ایمزٹی وی (فارن ڈیکس) نیوزی لینڈ کرکٹ کے اعلامیے کے مطابق کپتان برینڈن مک کیولم، ٹم ساؤتھی اور ٹرینٹ بولٹ کے ہمراہ نیوزی لینڈ روانہ ہورہے ہیں جہاں وہ سری لنکا کے خلاف ہوم سیریز کی تیاری کریں گے۔ ان کی غیر موجودگی میں کین ولیم سن بلیک کیپس کی قیادت کریں گے۔ پاکستان اورنیوزی لینڈ کے درمیان دو ٹی ٹوئنٹی اور 5 ون ڈے میچ دبئی اور شارجہ میں کھیلے جائیں گے۔ ٹی ٹونٹی سیریز 4 دسمبر اور ون ڈے سیریز 8 دسمبر سے شروع ہورہی ہے۔ نیوزی لینڈ ٹیم میں روز ٹیلر، فاسٹ بولرایڈم میلن اورآل راونڈرانٹن ڈیوک کو شامل کرلیا گیا ہے۔ دیگر کھلاڑیوں میں کورے انڈرسن، ڈین براونلی، مارٹن گپٹل، میٹ ہنری، ٹوم ہنری، میشل مک کلینیگم، کیل ملز، جیمز نیشام، لیوک رونچی، روس ٹیلر اور ڈینئل وٹوری شامل ہیں۔ اس سے قبل ولیم سن جولائی میں ویسٹ انڈیز کے خلاف تین ون ڈے اور دو ٹی ٹونٹی میچز میں بلیک کیپس کی قیادت کرچکے ہیں ۔

ایمزٹی وی (فارن ڈیکس) اردن کے ڈرائیور نے "کنگ آف ڈرفٹ" کا تاج اپنے سر سجالیا ۔ دبئی کے موٹر فیسٹول میںڈرفٹنگ کا سالانہ مقابلہ ہوا ۔ یو اےای، عمان، کویت، لبنان، اردن، مصراور تیونس سے آئے16 ماہر کار ڈرفٹرز نے ایسے کرتب دکھائے کہ دیکھنے والے دنگ رہ گئے۔اردن کے احمد Daham نے ڈرفٹنگ چمپئین شپ میں سب کو مات دے کر مقابلہ اپنے نام کرلیا، دبئی موٹر فیسٹول 6 دسمبر تک جاری رہے گا ۔

ایمزٹی وی (راولپنڈی) محکمہ زراعت پنجاب کے مطابق خوردنی تیل کی ملکی ضروریات پوری کر نے کے لیے تیل دار فصلوں کی کاشت کو فروغ دینا وقت کی اہم ضرورت ہے تاکہ درآمد پر انحصار کم سے کم ہو۔ ترجمان نے کہا کہ پاکستان ملکی ضروریات کا صرف 34 فیصد خوردنی تیل پیدا کر تا ہے جبکہ باقی 66 فیصد درآمد کرنا پڑتا ہے جس پر کٹیر زر مبادلہ خرچ ہوتا ہے ۔ترجمان نے مزید بتایا کہ سورج مکھی کا شمار بھی تیل دار فصل میں ہوتا ہے تاہم سورج مکھی کی زیادہ پیداوار حاصل کرنے کے لیے صحیح وقت پر اس کی کاشت انتہائی ضروری ہے ۔ تاخیر سے کاشت کرنے کی صورت میں نہ صرف اس کی پیداوار میں کمی آجاتی ہے بلکہ اس سے تیل بھی کم حاصل ہوتا ہے ۔ بیرونی علاقوں میں اس کی کاشت کا انحصار زیادہ تر بارشوں کے پھیلائو پر ہوتا ہے ۔ سورج مکھی کی فصل سال میں دو مرتبہ کاشت کی جا سکتی ہے ۔ ایک موسم بہارمیں اور دوسری موسم خزاں میں ۔

ایمز ٹِ وی (فارن ڈیسک)

برازیل کے  شہر ریو میں تقریبا 2000 جوڑوں کی اگزشتہ روز  ایک ان ڈور اسپورٹس کمپلکس میں شادی ہوئی جو شہر کی تاريخ کی سب سے بڑی اجتماعی شادی تھی۔

لاطینی امریکہ کے اس شہر میں مقامی انتظامیہ کی کوششوں کے نتیجے میں اب یہ سالانہ تقریب بن چکی ہے جس میں کم آمدن والے طبقے سے ایسے افراد کی امداد کی جاتی ہے جو اپنی شادی کے اخراجات نہیں اٹھا سکتے۔

ایک اندازے کے مطابق اسٹیڈیم میں اس موقعے پر تقریباً 12 ہزار افراد جمع ہوئے تھے۔اس اجتماعی شادی کی تقریب میں شامل ہونے کے اہل وہ لوگ ہیں جن کی ماہانہ آمدنی ایک ہزار امریکی ڈالر سے کم ہو۔

اس اجتماعی تقریب کی صدارت رضاکارانہ طور پر سول ججوں نے کی، جبکہ مذہبی عیسائی رہنماؤں نے بھی رشتۂ ازدواج میں بندھنے والے جوڑوں کو دعائیں دیں۔

اس تقریب کا نام ’آئی ڈو ڈے‘ یعنی ’ہاں مجھے قبول ہے‘ کا نام دیا گیا ہے۔