ایمز ٹی وی (تعلیم /کراچی ) جامعہ کراچی کے سبکدوش ہونے والے شیخ الجامعہ ڈاکٹر محمد قیصر نے کہا کہ آج میں تمام اساتذہ کرام،غیرتدریسی عملے اور رفقاکار کا بیحد مشکور ہوں جن کی معاونت سے میں نے جامعہ کراچی کے وائس چانسلر کی خدمات انجام دیں ، میں نے جب اپنے عہدے کا چارج سنبھالااس وقت جامعہ کراچی نامساعد حالات کا شکار تھی،مگر میں نے مثبت اقدامات کئے اور جامعہ کراچی اب ایک صحیح سمت میں بہتری کی شاہراہ پر گامزن ہے وہ منگل کو اپنے عہدے کا چارج ڈاکٹر اجمل خان کو دینے کے بعد تقریب سے خطاب کررہے تھے،اس موقع پر نوتعینات وائس چانسلر پروفیسر ڈاکٹرمحمد اجمل خان نے ڈاکٹر محمد قیصر کی خدمات کو خراج تحسین پیش کیا۔