Displaying items by tag: Health

ایمزٹی وی(اسلام آباد) میڈیکل کے شعبے میں فارمیسی کو عالمی سطح پر بلند کیا جائے گا۔تٖفصیلات کے مطابق وزیر مملکت ہیلتھ سروسز آرگنائزیشن اینڈ کوآرڈینشن سائرہ افضل تارڑ نے پاکستان فارمیسی کونسل کے اجلاس سے خطاب کرتے ہوئے کہا ہے کہ میڈیکل شعبہ میں فارمسٹ کابنیادی کردار ہے اور اس شعبہ کو ترقی دینے کیلئے ملک میں فارمیسی کے تعلیم کے معیار کوبین الاقوامی سطح پرلایا جائے گا۔اس موقع پر کونسل کے سیکرٹری ڈاکٹر اے کیو جاوید اقبال نے پاکستان میں فارمیسی یونیورسٹیوں اور کالجز کے حوالے وزیر مملکت کوبریفینگ دی۔

ایمزٹی وی(چارسدہ)نوجوانوں میں ہیروئن کے استعمال کے بعد "آئس" کے استعمال میں تیزی سے اضافہ ہورہاہے۔ ذرائع کے مطابق "آئس‘‘ افغانستان میں امریکا اور نیٹو فورسزجنگی حکمت عملی کے تحت استعمال کرتی رہی ہیں۔ ’آئس‘‘ کے استعمال سے انسان میں 3 دن تک جنگجو صلاحیتیں اورغیر معمولی قوت پیدا ہوتی ہیں جب کہ 3 دن تک کھانے پینے اورنیند کی ضرورت بھی پیش نہیں آتی۔تفصیلات کے مطابق چارسدہ کے مختلف علاقوں میں نوجوان نسل مضر صحت ’’آئس‘ کا استعمال بہت تیزی سے کررہے ہیں جو کہ نہ صرف جنگی جنونیت بڑھانے، بھوک، پیاس اور نیند ختم کرنے کے لیے استعمال کیاجاتا ہے ۔آئس پاؤڈر جیسے مضر صحت ڈرگ انتہائی مہنگی ہے جس کے حصول کے لئے نوجوانوں میں اسٹریٹ کرائم کا اضافہ ہورہا ہے۔چارسدہ پولیس اوردیگر ذمہ دار اداروں نے آئس پاؤڈر کے روک تھام کے لئے مثبت اقدامات نہ کئے تواسٹریٹ کرائم، چوری، ڈکیتی کی وارداتوں سمیت دیگرمعاشرتی برائیوں میں خطرناک حد تک اضافہ ہوسکتا ہے۔

ایمز ٹی وی ﴿ہیلتھ ڈیسک﴾ امریکی طبی ماہرین نے نیا اور کم خرچ بلڈ ٹیسٹ متعارف کرادیا، خون کے ایک ہی قطرے سے موجودہ اور ماضی کے تمام وائرل انفیکشنز کا پتا چلایا جاسکے گا۔ 

وائراسکین (VirScan) نامی خون کے اس نئے ٹیسٹ کے ذریعے ماہرین ایک ہی بلڈ سیمپل کے ذریعے صحت کو خراب کرنے والے مختلف وائرس یا عوامل کا پتا چلاسکیں گے، اس ٹیسٹ کے ذریعے مریض کو ماضی میں لاحق بیماریوں کے وائرسز کا بھی پتا چلایا جاسکے گا۔

ایمز ٹی وی (ہیلتھ ڈیسک﴾ یوں تو موٹے بچے صحت کے کئی مسائل سے دوچار رہتے ہیں لیکن اسکول میں بھی ان کی کارگردگی اچھی نہیں ہوتی اسی سلسلے میں امریکہ میں کی گئی ایک تحقیق میں کہا گیا ہے کہ ایسے بچوں کی خراب کارگردگی کا ایک بڑا سبب انہیں ٹیچرز کی جانب سے نظر انداز کرنا بھی ہے۔

برطانیہ میں یونیورسٹی آف برمنگھم میں کی گئی ایک تحقیق میں کہا گیا ہے کہ موٹے بچے صحت کے مسائل سے دوچار یونے کے ساتھ ساتھ اسکول میں بھی خراب کارگردگی کا مظاہرہ کرتے ہیں لیکن اس خراب کارگردگی میں صرف ان کی کاہلی اور نااہلی وجہ نہیں ہوتی بلکہ ٹیچز کی جانب سے انہیں نظر انداز کرنا بھی اس کی ایک بڑی وجہ ہے۔ 

ریسرچ کی اہم رکن انجیلا میڈوز نے تحقیق سے متعلق کہا کہ ٹیچرز کا موٹے بچوں کے سے متعلق ماننا ہے کہ ایسے بچے نااہل ہوتے ہیں اس لیے وہ ان پر توجہ نہیں دیتے اور وہ کہتے ہیں کہ جن بچوں کا وزن بہت بڑھ جاتا ہے ان کی کاگردگی بھی متاثرہونے لگتی ہے لیکن تحقیق نے ثابت کیا ہے کہ ان بچوں میں ذہانت ہوتی ہے لیکن ٹیچرز کا متعصبانہ رویہ انہیں مزید نالائق بنا دیتا ہے۔ تحقیق کے مطابق اساتذہ کا یہ رویہ موٹے بچوں پر دور رس نتائج مرتب کرتا ہےاور انہیں ڈپریشن اور انجانے خوف میں مبتلا کردیتا ہے۔

ایمز ٹی وی ﴿ہیلتھ ڈیسک﴾ پاکستان سمیت دنیا بھر میں عالمی یوم انسداد تمباکو نوشی منایا جا رہا ہے۔ ماہرین کا کہنا ہے کہ قوانین پر عمل درآمد سے ہی نوجوان نسل کو اس بری عادت سے نجات دلائی جا سکتی ہے۔ پاکستان میں سگریٹ، پان، شیشہ اور سگار کی شکل میں تمباکو نوشی تیزی سے پھیل رہی ہے۔ 

ماہرین کا کہنا ہے کہ عوامی مقامات پر سگریٹ نوشی کرنے والوں کو جرمانے اور سزاؤں کے قانون پر عمل درآمد سے اس بڑھتے ناسور پر قابو پایا جا سکتا ہے۔ تمباکو نوشی کرنے والوں کی اکثریت اسے برا بھی سمجھتی ہے اور چھوڑنا بھی چاہتی ہے، تاہم زیادہ تر کی اب یہ مجبوری بن چکی ہے۔ پاکستان میں عوامی مقامات پر سگریٹ نوشی پر پابندی عائد ہے، تاہم قوانین پر عملدر آمد نہ ہونے کے باعث نوجوان نسل اس مضر صحت عادت میں مبتلا ہوتی جا رہی ہے۔

ایمز ٹی وی ﴿ہیلتھ ڈیسک﴾ ایک نئی تحقیق کے مطابق بچوں میں نمک کے زائد استعمال سے نہ صرف ان کے بالغ ہونے میں تاخیر ہوتی ہے بلکہ آگے چل کر ان کے تولیدی نظام کو بھی متاثرکرسکتی ہے۔

ماہرین کے مطابق بچوں میں مقررہ حد سے تین تا چار گنا زائد نمک کا استعمال ان میں کئی پیچیدہ امراض کی وجہ بن سکتا ہے اور بچے ذہنی تناؤ کا بھی شکار ہوسکتے ہیں۔ ڈبلن میں یورپین کانگریس آف اینڈو کرائنالوجی میں اپنی نوعیت کی پہلی تحقیق پیش کرتے ہوئے بتایا گیا کہ تجربہ گاہ میں چوہوں کو نمک کی مختلف خوراک دی گئیں اور جب انہیں تین سے چار گنا زائد مقدار میں نمک کھلایا گیا تو ان میں دیر سے بلوغت کے آثار دیکھے گئے لیکن دلچسپ بات یہ ہے کہ جن چوہوں کو نمک بالکل نہیں دیا گیا وہ بھی قدرے تاخیر سے بالغ ہوئے۔ 

ماہرین کا کہنا تھا کہ نمک کے زائد استعمال سے  تولیدی نظام بھی متاثر ہوتا ہے۔ عالمی ادارہ صحت کے مطابق ایک انسان کو روزانہ  پانچ گرام روزانہ نمک استعمال کرنا چاہیے جب کہ فاسٹ فوڈز کی وجہ سے بالخصوص مغربی ممالک  کی اکثر آبادی ہر روز زائد مقدار میں نمک کا استعمال کررہی ہے۔

ایمز ٹی وی ﴿ہیلتھ ڈیسک﴾ نارنجی میں وٹامن سی بکثرت پایا جاتا ہے جس کی وجہ سے اس کا استعمال جلد کی خوبصورتی، آنکھوں کی نشوونما اور جسم کا مدافعتی نظام مضبوط بناتا ہے تاہم جدید تحقیق کے مطابق اس کے باقاعدہ استعمال سے دماغی صلاحیتوں میں بھی حیرت انگیز اضافہ ہوتا ہے۔

برطانیہ کی ریڈنگ یونیورسٹی سے منسلک طبی ماہرین نے اپنی تحقیق کے دوران 60 سے 81 برس تک کی عمر کے افراد کو 2 ماہ تک روزانہ 500 ملی میٹر اورنج جوس پلایا ، اس دوران ان افراد کی گفتگو میں روانی، یادداشت اور ردِعمل میں بتدریج بہتری دیکھی گئی۔ ماہرین کا کہنا ہے کہ نارنجی میں فلیووینوئڈز نامی کیمیائی مادہ بڑی مقدار میں پایا جاتا ہے جو دماغ میں سیکھنے اور معلومات ذخیرہ کرنے والے ایک اہم حصے ’ہپوکیمپس‘ تک دماغی سگنل کی رسائی بہتر بناتا ہے۔

ماہرین کا کہنا ہے کہ دماغی کارکردگی کو بہتر بنانے کے لئے یہ لازمی نہیں کہ روزانہ اورنج جوس کی مقررہ مقدار ہی لی جائے تاہم دماغی صلاحیتوں کو بہتر بنانے اور دیگر بیماریوں سے محفوظ رہنے کے لئے اورنج جوس کو اپنے معمولات میں شامل کیا جائے کیونکہ یہ قدرتی ٹانک ہے جس کے کوئی نقصانات نہیں۔

ایمز ٹی وی (ہیلتھ ڈیسک) ہم دن بھر جو کچھ کھاتے اور پیتے ہیں وہ خون میں شامل ہو کر ناصرف ہمیں توانائی فراہم کرتا ہے بلکہ ہماری غذا بلاواسطہ یا بالواسطہ دماغی کارکردگی اور صلاحیت پر بھی اثرانداز ہوتی ہے ۔عالمی ادارہ صحت کے مطابق چند غذاؤں کے باقاعدہ استعمال سے انسانی ذہنی کارکردگی میں 20 فیصد اضافہ کیا جاسکتا ہے۔ آئیے جانتے ہیں 10 ایسی غذاوں کے بارے میں جن کے استعمال سے یاداشت میں بہتری لائی جاسکتی ہے۔

ایمز ٹٰ وی (ہیلتھ ڈیسک) آڑو نہ صرف ایک لذیذ پھل ہے بلکہ یہ انسانی صحت کے لئے بھی نہایت مفید ہے۔ماہرین کے مطابق آڑوسے بے انتہا فوائد حاصل ہوتے ہیں۔ طبی ماہرین کا کہنا ہے کہ آڑو کے اندر کیلوریز خاصی کم پائی جاتی ہیں تاہم آڑو فائبر ، وٹامنز اورمنرلز خاصی مقدار میں پائے جاتے ہیں۔ ماہرین مزید کہنا ہے کہ آڑو نے اندر موجود فائبر کی کثرت انسان کو کینسر جیسے مہلک مرض سے بھی بچاتی ہے کیونکہ آڑو کے اندر کینسر کے خلاف سب سے بڑی مزاحمت کرنے والا وٹامن اے موجود ہوتا ہے جبکہ اس پھل میں موجود وٹامن سی موجودگی دل کی بیماریوں سے بھی بچاتی ہے۔

انسانی جسم پراثرات

طبی ماہرین کا کہنا ہے کہ آڑو بینائی تیز کرتا ہے۔آڑو کھانے سے وٹامن ای اور ڈی انسانی جسم کا حصہ بنتے ہیں ۔

آڑو قبض ختم کرنے ،کمزورنظام ہضم درست اور سانس کو ترتیب میں لانے کا اہم سبب ہے ۔آڑو دوران خون کو توازن میں رکھتا ہے، جریان اور بواسیر کے مرض کیلئے مفید جبکہ دماغ کو طاقت دیتا ہے، کمزور ہاضمہ والوں کیلئے آڑو چھلکے سمیت کھانا نقصان دہ ہے۔

جلدی امراض میں مفید

ماہرین کے مطابق آڑو معدے کی تیزابیت کو دور کرکے نیا خون پیدا کرتا ہے جبکہ چہرے پر اس کا عرق لگایا جائے تو جلد نرم اور ملائم ہوجاتی ہے،آڑو گرمی کی شدت سے ہونے والی جلدی سوزش سے بھی نجات دلاتا ہے