لاہور ہائیکورٹ نے ٹک ٹاک پر پابندی کی درخواست پر وکیل کو دلائل کی تیاری کیلئے مہلت دے دی

لاہو ر ہا ئی کورٹ میں جسٹس شاہد وحید نے ندیم سرور کی درخواست پر سماعت کی جس میں ٹک ٹاک ایپ پر اعتراض اٹھایا گیا تھا۔ درخواست گزار وکیل کے مطابق ٹک ٹاک کے وجہ سے غیر اخلاقی مواد بڑھ گیا ہے ، اس ایپ کے مثبت کے بجائے منفی اثرات مرتب ہو رہے ہیں اس لیے اس پر پابندی لگائی جائے جسکے بعد عدالت نے وکیل کو دلائل کی تیاری کےلئے مہلت دے کر سماعت غیر معینہ مدت کیلئے ملتوی کر دی گئی۔

اسلام آباد: پرائیویٹ اسکولز نیٹ ورک کا ہنگامی اجلاس ڈاکٹر محمد افضل بابر کی زیر صدارت منعقد ہوا۔

اجلاس میںملک بھرمتوقع لاک ڈائون کے دوران تعلیمی اداروں کو بھی لاک ڈائون میں شامل کرنے کے معاملات پرغور کیا گیا

اجلاس میںشریک تمام صدور کا کہنا تھا اب اگر تعلیمی ادارے بند ہوتے ہیں تو بچوں کا تعلیمی سال ضائع ہوجائے گا۔

ایس او پیز پر سب سے زیادہ عمل درآمد تعلیمی اداروں میں ہی کیا جار ہا ہے ۔ اس لئے ان کو لاک ڈائون میں شامل نہ کیاجائے اب اگرچہ تعلیمی ادارے ایس او پیز کے مطابق کام کر رہے ہیں تو ان کو بند کرنا علم دشمنی ہے ۔

اجلاس میں جنرل سیکرٹری مقبول حسین ڈار و نائب صدور محمد آصف ، حافظ محمدارشد کے علاوہ تمام یونٹوں کے صدور نے بھرپور شرکت کی

راولپنڈی : بورڈآف انٹرمیڈیٹ اینڈ سیکنڈری ایجوکیشن راولپنڈی نے میٹرک کے سالانہ امتحان کیلئے آن لائن داخلہ فارم کا شیڈول جاری کر دیا۔

فارم سنگل فیس کیساتھ جمع کرانےکی آخری تاریخ 10دسمبر، دو گنا فیس کیساتھ 21دسمبر، 3گنا فیس کیساتھ 29دسمبر مقرر کی گئی ہے ۔ تین گنا فیس اور 200 روپے یومیہ جرمانہ کے ساتھ داخلہ فارم وصول کرنے کی آخری تاریخ 24فروری2021مقرر کی گئی ہے ۔

بورڈ آف انٹرمیڈیٹ اینڈ سیکنڈری ایجوکیشن راولپنڈی کے ترجمان ارسلان چیمہ کے مطابق ایڈیشنل /مارکس امپروومنٹ کرنے والے امیدواران داخلہ فیس بمع پروسسنگ فیس کے ساتھ سند/سرٹیفیکیٹ فیس 600روپے جمع کروائیں گے ۔

نئے الحاق شدہ ادارہ جات کو رجسٹریشن برانچ کی طرف سے جاری کردہ مراسلہ /ادارہ کوڈ جاری ہونے کے 10ایام کے اندر اندر اپنے داخلہ فارم سنگل فیس کے ساتھ جمع کروانے کی رعایت ہو گی اس وقت کے بعد جو بھی فیس کا شیڈول چل رہا ہو گا اُس کے مطابق فیس وصول کی جائیگی۔

ریگولر ادارے (سرکاری/الحاق شدہ) اپنے امیدواران کے ہر لحاظ سے مکمل داخلہ فارم آن لائن کرنے کے بعدفارم کی ہارڈ کاپی (کم ازکم80گرامA-4سائز کاغذ پر) بورڈ آف انٹرمیڈیٹ اینڈ سیکنڈری ایجوکیشن، راولپنڈی میں میٹرک برانچ میں شیڈول کے مطابق جمع کروائیں گے ۔

پرائیویٹ امیدوار داخلہ فارم آن لائن کرنے کے بعد بنک میں مطلوبہ فیس جمع کروا کر فارم تصدیق کرنے کے بعد ہارڈ کاپی بورڈ کے سہولت سنٹر(Facilitation Centre) واقع بورڈ کیمپس مورگاہ، راولپنڈی کو بذریعہ رجسٹرڈ یا دستی جمع کروائے گا۔ کسی بھی دشواری کی صورت میں امیدوار اپنے مکمل دستاویزات کے ساتھ بورڈ آفس سے رابطہ کرے ۔

اسلام آباد: وفاقی وزارت تعلیم نے تعلیمی اداروں کے حوالے سے صوبوں کو تجاویز بجھوا دیں۔
سمری میں تجاویز پیش کی گئی ہیں کہ تعلیمی ادارے 24 نومبر سے 31 جنوری تک بند کر دیئے جائیں۔

تمام تعلیمی ادار سلسلے وار بند کرنے کی تجویز دی گئی ہے جس کے مطابق 24 نومبر سے پرائمری اسکول ، 2 دسمبر سے مڈل اسکول اور 15 دسمبر سے سکینڈری اور ہائر سکینڈری اسکول بند کر دیئے جائیں۔

جبکہ تعلیمی سیشن 31 مئی اور میٹرک اور انٹرمیڈیٹ کے امتحان جون میں لینے کی تجویز دی گئی ہے۔
اساتذہ کو آن لائن کلاسوں کی تیاری کے لیے اداروں میں بلوایا جائے۔
23 نومبر کی بین الصوبائی وزرائے تعلیم کانفرنس میں صوبے اپنی تجاویز دیں گے۔

میرپور: کورونا کی دوسری لہرکے باعث آزاد کشمیرکے تمام اضلاع میں 15 دن کے لئے مکمل لاک ڈاؤن کا اعلان کردیا گیا ہے۔اس حوالے سے نوٹیفکیشن بھی جاری کردیا گیا ہے۔

جاری کئے گئے نوٹی فکیشن کے مطابق آزاد کشمیر کے تمام اضلاع میں بیک وقت لاک ڈاؤن ہوگا، صرف لازمی خدمات کے شعبے ایس او پیز کے تحت اپنی سرگرمیاں جاری رکھیں گے،

سرکاری دفاترمیں 50 فیصد حاضری رکھی جائے گی، تمام کاروباری مراکز مارکیٹیں اور بازار ، سرکاری، نیم سرکاری اور نجی دفاتر اور تعلیمی ادارے بھی بند رہیں گے۔

انٹری پوائنٹس پرسخت اسکریننگ کا عمل ہوگا، مذہبی اجتماعات اور نماز جنازہ مکمل ایس او پی کے تحت ہوں گے، شادی بیاہ و دیگر تقریبات پر مکمل پابندی ہوگی۔

واضح رہے کہ ملک میں کورونا کی دوسری وبا نے شدت پکڑ لی ہے اور مصدقہ کورونا مریضوں کی تعداد 32 سے تجاوز کرچکی ہے۔

کراچی :  جامعہ کراچی نے ایم ایڈ (مارننگ) اور ایم ایڈ فرسٹ ایئر،سیکنڈ ایئر ایوننگ پروگرام سالانہ امتحانات برائے 2019 ء کے نتائج کا اعلان کردیا ۔
ناظم امتحانات جامعہ کراچی ڈاکٹر سید ظفر حسین کے مطابق ایم ایڈ (مارننگ) اور ایم ایڈ فرسٹ ایئر،سیکنڈ ایئر(ایوننگ پروگرام) سالانہ امتحانات برائے 2019 ء کے نتائج کا اعلان کردیا گیاہے۔

ایم ایڈ (مارننگ) کے امتحانات میں 203 طلبہ شریک ہوئے،14 طلبہ کو اے ون گریڈ،142 کو اے گریڈ جبکہ 27 طلبہ کو بی گریڈ میں کامیاب قراردیا گیا۔ا
نتائج کے مطابق ایم ایڈ (مارننگ) میں کامیابی کا تناسب 90.15 فیصدرہا

یم ایڈ فرسٹ ایئر ایوننگ پروگرام کے امتحانات میں 41 طلبہ شریک ہوئے،38 طلبہ کو کامیاب قراردیا گیا جبکہ 03 طلبہ ناکام قرارپائے۔کامیابی کا تناسب 92.68 فیصدرہا۔ایم ایڈ سیکنڈ ایئر ایوننگ پروگرام کے امتحانات میں 41 طلبہ شریک ہوئے،ایک طالبعلم کو اے ون گریڈ،25 طلبہ کو اے گریڈ جبکہ 07 طلبہ کو بی گریڈ میں کامیاب قراردیاگیا۔کامیابی کا تناسب 80.49 فیصدرہا

ویب ڈیسک : وفاقی وزیر برائے سائنس و ٹیکنالوجی فواد چوہدری کے بعد ای میکس میڈیا نےپاکستان کا پہلا او ٹی ٹی پلیٹ فارم لانچ کرنے کااعلان کردیاہے۔

ای میکس میڈیا ایک ڈیجیٹل نیٹ ورک ہے او ر انہوں نے اردو فلکس کے نام سے پاکستان کا پہلا او ٹی ٹی پلیٹ فارم لانچ کرنے کااعلان کیا ہے۔

فواد چوہدری نے پاکستان کا پہلا نیٹ فلکس کی طرز کا ورژن لانچ ہونے کی خوشخبری سنادی

ای میکس کے مطابق اردو فلکس پلیٹ فارم پوری دنیا میں اردو مواد پیش کرے گا اور صارفین اس پلیٹ فارم کے ذریعے اردو فلمیں، سیریز، دستاویزی فلمیں، کارٹون اور اردو ڈبنگ والے ترکش ڈرامے دیکھ سکیں گے۔یہ او ٹی ٹی پلیٹ فارمز اپنے صارفین کو پہلے سے مشہو ڈرامے اور فلموں کی اسٹریمنگ کی بھی پیشکش کرے گا۔

واضح رہے چند ہفتوں قبل وفاقی وزیر برائے سائنس و ٹیکنالوجی فواد چوہدری نے حکومت پاکستان کی جانب سے پاکستان کا پہلا او ٹی ٹی پلیٹ فارم لانچ کرنے کااعلان کیاتھا ۔

کوئٹہ : بلوچستان حکومت نے کورونا کے پھیلاؤ کے پیش نظر تعلیمی ادارے یکم دسمبر سے 3 ماہ تک بند کرنے کا فیصلہ کرلیا ، امتحانات کا سلسلہ تعطیلات سے قبل مکمل ہوگا۔

نجی ٹی وی کے مطابق صوبائی وزیرتعلیم یار محمدرند نے کہا کہ سرد علاقوں کے تعلیمی ادارے 3 ماہ تک بند رہیں گے، امتحانات کا سلسلہ تعطیلات سے قبل مکمل ہوگا۔

گلگت بلتستان  : کورونا وائرس کی دوسری لہر کے پیش نظر گلگت بلتستان کےتمام تعلیمی ادارے ایک ہفتے کےلئے بند کر دیئے گئے ہیں۔

ذرائع کے مطابق ڈائریکٹراسکولز کاکہنا ہے کہ گلگت بلتستان کے تمام تعلیمی ادارے 17 سے 23 نومبر تک بند رہیں گے۔

نہوں نے بتایا کہ الیکشن کے باعث احتیاطی تدابیر اپنانے کےلئے اسکولوں کو بند کیا جا رہا ہے۔

ان کا کہنا تھا کہ کالجز اوراسکولز کو پولنگ سٹیشن کے طور پر استعمال کیا گیا۔

جہاں عوام کا رش رہا، تعلیمی اداروں میں مکمل صفائی،سپرے اور احتیاطی تدابیر اپنانے کے بعد کھولا جائے گا۔

انہوں نے کہا کہ کورونا وائرس کی روک تھام کے لیے حکومتی ہدایت پر تمام اقدامات اٹھا رہے ہیں۔

کراچی : ایڈمنسٹریٹر و کمشنر کراچی افتخار شالوانی نے گزشتہ روز بلدیہ عظمیٰ کراچی کے المرکز اسلامی عائشہ منزل فیڈرل بی ایریا میں دوسرے سی ایس ایس کارنر کے افتتاح کردیا

تقریب سے خطاب کرتے ہوئے ایڈمنسٹریٹر کراچی نے کہا کہ سی ایس ایس مقابلے کا امتحان ہے اس کے لئے اسمارٹ ریڈنگ، اپنے مضامین پر فوکس، لائبریری میں بیٹھ کر مطالعہ اور انگلش مضمون نگاری پر عبور ہونا ضروری ہے ، یہ کوئی مشکل امتحان نہیں ہے ہر اچھا طالب علم اسے پاس کرسکتا ہے ۔

انہوں نے مزید کہا کہ متوسط و غریب طبقے سے تعلق رکھنے والے نوجوانوں کے لئے یہ ایک اچھا موقع ہے کہ وہ اپنی صلاحیتوں کے اظہار کے ذریعے موجودہ بیوروکریٹس کی جگہ لیں اور خود کو اعلیٰ سرکاری عہدے کا اہل ثابت کردکھائیں، کراچی کے ہر علاقے کے نوجوان طلبہ و طالبات کو سی ایس ایس امتحان کی تیاری کا موقع فراہم کیا جا رہا ہے جس کے مستقبل میں انتہائی مثبت نتائج سامنے آئیں گے

اس موقع پرڈائریکٹر جنرل پارکس طحہ سلیم، ایڈیشنل کمشنر کراچی ڈاکٹر وقاص روشن، سینئر ڈائریکٹر کلچر اینڈ اسپورٹس سید خورشید شاہ، ڈائریکٹر ویمن اسپورٹس کمپلیکس ناہید عابدہ، ڈائریکٹر اسپورٹس کمپلیکس کنور ایوب، ڈائریکٹر کلچر شمس مسعودی ، سابق سینئر بیوروکریٹس، اعلیٰ افسران اور طلبا کی بڑی تعداد بھی موجود تھی۔