ایمزٹی وی (فارن ڈیکس) اردن کے ڈرائیور نے "کنگ آف ڈرفٹ" کا تاج اپنے سر سجالیا ۔ دبئی کے موٹر فیسٹول میںڈرفٹنگ کا سالانہ مقابلہ ہوا ۔ یو اےای، عمان، کویت، لبنان، اردن، مصراور تیونس سے آئے16 ماہر کار ڈرفٹرز نے ایسے کرتب دکھائے کہ دیکھنے والے دنگ رہ گئے۔اردن کے احمد Daham نے ڈرفٹنگ چمپئین شپ میں سب کو مات دے کر مقابلہ اپنے نام کرلیا، دبئی موٹر فیسٹول 6 دسمبر تک جاری رہے گا ۔
ایمزٹی وی (راولپنڈی) محکمہ زراعت پنجاب کے مطابق خوردنی تیل کی ملکی ضروریات پوری کر نے کے لیے تیل دار فصلوں کی کاشت کو فروغ دینا وقت کی اہم ضرورت ہے تاکہ درآمد پر انحصار کم سے کم ہو۔ ترجمان نے کہا کہ پاکستان ملکی ضروریات کا صرف 34 فیصد خوردنی تیل پیدا کر تا ہے جبکہ باقی 66 فیصد درآمد کرنا پڑتا ہے جس پر کٹیر زر مبادلہ خرچ ہوتا ہے ۔ترجمان نے مزید بتایا کہ سورج مکھی کا شمار بھی تیل دار فصل میں ہوتا ہے تاہم سورج مکھی کی زیادہ پیداوار حاصل کرنے کے لیے صحیح وقت پر اس کی کاشت انتہائی ضروری ہے ۔ تاخیر سے کاشت کرنے کی صورت میں نہ صرف اس کی پیداوار میں کمی آجاتی ہے بلکہ اس سے تیل بھی کم حاصل ہوتا ہے ۔ بیرونی علاقوں میں اس کی کاشت کا انحصار زیادہ تر بارشوں کے پھیلائو پر ہوتا ہے ۔ سورج مکھی کی فصل سال میں دو مرتبہ کاشت کی جا سکتی ہے ۔ ایک موسم بہارمیں اور دوسری موسم خزاں میں ۔
ایمز ٹِ وی (فارن ڈیسک)
برازیل کے شہر ریو میں تقریبا 2000 جوڑوں کی اگزشتہ روز ایک ان ڈور اسپورٹس کمپلکس میں شادی ہوئی جو شہر کی تاريخ کی سب سے بڑی اجتماعی شادی تھی۔
لاطینی امریکہ کے اس شہر میں مقامی انتظامیہ کی کوششوں کے نتیجے میں اب یہ سالانہ تقریب بن چکی ہے جس میں کم آمدن والے طبقے سے ایسے افراد کی امداد کی جاتی ہے جو اپنی شادی کے اخراجات نہیں اٹھا سکتے۔
ایک اندازے کے مطابق اسٹیڈیم میں اس موقعے پر تقریباً 12 ہزار افراد جمع ہوئے تھے۔اس اجتماعی شادی کی تقریب میں شامل ہونے کے اہل وہ لوگ ہیں جن کی ماہانہ آمدنی ایک ہزار امریکی ڈالر سے کم ہو۔
اس اجتماعی تقریب کی صدارت رضاکارانہ طور پر سول ججوں نے کی، جبکہ مذہبی عیسائی رہنماؤں نے بھی رشتۂ ازدواج میں بندھنے والے جوڑوں کو دعائیں دیں۔
اس تقریب کا نام ’آئی ڈو ڈے‘ یعنی ’ہاں مجھے قبول ہے‘ کا نام دیا گیا ہے۔
ایمز ٹی وی( نیوز ڈِسک)
راولپنڈی- یونین آف جرنلسٹس کی جانب سےڈان نیوز، دنیا ٹی وی، ، اور ابتک ٹی وی کی میڈیا ٹیم اور ڈی ایس این جی پر حملوں کی بھرپور مذمت کی گئی- انھوں نے حکومت سے مطالبہ کیا کہ ملزمان کوجلد ازجلد گرفتار کیاجائے۔
ایمز ٹی وی (فارن ڈِسک)
جنوبی کوریا کے دارالحکومت سیﺅل کے قریب امریکی ایئر فورس کے ہیڈ کوارٹر کو فائرنگ کی اطلاع پر بند کردیا گیا۔ رپورٹ کے مطابق اوسان ایئر بیس کے اندر واقع امریکن ہائی اسکول میں فائرنگ کی اطلاع پر پورے بیس کو بند کردیا گیا امریکی حکام نے اسکول کی تلاشی لینے کے بعد بیس کو دوبارہ کھول دیا اور بتایا کہ اس واقعہ میں کوئی شخص ہلاک یا زخمی نہیں ہوا-جبکہ یہاں مقیم فوجی اہلکاروں ‘ سویلین ملازمین اور ان کے اہل خانہ کی مجموعی تعداد ساڑھے سات سے آٹھ ہزار تک ہے
ایمز ٹی وی (فارن ڈِسک)
ہانگ کانگ میں جمہوریت کے حامی مظاہرین کی طرف سے حکومت کے ہیڈ کوارٹر کا گھیراؤ کرنے کی کوشش کے بعد پولیس اور مظاہرین کے درمیان تصادم ہوا ہے۔
جھڑپ کے وقت مظاہرین نے چھتریاں اٹھا رکھی تھیں جو ان کی تحریک کی علامت ہے، جبکہ پولیس کے پاس لاٹھیاں اور مرچوں کے اسپرے تھے۔
احتجاج میں اس وقت تیزی آئی جب پولیس نے مظاہرین کے کئی کیمپوں میں سے ایک کو ہٹانا شروع کر دیا۔
گذشتہ دو مہینوں سے جاری اس احتجاجی تحریک کا مقصد چینی حکومت کی جانب سے بنائے گئے ان قوانین کی منسوخی ہے جس کے تحت چین ہانگ کانگ میں سنہ 2017 میں منتخب چیف ایگزیکٹیو کی چھان بین کر سکتا ہے۔
ایمزٹی وی (اسلام آباد) روسی بینک نے پاکستان اسٹیل ملز کی مرمت اور بحالی کیلیے ایک ارب ڈالر قرضہ دینے کی پیشکش کر دی۔ وینش تورگو بینک کے سینئر ایگزیکٹو نے گزشتہ روز وفاقی وزیر خزانہ اسحاق ڈار سے ملاقات کی اور پیشکش کی کہ ان کا بینک پاکستان اسٹیل ملز کے علاوہ پاکستان میں توانائی منصوبوں کیلیے بھی مزید ایک ارب ڈالر دینے کیلیے تیار ہے۔ اس موقع پر ٹیکنو پرو میکسو پورٹ کے ڈائریکٹر جنرل سرگئی توپور گیلکا بھی موجود تھے۔ وفاقی وزیر خزانہ سینیٹر اسحاق ڈار نے ٹیکنو پرو میکسو پورٹ کمپنی کی دیامر بھاشا ڈیم کی تعمیر میں دلچسپی لینے کے عمل کو سراہا ۔ وفاقی وزیر خزانہ نے روسی بینک کے عہدیداروں سے کہا کہ وہ توانائی سیکٹر کے علاوہ پاکستان کے دوسرے منصوبوں میں بھی دلچسپی لیں۔ وفاقی وزیر نے وفد کو بتایا کہ پاکستان کی حکومت اسٹیل ملز کی 26 فیصد ایکویٹی کی نجکاری چاہتی ہے، وہ پاکستان کو قرضہ دینے کے بجائے اس عمل میں حصہ لیں۔ یاد رہے کہ وفاقی وزیر خزانہ اعلیٰ سطح کے وفد کے ساتھ ماسکو کا دورہ کر رہے ہیں۔ وفاقی وزیر نے ملاقات کرنے والے تمام وفود کو پاکستان میں بجلی کے بحران اور اس کے خاتمے کیلیے اپنی حکومت کی پالیسی سے تفصیل سے آگاہ کیا ۔
ایمزٹی وی (کراچی) ایرانی پھلوں کی بھرمار سے پاکستان کی ہارٹی کلچر انڈسٹری کے لیے مشکلات بڑھ گئی ہیں، ایران سے بڑے پیمانے پر انگور، سیب اور انار پاکستان میں ڈمپ کیا جارہا ہے جس کی قیمت مقامی پھلوں سے کم ہے۔ ایرانی پھلوں کی یلغار کے سبب پاکستانی فارمرز اور پھلوں کے آڑہتیوں کو نقصان کا سامنا ہے، زرعی شعبہ پہلے ہی بلند لاگت اور مختلف قسم کے موسمیاتی اثرات کی وجہ سے دباؤ کا شکار ہے، اب ایرانی پھلوں کی بڑھتی ہوئی درآمد نے پاکستانی پھلوں کے کاشتکاروں کو بحران سے دوچار کردیا ہے۔ ذرائع نے بتایا کہ ایرانی پھلوں کے لیے پاکستانی مارکیٹ کھلی ہوئی ہے لیکن خود ایران نے پاکستانی پھلوں بالخصوص ترش پھلوں پر بھاری ڈیوٹی عائد کررکھی ہے جس کی وجہ سے پاکستان کے لیے ایران کو اپنے پھل فروخت کرنا مشکل ہورہا ہے، اس طرح پاکستان کو ایران کے ساتھ پھلوں کی تجارت میں خسارے کا سامنا ہے۔ زیادہ تر ایرانی پھل اسمگل کرکے پاکستان میں لائے جارہے ہیں جن کی قرنطینہ جانچ بھی نہیں کی جاتی۔ قرنطینہ جانچ نہ ہونے کی وجہ سے ایرانی پھل پاکستان میں زرعی بیماریوں کے پھیلاؤ کا سبب بن سکتے ہیں ۔
ایمز ٹی وی( فارن ڈیسک)
روم ....رومن کیتھولک عیسائیوں کے پیشوا پوپ فرانسس نے مسلمان رہنماوں پر زور دیا ہے کہ وہ اسلام کے نام پر ہونے والی ’دہشت گردی‘ کی مذمت کریں ۔ترکی کے تین روزہ دورے کے بعد روم واپس جاتے ہوئے طیارے میں بات چیت کرتے ہوئے پوپ فرانسس نے کہا کہ وہ اُس نقصان کو سمجھتے ہیں جو اسلام کے دہشت گردی سے جُڑنے کے مخصوص تصور سے ہوا ہے ۔۔ پوپ نے اُن لوگوں کی مذمت کی جو تمام مسلمانوں کو دہشت گرد کہتے ہیں۔ ا
ایمز ٹی وی (لاہور) پنجاب کےوزیراعلیٰ محمدشہبازشریف کا کہنا ہے کہ عمران خان نےملک دشمن ایجنڈے کااعلان کیاہے۔عمران خان نے ملک بند کرنے کے لئےاس تاریخ کاچناؤ کیاجس دن پہلےبھی دشمنوں نے پاکستان توڑا تھا ۔ان کی ملک بند کرنے کی دھمکی پاکستان کےخلاف اعلانِ جنگ ہے شہباز شریف نےکہاکہ لندن پلان کی ناکامی کے بعد عوام پلان سی کو بھی"سی آف" کر دیں گے،ان کا کہنا تھا کہ عمران خان کی پاکستان بند کرنے کی دھمکی ملک وقوم کے مفادات کے منافی ہے