Reporter SS
لندن: برطانوی ماہرین نے انکشاف کیا ہے کہ کرونا وائرس سے متاثرہ شخص کے جسم کو چھونے والا پانی بھی وبا کو پھیلانے کا سبب بن سکتا ہے۔
برطانیہ میں کرونا وائرس کے باعث صورت حال تشویشناک ہوگئی، وزیر اعظم بورس جانسن کے علاوہ وزیر صحت کے کرونا ٹیسٹ بھی پازیٹیو آئے جبکہ اب تک متاثر ہونے والے افراد کی تعداد گیارہ ہزار سے تجاوز کرگئی۔ اسٹین فورڈ یونیورسٹی کے ماہرین نے کرونا وائرس پھیلنے اور اس کی روک تھام کے حوالے سے ایک مطالعہ کیا جس میں یہ بات سامنے آئی کہ کووڈ دراصل سارس کوو 2 سے ہی جڑا ہوا ہے۔
ماہرین کے مطابق کرونا وائرس پانی کی وجہ سے بھی پھیل سکتا ہے۔ تحقیق میں یہ بات بھی سامنے آئی کہ کرونا مریض کے جسم کو لگنے والے پانی میں جراثیم گھنٹوں زندہ رہتا ہے۔
رپورٹ میں بتایا گیا ہے کہ بیت الخلا کے پانی سے کرونا وائرس پھیل سکتا ہے جس کی روک تھام کے لیے اقدامات کرنا ضروری ہیں۔
ماہرین کے مطابق وائرس انسانی گردوں کو متاثر کرتا ہے اور جب وہ پیشاب کرتا ہے تو وائرس پانی میں شامل ہوجاتا ہے جو 17 روز تک زندہ رہنے کی صلاحیت بھی رکھتا ہے۔ رپورٹ میں انکشاف کیا گیا ہے کہ متاثرہ شخص جب رفع حاجت کے بعد پانی استعمال کرتا ہے تو یہ بھی وائرس سے آلودہ ہوکر سیوریج میں شامل ہوجاتا ہے۔
تحقیقی ٹیم کی سربراہ الیگزینڈرا کا کہنا ہے کہ ’ہمارے سامنے یہ بات آئی کہ کرونا وائرس سے متاثرہ شخص اگر پانی استعمال کرتا ہے تو یہ سب کے لیے خطرناک ثابت ہوسکتا ہے‘۔
اُن کا کہنا تھا کہ ہمیں پینے کے پانی کو صاف کرنے کے فوری انتظامات کرنا ہوں گے تاکہ اُس میں شامل وائرس کو فوری طور پر ختم کیا جاسکے۔ انہوں نے شہریوں کو مشورہ دیا کہ وہ پانی استعمال کرنے میں احتیاط کریں۔
سان فرانسسکو: سوشل میڈیا ایپ کے صارفین پر نظر رکھنے والے ادارے کی رپورٹ میں بتایا گیا ہے کہ کرونا وائرس کے بعد واٹس ایپ کے استعمال میں اضافہ دیکھا گیا۔
ڈیٹا کنسلٹنگ فرم کینٹر کی جانب سے جاری کردہ رپورٹ میں بتایا گیا ہے کہ کرونا وائرس پھیلنے کے بعد سے اب تک دیگر ایپس کے مقابلے میں واٹس ایپ کے استعمال میں چالیس فیصد اضافہ ہوگیا۔
رپورٹ میں بتایا گیا ہے کہ لاک ڈاؤن کے دوران صارفین واٹس ایپ پر ویڈیو چیٹ، کالز اور میسجنگ سروس کا استعمال زیادہ کررہے ہیں جبکہ گھر سے کام کرنے والے ملازمین بھی رابطوں کے لیے پیغام رسانی کی ایپلیکیشن کو استعمال کررہے ہیں۔
فرم کی رپورٹ کے مطابق کرونا وبا کے ابتدائی دنوں میں ایپ کے استعمال میں 27 فیصد اضافہ دیکھا گیا تھا البتہ اب یہ 40.70 فیصد تک پہنچ گیا اور اس دوران سب سے زیادہ واٹس ایپ کا استعمال اسپین میں ہوا ہے۔
رپورٹ کے مطابق واٹس ایپ استعمال کرنے والے صارفین کی زیادہ تعداد 18 سے 34 برس کے درمیان ہے۔ یہ بات بھی سامنے آئی کہ فیس بک اور انسٹاگرام کے استعمال میں بھی اضافہ ہوا ہے۔
یونیسیف کی رپورٹ کے مطابق دنیا کے مختلف ممالک میں ہونے والے لاک ڈاؤن کے بعد تین ارب سے زائد لوگ گھروں پر محصور ہیں۔
کوئٹہ: صوبہ بلوچستان میں وبائی مرض کے دو مریضوں نے کروناوائرس کو شکست دے دی۔
تفصیلات کے مطابق بلوچستان حکومت کے ترجمان لیاقت شاہوانی کا کہنا ہے کہ بلوچستان میں کرونا وائرس کے 2 مریض مکمل صحت یاب ہوچکے ہیں۔ دونوں مریض شیخ زید اسپتال میں زیر علاج تھے۔
انہوں نے بتایا کہ علاج کے بعد دونوں افراد کی کرونا رپورٹ منفی آئی، دونوں افراد کو اسپتال سے فارغ کردیا گیا ہے۔
قبل ازیں اسکردو میں کرونا وائرس سے 2مریض صحتیاب ہوئے، دونوں مریضوں کو رپورٹ منفی آنے پر گھر بھجوا دیا گیا، دونوں مریض کروناٹیسٹ مثبت آنے پر آئسولیشن وارڈ میں زیر علاج تھے۔
خیال رہے ملک بھر میں کرونا کےکیسزکی تعداد 1200 سے تجاوز کر گئی جبکہ کرونا سے جاں بحق افراد کی تعداد 10 ہوگئی ہے۔ اعدادو شمار کے مطابق پنجاب میں کرونا کیسز کی تعداد 408 تک جا پہنچی ہے۔
سندھ میں 429، بلوچستان میں 131، خیبر پختونخوا میں147، اسلام آباد میں 27 کرونا وائرس کے کیسز رپورٹ ہوئے اور گلگت بلتستان 91،آزادکشمیر میں کروناکیسزکی تعداد دو ہے۔
پشاور : کورونا کےخلاف جاری جنگ میں خواتین پولیس اہلکار بھی میدان میں آگئیں، خواتین پولیس اہلکاروں نےدوران پور قرنطینہ میں پوزیشن سنبھال لی ہے۔
تفصیلات کے مطابق پشاور میں کورونا کےخلاف جاری جنگ میں خواتین پولیس اہلکاروں کی صف بندی ہوگئی اورخواتین پولیس اہلکاروں نےدوران پور قرنطینہ میں پوزیشن سنبھال لی۔
پولیس حکام کا کہنا ہے کہ 25 سے زائد خواتین پولیس اہلکارضلعی انتظامیہ کے ساتھ تعینات ہیں ، دوران پور قرنطینہ میں تفتان بارڈر سے آئےزائرین کورکھا گیاہے، قرنطینہ میں تعینات خواتین پولیس اہلکاروں کو خصوصی لباس فراہم کئے گئے ہیں۔
یاد رہے پشاور پولیس نے کورونا وائرس سے بچنے کے لئے چینی طرز کے حفاظتی سوٹ تیار کئے تھے، حفاظتی سوٹ سر، پاؤں، ہاتھوں سمیت پورے جسم کومحفوظ بنانےکیلئے استعمال ہوں گے۔
سی پی اوپشاور محمد علی گنڈاپور کا کہنا تھا کہ تفتان بارڈر سے آئے تمام زائرین کو قرنطینہ سینٹر میں منتقل کر دیا گیا ہے، تیار کئے گئے سوٹ قرنطینہ میں ڈیوٹی پراہلکاراستعمال کر رہے ہیں۔
محمد علی گنڈا پور کا مزید کہنا تھا کہ خصوصی پروٹیکشن سوٹ، پولیس لائن کے انٹری پوائنٹس، لاک ڈاؤن والے علاقوں اور مخصوص چیک پوائنٹس پر موجود اہلکاروں کو دیے جائیں گے۔
گذشتہ روز وزیراعلیٰ خیبر پختونخواہ کی جانب سےصوبے کے کمزور طبقے کیلئے ریلیف پیکج کا اعلان کیا گیا تھا، محمودخان کا کہنا تھا کہ صوبےکی43فیصدآبادی پیکج سےمستفیدہوگی اور 19 لاکھ آبادی کواحساس پروگرام کےتحت5ہزارماہانہ ملیں گے۔
وزیراعلیٰ کےپی کا کہنا تھا کہ پیکج ابتدائی 3ماہ کیلئےحالات کودیکھتےہوئےتوسیع بھی کی جاسکتی ہے، حکومت اس مقصد کیلئے11 ارب 60 کروڑروپے مہیا کرےگی۔
حکومت نےکاروبائی طبقےکیلئےٹیکسزمیں 5ارب کی چھوٹ دی ہے، محکمہ صحت کےلئے 8ارب روپےکاامدادپیکج اور محکمہ ریلیف کے لئے6 ارب روپےپیکج کی منظوری دی گئی ہے، ضرورت پڑنےپرترقیاتی پروگرام سےبھی کٹوتی کی جاسکتی ہے۔
کراچی: بلین مارکیٹ میں سونے کی فی اونس قیمت میں 25 ڈالر کا اضافہ ریکارڈ کیا گیا جس کی وجہ سے مقامی صرافہ بازاروں میں بھی قیمت بڑھ گئی۔
انٹرنیشنل مارکیٹ میں ٹریڈنگ کے دوران سونا 25 ڈالر اضافے کے بعد 1625 ڈالر فی اونس تک پہنچ گیا جس کی وجہ سے پاکستانی صرافہ بازاروں میں بھی فی تولہ قیمت میں 200 روپے کا اضافہ ریکارڈ کیا گیا۔
آل پاکستان جیولرز ایسوسی ایشن کی رپورٹ کے مطابق لاک ڈاؤن کی وجہ سے پاکستان کے تمام صرافہ بازار بشمول گولڈ بلین بند ہیں، اُس کے باوجود بھی فی تولہ اور دس گرام کی قیمتوں میں اضافہ ہوا۔
عالمی مارکیٹ میں اضافے کے بعد سونے کی فی تولہ قیمت 200 روپے اضافے کے بعد 96 ہزار 300 اور دس گرام کی قیمت 171 روپے اضافے کے بعد 82 ہزار 561 تک پہنچ گئی۔
اسی طرح اگر ایک گرام سونے کی بات کی جائے تو سونے کی قیمت 8 ہزار 353 روپے 21 پیسے ہوگئی جبکہ ایک ملی گرام سونا 8 روپے 35 پیسے تک پہنچ گیا۔
مانیٹرنگ ڈیسک: عالمی وباکورونا نےجب سے پوری دنیا میں حملہ کیاہے تب سے ہی سوشل میڈیا پر اس سے متعلق بہت سی جھوٹی معلومات اور ادائیں گردش کررہی ہیں
ایسے میںپپانچ کےتوڑ کےلئے ایپل کمپنی نےبھی کووڈ 19 ایپ اور ویب سائٹ متعارف کرائی ہےجہاں سے صارفین مصدقہ معلومات حاصل کرسکتے ہیں.
کمپنی کےمطابق ایپہاور سائٹ سی ڈی سیہ, کورونا وائرس ڑاسک فورس اور الگ آی ایم اے کے اشتراک سے سے بنائی گئی ہے. حس میں صارفین کےلئے احسن طریقے سےآگاہی اور رہنمائی فراہم کئ گئی ہے.
صارفین ایپل کووڈ-19 کو ایپ اسٹورز سےحاصل کرسکتے ہیں جب کہ سائٹ کے لئے /http://www.apple.com/covid19 پر کلک کرسکتے ہیں.
حجام کا کہنا ہے کہ صارفین ایپ یا سائٹ پر رابطہ کرکےسوالات پوچھ سکتے ہیں. ساتھ ہئ وائرس سے متعلق اہم معلومات, تحقیق اور مطالعہ بھی جان سکتے ہیں.
ایپل کمپنی کہ جانب سے کوشش کہ جارہی ہے کہ صارفین ایپ اور سائٹ کے ذریعے حقائق سے آگاہ رہیںہاس پر وائرس سے بچاؤ کے لئے تمام تر احتیاطی تدابیریں بھی تفصیلی بیان کی گئی ہیں.
کمپنی کا کہنا ہے کہ ایپ یا سائٹ استعمال کرنے کہ صورت میں صارفین کی معلومات کی حفاظت کی جائےگا.
لندن : کورونا وائرس کے پیش نظر پاکستانی نژاد برطانوی باکسر عامر خان نے اسلام آبادباکسنگ اکیڈمی حکومت پاکستان کو دینے کا اعلان کردیا اور کہا لوگوں کی زندگیاں بچانےکیلئے کردار ادا کرنا چاہتے ہیں۔
تفصیلات کے مطابق پاکستانی نژاد برطانوی باکسر عامر خان نے اسلام آبادباکسنگ اکیڈمی حکومت پاکستان کو دینے کا اعلان کرتے ہوئے کہا باکسنگ جم میں ایک ہزاربیڈز رکھنے کی گنجائش ہے، باکسنگ رنگ ہٹا دیں گے تاکہ مزید جگہ بن سکے۔
باکسرعامرخان کا کہنا تھا کہ لوگوں کی زندگیاں بچانےکیلئے کردار ادا کرنا چاہتے ہیں۔
اس سے قبل پاکستانی نژاد برطانوی باکسر عامر خان نے این ایچ ایس اسپتال کو زیر تعمیر 4 منزلہ عمارت عارضی اسپتال کے لیے دینے کی پیشکش کردی۔
باکسر عامر خان کا کہنا تھا کہ احساس ہے اسپتال میں اس وقت بیڈ ملنا مشکل ہے، این ایچ ایس زیر تعمیر عمارت کو مریضوں کے لیے استعمال کرسکتا ہے، عمارت بولٹن میں تعمیر کے آخری مراحل میں ہے، واضح رہے کہ 4 منزلہ عمارت میں عامر خان شادی ہال اور شاپنگ مال بنارہے ہیں۔
خیال رہے ملک بھر میں کورونا کےکیسزکی تعداد 1296 ہوگئی ہے جبکہ کورونا سے جاں بحق افراد کی تعداد 11 اور 23 افراد کورونا وائرس سےمکمل طور پر صحتياب ہوچکے ہیں۔
کابل : افغانستان میں سکھوں کی عبادت گاہ پرخودکش حملہ کرنے والابھارتی شہری نکلا ، حملہ آور کا تعلق بھارت کے شہر کیرالہ سے ہیں، اور اس کی تصویر تنظیم کے ایک پروپیگنڈا میگزین میں شائع ہوئی۔
تفصیلات کے مطابق بھارتی اخبار کا کہنا ہے کہ کابل گردوارے پرخودکش حملہ کرنے والابھارتی شہری ہے ، 25سکھوں کا قاتل انجینئر اور بھارت کے شہر کیرالہ کا رہائشی ہے۔
بھارتی اخبار کے مطابق حملہ آور کی تصویر تنظیم کے ایک پروپیگنڈا میگزین میں بھی شائع ہوئی ، تصویرمیں موجود شخص گزشتہ سال افغانستان میں ڈرون حملے میں ماراگیا تھا۔
خیال رہے کہ 25 مارچ کو افغانستان کے دارالحکومت کابل کے علاقے شور بازار میں خودکش بمباروں نے ایک گوردوارے پر حملہ کیا تھا، جس کے نتیجے میں25 افراد ہلاک ہوگئے تھے۔
افغان میڈیا کے مطابق گورود وارے پر حملہ کرنے والے چاروں خود کش حملہ آور بھی مارے گئے تھے، بعد ازاں کابل گوردوارے پر حملے کی ذمہ داری داعش نے قبول کی تھی۔
لاہور : لاہورمیں 24 سالہ نیوز اینکر میں کورونا وائرس کی تصدیق ہوگئی ہے، پنجاب میں کورونا وائرس کے کنفرم مریضوں کی تعداد 497 ہو گئی ہے جبکہ 5 افراد جاں بحق ہوچکے ہیں۔
تفصیلات کے مطابق پنجاب میں کوروناوائرس کےمریضوں کی تعدادمیں اضافہ ہوتا جارہا ہے،ذرائع کا کہنا ہے کہ 24 سالہ نیوز اینکر میں کورونا وائرس کی تصدیق ہوگئی ہے جبکہ نجی چینل کے2پروڈیوسرزپہلےہی وائرس سے متاثر ہیں۔
محکمہ صحت کا کہنا ہے کہ پنجاب میں کورونا وائرس کے کنفرم مریضوں کی تعداد 497 اور وائرس سےاموات کی تعداد 5 ہوگئی، جبکہ 4 مریض صحت یاب ہوچکے ہیں۔
ڈی جی خان سے207 زائرین، ملتان سے 46 زائرین اور لاہورمیں 116 افراد ، گجرات میں51،گوجرانوالہ9،جہلم19 ،راولپنڈی میں 15 مریضوں میں وائرس کی تصدیق ہوئی ہے۔
محکمہ صحت کے مطابق ملتان میں 3، فیصل آباد 9، منڈی بہاالدین 4، نارووال 1، رحیم یار خان 1 ، سرگودھا میں 2 ، اٹک اور بہاولنگر میں ایک ایک، میانوالی میں 2 مریضوں میں وائرس کی تصدیق ہوئی۔
ترجمان پرائمری اینڈ سکینڈری ہیلتھ کیئر کا کہنا ہے کہ تمام کنفرم مریض آئسولیشن وارڈز میں داخل ہیں،مریضوں کو مکمل طبی سہولتیں فراہم کی جا رہی ہیں، عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔
ترجمان نے مزید کہا کہ گزشتہ 14 روز میں متاثرہ ممالک سے آنے یا کنفرم مریضوں سے ملنے والے افراد گھر میں آئسولیشن اختیار کریں، متاثرہ ممالک سے آئے افراد میں آئسولیشن کے دوران علامات ظاہر ہوں تو 1033 پر رابطہ کریں، محکمہ صحت کی ریپڈ رسپانس ٹیمیں مشتبہ مریض کو اسپتال منتقل کر کے ٹیسٹ کروائے گی۔
کراچی : کراچی میں لاک ڈاؤن کے دوران شہریوں کی نقل و حرکت محدود رکھنے کیلئے سٹیزن مانیٹرنگ ایپ متعارف کرادی ، جس کے بعد شہری دن میں2سےزائد مرتبہ نقل و حرکت نہیں کرسکیں گے۔
تفصیلات کے مطابق کراچی میں لاک ڈاؤن کے دوران بلاضرورت باہر نکلنے پر اب گرفتاری ہوگی، اس سلسلے میں شہریوں کی نقل وحرکت محدودرکھنےکیلئےسٹیزن مانیٹرنگ ایپ متعارف کرادی ہے۔
ڈی آئی جی آپریشنز مقصود میمن کا کہنا ہے کہ پولیس سیکیورٹی اینڈ ایمرجنسی سروس ڈویژن نے ایپ متعارف کرائی، ایپ کا مقصد شہریوں کی نقل و حرکت محدود رکھنا ہے۔
،ڈی آئی جی آپریشنز نے کہا کہ ایپ چیک پوائنٹس پرافسران کےموبائل میں انسٹال ہوگی، روزانہ شہریوں کی نقل وحرکت کا ڈیٹا محفوظ کرتے رہیں گے، شہری دن میں2سےزائد مرتبہ نقل و حرکت نہیں کرسکے گا۔
مقصود میمن کا کہنا تھا کہ ثابت ہونے پرقانونی کارروائی عمل میں لائے جائے گی، ایپ میں کسی بھی شہری کےکوائف درج کئےجا سکیں گے، ایپ لاک ڈاؤن پرعملدارآمدمؤثربنانےمیں مددگار ثابت ہو گی۔ شہری گھروں میں محدود رہیں،کوروناسے محفوظ رہیں۔
خیال رہے سندھ کےشہریوں کی غیر سنجیدگی کےباعث آج سےسندھ بھرمیں لاک داؤن مزیدسخت کردیا گیا،میڈیکل اسٹورسمیت تمام دکانیں شام پانچ بجےبندہوجائیں گی۔
پولیس اوررینجرز نے گشت کے دوران اب تک گیارہ سوافراد گرفتاراورتین سوتیرہ افراد کےخلاف مقدمہ درج کرلیاگیا ہے، آئی جی سندھ مشتاق مہر نے حکومتی اقدامات پر عملدرآمد کیلئے پولیس کواحکامات جاری کردیے ہیں۔
آئی جی سندھ کاکہناہےکہ کورونا وائرس کا پھیلاؤ روکنے کیلئے لاک ڈاؤن میں مزید سختی کی جائے گی