ایمزٹی وی (کراچی)  قبل ازیں پی ایچ ایف کی سلیکشن کمیٹی نے 2 روزہ ٹرائلز کے بعد 13 نومبر کو 20 کھلاڑیوں کا اعلان کیا تھا، قوی امکان ہے کہ ایونٹ میں محمد عمران ٹیم کے کپتان رہیں گے، ہالینڈ میں لیگ کھیل کرگذشتہ دنوں واپس آنے والے راشد محمود اور رضوان سینئر کی اسکواڈ میں شمولیت یقینی ہے، چیف سلیکٹر اولمپئن اصلاح الدین صدیقی جمعرات کو ہاکی کلب آف پاکستان اسٹیڈیم کراچی میں اپنے ساتھی سلیکٹرز ایازمحمود، خالد بشیر، مصدق حسین اور چوہدری محمد ارشد کے ہمراہ قومی ٹیم کا اعلان کریں گے۔

اس موقع پر فیڈریشن کے سیکریٹری رانا مجاہد بھی موجود ہوں گے،چیمپئنزٹرافی بھارت کے شہر بھوبھنیشور میں 6 سے 14 دسمبر تک شیڈول ہے، قبل ازیں منتخب20 ممکنہ کھلاڑیوں میں عمران بٹ، امجد علی، محمد عمران، محمد عرفان، سید کاشف شاہ، عماد شکیل بٹ، محمد توثیق، راشد محمود، رضوان جونیئر، زوہیب اشرف اور تصور عباس، شفقت رسول، وقاص شریف، عمربھٹہ، دلبراحمد، رضوان سینئر، علی شان، ارسلان قادر، اظفر یعقوب اور رضوان علی شامل ہیں، مظہرعباس، مبشرعلی، ابوبکر، عاطف مشتاق، رانا محمد عمیر، نوحیز زاہد ملک، شان ارشاد، محمد نوید اور محمد عتیق جونیئر اسٹینڈ بائی کھلاڑی ہیں، دریں اثنا کیمپ کمانڈنٹ اور ہیڈ کوچ اولمپئن شہناز شیخ کے مطابق قومی اسکواڈ کا اعلان ہوتے ہی کیمپ اختتام پذیر ہوجائے گا، بعدازاں قومی ٹیم ایونٹ میں شرکت کیلیے 2 دسمبر کو واہگہ کے راستے بھارت روانہ ہوجائے گی۔

ایمز ٹی وی (سیالکوٹ)  بھارت نے ایک مرتبہ پھر ورکنگ باﺅنڈری پربلا  اشتعالولہ باری اور فائرنگ شروع کردی ہے اورآج  صبح چارواہ سیکٹر میں بلااشتعال گولہ باری شروع کردی جس کا چناب رینجرز نے بھرپور جواب دیا اور دشمن کی توپیں خاموش کرادیں ۔تفصیلات کے مطابق  آج صبح بھارتی فورسز نے ورکنگ باﺅنڈری پر چارواہ سیکٹرمیں بلااشتعال گولہ باری شروع کردی جس دوران بھاری مشین گنوں کا استعمال کیاگیا اور مارٹرگولے بھی فائرکیے گئے ۔بھارتی فورسز نے چناب رینجرز کی چیک پوسٹوں اور سرحدی دیہات دھمالہ ، جروال ، چارواہ ، رڑکی اعواناں سمیت دیگردیہاتوں کو نشانہ بنایاتاہم کسی جانی نقصان کی اطلاع نہیں ملی ۔بھارتی فورسز کی بلااشتعال گولہ باری ، فائرنگ پر چناب رینجرز نے بھرپور جوابی کارروائی کی اور دشمن کی توپیں خاموش کرادیں ۔

ایمزٹی وی (پشاور) محکمہ صحت خیبر پختونخوا نےایک روزہ پولیوبچاؤ مہم کی رپورٹ جاری کردی جس کے مطابق پشاور شہر میں 12 ہزار 224 والدین نے بچوں کو قطرے پلانے سے انکار کر دیا۔

رپورٹ کے مطابق 30 نومبر کو پشاور میں ایک روزہ انسداد پولیو مہم کے دوران 31 ہزار 452 بچے پولیو قطرے پینے سے محروم رہے  جب کہ  12 ہزارسےزائد والدین نے بچوں کو پولیو ویکسین دینے سے انکار کیا۔ حساس یونین کونسل شاہین مسلم ٹاؤن میں 344 جبکہ یونین کونسل متھرا میں 499  والدین نے بچوں کو پولیو قطرے پلانےکی اجازت نہیں دی ۔ پولیو قطرے پلانے سے انکار کے کیسز چغر مٹی، ہریانہ، ریگی ، یکہ توت، میرہ کچوڑی، بڈھ بیراورمریم زئی کے علاقوں میں سامنے آئے۔

ایمز ٹی وی (فارن ڈیسک)امریکا نے چھوٹے بچوں کیلئے ایسے چائلڈ فر ینڈلی ہیڈ سیٹ متعارف کروائے ہیں جنھیں احتیاطی تدابیر کو مدِ نظر رکھ کر فوم سے بنایا لیا گیا ہے-نر م وملائم فوم سے بنے ان ہیڈ فونز کو بچے کھینچیں ،پھینکیں یا،چبا ئیں بچوں کو کوئی نقصان نہیں پہنچے گا اور نہ ہی وہ  اسے توڑ سکیں گے ۔منفرد رنگوں میں تیار کردہ یہ ہیڈ فونز بچوں میں بے حد مقبول ہو رہے ہیں یہی نیہی بلکہ اس سے بچوں کو پڑھنے میں بھی مدد ملے گی -اس کے علاوہ یہ ہیڈ فونز 40 امریکی ڈالر میں ہر بچے  کے بھی ہو سکتے ہیں۔