ایمز ٹی وی (تجارت) ڈالر کی دستیابی اور روپے کی قیمت کے استحکام کو خطرہ ہے ، ایکسچینج کمپنیز کا کہنا ہے کہ اضافی ٹیکسوں کے باعث غیر قانونی کرنسی کا کاروبار عروج پر پہنچ چکا ہے ۔ ایکسچینج کمپنیز ایسوی ایشن آف پاکستان کے مطابق گزشتہ کئی سالوں سے فیڈرل ایکسائز ڈیوٹی سمیت سندھ ریونیو بورڈ کی جانب سے اضافی ٹیکس وصول کیا جا رہا ہے جس کے نتیجے میں غیر قانونی اور غیر رجسٹرڈ کرنسی کا کاروبار کرنے والوں کو فروغ مل رہا ہے ۔ دوسری جانب کروڑوں روپے ٹیکس ادا کرنے والی ایکسچییج کمپنیوں کو تحفظ کے نام پر ناکافی سیکورٹی کے بہانے پولس بند کر رہی ہے ۔ بڑھتے ہوئے مسائل پر اگر حکومت نے توجہ نہ دی تو ملک میں ڈالر کی دستیابی اور روپے کی قیمت کے استحکام کو خطرہ ہے ۔ ایکسچینج کمپنیز سالانہ 5 ارب ڈالر ملک میں بلا معاوضہ لاتیں ہیں جو ٹیکسٹائل انڈسٹری کے بعد ملک میں زرمبادلہ لانے کا بڑا ذریعہ ہے ۔ جب کہ اس صنعت سے 25 ہزار افراد کا روزگار وابستہ ہے ۔