ایمز ٹی وی (اسلام آباد) وزیر اعظم ہاؤس کے ترجمان نے وضاحت کی ہے کہ وزیر اعظم نواز شریف نے ملک کو پولیو سے پاک کرنے کیلئے چھ ماہ کی ڈیڈلائن نہیں دی۔وزیراعظم ہاؤس سے جاری اعلامیے میں کہا گیا ہے کہ گذشتہ روز وزیر اعظم کے زیر صدارت پولیو اسٹیرنگ کمیٹی کے اجلاس میں وزیر اعظم نے پولیو کے خاتمے کیلئے تمام صوبوں کو اقدامات کرنے کی ہدایت کی تھی۔ اعلامیے میں کہا گیا ہے کہ وزیراعظم کی جانب سے چھ ماہ کی کوئی ڈیڈ لائن نہیں دی گئی۔ ترجمان کے مطابق، وزیراعظم نے ملک میں تمام بچوں کو پولیو کے قطرے پلانے کی ہدایت کرتے ہوئے جنگی بنیادوں پر اقدامات کرنے کا حکم دیا ہے۔
ایمز ٹی وی (لاہور) سانحہ ماڈل ٹائون میں گاڑیوں کے شیشے توڑنے کے مجرم گلو بٹ نے سزا کے خلاف لاہورہائیکورٹ میں درخواست دائر کی، جس میں موقف اختیار کیا کہ گاڑیوں کے شیشے توڑنے پر 11 سال کی سزا انصاف کے منافی ہے اور اس کے ڈنڈے سے کسی کا جانی نقصان نہیں ہوا بلکہ صرف گاڑیوں کے شیشے ٹوٹے ہیں۔ درخواست میں استدعا کی گئی کہ جرم چھوٹا ہے لیکن اس کی سزا بڑی دی گئی اس لئے سزا کم کی جائے۔ عدالت نے درخواست پر گلو بٹ کے دستخط نہ ہونے پر درخواست واپس کردی اور گلو بٹ کے وکیل کو ہدایت کی کہ وہ اپنا تصدیق شدہ وکالت نامہ جمع کرائیں۔ واضح رہے کہ 17 جون کو لاہور کے علاقے ماڈل ٹاﺅن میں شہریوں کے املاک کو نقصان پہنچانے کے جرم میں انسداد دہشت گردی کی خصوصی عدالت نے مجرم گلو بٹ کو 11 سال 3 ماہ قید کی سزا سنائی تھی۔
وزیرا
ایمز ٹی وی (اسلام آباد) قائم مقام چیف جسٹس جواد ایس خواجہ کی سربراہی میں 3 رکنی بینچ نے وزیراعظم نااہلی سے متعلق کیس کی سماعت کی۔ دوران سماعت جب عدالت نے کیس کوئٹہ منتقل کرنے کا کہا تو تحریک انصاف کے وکیل عرفان قادر نے اس پر اعتراض اٹھاتے ہوئے کہا کہ ہمارے کیس کی باری آتی ہے تو ہمیں سنا نہیں جاتا، عدالتی فیصلے کے خلاف نظرثانی درخواست دائر کروں گا یہ میرا قانونی حق ہے اورکیس کی پیروی کے لئے کوئٹہ نہیں جاؤں گا۔ جسٹس جواد نے عرفان قادر کو مخاطب کرتے ہوئے کہا کہ آپ کو سارا دن کوئٹہ میں سنیں گے، آئین کے آرٹیکل 63 کے تحت وزیراعظم کی نااہلی کے لئے براہ راست اسپیکر کے پاس جانا نہیں بنتاجس پر تحریک انصاف کے وکیل کا کہنا تھا کہ کیس میں انصاف ہوتا دکھائی نہیں دے رہا۔ اس موقع پر جسٹس سرمد جلال عثمانی نے ریمارکس میں کہا کہ وزیر اعظم پر لگائے گئےالزامات اب تک ثابت نہیں ہوئے جبکہ وزیراعظم اورآرمی چیف کے درمیان اکثر ملاقاتیں ہوتی رہتی ہیں اوروزیراعظم نے اسمبلی فلورپرجو بھی کہا آرمی چیف نے اس کی تردید نہیں کی۔ واضح رہے کہ سپریم کورٹ وزیراعظم نواز شریف کی نااہلی کے خلاف تین مختلف درخواستوں کی سماعت کر رہی ہے جس میں موقف اختیار کیا گیا کہ وزیراعظم نے اسمبلی کے فلور پرغلط بیانی سے کام لیا جس کے بعد وہ آرٹیکل 62،63 کے تحت صادق اور امین نہیں رہے۔ وزیراعظم نااہلی کیس کی سماعت کوئٹہ میں 10 نومبر کوہوگی ۔
ایمز ٹی وی (اسلام آباد) وزیراعظم نوازشریف کی زیرصدارت وفاقی کابینہ کااجلاس وزیراعظم ہاﺅس میں جاری ہے، اس موقع پر وزیراعظم نے استفسار کیا کہ اب تک کیا ایکشن لیا گیا جس پرخواجہ آصف کا کہنا تھا کہ متاثرہ صارفین کو ریلیف دینے کے اقدماات شروع ہوگئے ہیں اور کابینہ کے فیصلےکے مطابق صارفین کی شکایات کا ہرصورت ازالہ کیاجائے گا، اجلاس کے دوران وزارت منصوبہ بندی کی کارکردگی سے متعلق کابینہ کوبریفنگ دی گئی وزیراعظم نے وزیر پانی و بجلی کو ہدایت کی کہ اووربلنگ کے معاملے میں ملوث عناصر کی بھی نشاندہی ہونی چاہیے اور صارفین کے حقوق کاتحفظ اورانکی شکایات کا ازالہ ہرصورت یقینی بنایا جائے، جبکہ وزیر پانی وبجلی خواجہ آصف نے کابینہ کو اوور بلنگ کے معاملے پر بریفنگ دیتے ہوئے بتایا کہ اووربلنگ کے معاملے سے نمٹنے کے لئے جامع میکنزم بنا رہے ہیں اور اس میں جہاں خرابی ہوئی اس کی نشاندہی کر رہے ہیں۔ اجلاس میں وزارت پانی و بجلی، ریلوے اور دیگر محکموں کی ڈیڑھ سالہ کارکردگی کا جائزہ لیا جارہا ہے۔
ایمز ٹی وی (کراچی) شہر قائد میں ایدھی فاؤنڈیشن کے بعد چھیپا ویلفئیر ایسوسی ایشن سے لاکھوں روپے لوٹ لئے گئے۔ تفصیلات کے مطابق کراچی میں شارع فیصل پر صدر پولیس اسٹیشن سے چند گز کی فاصلے پر ایف ٹی سی اوور ہیڈ برج سے متصل واقع چھیپا ویلفئیر سینٹر کے مرکزی دفتر میں موٹر سائیکل پر سوار 10 افراد آئے اور انہوں نے اسلحے کے زور پر وہاں موجود تمام عملے کو یرغمال بنالیا، ڈاکو 40 منٹ تک انتہائی پرسکون حالت میں پورے سینٹر کو الٹ پلٹ کرکے وہاں سے 50 لاکھ روپے نقد لوٹ کرلے گئے، شہر قائد کی پولیس نے مقدمہ درج کرکے کارروائی شروع کردی ہے۔ واضح رہے کہ گزشتہ ماہ بھی 8 سے 10 ملزمان معروف سماجی کارکن عبدالستار ایدھی کو یرغمال بناکر کروڑوں روپے مالیت کی ملکی اور غیر ملکی نقدی اور امانت کے طور پر رکھوائے گئے طلائی زیورات لوٹ کر فرار ہوگئے۔
ایمز ٹی وی(فارن ڈیسک)ایران کے نیول افواج کے سربراہ ایڈمرل علی فدوی نے دھمکی دی ہے کہ خلیج کے پانیوں میں موجود امریکی بحری بیڑا واپس نہ گیا تو ایران اسے تباہ کر دے گا۔انھوں نے دعویٰ کیا کہ ایرانی فوج صرف پچاس سیکنڈز کے کم وقت میں امریکی بحری بیڑے کو تباہ کرکے سمندر میں غرق کرنے کی صلاحیت رکھتی ہے۔علی فدوی نے انکشاف کیا کہ امریکا نے سوئس سفارتخانے اور دیگر ذرائع سے ایرنی فوج کے ساتھ رابطوں کی بحالی کی متعدد کوششیں کیں-مگر ایران نے مجموعی طور پر اسے مسترد کر دیا-
ایمز ٹی وی (کراچی) سندھ حکومت نے 3 اضلاع کے ڈپٹی کمشنرز کا تبادلہ کر کے ان کی جگہ نئے ڈی سی تعینات کر دیئے ہیں۔ڈی سی ایسٹ سمیع صدیقی، ڈی سی ساﺅتھ مصطفی جمال اور ڈی سی کورنگی زبیر چنا کا تبادلہ کرتے ہوئے تینوں ڈپٹی کمشنروں کو محکمہ ایس اینڈ جی ڈی اے کو رپورٹ کرنے کی ہدایت کی گئی ہے۔ ڈی سی ساﺅتھ مصطفی جمال قاضی کی جگہ آصف جان، ڈی سی ایسٹ سمیع صدیقی کی جگہ نسیم راجپوت اور ڈی سی کورنگی زبیر چنا کی جگہ آصف جان کو تعینات کیا گیا ہے۔
ایمزٹی وی:(اسلام آباد) چین کے ای یو آن انجینئرنگ گروپ(Eeyuan) پاکستان ریلویزکے500 پلوں، شاہدرہ لاہور سے پشاور تک مختلف مقامات پر438 کلو میٹر ریلوے ٹریک کی ڈبلنگ50 مقامات پر ریلویزکراسنگ پر انڈر پاسز،250 مقامات پر ریلویز کراسنگ پر فلائی اوور اور 375 کلو میٹر ریلوے ٹریک کو تبدیل کرکے نیا ٹریک بچھانے کے حوالے سے سروے کرکے اپنی فزیبلٹی رپورٹ آئندہ سال2015 فروری میں چین اور پاکستان کی حکومت کو فراہم کریگی۔ نیا ٹریک بچھائےجانے کے بعد ریلوے ٹرین کی رفتار85 سے105کلومیٹر فی گھنٹہ سے بڑھ کر 120 کلو میٹر فی گھنٹہ تک پہنچ جائیگی
پاکستان ریلویزکے ذرائع نے بتایاکہ چین نے ریلویز کے مختلف شعبوں میں ساڑھے 3 ارب ڈالرکی سرمایہ کاری کرنے کا فیصلہ کیاہے،اس سلسلے میں چینی کمپنی کراچی سے پشاور تک ریلویزٹریک،پلوں،لیول کراسنگ کا سروے کررہی ہے،کمپنی چین اور پاکستانی حکومت کویہ سروے رپورٹ فراہم کریگی جسکے بعد اس منصوبہ پرعملی طور پرکام شروع کیا جائیگا
چینی کمپنی 2 ہزار340 ریلویز پلوں اورگیارہ سرنگوں اور ایک ہزار4سوکلومیٹر ریلوے ٹریک کا بھی از سرے نومعائنہ کریگی اور انکی حالت کے حوالے سے اپنی رپورٹ تیارکریگی۔ذرائع کا کہنا ہے کہ اس منصوبہ کے مکمل ہونے کے بعد پاکستان ریلویزایک بار پھر سے منافع بخش ادارہ بن جائیگا، ٹرینوں کی آمدورفت بروقت ہوجائے گی کم سے کم وقت ٹرینیں اپنے منزل تک پہنچ جائینگی۔
ایمز ٹی وی (اسلام آباد) وزیراعظم نواز شریف سے آرمی چیف جنرل راحیل شریف نے ملاقات کی، ملاقات میں ملک کی موجودہ سیکورٹی کی صورت حال پر تبادلہ خیال کیا گیا اور دہشتگردی کے خلاف مضبوط حکمت عملی بنانے پر اتفاق بھی کیا گیا،اس موقع پر وزیر اعظم کا کہنا تھا کہ پاک فوج نے قوم اور ملک کے تحفظ کے لیے شاندار روایات قائم کی ہیں،پاک فوج کی کوششوں سے ملک کو دہشت گردی اور انتہا پسندی کے عفریت سے چھٹکارا ملے گا،پوری قوم مسلح افواج کی دہشت گردی کے خلاف کوششوں کی پیچھے کھڑی ہے دہشت گردوں کے خلاف جاری حالیہ آپریشن میں مشترکہ حکمت عملی اور کوششوں پر تبادلہ خیال کے علاوہ وزیراعظم نے آپریشن ضرب عضب میں کامیابیوں اور مسلح افواج کی قربانیوں پربھی خراج تحسین پیش کیا۔
