Displaying items by tag: Health

ایمز ٹی وی ( تعلیم )حیدرآباد میں 25پرائمری اسکولوں کو صاف پانی اور حفظانِ صحت کی سہولیات کی فراہمی کا منصوبہ مکمل ہوگیا ہے۔ اس سلسلے میں کراچی میں قونصل جنرل جاپان، آکیراوچی اور سندھ ڈیویلپمنٹ اتھارٹی کے ایگزیکیوٹیو ڈائریکٹر، غفار ملک کی سربراہی میں تقریب منعقد کی گئی۔واضح رہے کہ حکومتِ جاپان کی معاوناتی اسکیم برائے انسانی تحفظ (GGP) کے تحت سندھ ڈیویلپمنٹ اتھارٹی کو دی جانے والی مالی امداد سے حیدرآباد کے 25پرائمری اسکولوں کے لئے 50 بیت الخلا، 25پانی کے پمپس وغیرہ فراہم کئے گئے ہیں جس کے معاہدے پر دستخط کی تقریب فروری 2015 میں منعقد کی گئی تھی۔ اس وقت ان اسکولوں میں تقریباً 2000طالبِ علم تعلیم حاصل کر رہے ہیں البتہ کسی اسکول میں بھی صاف پانی یا بیت الخلا کی سہولیات موجود نہ تھیں۔ حفظانِ صحت کی اس خراب صورتحال نے کئی بچوں کو اسکول جانے سے باز رکھا۔ اس منصوبے کی تکمیل سے حیدرآباد کے دیہی علاقوں میں تعلیمی ماحول میں بہتری اور طالبِ علموں کی تعداد میں نمایاں اضافہ کی امید ظاہر کی۔ جناب اوچی نے اس موقعے پر جاپانی عوام کی طرف سے پیش کی جانے والی اس مدد کو دونوں ممالک کے درمیان دوستانہ تعلقات کے فروغ میں ایک اہم قدم قرار دیا۔

ایمز ٹی وی (فارن ڈیسک)برطانیہ میں کی جانے والی تحقیق کے سربراہ اور یونیورسٹی آف ہل میں دل اور سانس کی بیماریوں کے شعبہ کے سربراہ کا کہنا ہے کہ کھانسی میں چاکلیٹ کھانے سے کھانسی جاتی رہتی ہے اور وہ کھانسی پر کئی سال کی تحقیق کے بعد اس نتیجے پر پہنچے ہیں اور ان کے پاس اس کے ٹھوس ثبوت بھی ہیں۔ ان کا کہنا ہے کہ اس کا ایک اہم ثبوت یہ ہے کہ اس وقت برطانیہ میں کھانسی کا سب سے زیادہ مؤثر سمجھا جانے والے سیرپ میں کوکا شامل کیا گیا ہے۔ تحقیق کے دوران یہ بات سامنے آئی کہ جو مریض کھانسی کے دوران ایسی ادویات کا استعمال کرتے ہیں جن میں چاکلیٹ موجود ہوتی ہے وہ اس بیماری سے تیزی سے اور اکثر اوقات تو صرف دو دن میں چھٹکارا حاصل کرلیتے ہیں۔ تحقیق کے دوران 163 مریضوں کا جائزہ لیا گیا اور اس کے نئائج حیرت انگیز تھے تاہم ان نتائج کو آئندہ سال پیش کیا جائے گا۔ چاکلیٹ سے متعلق ایمپریل کالج آف لندن میں کی گئی تحقیق میں کہا گیا ہے کہ کوکا میں پائی جانے والی تھیوبرومائن ایسا عنصر ہے جو کھانسی کو فوری طور پر کم کرنے میں مدد گار ہوتا ہے اور اکثر کھانسی کی ادویات میں اسے دیگر اجزا کے ساتھ شامل کیا جاتا ہے۔ ریسرچرزکا کہنا ہے کہ کھانسی کی نئی ادویات میں چاکلیٹ کی بڑی مقدار موجود ہے اور لوگوں میں تیزی سے مقبول ہورہی ہیں اور صرف 2 دن میں کھانسی سے نجات مل جاتی ہے، یہ ادویات انسانی دماغ کی رگوں گلے تک آتی ہیں اور انہیں محفوظ بناتی ہیں تاہم گرم چاکلیٹ کو پینے سے اس کے مؤثر ہونے میں کمی آجاتی ہے کیوں کہ یہ مرکب گلے کی شریانوں پر ٹچ نہیں ہوتا۔ محققین کا کہنا ہے کہ چاکلیٹ کو کھانسی کے دوران رفتہ رفتہ کھانے سے بھی فرق پڑتا ہے تاہم چاکلیٹ دیگر اجزا کے ساتھ مل کر مزید مؤثر ہوجاتی ہے۔ ڈاکٹرز کا کہنا ہے کہ یہ سوچ اب پرانی ہو چکی کہ کھانسی خشک یا گیلی یا پھر کسی اور قسم کی ہوتی ہے بلکہ کھانسی کی ایک ہی قسم ہے اور یہ کھانسی سانس کی اوپری نالیوں کے متاثر ہونے سے جنم لیتی ہے اور اس کے ساتھ فلو اور نزلہ بھی ہوجاتا ہے جب کہ انفیکشن کے لحاظ سے خشک یا گیلی کھانسی میں کوئی فرق نہیں اور دونوں ہی بلگم خارج کرتی ہے۔ چاکلیٹ سے بنی ادویات ہر طرح کی کھانسی میں مؤثر اور مفید ہوتی ہیں۔

ایمز ٹی وی(صحت)بڑھاپا خود ایک بڑی بیماری ہے اور اس عمر میں ہر بیماری زیادہ قوت اور شدت کےساتھ حملہ آور ہوتی ہے لیکن بڑھاپے میں یاداشت کی کمی ایک بڑا مسئلہ ہے جو زندگی کو اور بھی اجیرن بنا دیتا ہے لیکن اب ایک تحقیق میں انکشاف کیا گیا ہے کہ ایسے افراد کے رشتے داروں اور دوستوں کے ان کے ساتھ وقت گزارنا چاہیے جس سے وہ خود کو تنہا محسوس نہ کریں تو اس بیماری کی شدت کو روکا جاسکتا ہے۔

ایمز ٹی وی(صحت)نیویارک کے امریکی طبی ماہرین رات کو سونے سے پہلے کھانا کھانے کے نقصانات پہلے ہی بہت ذیادہ گنواتے رہتے ہیں،اور اب ایک نئی تحقیق نے ثابت کر دیا ہے کہ کمر کو پھیلانے کے ساتھ ساتھ انسانی دماغ کو بھی نقصان پہنچا تاہے لاس اینجلس کی یونیورسٹی آف کیلیفورنیا سے وابستہ تحقیق دان کی ٹیم نے چوہوں پر کھانے کے مختلف اوقات کے اثرات کا گہرائی سے مشاہدہ کیا۔سائنسدانوں پر دوران مشاہدہ انکشاف ہوا کہ چوہوں کے دو مختلف گروپوں پر مختلف وقتوں میں دیئے جانے والے اثرات مختلف ظاہر ہوئے تھے۔ رات کے وقت میں کھانا کھانے والے چوہوں کاوزن میں اضافہ ہوا اور سب سے بڑھ کر ان کے دماغ پر بھی اس کے منفی اثرات مرتب ہوئے ، سائنسدانوں کے مطابق انہوں نے اسں بات کا ثبوت حاصل کر لیاہے کہ کھانے کے وقتوں میں تبدیلی انسان کے سیکھنے اور یادداشت کے عمل پر منفی اثرات ڈالتی ہے اور رات کے کھانا کھانے سے دماغ کار کردگی متاثر ہوتی ہے۔

ایمزٹی وی (صحت )ایک نئے سروے کے مطابق ورزش کرنے سے سخت سردی اور دوسرے انفیکشن کے اثرات کم ہوجاتے ہیں کیونکہ ورک آوٹ کی پابندی کرنے سے جسم کا داخلی مدافعتی نظام مضبوط ہوجاتا ہے۔ چوزون یونیورسٹی گوانگجو جنوبی کوریا کے سائنسدانوں کی کی ہوئی یہ اسٹڈی پچھلے ماہ سائنٹفک رپورٹس میں شائع ہوئی ہے۔ سروے کے دوران کچھ چوہوں کو پانی میں ڈال کر ان سے زبردستی تیراکی کرائی گئی اور کچھ کو خشکی میں رکھا گیا۔ پھر دونوں قسم کے چوہوں میں ایسے جراثیم داخل کیے گئے جو اسکن انفیکشن اور نمونیے سے ملتی جلتی پھیپھڑے کی بیماری پیدا کرتے ہیں۔ جس کے بعد سائنسدانوں کو پتہ چلا کہ پانی میں مشقت کرنے والے چوہوں نے “ان فلیمیشن” کی بدولت بیماری کا مقابلہ کیا۔ جبکہ خشکی میں رہنے والے چوہے شدید بیمار پڑ گئے۔ سروے کے نگراں ڈاکٹر پارک کا کہنا ہے کہ انسانوں پر اثرات چوہوں سے مختلف نہیں ہونگے۔ اس بات پر ہمارا یقین اور پختہ ہوگیا ہے کہ لمبے عرصے تک ورزش کرنے سے ہمارے جسم کا مدافعتی نظام خاص طور پر موسمی بیماریوں جیسے کولڈ اور فلو کے خلاف لڑنے کے لیے زیادہ مضبوط ہوجاتا ہے۔

ایمزٹی وی (صحت) اپینڈکس کے شدید درد کی صورت میں اسے آپریشن کے لیے نکلوانے کے سوا کوئی دوسرا راستہ نہیں ہوتا لیکن ماہرین نے اب اپینڈکس انفیکشن کا کامیاب علاج اینٹی بائیوٹکس کے ذریعے ممکن بنانے کا دعویٰ کیا ہے۔ عام طور پر اپینڈکس کے درد اٹھتے ہی اسے فوری طور پر آپریشن کے ذریعے کاٹ کر نکال لیا جاتا ہے جسے اپینڈیکٹومی کہتے ہیں اور پاکستان میں اس کے ہزاروں آپریشن ہرسال ہوتے ہیں۔ کولمبس، اوہایو میں نیشن وائیڈ چلڈرن اسپتال کے ماہرین کے مطابق اپینڈکس کے مریضوں کی سرجری کے بجائے انہیں اینٹی بائیوٹکس دوائیں دی گئیں تو وہ ٹھیک ہوگئے اور انفیکشن فوری طور پر ختم ہوگیا۔ ماہرین کے مطابق اسپتال میں درجنوں مریضوں کی رگ میں اینٹی بائیوٹک انجیکشن لگائے گئے اور 24 گھنٹے کے بعد 10 روز تک انہیں اینٹی بایوٹکس کھلائی گئیں اور اگلے ایک برس تک انہیں سرجری سمیت کسی اور علاج کی ضرورت پیش نہ آئی اور وہ فوری طور پر تندرست ہوکر معمولات کی جانب لوٹ گئے،واضح رہے کہ اپینڈکس بڑی آنت کا ٹکڑا ہوتا ہے جو انفیکشن کا شکار ہوکر شدید تکلیف پیدا کرتا ہے اور بسا اوقات یہ جان لیوا بھی ہوجاتا ہے۔

ایمزٹی وی(صحت)اٹلی کے شہر سان وٹالیانو میں تیزی سے بڑھتی ہوئی آلودگی کے باعث پیزا بنانے پر عارضی طور پر پابندی عائد کر دی گئی ہے۔ سان وٹالیانو کے میئر نے تیزی سے بڑھتی ہوئی آلودگی کے باعث روایتی طریقے سے لکٹری کے کوئلے کا استعمال کرنے والی بیکریز اور پیزا بنانے پر پابندی عائد کر دی ہے۔ یہ پابندی اس وقت تک برقرار رہے گی جب تک روایتی طریقے سے بیکری آئٹمز اور پیزا بنانے والی کمپنیز کے مالکان آلودگی کو فلٹر کرنے والا سسٹم نہیں لگا لیتے۔ میڈیا رپورٹس کے مطابق ابتدائی طور پر یہ پابندی 31 مارچ 2016 تک لگائی گئی ہے تاہم اس عرصے کے دوران آلودگی کو کنٹرول کرنے والا سسٹم پوری طرح لاگو نہ ہو سکا تو اس پابندی کو بڑھایا بھی جا سکتا ہے۔ پابندی کی خلاف ورزی کرنے پر 1130 امریکی ڈالر جرمانہ ہو گا۔ واضح رہے کہ فضائی آلودگی سان وٹالیانو کا ایک دیرینہ مسئلہ ہے اور اس شہر کو چین کے دارالحکومت بیجنگ سے بھی زیادہ آلودہ شہر قرار دیا جا چکا ہے۔ 2015 میں سان وٹالیانو نے 114 مربتہ فضائی آلودگی سے تجاوز کیا جو اٹلی کے دوسرے آلودہ شہر میلان سے بھی زیادہ ہے جس نے رواں برس 86 مرتبہ فضائی آلودگی سے تجاوز کیا۔

ایمزٹی وی(ہیلتھ ڈیسک )انگلینڈ کی ایک تحقیق میں بتایا گیا ہے کہ بلڈ پریشر کے مریضوں کو صرف اس وقت ہی ادویات لینی چاہیں جب ان کی فشارِ خون کی سطح 140 سے تجاوز کرجائے۔حالیہ تحقیق کے مطابق فشارِ خون کی ادویات صرف اس صورت میں تجویز کی جائیں کہ اگر فشارِ خون ایک خاص حد سے تجاوز کر جاتا ہے۔ ماہرین سمجھتے ہیں کہ انسان کی طرزِ زندگی کے عوامل بھی فشارِ خون کو کم کرنے میں اہم کردار ادا کرتے ہیں

 ایمز ٹی وی (ہیلتھ ڈیسک) رات کو پر سکون اور میٹھی نیند کی خواہش میں لوگ کیا کیا جتن نہیں کرتے لیکن پھر بھی کچھ لوگوں کو خواب آور ادویات کا استعمال کرنا پڑ ہی جاتا ہے مگر اب ماہرین نے اس کا نہایت ہی آسان سا حل پیش کر دیا ہے۔

برطانیہ کی آکسفورڈ یونیورسٹی کے ماہرین نے ایک تحقیق میں یہ دلچسپ انکشاف کیا ہے کہ رات کو اندھیرے میں دانت برش کر کے سونے سے پر سکون اور میٹھی نیند آتی ہے۔

ماہرین کا کہنا ہے کہ سونے سے قبل دانتوں کو باتھ روم کی سفید روشنی میں برش کرنے سے یہ مصنوعی روشنی عین اس وقت ہمارے جسم کو جگانا شروع کردیتی ہے جب سونے کے لیے بستر پرلیٹ رہے ہوتے ہیں اس لیے اگر دانتوں پر برش باتھ روم کی روشنی بند کرکے کیا جائے تو اس عمل سے بہتر نیند کی جاسکتی ہے۔

ایمز ٹی وی (ہیلتھ ڈیسک) امریکی ماہرین کی ایک تحقیق کےمطا بق روزانہ دوگلاس اورنج جوس پینے سے دل کے امراض سے بچاؤ ممکن ہے۔ 

ماہرین کے مطابق مالٹوں میں قدرتی طو ر پر Hesperidin نامی پلانٹ کیمیکل پایا جاتا ہے جو جوس کی صورت میں جسم میں داخل ہو کر دل کے امراض سے محفو ظ رکھنے میں ایک اہم کر دار ادا کر تا ہے۔ 

تحقیق کے مطا بق روزانہ دو گلاس اورنج جو س پینے سے نا صرف دل کے امراض سے بچاؤ ممکن ہے بلکہ اس سے بلڈ پریشر بھی کنٹرول میں رہتا ہے۔