ایمزٹی وی (تعلیم) جامعہ کراچی نے کلیہ سماجی سائنس کے تحت 3 دسمبر سے شروع ہونے والی عالمی کانفرنس میں ڈھاکا یونیورسٹی کے شعبہ بین الاقوامی تعلقات کے سربراہ پروفیسر ڈاکٹر امتیاز احمد کو شرکت سے منع کر دیا ہے۔ ڈھاکا میں پاکستان ہائی کمیشن نے ان کو کانفرنس میں شرکت کیلئے ویزا بھی جاری کر دیا تھا اور ان کی جہاز پر نشست بھی کنفرم تھی۔ انہوں نے عالمی کانفرنس سے کلیدی خطاب کرنا تھا۔ کلیہ سماجی سائنس کے سربراہ ڈاکٹر مونس احمد نے بتایا کہ سماجی علوم میں درپیش تغیراتی چیلجنز کے موضوع پر ہونے والی کانفرنس میں ڈاکٹر امتیاز احمد کو ڈھاکا سے خصوصی طور پر مدعو کیا گیا تھا۔ وہ اس سے قبل 5 مرتبہ پاکستان آ چکے تھے۔ تاہم اس مرتبہ وائس چانسلر نے ایک طلبہ تنظیم کے دبائو پر ڈاکٹر امتیاز کو شرکت سے روک دیا ہے۔ ڈاکٹر مونس احمد نے بتایا کہ کیمپس سیکورٹی افسرزبیر نے انہیں فون کر کے کہا کہ وائس چانسلر کی ہدایت ہے کہ ڈاکٹر امتیاز کو پاکستان آنے سے منع کر دیا جائے، جس پر میں نے انہیں اساتذہ جامعہ کراچی کے صدر ڈاکٹر جمیل کاظمی اور پروفیسر انیلا امبر ملک کو آگاہ کیا تاہم وہ بھی ڈاکٹر امتیاز کے سلسلے میں وائس چانسلر کو قائل نہ کر سکے۔ ڈاکٹر مونس احمد نے بتایا کہ انہوں نے دلبرداشتہ ہو کر ڈاکٹر امتیاز کو پاکستان آنے سے منع کر دیا۔ ڈاکٹر مونس احمد نے کہا کہ اس اقدام کے باعث اب غیر ملکی ماہرین کو بلانا مشکل ہو جائے گا اور بلانے سے قبل طلبہ تنظیموں سے این او سی لینا پڑے گی ۔
ایمزٹی وی (تعلیم) پنجاب کی طرز پر میٹرک اور انٹر کے پوزیشن ہولڈرز طلبہ کی حوصلہ افزائی کے لئے انہیں ایک لاکھ روپے فی کس دینے کی تقریب وزیراعلیٰ ہائوس میں 16دسمبر کو منعقد کی جائے گی ۔ وزیراعلیٰ سندھ قائم علی شاہ میٹرک اورانٹر کے پہلی پوزیشن لانے والے طالبعلم کو ایک لاکھ روپے فی کس کے ساتھ لیپ ٹاپ بھی دیں گے۔ تاہم ٹیکنیکل بورڈ کے پوزیشن ہولڈر طلبہ انعامات سے محروم رہیں گے کیوں کہ ٹیکنیکل بورڈ گورنر کے ماتحت ہے۔ جب کہ باقی تمام بورڈز وزیر اعلیٰ ہاوس کے ماتحت ہیں، 2014ء میں سندھ کے 6 میٹرک اورانٹربورڈز کے سالانہ امتحانات میں پہلی پوزیشن لانے والے طلباء و طالبات کی تعداد 38 ہے۔ انٹرمیڈیٹ بورڈ کراچی وہ واحد بورڈ ہے جس کے پہلی پوزیشن ہولڈرز کی تعداد 10 ہے جس کی وجہ ریگولر اور پرائیویٹ امتحانات کو جدا کرنا ہے۔ کراچی بورڈ کے 10 پوزیشن ہولڈرز میں پری میڈیکل کی بھوانہ بائی اور مہرین، محمد زبیر، پری انجینئرنگ کے محمد سنین حسن، جنرل گروپ کے حارث سلیم، کامرس ریگولر کے اشیش کمار، کامرس پرائیویٹ کی وراثہ اسلم، آرٹس ریگولر کی آمنہ اسلم، آرٹس پرائیویٹ کی صباء ادریس اور خصوصی طلبہ میں سعد شامل ہیں جبکہ میٹرک بورڈ کراچی میں سائنس گروپ میں مروہ تنویر، جنرل کی حافظہ صدیقی اور سماعت سے محروم طلبہ کے پوزیشن ہولڈرز احمد خان شامل ہیں۔ لاڑکانہ بورڈ سے جیا، محسن علی شاہ، ممتاز، احسن عباس، پریسا، مہر بانو، سکھر بورڈ سے ثناء اللہ، رضوان احمد، خالدہ خاتون، سبحان خان، سمیرا گل، فریحہ تبسم اور علی حسن، حیدرآباد تعلیمی بورڈ سے حورین، سید عارض مہدی، خانسا داد، فاروق عظیم، پارس بانو، آمنہ شمیم اور تسلیم جبکہ سکھر بورڈ سے نیل کنٹھ ، ولویرسنگھ ، حمیدہ، زرتاشا فاروق، تخیتا اشرف اور جان محمد شامل ہیں ۔
ایمز ٹی وی (فارن ڈیسک)
برطانیہ میں نئے پیدا ہونے والے بچوں کے ناموں میں’محمد‘ مقبول ترین نام بن گیا ہے۔
برطانیہ میں جہاں مسلمان نام مقبول ہو رہے ہیں وہاں لوگ اپنے نوزائدہ بچوں کے نام مشہور ٹی وی سیریز ’گیم آف تھرونز‘ جیسے ڈراموں کے کرداروں کے ناموں پر بھی رکھ رہے ہیں۔
بے بی سینٹر کے اعداد وشمار کے مطابق محمد کے علاوہ دیگر اسلامی نام بھی زیادہ مقبول ہوئے ہیں۔ مثلاً لڑکیوں نے ناموں میں ’نور‘ اب نہ صرف پہلے 100 ناموں میں آ گیا ہے بلکہ اس سال یہ 29واں مقبول ترین رہا۔
اسی طرح ’مریم‘ 59 درجے اوپر آنے کے بعد لڑکیوں کا 35واں مقبول ترین نام بن گیا ہے۔
عمر، علی اور ابراہیم بھی اس برس لڑکوں کے 100 مقبول ترین ناموں میں شامل ہیں۔
سنہ 2014 میں برطانیہ میں لڑکیوں کا مقبول ترین نام صوفیہ رہا، جو کہ گذشتہ برس امریکہ، برازیل، سپین اور روس میں بھی مقبول ترین ناموں میں رہا۔
بچوں کے ناموں کے اندراج کے سرکاری رجسٹر کے برعکس بےبی سینٹر کے اعدا وشمار میں کسی نام کے مختلف ہجوں کو ایک ہی نام تصور کیا جاتا ہے، مثلاً Muhammad, Muhammed اور Mohammad تمام کا مطلب ایک ہی نام یعنی ’محمد‘ لیا جاتا ہے۔
گذشتہ برسوں کی طرح سنہ 2014 میں شاہی نام زیادہ غیر مقبول رہے۔ مثلاً ’جارج‘ پہلے دس ناموں میں نیچے آ کر 13ویں نمبر پر رہا۔ اسی طرح ’ولیم ‘ اور ’ہیری‘ جیسے شاہی ناموں کی مقبولیت میں بھی اس برس کمی آئی ہے۔
ایمزٹی وی (اسلام آباد) (اے پی پی) زرعی واقتصادی ماہرین نے کہا ہے کہ پھلوں اور فصلوں کے پک کر تیار ہو جانے کے بعد برداشت کے عمل میں احتیاطی تدابیر اختیار کرکے سالانہ 5 ارب ڈالر کا قیمتی زرمبادلہ بچایا جا سکتا ہے۔ پکنے کے بعد برداشت کے عمل میں احتیاطی تدابیراختیارنہ کرنے سے پھلوں اور سبزیوں کی پیداوار میں 30 فیصد جبکہ غذائی اجناس کی پیداوار میں7 تا 8 فیصد کا نقصان ہو رہا ہے۔ پھلوں، سبزیوں اور زرعی اجناس کے نقصان کی بڑی اور بنیادی وجہ سٹوریج اور پیکنگ کی ناکافی سہولیات اور طریقہ کار ہے۔ اس سے نہ صرف کاشتکاروں کو سالانہ اربوں روپے کے نقصانات کا سامنا کرنا پڑتا ہے بلکہ غذائی خود کفالت اور غذائی تحفظ کے مسائل بھی پیدا ہوتے ہیں۔ زرعی ماہرمیاں عبید اللہ نے تجویز دی کہ آلو اور پیاز جیسی سبزیوں کے نقصانات میں کمی کےلئے ان سبزیوں کو نیٹ کے تھیلوں میں پیک کیا جائے جبکہ انہوں نے کہا کہ اقوام متحدہ کی جانب سے کئی ترقی پذیر ممالک میں غلہ کو ذخیرہ کرنے کےلئے 15سوتا 25 کلوگرام کی استعداد کے حامل ٹین کے تیار کردہ چھوٹے سیلوز فراہم کئے جارہے ہیں۔ پاکستان میں بھی غلے کو چھوٹے پیمانے پر ذخیرہ کرنے کے لئے یہی طریقہ اختیار کرنے کی ضرورت ہے۔ میاں عبیداللہ نے کہا کہ اس کے علاوہ زراعت کے شعبہ میں توانائی اور پانی بھی ضایع ہو رہا ہے جسکے خاتمے سے زراعی مداخلت میں کمی کی جاسکتی ہے۔ مارکیٹ اکانومی کی تجزیہ کاربینش طور نے اس حوالے سے کہا ہے کہ پاکستان غیر ملکی معاونت کے بغیراپنی پیداوار میں نمایاں اضافہ کر سکتا ہے۔ اگر زرعی شعبہ میں ہونے والے نقصانات پر قابو پا لیا جائے اور اس حوالے سے کسی بھی قسم کے اضافی اخراجات کی ضرورت نہیں ہے صرف پہلے سے دستیاب وسائل کے بہتر استعمال اور بہتر حکمت عملی سے کاشتکاروں کی آمدنی کو بڑھایا جاسکتا ہے۔ انہوں نے کہا کہ ملک میں توانائی کے ضیاع کا بنیادی سبب ناقص میٹریل سے تیار کئے جانے والے متروک اور پرانی ٹیکنالوجی کے حامل آلات ہیں۔ ضرورت اس امر کی ہے کہ جدید ترین بین الاقوامی ٹیکنالوجی سے استفادہ کو فروغ دیا جائے جس سے تیل کے درآمدی بل میں کمی کے ذریعے قیمتی زرمبادلہ بھی بچایا جاسکے گا۔
ایمزٹی وی (سوات) (اے پی پی )30 نومبر کوسوات میں قمبر بائی پاس سے نامعلوم شخص کی لاش برآمد کر لی گئی، جسے سیدوشریف ہسپتال منتقل کردیا گیا ہے۔ پولیس ذرائع کے مطابق قمبر بائی پاس سے ایک نامعلوم شخص کی لاش ملی ہے جس کی اطلاع پولیس کو دی گئی۔ پولیس نے لاش کو برآمد کرنے کے بعد پوسٹ مارٹم کے لئے سیدوشریف ہسپتال منتقل کردیا ہے۔ متوفی کی عمرچالیس سال تک معلوم ہوتی ہے جسے شناخت کے لئے ہسپتال میں رکھا گیا ہے۔ پولیس کے مطابق شناخت نہ ہونے کی صورت میں لاش کو میونپل کمیٹی کے حوالے کیاجائے گا۔
ایمزٹی وی (کھیل) پاکستان کرکٹ بورڈ نے سعید اجمل کے مشکوک بولنگ ایکشن کا ٹیسٹ کرانے کے لئے انٹرنیشنل کرکٹ کونسل سے رابطہ کرلیا جب کہ ترجمان پی سی بی کا اس حوالے سے کہنا ہے کہ آئی سی سی کے جواب کا انتظار ہے اور ای میل آنے کے بعد سعید اجمل کے بولنگ ایکشن کا ٹیسٹ کرایا جائے گا۔ ذرائع کے مطابق آئی سی سی کا آف اسپنر سعید اجمل کے ایکشن کا معائنہ انگلینڈ کی بائیو مکینکس لیب سے کرائے جانے کا امکان ہے۔
” دوسرا” کے موجد ثقلین مشتاق نے پی سی بی کو یقین دہانی کراتے ہوئے کہا ہے کہ سعید اجمل کے بازو کا خم 15 ڈگری کے اندر آچکا ہے اور لندن کے ٹیسٹ سینٹر سے دو مرتبہ ابتدائی ٹیسٹ کرایا گیا ہے جو کہ تسلی بخش رہا۔
پاکستانی جادوگر اسپنر سعید اجمل کے بولنگ ایکشن کو رواں سال اگست میں مشکوک قرار دیا گیا تھا جس کے بعد ان پرعالمی کرکٹ کے دروازے بند کردیئے گئے جس کے باوجود وہ اب تک ایک روزہ میچزمیں بہترین بولرز کی فہرست میں پہلے نمبر پر ہیں۔
ایمزٹی وی (کھیل) پاکستان کرکٹ بورڈ نے سعید اجمل کے مشکوک بولنگ ایکشن کا ٹیسٹ کرانے کے لئے انٹرنیشنل کرکٹ کونسل سے رابطہ کرلیا جب کہ ترجمان پی سی بی کا اس حوالے سے کہنا ہے کہ آئی سی سی کے جواب کا انتظار ہے اور ای میل آنے کے بعد سعید اجمل کے بولنگ ایکشن کا ٹیسٹ کرایا جائے گا۔ ذرائع کے مطابق آئی سی سی کا آف اسپنر سعید اجمل کے ایکشن کا معائنہ انگلینڈ کی بائیو مکینکس لیب سے کرائے جانے کا امکان ہے۔
” دوسرا” کے موجد ثقلین مشتاق نے پی سی بی کو یقین دہانی کراتے ہوئے کہا ہے کہ سعید اجمل کے بازو کا خم 15 ڈگری کے اندر آچکا ہے اور لندن کے ٹیسٹ سینٹر سے دو مرتبہ ابتدائی ٹیسٹ کرایا گیا ہے جو کہ تسلی بخش رہا۔
پاکستانی جادوگر اسپنر سعید اجمل کے بولنگ ایکشن کو رواں سال اگست میں مشکوک قرار دیا گیا تھا جس کے بعد ان پرعالمی کرکٹ کے دروازے بند کردیئے گئے جس کے باوجود وہ اب تک ایک روزہ میچزمیں بہترین بولرز کی فہرست میں پہلے نمبر پر ہیں۔
ایمزٹی وی (تجارت) (اے پی پی) ایشیائی آئل مارکیٹ میں پیر کو خام تیل کی قیمتوں میں مزید کمی کا رجحان جاری رہا اور خام تیل کی قیمت 5سال کی کم ترین سطح پر آگئی جسکی وجہ اوپیک کی طرف سے خام تیل کی پیداوار میں کٹوتی نہ کرنے کا فیصلہ ہے۔ کاروباری ہفتہ کے پہلے روز امریکا کے ویسٹ ٹیکساس انٹرمیڈیٹ کے جنوری میں ڈیلیوری کیلئے اہم معاہدے 1.55 ڈالر کی کمی سے 64.60 ڈالر فی بیرل میں طے پائے جو کہ جولائی 2009ء کے بعد ڈبلیو ٹی آئی کی قیمت کی کم ترین سطح سے جبکہ برینٹ نارتھ سی کروڈ کے جنوری میں ڈیلیوری کیلئے اہم سودے 1.84 ڈالر کی کمی سے 68.31 ڈالر فی بیرل میں ہوئے ۔
ایمزٹی وی (فارن ڈیسک) جاپان کے طبی ماہرین کے مطابق الیکٹرانک سگریٹ عام سگریٹ کے مقابلے میں 10 گناہ زیادہ خطرناک ہوتی ہے کیونکہ اس میں شامل کارسینوجن نامی مادہ عام سگریٹ کے مقابلے میں 10 گناہ زیادہ مقدار میں پایا جاتا ہے جو کہ سرطان جیسے موذی مرض کو انسانی جسم میں پیدا کرنے کا ذریعہ بنتا ہے۔ طبی ماہرین کے مطابق لوگ بالخصوص نوجوانوں میں الیکٹرانک سگریٹ کااستعمال عام سگریٹ کے مقابلے میں بڑھتا جارہا ہے۔
عالمی ادارہ صحت کی جانب سے الیکٹرانک سگریٹ کو نوجوانوں کے لئے ایک سنگین خطرہ قراردیتے ہوئے دنیا کے تمام ممالک سے اس کی فروخت پرپابندی لگانے کا مطالبہ کیا جاچکا ہے
ایمزٹی وی (تجارت) سندھ اور بلوچستان کے چاول کے کارخانہ داروں نے کھلی مارکیٹ میں چاولوں کی خریداری نہ ہونے اور غیر ممالک کو ایکسپورٹ بند ہونے کی وجہ سے احتجاجاً چاول کے کارخانے غیر معینہ مدت کے لئے بند کردئیے۔ رائس ملرز اینڈ ٹریڈرز ایسوسی ایشن کے صدر عبد العزیز ابڑو کے مطابق چاولوں کی خریداری بند ہونے کی وجہ سے سندھ اوربلوچستان کے700چاول کے کارخانے غیر معینہ مدت کے لئے بند کر دئیے گئے ہیں۔ انہوں نے کہا کہ چا ول کے کارخانہ دار شدید معاشی مسائل کا شکار ہیں اور اس صورتحال میں حکومت کو پاسکو کے ذریعے چاول کی خریدری کرنی چاہئیے۔ چاول کی کھلی مارکیٹ میں خریداری نہ ہونے کی وجہ سے اس وقت تیرہ سوٹرک چاول کراچی میں ان لوڈ نگ کے لئے کھڑے ہیں۔ انہوں نے کہا کہ وفاقی حکومت پنچاب کی طرح سندھ اور بلوچستان میں پاسکو کے ذریعے چاول کی خریداری شروع کرے اور چاول کے تاجروں کو سبسڈی دی جائے۔ چاولوں کے بڑے بڑے ذخائر جمع ہو جانے سے کھلی مارکیٹ میں دھان کی خریداری پر بھی منفی اثرات پڑ سکتے ہیں جسکی وجہ سے چاول کے کاشکاروں کو بھی مشکلات کا سامنا کرنا پڑ سکتا ہے۔ادھردوسری جانب ایوان زراعت نے کہا ہے کہ رائس مل مالکان نے ایک منصوبے کے تحت پہلے ہی دھان کی قیمتوں میں ڈھائی سو روپے کی کمی کر دی ہے اور اس وقت ایک ہزار روپے فی من کے حساب سے فروخت ہونے والی دھان کی فصل محض ساڑھے700 روپے میں خرید کی جا رہی ہےاور رائس ملوں کے بند ہونے سے یہ نرخ مزید کم ہو سکتے ہیں ۔