی شوگر لیول کو کنٹرول کیا جاسکتا ہے مگراس کے ساتھ میٹھے کا کھانے میں استعمال سے پرہیز لازمی ہے اور اس کے ساتھ ورزش بھی بہت ضروری ہے۔ ٹائپ 2 ذیابیطس کو بہتر صحتمند لائف اسٹائل،تمباکو نوشی اورفاسٹ فوڈ سے پرہیز کرکے روکا جاسکتا ہے۔

ایڈوانسڈ ایجوکیشنل انسٹی ٹیوٹ اینڈ ریسرچ سینٹر کی چیف ایگزیکیٹو آفیسر ڈاکٹر صدف احمد نے پاکستان میں مرد اور خواتین نرسز کی خدمات کو خراج تحسین پیش کرتے ہوئے کہا کہ پاکستان میں مزید نرسوں کی ضرورت ہے، ضرورت اس امر کی ہے کہ آگاہی پروگرامز کرائے جائیں تا کہ لوگوں کو یہ بتایا جاسکے کہ نرسز بھی ڈاکٹرز کی طرح کلیدی کردار کے حامل ہیں، مریضوں کی نگہداشت میں ٹیم ورک لازم وملزوم ہے۔

شعبہ بائیوکیمسٹری جامعہ کراچی کے مارننگ وایوننگ پروگرام کے طلباوطالبات کے مابین ہونے والے پوسٹرکمپٹیشن میں منصف کے فرائض شعبہ بائیوکیمسٹری جامعہ کراچی کی ڈاکٹر طوبیٰ لطیف اور سرسید کالج آف میڈیکل سائنسز فارگرلزکلفٹن کی ڈاکٹر مسرت جہاں نے انجام دیئے۔مقابلہ جیتنے والی طالبات جس میں مہرین،صبا،طیبہ اور زیبا کو پہلے انعام کیش سے نوازاگیا جبکہ نیلم،مصباح اور نِمراکو بھی خصوصی کیش انعامات سے نوازاگیا۔